مشاركة: الجميــــــــع يتفضـــــــــــــل
شهد الكويت قال:
حبيبتي حب الامير بالقلب مو بالمسيررات مو كل احد حضر المسيره معناتها يحب الامير اكثر من الي بالبيت بالعكس في ناس كثيررين وانا منهم متحطمين بالامير الله يرحمه بس ماحضرت هالمسيره لانها مالها داعي احنا نحب الامير ومايهم الي برى عرفو او لا اهم شي احنا وترابطنا مع بعض هذا الاهم
ولا تنسين عزيزتي انهم ناس عارفين محبتنا لاميرنا غفر الله له بس الحقد ملا عيونهم
وشي ثاني البكي ع الميت يحرق الميت بقبره والي يحب الامير اكيد خلاص بيكف الدمع ويكافح ويواصل مسيرته الي فعلا احنا محتاجينها كفاح من اجل ديرتنا الغاليه واتمنى اختي مدام لك صوووت واصل تحاوليين تفهمين كل كويتي وكويتية ان رحلة الكفاح ابتدت من اليوم
حبيت انوه على كلامج اختي شهد - الكويت
المسيره مهمه لانها بثت حق كل العالم جابر شنو بالنسبه لنا واذا انتي ما ييتي المسيره هذي حريتج الشخصيه ( موغصب ولا فرض على كل كويتي انه يحضر هالمسيره ) وكل واحد بكيفه
احنا مو بالعراق علشان يجبرونا غصبن علينا نطلع مسيرات ونهتف بالغصب لا والله كل شي صار من كيفنا وطيب خاطرنا
ثاني شي البجي على الميت ما يحرقه
الصراخ والنواح واللطم والجزع اهو اللي يحرق الميت
والرسول صلى الله عليه واله وسلم بكى ولده ابراهيم
وقال ( ان القلب ليحزن وان العين لتدمع وان على فراقك يا ابراهيم لمحزونون ) مجرد تنويه صغير
ثالث شي اذا بجينا على اميرنا فلأنه انسان عزيز وغالي علينا جدا وفراقه صعب علينا ومن غلاته الدموع لا شعوريا ولا اراديا تنزل يعني لا اهو تصنع ولا مبالغه وكل انسان وقوه مشاعره
واخيرا الله يعطيها العافيه بنيتنا بأمريكا على فكرتها الحلوه والصراحه عبرنا فيها عن حبنا ومشاعرنا للامير الراحل وكان يوم حلو وجميل بكل ما تحمل الكلمه من معاني
