الجنين اصغر من حجمه

[بحرينيه كوول21]

هلا خواتي شلونكم
اليوم كان عندي موعد حق سونار الا الدكتوره تقول لي ان الجنين اصغر من حجمه
انه الحين خلصت خمسه اسابيع الدكتوره تقول ان الجنين حجمه اصغر من 5 اسابيع
شنو يعني:eh_s(10):
خصوصا الي جفته نقطه سوده
قالت لي اسوي تحليل هرموني اليوم ويوم الثلاثا عشان تجوف النسبه هل مرتفع او لاا
الي عنده معلومات بليز لا تبخلون علي
وادعوو لي *

 

[ابدا يالغالي مانساك]

حبيبتي انتي سويتي السونار العادي او الداااااااخلي

 

[بحرينيه كوول21]

العادي الي من فوق البطن

 

[ابدا يالغالي مانساك]

عادي مافيها شي الجنين اصغر من حجمه شي طبيعي
ولاتحاتين

 

[بحرينيه كوول21]

ان شاءالله خير

 

[االفرس]

يمكن الحمل متأخر عشان جذي البيبي اصغر من حسبته ... اذا فيه نبض ما عليج ماكوو الا الخير انشاءالله

 

[ثنايا الورد]

بحرينيه ماعليه شر البيبي وان شالله معفى وسليم وباجر يكبر ويرفس
فبطنج لاتحاتين حبيبي

 

[حوررريه]

لا تحاتين انتي يمكن حملج متاخر السونار ياخر اسبوع اسبوعين عادي اهم شي حجمة متناسق يعني حجم الراس على طول الارجل واشياء هم ادرى فيها.. لا تحاتين عادي..انا السونار ماخرني اسبوع لانه البيبي صغير

 

[أم سم سوم]

الله يطمنكم ويطمنج بحرينية أنت نفس مشكلتي ​

 

[نـعـومـه]

عاادي هذا الحمل متأخر

يعني انتي حملتي عقب نزول الدوره بفتره نفس ماصارلي

 

[بحرينيه كوول21]

مشكورين حبايبي
جبرتو بخاطري الله يجبر بخاطركم ياارب
ان شاءالله خير

 

[شموسة كيوت]

الله يفرح قلبك حبيبتي بحرينية بس بسالك سمعتي نبض الجنين؟او لسا مبكر

 

[يارب احفظ عيالي]

ماعليج منهم اصلا" تو الناس انشالله ماعليه شر العنونو

 

[غزالة سعودية]

عوافي اختى الحمد لله الكلام هذا صارلى وصار لختى بعد والحمد لله سهلات اختى ولدت مشاء الله بنوته وانا ان شاء الله على وشك ادعيلى الامر طبيعى جدا جدا

 

[بحرينيه كوول21]

الحمدلله رب العالمين طمنتوووني
الدكتوره عطتني موعد حق يوم الأربعاء عشان تجوف نتيجه الهرمون
وتاريخ ٣٠ عشان اسمع نبض الجنين

 

[love u 4ever]

الله يطمنج حبيبتي إن شاء الله

 

[عطر الدوحه]

اب اب

 

[المها الابيض]

اختي توكلي على الله ماكو الا العافيه ان شاالله
انا سويت سونار بالاسبوع السادس ومابين جيس البيبي
وقالتلي لازم اسويلج سونار داخلي ورفضت وماعجبها الدكتوره اني رافضه السونار الداخلي
وتقولي انا الدكتوره وانا اعرف بس ماسويته وبعدها باسبوعين رحت وبين معاي الحمدلله
الله يتمم عليج ان شاالله

 

[بحرينيه كوول21]

مشكورين حبايبي الله يطمنكم مثل ماطمنتوني