الجناط وين تحطونها !!!! ؟؟

[b6o6a]

مشكورين بنات

والله هالجناط مشكله ...

 

[Om_ToOoTa]

مشكوره سدن اي و الله خوش فكره

 

[KwTya]

اهي مشكله والله بس انا عن نفسي

حطتهم بارضية كبت التعليق :> صح انهم

فوق بعض بس العوض ولا القطيعه :>

وعلى فكره انا عندي اثنين كبت علاق :>

يعني الكبتين فل فل مافي مجال اكثر

على قولت البنااااااااااااااات يتكاااااااااااااااااثروووووووووووووووووووون :>



:>

 

[ladybird-143]

والله انا شاريه علاق مثل علاق الملابس الي تعلقين عليه الملابس الي بتلبسينا بعدين وملابس البيت الروب و....الخ
المهم بس شوي قصير اعلق عليه الجناط والله شي لانه متروس علاليق وكل علاق يكفي 4 او 5 جناط ومرات اكثر والجناط الماركه بجيسهم وداخل الكبت في رف خاص لهم والله الجناط مشكله انا نصهم بيت امي بروح اخذ علاق ثاني
وبين فتره وفتره سوي جرد على الجناط او الملابس اريح (( الي تلاحظين انج ماتلبسينهم وايد او الي موضته راحت )) منها غيرج محتاج يستفيد ومنها سويتي مكان

 

[b6o6a]

ليدي بيرد


والله حلوه فكرة العلاق القصير وين احصله

 

[um wahaby]

بنات انا لقيت حل وااايد مريح وانيق ........ بس ماراح اقولكم عنه
هههههههههه

 

["النووور"]

نفس المشكله

انا عندي خوش علاق ، بالضبط نفس علاق الهدوم البلاستيك العادي ونخيط فيه خام بالطول نازل لي تحت وعرضه تقريبا عرض جنطه كبيره ، فيه مخابي من الصوبين عاليمين واليسار تحت بعض ومفتوحين من الجوانب بس تيين تدعسين الجنطه من عالجنب واذا تبينها تسحبينها وتتوكلين على الله

خوش فكره بس المشكله موجذي .. المشكله ان وحده تسويهم ومادري منو اهي ولاعرف عنها ولا شي امبيه لاطقوني

 

[طم طم]

شوفى الصناديق الكبار الغش يهبلوون تلقينهم عند سوق رامز حطيت اجناطى فيهم خوووووووش شىء وشكله حلووو بالغرفه 100%

وحده من رفيجاتى قايله لى حطيهم فى الصناديق الكبار حديد وحطى عليه مفرش كشخه بالغرفه وحطى على المفرش شموووع يطلع شكله حلووو

العلاليق لعوزونى بالكبت اشكثرهم ويييييييييه احسن شىء الصندوق الغش او غيره مو شرط اخذى الأشكال إللى انتى تحبينها او صناديق أيكياا الكرتون حلوين :eh_s(15):​

​

 

[طرقية]

بصرااحة تعبت من كثرهم
والحل اللي سويته اني حطيتهم بجنطة كبيرة للسفر وحطيت معاهم مال الريحة المعطر
وحطيت الجنطة تحت السرير

وكل اسبوع او فترة اطلع مجموعة ( ثلاث او خمس جناط) وهذيلي اعلقهم بعلاق الهدوم تعرفونه العلاق اللي فيه اكثر من تعليقة مع العباية والملافع اللي استخدمها بشكل متكرر

 

[مش بالكلام]

واللله طم طم حلتها سلال غش امكودين بكل مكااان وشكلهااا بالغرفه يصيراااينن مشكووورره حبيبتي طم طم ريحتيني من دثرت الجناااط لا علاليق ولاشئ ...
وبطووووط مشكوووره على الموضوع وااايد مهم

 

[miss-Kuwaiteya]

انا بالكبت

 

[b6o6a]

مشكورين بناااات

 

[أم شهوووب]

نفس المشكلة عندي

 

[loshidano]

انا في رف بالكبت فوق حاطتهم فيه

 

[meen_ana]

مشكله يتكاثرون بطريقه غير طبيعيه الحال من بعضه

 

[جبنة بيضة]

انا حطتهم بكبت صغير

 

[dan]

بالضبط و الله مشكله مع الجناط انا حطتهم برف كبير بالكبت في طريقه تحطينهم بستاند تعليق الملابس

 

[الزين يفرض نفسه]

حبيبتي انتي مثلي بالضبط بس تدرين انا شسويت ؟؟

طلعت كللللل جناطي اللي بالكتب واللي بالدرج واللي عند خواتي متسلفينهم وانا ناسيتهم :eh_s(3):


المهم صفيتهم على الارض كلللللهم وقعدت اتمقل فيهم عدل في بعضهم على طوووول قطيتهم مابيهم لانهم وايد قدم وراح موديلهم وبعضهم شفت اني ما استعملتهم من زمان يعني مابيهم وبعضهم شفت انهم متوصخين ولا طايح منهم شي ولا مختربين وهكذا جردتهم عدل يعني بعد تفكير عميق بالمنطق ان مو معقوله يكون عندي جناط هالكثر ولا استعملهم وايد .... عاد الجناط القديمه الماركات عطيتهم حق عيال خالتي البنات الصغار والجناط القديمه السبور عطيتهم الخدم حق العيد وهكذا صار عندي مكان تخزين مناسب حق كل جناطي وانا مرتاحه اني بستخدمهم كلهم ولمن اشتري جنطه يديده ما يؤنبني ضميري :eh_s(20):

 

[!!الشوق ذباح!!]

؟؟؟؟؟؟؟؟؟؟؟؟؟

 

[AL REMAS]

شوفي انا كبتي ست بيبان
الاثنين اللي بالنص رفوف
اللي فوق مخليته بس للشنط
واذا ما عندج مكان
ما في الا تشترين شوفينير بس دروجه كبار وترتبينهم فيه