الجسار تطالب بتدريس مادة الغزو العراقي في مدارس وزارة التربية

[^وجد قلبي^]

خوش اقتراح ..

 

[شموع الفرح]

مالت اقول خل يشوفون اليابان جم سنه على هيروشيما ولما الحين عندهم يوم حداد على هاليوم واحنا بس جم سنه درسوه وشالو من المنهج علشان الصداقه من زين الصداقه هذيل جيرام مالت عليهم لما الحين مبطلين حلوجهم علينا لو دهم والله يغزونا

 

[Miss McDonald]

,
مشششكوؤرين حبيبآتي على المروؤر ,

 

[ضحكة جنان]

رد : الجسار تطالب بتدريس مادة الغزو العراقي في مدارس وزارة التربية

انا من رائي ما منها فايدة

خلاص شي وصار من الماضي

 

[đeɱɛɼɑ™]

اقترآح طيب
بامريكا يدرسوونهم تااااااريخهم من الصفر وشلون وليش وشحقه صارت امريكا وحتى الحروب اللي مروا فيها
جان زين يحطون هالمادة ويسمونها " تاريخ الكويت " ومن ضمنهآ الغزو اللي صآر لانه تااريخ والمفروض مااا يُحرف !
وهالشي ضروري مثل ما قالت لـ نعزز الوطنية اللي اشوفها مع الاسف قلت في الآونة الاخيرة !
وهم عشآن الاجيال القادمة تعرف شنو اللي لها وشنو اللي عليها من ناحية الحدود و الفتنة اللي بين فترة وفترة تيينا من جيرانا اللي فوق :/

 

[aṕriliå]

رد : الجسار تطالب بتدريس مادة الغزو العراقي في مدارس وزارة التربية

خوووووووش والله
على اخر فتيله وينقطع املنا بالنائبات نطقت


زين اقتراح حلو الاحلى لو فعلا يطبقونه

 

[أم حمودي**MALL**]

مفروض هالشي من زمااااااان
بس حتى لو ما درسوه لازم يا امهات كل وحده تقول حق عيالها شنو صار بالغزو
انا سويت جذيه عشان يعرفون عدوهم شسوا بالكويت
وما يأمنون لجار السو

 

[serina]

مشكورة صاحبة الموضوع على الخبر.

أخيرا الناس تذكرت إن عندنا تاريخ اسمه غزو عراقي غاشم؟
أنا أؤيد بشدة تدريس الغزو في مناهج المدرسة. اللي صار لنا مو شوية وهذا تاريخنا اللي مستحيل ينمحى بحجة الصداقة مع العراق. من زينها بس! التاريخ تاريخ ما فيه مجاملات وتسميات مالها معنى مثل ما يقولون غزو صدامي ومن هالخرابيط.

اللي يحز في خاطري الناس اللي تقول اللي صار صار مو لازم نذكر، لأ!!! لازم نذكر ونحفظ عيالنا تاريخنا، إذا احنا ما عرفنا تاريخنا منو بله بيعرف.

مرة كنت مسافرة لندن مع الأهل وتعرفنا على عرب هناك (عراقيين وخليجيين) انصدمت من كلامهم لما العراقيين كانوا يتكلمون بكل قواة عين الكويت جزء من العراق (خو صدامو واللي قبله رضعوهم هالحجي جيل ورى جيل أكيد بيقولون هالحجي الفاضي) ولا والأخس من جذي لما الخليجيين عبالهم الغزو بس جم يوم:eh_s(14)::eh_s(14)::eh_s(14):
هذول الخليجيين يقولون جذي عيل العرب الثانيين شيقولون؟؟؟؟؟؟؟؟؟؟ وتبونا ننسى!!!!!!!!!!!!!

 

[جـــواهر]

ياليت يتطبق والله

 

[ســتارز]

حتى لو طيقوه بيجي خبل ويقول احذفوه

 

[دايم على البال]

رد : الجسار تطالب بتدريس مادة الغزو العراقي في مدارس وزارة التربية

الغزو صار له 20 سنه
وتوهم يفكروووووون بتدريس ماده الغزو !!!
توالناس...​

:flower::eh_s(20):

 

[::كيك وعسل::]

زين والله مابقت تنطق بشي يشرح الصدر

 

[الحــــياة]

الحين يعني طالعه بشي؟؟!!

 

[pinks]

ماا احس له داعي

بس قاعديين ويزيدوون من المقررات الدراسية

درسنا الغزو وحفظناه من الاجتماعيات ماا أيد

 

[Freakya]

الغزو صار له 20 سنه
وتوهم يفكروووووون بتدريس ماده الغزو !!!
توالناس....

ايه لأن منو بهالجيل بقلبه الوطنية ؟؟

قليــل جدا

 

[am_kshaa]

اقتراح موفق
وينضاف لمادة الاجتماعيات احسن بدال لا يكون مادة بروحه لانها بتكون دسمه وثقيله على الاطفال

 

[alice]

مشكورة صاحبة الموضوع على الخبر.

أخيرا الناس تذكرت إن عندنا تاريخ اسمه غزو عراقي غاشم؟
أنا أؤيد بشدة تدريس الغزو في مناهج المدرسة. اللي صار لنا مو شوية وهذا تاريخنا اللي مستحيل ينمحى بحجة الصداقة مع العراق. من زينها بس! التاريخ تاريخ ما فيه مجاملات وتسميات مالها معنى مثل ما يقولون غزو صدامي ومن هالخرابيط.

اللي يحز في خاطري الناس اللي تقول اللي صار صار مو لازم نذكر، لأ!!! لازم نذكر ونحفظ عيالنا تاريخنا، إذا احنا ما عرفنا تاريخنا منو بله بيعرف.

مرة كنت مسافرة لندن مع الأهل وتعرفنا على عرب هناك (عراقيين وخليجيين) انصدمت من كلامهم لما العراقيين كانوا يتكلمون بكل قواة عين الكويت جزء من العراق (خو صدامو واللي قبله رضعوهم هالحجي جيل ورى جيل أكيد بيقولون هالحجي الفاضي) ولا والأخس من جذي لما الخليجيين عبالهم الغزو بس جم يوم:eh_s(14)::eh_s(14)::eh_s(14):
هذول الخليجيين يقولون جذي عيل العرب الثانيين شيقولون؟؟؟؟؟؟؟؟؟؟ وتبونا ننسى!!!!!!!!!!!!!

صح كلامج شي ينرفز يعني خليجين منا وفينا هذا كلامهم
وان شاءالله يطبقون هل قرار :yaaaaaarb:

 

[alice]

رد: رد : الجسار تطالب بتدريس مادة الغزو العراقي في مدارس وزارة التربية

انا من رائي ما منها فايدة

خلاص شي وصار من الماضي

محد طلب رايج
اتوقع الموضوع يتكلم عن الكويت اذا ماني غلطانه

 

[يمة يادلبي]

بصراحة ماقريت الموضوع كله لأن طويل وانا دايخة لووول
بس اتوقع ان الطالب مو ناقص حمل ثقيل كافي المواد الواااااااااااايد يا أنهم يلغون جم مادة مالهم لزمة أو انهم يخلون هالمادة تدرس بس ماعليها درجات يعني يحطون فيديوات ندوات منشورات جذي تصير أونس وراح اتشد الطلبة اكثر من لما اتكون مادة الزامية

 

[هديه الكويتيه]

رد : الجسار تطالب بتدريس مادة الغزو العراقي في مدارس وزارة التربية

والله خــــوش اقتــراح ويعطيهـا الف عافيـه عضوة مجلـس الامـه الدكتـوره سلـوى الجسـار (ام محمـد ) كفو عليج يابنت الشاميـه
يجب ان يدرس لان هذا تاريخ لازم نخلي الاجيـال يعرفون الكواولـــــه العرق رق البوعرقـــه شنو سوو بديرتنـــــــا الكـويت الغاليــه الي سووه فينا ب الغـزو الــعــــراقــــــــي مو شووي
خل يذوقون الويل الي احنى ذقناه شـوي سبحان الله الله مايطــق بعصـى (كمــا تديــن تــدان ) اللهم لاشماتـــــه
خل يذوقون شوي الي ذقناه من تشريـد وتشتيت وشلون خلونا مقططين ب الشـوارع وسلب ونهـب وحرق ابــار وتدمير ممتلكــات واغتصاب نسـاء وتعذيب اطفال ورجـال واسر واستشهــاد الـــــــخ
وخلونا نتراجـع من بعـد ماكانت الكويت (الله يحفظهــا) عـــروس الخليـــــج في الصـداره والمقدمــه والقمــه
ومحـاولات غبيه وفاشله لـ مسـح الـكـويـت (الله يحفظهـا ويحفظ اهلهـا من كـل شـر ) من الخريطــه الجغرافيــه
اهـداء مني لكــم
http://www.youtube.com/watch?v=LhdVp1ksKfU

تكفووون الله يخليكم تكفون والي يرحم والديكم عفيـه دشــو الرابــط وشـوفـوه

وبالمقابل شوفو شنو احنا نسوي لهم ويليت يبيـن بعينهم ويعجبهــم
http://www.annaharkw.com/annahar/Article.aspx?id=224888