الجو في امريكا

[طوق الياسمين]

لو سمحتو حابه اعرف كيف الجو في نيويورك بالصيف؟؟وفي كالفورنيا ولاس فيغاس وسان فرانسيسكو وسان دييغو؟؟
سواء بالنهار او بالليل عشان اعرف ايش اجهز من ملابس

 

[شندوخه]

جو صيفي يميل للحراره

 

[اشراقة الحياة]

صباح الخير ......خوش سؤال.؟؟

طوق انا نفسج محتاره فالملابس ......؟؟؟

وبعدين ابي اعرف يقدورون عيالي يتسبحون فمسابح الفندق اي ولا لآ.......؟؟؟؟

اخاف الجو ما يساعد ويستمرضون ..........:؟؟؟

 

[d-k_group]

للعلم الجو في لوس انجلوس حاااااااااااار جدا



خاصه اذا كنتي في الاماكن المفتوحه مثل ديزني ويونيفيرسال



ولكن المغرب يبدي يتحسن الجو بس ما يبرد



يعني الملابس صيفيه قطنيه



بس سان فرانسسكو الجو بارد يستحسن لبس الجاكيت


اما لاس فيغاس توصل درجه الحراره الي 45 درجه يعني موت حرررر

 

[semaasem]

وانا بعد ابي اعرف الجو في نيويورك

 

[طوق الياسمين]

عيل بتصير مثل فلوريدا..!!!!انزين وفي مطر ولا لا؟؟

 

[rawona]

هلا طوق لا كاليفورنيا مو نفس فلوريدا مافيها رطوبه وامطار وايد بس حاره بالصيف عادي يعني ملابس صيفيه بس بليل يصير الجو حلو مو براااااااد لا بس احسن من النهار واللي اعرفه بعد انه مو مثل لاهوب الكويت بس ديروا بالكم من الشمس ضروري لبس الكبابيس لليهال ووضع الحمايه ضد الشمس


واشراقه اي عادي تسبحون بالبحر وحمامات السباحه واللي عرفته ان جو سان فرانسيسكو مثل ما قالت دي كي براااد يعني يبيله جاكيت خفيف


بالنسبه لنيويورك ملابس صيفيه عادي الجو مو حااااااااااااار لا درجة الحراره معقوله بالنهار والجو وايد حلو .. وبليل يصير براااد انا اذكر كنت البس توينز خفيف لاني بسرعه استبرد ​

 

[carrot^cake]

نيويورك بالصيف حاره
اللبس صيفي
ويطق مطر ويبرد الجو يصير حلو عادي مو برد