الجامعه العربيه المفتوحه

[al7noona]

بنات انا الحين بتخرج من الثانويه وناويه ادش الجامعه العربيه المفتوحه وين مكانهم وشلون طريقة التسجيل عندهم ومتى اروح اسجل اللي تعرف بعد معلومات عنها تقولي :>

 

[البـتول]

مشاركة: الجامعه العربيه المفتوحه

السلام عليكم ورحمة الله وبركاته

غاليتي الجامعة العربية المفتوحة تقع في خيطان قرب الدائري السادس

حبيبتي في الصيف ينزل اعلان عن بدء التسجيل ، و تروحين تسجلين تيبن معك شهادة الثانوية العامة وعلى ما اعتقد صورة بطاقة وصورة جواز ، وعشرة دنانير رسوم التسجيل

وهذا الرابط مال الفرع بالكويت http://www.arabou-kw.edu.kw/

تمنايتي لك بالتوفيق غالتي .. يسر الله امورك

 

[همس الورود]

مشاركة: الجامعه العربيه المفتوحه

أنصحج تشدين حيلج وتدخلين جامعة الكويت أحسن

بس اذا تبين الجامعة العربية هذا الرابط لمنتدانا تفضلي سجلي والاخوان مايقصرون كلش وياج وأذا تبين اي شئ أمري
www.q82.net

 

[[]نهاوند[]]

مشاركة: الجامعه العربيه المفتوحه

مثل ماقالت الأخت همس الورود شدي حيلج ودشي جامعة الكويت احسن لج
الدراسة بالجامعة المفتوحة صعبة جدا جدا جدا
بالتوفيق إن شاءالله

 

[karamella]

مشاركة: الجامعه العربيه المفتوحه

انا دخلتها سنه ونحشت امتحاناتها حدها صعببببببببببببببببببببببببه

 

[عنابه]

مشاركة: الجامعه العربيه المفتوحه

عزيزتي طيعي من خواتج وشدي حيلج وجيبي نسبه تأهلج لدخول جامعة الكويت أو حتى التربية الاساسية لأن الجامعة العربية مناهجها صعبة جدا ولازم تكونين ممتازة بالأنجليزي .

 

[F.A]

مشاركة: الجامعه العربيه المفتوحه

الظاهر احنا طلبه الجامعه العربيه لنا وجود قوى بمنتدى كويتيات انا طالبه حاسوب وهذا الكورس الرابع لى بالجامعه والحمد لله الدراسه حلوه والواحد يحصل المساعدات من كل الموجودين سواء بالمنتدى او الطلبه بس جامعه الكويت حضور يومى فيكون فيه التزام وحرص اما بالجامعه المفتوحه بما ان الماده تاخذينها بالاسبوعين مره للمواد الاجباريه والاختياريه فاتردين البيت وكل يوم اتاجلين الدراسه هذا عيبها ما فيه التزام بس الله يوفقنا

 

[همس الورود]

مشاركة: الجامعه العربيه المفتوحه

صاجه أختي حواء صبوره
أنا تخصص أنجليزي
الدراسة سهلة بس يبيلها مجابل وتفرغ تام .......... الله يوفقنا ونتخرج

 

[[]نهاوند[]]

مشاركة: الجامعه العربيه المفتوحه

انا بعد تخصصي انجليزي
متفرغة للدراسة ومو ملحقة
الله يعين

 

[الحياة]

مشاركة: الجامعه العربيه المفتوحه

حوراء دام انتي بالجامعه العربية ..
صج الي سمعته عنهم

انها مو معترف فيها ليلحين بالكويت او بمكان ثاني ..؟؟

وانا ودي اكمل ماجستير بالتربية عندهم بس شكيت بسالفة الاعتراف..؟؟ وخايفة منها ؟؟