الجـوخ .. وتلزيقـــه ..

[قَلبڪْ صًخرْ]

السلام عليكم ورحمة الله
شلونكم بنوتات ؟
حبيباتي عندي سؤال صغيرون
شلون نلزق الخوج مابي ابر ..يصير صمغ ؟
أو باتكس
او صمغ حراري ..

وإذا بخلي خامتين جوخ ورى بعض بس بشرط
ابطلها وارد الزقها بشنو ؟ :gathering:
يارب فهمتوني ..​

 

[عهد الامل]

وعليكم السلاام ورحمة الله وبركاته

هلاحبيبتي

الصمغ تقدري تستخدمي اي نوع صمغ سائل شفاف
ونصيحة من أخت ابتعدي عن الشغل بمسدس السيلكون
لاانه ما يعطي نطافة للعمل


والصمغ تقدري تشتغلي اي شي ويكون خامتين عادي

ومايلصق علي بعض


وشوفي أنا لما نشتغل جزدان نستخدم هدا الاصق نفس اللي يستخدم في الاحدية الرياضية

لاانه يساعدك في فتح وتسكير الجزدان بسهولة
وطبعا تقدري تغيري اللون حسب نوع الخام

وان شاءالله البنات يفيدوك أكثر

والله يوفقك

 

[No0oNh]

والله أنا دايما أستخدم الصمغ الحراري ,,

 

[أم بدير]

انا استخدم كذا صمغ على حسب نوع الشغل
في صمغ القماش هذا حق شغلات خفيفه
والصمغ الحراري اذا بثبت الجوخ على بلاستيك
واستخدم خام الفازلين الي يلزق من الجهتين احيانا حق اذا بثبت قطعتين جوخ ببعض
وساعات استخدم صمغ خاص بس ماخذته من بره الكويت بس هذا صج عجيب
حق الجلد والخام وكل شي
جنه صمغ حراري بس اهو صمغ عادي

 

[shayo5aa]

البتكس انظف من الحراري لان الحراري عبارة عن شمع والشمع بسرعة يتشلع فالبتكس تروالي احسن

 

[Nonita-q8]

انا امس خذيت الصمغ المينون الصغير امي قالتلي احسن لج

 

[قَلبڪْ صًخرْ]

مشكورين بنات
ربي يعطيكم العافية
ولايحرمكم الأجر ..

 

[عهد الامل]

هلاحبيبتي
هده افضل انواع الصمغ وان شاءالله تحصليها بالكويت

والصمغ اللي لونه احمر صمغ خاص للجوخ واعمال الصوف

اما الباقي لكل انواع القماش والاشغال والصمغ العجيب افضل في الاستخدام من صمغ الجوخ









هده الصورة من موقع اجنبي وتقريبا اكثر من اخت قالت انها تستخدم هدا النوع وان شاءالله يفيدوك بتجاربهم







والله يوفقك