الجن؟ يمنع لأصحاب القلوب الضعيفة..

[غربتي طالت]

:s141::s141:

الفضول غلبني ودشيت الموضوع


خرعتوني بنااااااااااات وانا ساكنه بروحي
الله يستررررر:eh_s(2)::yaaaaaarb:

 

[شاكليته]

من يوم انا صغيره واهلنا الكبار بالسن يحازونه حزاوي لازم فيها الجن بطل او كومبارس ..كبرت وقمت اطالع افلام رعب

وصرت مراهقه وكنت حدي فضوليه كلشي ابي اعرفه اكل الكتب اكاال , ابي اعرف عالم الجن شنو اهوا ليدرجه ان امي خذت هل الكتب واحرقتهم .. طبعا كبرت وتعلمت كل طراق ابتعلومه ... صرت ادري عنهم بس لهم عالمهم ولنا عالمنا,,

البحرين فيها عيون ماي وكل عين ماي لها حارس من الجن او هكذا يقال بيتنا القديم كان مبني على عين انشفت ولها حارسها اللي من الجن وكان يمه مسيد بس تهردم تمت البقايا .. كنو الناس ايبون لهم بيض وشموع وهل السوالف اللي

خلاص الناس توعو ووقفوا الاعتقاد فيها ... من يوم انا صغيره اشوف ريايل راكبين فوق ونازلين تحت وحركات تشغيل التلفيون ويهردمون مظله الباب الخارجي .. واكثر من يصدق كانوا الخدم يحطون لهم الاكل بصواني ويستئذنونهم اذا بغوا

يدخلون عشان بئات الخدم مبنيه على هل السوالف ... مره من المرات كنت انا والبنات نلعب الوجي بورد ولاكنت مصدقه اني الغلاص يتحرك ... كنت يازعم اتحدا لعبتها مرتين ومليت من كثر مايهذرون ,, ومن يومها بدا التنغرش ...

يطقون الباب علي وينادوني باسمي وافتح الباب مالاقي احد , اسئل بيتنا والخدم من طق على الباب الساعه وحده بالليل , بيتنا ينامون 12 بالكثير اكيد مب اهم .. كنت ادرس حق امتحان ورايحه يايه بالغرفه عشان اصلي الفجر وانام , والا اسمع

صوت شاي يصبونه ! جدام غرفتي فيه جلسه صغيره طاوله وكراسيها وصوفا حق القعده ونشرب شاي ولااي خفايف,, قلت مستحييييييل احد من بيتنا متوعي 2 من الليل يصب شاي فوق عندنا !! لا واسمع صبه الشاي وحوسه القفشه باذني مع ان بيني وبين الطاوله طوفه وباب و3 امتار ! طلعت اجيك الا الدلال الشاي والبيالات والاستكانات على الطاوله وبقايا بسكوت

وغيره مريت يم الطاوله الا تهتز بقوه !!! قمت ومسكتها , الا الصنيه اللي عليها الاغراض تهتز بعد !! سميت باسم الله وتوني باقرا اي سوره ,, الا كلبه الحراسه عندنا تبح بقوه واناديه عشان تسكت ولابساكته !! ماقلت حق بيتنا عن السالفه قلت ا

كيد بسبتي وانا العب بالوجي بورد ... او حارس العين مهب راضي ... اكثرت السوالف , تسئلني اختي وانا توني داشه البيت يايه من السوق ,, من متى يايه ؟ قلت توني الحين , قالت لي بس انا سمعت كلبه الحراسه تبح وتبح وانتي اتضحكين

عليها من نص ساعه !!! تبلعمت بصراحه !!!:s141: اما اللي خلاني ابط البرمه يوم ان كنت مواصله ليما الصبح مدري شلي خلاني اواصل وعند تمام الساعه 6 انفجر مكيف الغرفه بضو زرقه وحمره !! وانتشر الدخان في الغرفه وكان

لونه بنفسجي ! نايس كلور صح ... اهني كممت ويهي وطلعت وخبرت امي بكلشي ,, حطينا المسجل على اذاعه القران نون ستوب ... طولت عليكم حبيت اشاركم بقصتي اللي طرات على بالي وانا اقرا ... ثانكس فور يور تايم

 

[Ba$ko0oTa]

الصرراحه مذكوورين بالقرآن وليش الواحد ما يآمن انهم موجوودين 100 %
اهم شي الواحد يسمي ويحصن نفسه ويصلي
انا يووم كنت بيت اهلي وااايد اشوووف احد يركض فجأة
أو اسمع صووت احد يركض فووق السطح

 

[Tutti-Frutti]

طـبـعـا اؤمـن فـيـهـم

الله يـكـافـيـنـا شـرهـم

 

[بوسيcat]

بسم الله حرام عليج ريلي بعد يومين بيسافر وبقعد بروحي الصور تخرررررررررررررررررررررع
بس صج الجن موجود امي وايد كانت تقولولنا عن سوالف صارت لهم في بيتهم اول وهم صغار مثل ما انتوا عارفين بيوت اول وايد كانت مسكونه بس اهل قبل مايخافون مثلنا لو انا جان مت والله.

 

[رفاعية19]

الصراحة انا اؤمن بالجن وشفت وااايد شغلات ببيتنا!!!!!!!!!!

 

[kunooz]

بسم الله والله اخترعت من قصصكم ههههههه
احب اسع القصص بس عاد شينومنى بالليل الله يعينى لووول

وربي يبعدهم عنا و عنكم

 

[تيوليب]

انا لما كنت طالبه كنت استعير من مكتبة مدرستنا كتب عن قصص الجن احب اقرا عنهم ... مره اسألتني امينه المكتبه هههههههههه قالت: انا دايما اشوفج تستعيرين كتب عن الجن وقصصهم ليش؟؟ جكيت فيج صراحه؟؟؟ ضحكت وقتلها : لا ولاشي عادي احب اقرا عنهم .. قالت: الرسول عليه الصلاه والسلام قال اذا ذكرتوهم اييونكم .. خرعتني ..
عالعموم احنا نؤمن فيهم نصدق وجودهم طبعا الله سبحانه وتعالى ورسوله .. ذكروا وجودهم ..
وفيه منهم جن مسلم وجن كافر. اهم شي نحصن نفسنا بالاذكار اليوميه . .
موجودين بالاماكن المهجوره . واغلبيه صالات الافراح لانه فيها اغاني وموسيقى ..وبالحمامات بعد .
ومشكوووره حبيبتي فتحتي المجال ,,
يلا بنات اللي عندها قصص صارت لهم ياريت تقولنا ,,,

 

[حنوووونهـ]

اعوذ بالله من الشيطان الرجيم

 

[عزوتي واااصل]

من أركان الايمان اللي نؤمن فيها الايمان بوجود الجن

بس سبحان الله الجني اللي في بيتنا بدوي وراعي دلال
إذا طفيا ليت الصاله فيه ضوء خافت من الممر يعكس علي صالتنا يعني الصاله ظلما بس مو ذاك الظلام اللي يخليك ماتشوف يدك
المهم ولا ذاك الجني الاسود قاعد وراي الدله ومطارات الجاي ويتقهوي
أنا شفته حسيت بشلل بجسمي وعلى طول قريت سوره البقره [الحمدلله حافظتها] وأنا بمكاني ماقدرت اتحرك وأختفي على طول

وفي بيت أخوي كنت منسدحه عقب ماصليت المغرب وشغلت البقره وكنت بروحي كنت بين الصاحيه والنايمه بس أحس باللي حولي وألا أشوف ذاك السواد اللي يطير بسقف الغرفه يمين ويسار
فزيت وقريت آيه الكرسي واختفي
ومواقف واجد

الله يكفينا شرهم

شاكرتلج على هالموضوع

 

[لوسيا ميندز]

بسم الله الرحمن الرحيم اعوذ بالله من الشيطان الرجيم

 

[CUTE ENGINEER]

موضوعج يشوووووووووق أحب سوالف الينانوه
بس أخاف أقراهم هالحزة بالليل
حطيته بالفافورتس ولي رجعة له باجر

بس عندي سالفة صارت لي شخصيا

كنت أمشي بالحوش ولا أشوف قبالي قطوة سودة بحلقت فيها ولا






تختفي بالهوا

والله العظيم ما انحاشت ولاركضت ولانطت من الطوفة

إختفتتتتتتتتتت بالهوا !!!!!!

 

[جروح ودموع]

رد : الجن؟ يمنع لأصحاب القلوب الضعيفة..

خررررررعتووووووني ريلي بالبر وانا بروحي بالبيت :eh_s(16):

 

[سالم الروح]

واااي يمآآآي
ين طبيعيه مواقفج تخرع خصوصا لمااكنتي صغيره
ياربي اليوم شلون بنام


صاحبة الموضوع ,,, انا وانا صغيره كنت كله اشوف ياهل يحبي بصالتنا يعني هذا كان يني !...؟؟؟؟؟؟
ومره وحده وانا صغيره اخواني كانوا سهرانين وقاعدين يسوون ريوق قبل ماادخل المطبخ لهم شفت ريال طويل لونه ابيض يطل عليهم

بس الحين احنا بنفس البيت ومااشوف شي ؟! وان شاء الله مااشوف