الجزء الثاني سيناريو وحوار المعلمه والطلبه لضبط الصف

[fri2010]

السلام عليكم :eh_s(7):

شخباركم ابلات شلونكم عساكم بخير:rerrerek:

من فتره سويت موضوع عن سيناريو وحوار المعلمه مع الطلبه والاداره في اول يوم لها

اليوم ابي سيناريو وحوار المعلمه مع الطالبات لضبط الصف :eh_s(4):

يعني مثل لي وحده كانت تسولف ويا رفيجتها

ووحده ضحكت من غير سبب:krkrkr:

ووحده ناسيه تحل الواجب :eh_s(10):

او وحده ما يابت الكتاب

شنو رده فعلج وشنو تقولين لها:bbbiu:

شنو المصطلحات والكلمات اللي تقولينها في هذي المواقف او مواقف ثانيه غيرها

ومثل ما قلت نبي سيناريو وحوار :ggdw:

 

[fri2010]

للرفع

 

[بنات حواء2]

فراي احب هلمواضيع احسها مفيده
شوفي هذا الشي من البدايه من اول حصه تعلمينهم عن قوانين الصف الي ابصم بالعشر انهم عارفينها بس انتي نبهيهم عليها
و خليج وياهم حازمه خاصه اول اسابيع
اذا وحده ضحكت من غير سبب خليها تقوم توقف لانه هلوقفه تحرج الي بثانويه لانها بتحس انها ياهل
بس انتبهي لاتوقفينها وايد

اذا سولفوا سكتيهم باسلوب جاد مثل لو سمحتي سكتي و اذا سمعت صوت راح يصيرلي حجي ثاني وياكم
اذا تكرر الحجي فرقيهم

ناسيه تحل الواجب او مايابت الواجب نقصي بدرجتها و جدامها عشان تحس

المصطلحات الي نقولها مادري انا عن نفسي كل شي اقول بما ان في مصلحتهم

مثلن مو يايين نلعب الي تبيتلعب تنام في بيتهم احسن و توفر بانزين السياره
ههههههههههههههه
بس

 

[fri2010]

حلو حلو حلو عفيه بنت حواء انا دايما استفيد منج ومن طريقه تعاملج مع الطالبات

الله يعطيج العافيه

 

[ذكريات عشاق]

مشكوووورة فراااي على الموضوع
صج انا توني مثلج ما اعرف شيي
بس احس لو في بنات مشاغبات بالصف
طبعا اول شي راح افرقهم عن بعض
واذا نست تحل الواجب اول مرة سماح لكن اذا تكرر راح ينقص من الدرجه وجدامها بعد


اممممممم
وواكيد لي رجعه وتكون في شغلات ببالي

 

[fri2010]

مشكوره حبيبتي ذكريات على المشاركه يعطيج العافيه

 

[Cool Teacher]

انا اللي ماتحل الواجب اعطيها واجب ثاني معاه عشان تتعلم ما تنسى طبعا مع جم كلمة ...

 

[ذكريات عشاق]

يسسسسلموو فراي
واب لعيوونج واكيد لي عودة

 

[:: سمر ::]

ياحلوكم يا بنات
الله يسهل عليكم ويرزقكم الطالبات السنعات ويبعد عنكم الطالبات المبلتعات
شرايكم بالدعاء موفقين خير ان شاء الله حبايبي ​

 

[fri2010]

يعطيكم العافيه ما قصرتو

 

[^^ريهام^^]

السلام عليكم ورحمة الله وبركاته

حبيت أشارك معاكم

وانا ادرس ثانوي

يعني مثل لي وحده كانت تسولف ويا رفيجتها

أوقف البنات اللي يسولفون وأسألهم بهدوء وثقة (بدون عصبية) ليش تسولفين؟؟ وشنو هي سالفتج المهمة ؟ وليش ما تشاركينها معانا ؟؟ شنو فيج ؟؟ شنو نظامج ؟؟ مو فاهمة الدرس؟؟ عندج مشكلة بالبيت؟؟؟

يعني اشتغل لهم المحقق كولومبو ؟؟ طبعا طول ما انا موقفتهم اطالعهم بنظرة احتقار اذا اعتذروا اسامحهم اذا ما اعتذروا انزلهم درجات السلوك ؟؟ واذا عادوها ازفهم وافشلهم قدام البنات

ووحده ضحكت من غير سبب:krkrkr:

اول شي اخزها وانا معصبة واقومها واقولها بصوت عالي ليششششششششششش تضحكين ؟؟

اذا قالت ما في شي ( اقولها ليش تضحكين بروحج فيج شي يالله سترك ) ضحكينا معاج يمكن سالفتج تضحك مع اني ما اظن يطلع منج شي يونس (افشلها) واخليها واقفة عشر دقايق وعقاب لها اعطيها واجب زيادة عن البنات ويكون عليه درجات

ووحده ناسيه تحل الواجب :eh_s(10):

او وحده ما يابت الكتاب

اول مرة ما انقص درجاتها بس اذا كررتها انقص درجاتها واذا تبي تعوض اخليها تسوي نشاط ( وسيلة , بحث , عرض باور بوينت)


اول ايام الدراسة اوضح لطالباتي نظامي , يعني انا حبوبة وطيبة معاهم بس الجد جد , ودرجاتج اعطيج حقج لا اكثر ولا اقل , اهم شي عندي الادب والاحترام و اهم حتى من الشطارة واوضح لهم تقسيمة الدرجات علشان ما تجي وحدة بعدين وتقول ليش واشحقة؟؟

لا تسبين البنات ولا تغلطين عليهم ولا على اهلهم لا تقولين الفاظ نابية , اذا عصبتي على الطالبة اول شي خزيها عدل , وبعدين وقفيها ولا تشتمينها بس فشليها قدام الطالبات لان البنات يخافون يتفشلون قدام زميلاتهم

الله يوفقكم

 

[fri2010]

مشكوره ريهام الله يعطيج العافيه ما قصرتي

 

[miele]

انا اللي ماتحل الواجب اعطيها واجب ثاني معاه عشان تتعلم ما تنسى طبعا مع جم كلمة ...

الله حللوة طرييقتج.. راح اطبقها

 

[بنات حواء2]

حلو حلو حلو عفيه بنت حواء انا دايما استفيد منج ومن طريقه تعاملج مع الطالبات

الله يعطيج العافيه

يعافيج حبيبتي ولو و انشالله يي اليوم الي استفيد منج انا بعد
و انا واثقه ان شخصيتج راح تكون قويه لاني اشوفج مهتمه من هلجانب و هذا اهم جانب على فكره
اذا عرفتي تسوين كنترول عصف راح تعرفين تشرحين و تقدمين وسايلج و النفسيه عال العال

بس اذا اخفقتي بهشي ماراح تقدرين تسوين و لا شي

اعرف ابله حصتها كله ضايعه و ماتقدر تخلص و تمشي على المنهج صح و السبه ازعاج البنات
اهم شي الشخصيه تكون قويه
مو معناته صريخ و عوار راس لا لا
عمرها الشخصيه ماكانت جذي بالعكس اول مره بينصدمون بعدين بياخذون على الصريخ و ماراح يخافون و بتصارخين لي يروح صوتج و لا همهم
لذلك خلي شخصيتج قويه باحترامج لهم
و بعض المرات الصمت و النظره بصمت يلعبون شغل و يحيرهم

و الله يوفقنه كلنه يارب


و يسلمو على الكلام العسل الي مثل صاحبته و هذا مو غريب عليح

 

[بنات حواء2]

مشكورين ابلات على خبرتكم

سموره خوش دعوه
و الله يرزقج ياحلى اداره يارب
و يحطوني بنفس مدرستج و اطيحها عندج شاي و حب
ههههههههههههههههههه

 

[المـــــها]

امممم انا ماجربت كمدرسة فعلية بس فترة الميداني
أول حصة دشيت جدية ما أضحك يعني صارمة معاهم
بعدين طلعت شخصيتي الحقيقية يعني صرت طيبة معاهم و أضحك ففي بعض البنات قاموا يسولوفون أو يطلعون صوت
هني بديت أعصب انصدموا مني أزف اللي تغلط و أخزها فكلهم قاموا يخافون





طبعا لو كنت ماسكتهم من أول السنة كان الوضع أفضل مع إن الحمدلله ضابطه الصف و مرتاحه
لكن من أول يوم المفروض أفهمهم القوانين و نظام الدرجات و العقوبات و شغل المجاميع بما إني ابتدائي
و أكون شديدة أول أسبوع تقريبا بعدين أصير عادية لأن راح يتعودون عالنظام

 

[cOFFEe SmeLL]

مواضيعج مفيدة حبوبة وبما أني انشالله راح أكون مدرسة يدية
ولأني مو تربوية فجدا راح أستفيد منها

كملو بنات بانتظار مشاركاتكم
ويعطيج العافية حبوبة

 

[ذكريات عشاق]

اب اب اب اب اب

 

[fri2010]

مشكورين بنات جد والله قاعده استفيد منكم جزاكم الله خير وبارك الله فيكم

والله يرزقكم ويرزقنا بالاداره الزينه

 

[jen2n]

خوش موضوع أبلة فراي ولي عودة ان شاء الله