الجنسيه

[ريم محمد زيد]

انا سعوديه متزوجه كويتي صار لي 4 سنين وعندي ولد وزوجي مايبي يطلعلي جنسيه اقدر اطلعها من ورآه بيكتشف وذا تطلقت اقدر اطلعها ولا لازم أكون متزوجه الله يعافيكم الي تعرف ترد علي
وهل مهمه الجنسيه ولا عادي دام ولدي وحقوقي اقدر أخذها بس لاني صج ابي اعيش بالكويت لازم الجنسيه ومتى تطلع الجنسيه

 

[كنوشة 2009]

اعتقد ان زوجج اهو اللي اهو بس يقدر يقدم لج على الجنسية
واذا تطلقتي يقدر يسحبها منج وعلشان تحصلين على الجنسية
ﻻزم شروط

 

[كنوشة 2009]

اعتقد ان زوجج اهو اللي اهو بس يقدر يقدم لج على الجنسية
واذا تطلقتي يقدر يسحبها منج وعلشان تحصلين على الجنسية
ﻻزم شروط

 

[البارونـه]

ماعندي فكره عن الموضوع
بس انتي ليش تبين الجنسيه؟
اذا بتشتغلين ف هي مهمه لان اكيد الراتب يفرق

موفقه

 

[ســكــّر]

انتي شفيج ع الجنسيه ملاحظه موضوعج الاولي مهتمه لها
حلي مشكلتج مع زوجج بالأول وحقوقج تاخذينها وولدج ماعليه خوف كويتي وياخذ جميع حقوقه
بس اما الجنسيه هذا يعتمد ع الزوج بالاول تقربي له اكثر ،،

 

[نـعـومـه]

لازم زوج يعطيج

 

[زوجة حياتي]

انا سعوديه متزوجه كويتي صار لي 4 سنين وعندي ولد وزوجي مايبي يطلعلي جنسيه اقدر اطلعها من ورآه بيكتشف وذا تطلقت اقدر اطلعها ولا لازم أكون متزوجه الله يعافيكم الي تعرف ترد علي
وهل مهمه الجنسيه ولا عادي دام ولدي وحقوقي اقدر أخذها بس لاني صج ابي اعيش بالكويت لازم الجنسيه ومتى تطلع الجنسيه

لازم زوجج هو الي يقدم لج طلب الجنسية باسمه من غيره ما راح تقدرين تاخدينها

الله يصلح بالكم ويسخركم لبعض

 

[ام سلطان86]

هلا اختي بدون زوجج ماتاخدين جنسيه وبعدين انتي مومكمله المده الي اعرفه خمس سنين اذا مو عشر سنين بعد ومالها شغل اذا تطلقتي مايسحبها منج اما بالنسبه لحقوقج لا تحاتين لانه بالكويت يهمهم الولد ومالهم شغل بجنسية الام بس اختي سامحيني انتي شلون واققه عالطلاق وعاطيه اهتمام حق الجنسيه ترا انا مغربيه وصارلي خمس سنين ونص متزوجه ولا دفعت ولا قدمت صراحه ولا يهمني هذا الموضوع بالكويت مو مقصرين صراحه يعاملون زوجة الكويتي نفس الكويتيه وفوق هذا عيالي كويتين الحمد لله وترا مو شرط تدفعين الجنسيه يعطونج انا اعرف اماراتيه عشر سنين وماعطوها سمعتها بسكوب لووول
انا اشوف موضوع الجنسيه حق لتشتغل ممكن عشان المعاش
والله يسهل امورج ويجمعج بريلج وولدج

 

[ريم محمد زيد]

أم سلطان والباقي انا الي ينرفزني انه لو هو مقدرين ومع تبوني زوجته المفروض يقدملي لاني او تركته ابي اقعد بالكويت عشان جذي ابي الجنسيه وعشان الوظيفة وعشان لو يحبني جان طلعلي هو مو واثق فيني وخايف تكون عندي عشان لا اعيش بالديره وأسباب ثانيه وأخاف الولد يقدر ياخذه مني بس المحاميه قالت تقعدين مايقدر ياخذه وأخاف أتعامل معامله وقانون السعودي 7 سنين والولد ياخذه أبوه بس أتوقع دام ولدي كويتي لا مدري

بس خالي يقول 4 سنين وعندك ولد يعطونك بشهرين بس وناس تقول لو عندك أكثر من ولد أسهل ونا أتوقع انه الجنسيه مهمه عشان الأطفال ودامك عايشه فيها

 

[ماما^عوده]

الجنسيه حبيبتي ما يعطونها على عيالج

على زوجج

و مواضيع القانونيه مالها علاقه بالجنسيه لها علاقه بمحاميج بس

و انتي خليجيه سهل تتوظفين و تعيشين بالكويت

بس الجنسيه لازم الزوج يقدم عليها و بعد التقديم بخمس سنين تقريبا يعطونج اياها

و اذا الزوجما قدم ما رح تحصلينها

بس امور الطلاق او العيال او الحضانه

مالها علاقه لان تعتمد على المحامي و القضاء

 

[Tom ♥ Jerry]

تبين تصيرين مزدوجه يعني ؟
انتي عندج جنسيه سعوديه و بس خلاص !!
شكو تبين الكويتيه بعد :/

عبالكم الجنسيه الكويتيه لعبه .. حتى لو تزوجتي كويتي
دام عندج جنسيه مالج حق تاخذينها
في ناس أولى منج :*

و الللللللللللللللللله > اتحلطم

 

[قاهره عذالي]

مو لازم تجنسين
ولدج كويتي وراح ياخذ حقوقه من الحكومه كامله
واعلان الرغبه بالتجنيس يمشي فيه الزوج
اذكر قصه وحده نفسج جاب منها 9 عيال وما جنسها عشان كان ناوي يتزوج عليها وتزوج عليها وظلمها وبهذلها واجد الله يعينها
صارت خبله من كثر الهم

 

[قلب طفـــله]

تبين تصيرين مزدوجه يعني ؟
انتي عندج جنسيه سعوديه و بس خلاص !!
شكو تبين الكويتيه بعد :/

عبالكم الجنسيه الكويتيه لعبه .. حتى لو تزوجتي كويتي
دام عندج جنسيه مالج حق تاخذينها
في ناس أولى منج :*

و الللللللللللللللللله > اتحلطم

ههه حتى عندنا تتزوج قطري علشان الجنسيه !

صاحبة الموضوع الله ينولج اللي ببالج اهم شي عيالج كويتيين وخلاص

 

[keka89]

مادري شفيهم الخليجيات يموتون على الجنسيه الكويتيه

خصوصا السعوديين موتهم وعماهم يصيرون كويتيين

خو ترى كله خليج ونفس الشي تقدرون تتوضفون وتاخذون معاش زين

عيل هلوافدين والمساكين وحراس الامن شيقولون واااي ناس فراغه الله لايبلانا

 

[noo7a]

ببالج الطلاق
و تسالين عن الجنسيه و تبينها :\
الي تطلق ترجع لهلها بتعيشين بروحج هني !

دام ولدج كويتي ياخذ حقوقه كامله و مكمله شتبين بالجنسيه بعد
وانتي خليجيه و عندج السعوديه

شخليتو بعد لباقي الجنسيات العربيه و غيرها :\

 

[وردة وطني]

انا سعوديه متزوجه كويتيه ومستحيل اتنازل عن جنسيتي واللي تقول ان السعوديات ميتاتات ع الكويتيه اقوله غلطانه حبيبتي كل واحد يفتخر ويعتز بانتمائه لو كان ايش مكان وردو باسلوب ع البنت بدون استهزاء والحمدالله المراءه السعوديه مااخذه كامل حقوقه وحتى لو طقه زوجه خذت منه خمسين الف الله يعز دار ابو متعب ولاتهون الكويت
وانتي ياتوم وجيري للااسف انج مشرفه وهذا اسلوبج وقاحه واستهزاء وع قولتج تحلطم ردو ع الناس باادب وكل واحد كلامه واسلوبه ع تربيته
وتترى شايفييييين خيييير ياارب لك الحمد
وصاحبةة الموضوع طلبته عشان ولده والضنى غااالي

الحمدالله والشكر نااس تفكيرهم همممجي ويع!!!

 

[أم حسوون]

السلام عليكم، صاجه وردة ما له داعي هالهجوم ، هذا واللي تكلم سعودية منا وفينا ، البنت تبي نصيحتكم اللي تنصح تنصح بالمعروف ، وبعدين البنت ما أجرمت كاهم لا دين ولا لغة وتجنس على الزوج ، صاحبة الموضوع ، الله يصلح بينج وبين زوجج ، أهم شي تقربي من زوجج واكسبيه والجنسيه تجي عقب بس معروف أن الخليجية أسرع بالتجنيس .

 

[طريق السعاده]

انا سعوديه وما اشوف فرق بين الكويتيه والسعوديه ك جنسيه الا السواقه خخ كانها تفرق عند احد عشانها مدري عموما الله يرزقك قد نيتك ويحقق مطلبك اهم شي حلي مشاكلك مع زوجك واستقري والباقي يجيبه الله

 

[bent_elnuor]

أسعد الله صباحكم

اختي ..

الآن توقف التجنيس نهائي حتى لو يقدم رغبة في تجنيسج الحكومه اغلقت هذا الباب
لأنه سبب خلل في التركيبه السكانية ،، صارو يتزوجون الكويتي عشان الجنسية فقط !! فلبينيه كويتيه سيلانية كويتيه خواتنا العربيات صارو كويتيات !!!! وأصبح موضوع الجنسيه صفقه جم تدفع عشان أتجنس ؟؟؟

سابقا اذا قدم رغبة للتجنيس لازم 15 سنه ويكون فيه عيال .

حاليا خلاااااص وقفوا

دمتم بحب​

 

[افريقيا]

الجنسية صارت صعبه مو نفس أول كل من ياخذها واللي أعرفه ان التجنيس وقفو عشان صاير خلل في التركيبه السكانية