الحامل ماتتوظف لما تولد !! معقولة !!

[Lady-_-fushia]

قوة بنات شلونكم

بس حابه اعرف شسالفه بهالموضوع
قالولي ان اذا انا حامل ما اتوظف لما اولد
يعني تخيلوا اذا بحسب بعد شهر الراحه عقب الولاده يعني ماتوظف
الا بشهر 1 السنه اليايه معقوله!!!
انا توني بنص الرابع يعني تو الناس
مادري انا ماتوقع هالحجي مضبوط يمكن اللي واصله بالولاده
يمكن بس من اول شي!! حرام شالظلم!!


بليز اللي عندها خبر بهالموضوع تقولي
وترا انا يعني خلصت الفحص الطبي و ناطره يندز للوزاره و جذي
يعني دابجت و ركضت الحين صارلي شكثر فوق الشهر ناطره على
هالسالفه و صكت فيني الدنيا وااااااااااااااااااي يعني شنسوي احنا
الحوامل نقعد بهالملل سنه عشان نتوظف !:bbbiu:

 

[*غزاله*]

حبيبتي على حسب انا سمعت اذا انتي بالخامس توظفين اذا بالسادس لا (على حسب الاشهر مو متاكده منهم)
لانهم يحسبون المده الي راح تاخذين فيها اجازه
يمكن لازم تثبتين نفسج جم شهر ولازم اول الدوام مافيها اجازات بس اذا انتي اول الشهور ان شاءالله يقبلونج
وبالتوفيق

 

[زين ودلال]

اي والله حتى انا احاتي هالشي ياليت اللي مجربه تفيدنا

 

[Lady-_-fushia]

غزالة

زين الله يسمع منج
انا بنص الرابع
الحين يعني بعد اسبوعين او اقل ادش الخامس

واذا على كلامج ان شاء الله الله يسمع منج

اهي وزاره الداخليه

بس مادري والله الله يستر منهم

زين ودلال

ان شاء الله بعد يردون علينا و ياكدونلنا عشان نرتاح من هالشغله
انا واااااااااااااااااااااااااااااااااايد تعبت نفسيتي قاعده احاتي كل شي
والله تعبت بس شقول غير حمدلله على كل حال

احس من التفكير قمت اصدع كل يوم

 

[سيرين عبد النور]

عادي حبيبتي يصير تتوظفين انا توظفت لما كنت بالرابع
ودامج خلصتي الفحص الطبي لا تحاتين بس اهما ناطرين تشكيل الحكومه عشان يوظفون !

 

[زين ودلال]

عادي حبيبتي يصير تتوظفين انا توظفت لما كنت بالرابع
ودامج خلصتي الفحص الطبي لا تحاتين بس اهما ناطرين تشكيل الحكومه عشان يوظفون !

الله يطمن قلبج ان شاءالله :yaaaaaarb:

 

[~LiBrA~]

واي والله حتي انا سمعت هالخبر وحدي ضاق خلقي كافي ناطرة طول هالمدة وشكله لما يطلع اسمي بكون بالسادس

يمكن ما يوظفوني

مالت علي هالقوانين

 

[الشمريه]

انا ماوظفوني عشاني حامل بالثالث وقالو تعالي بعد ما تولدين هاذي وزاره التربيه وحمدالله خيره

 

[دآنة آلرشآيده]

مآعندي فكره
بس اول مره اسمع ان آلحآمل مآتتوظف​

 

[كلاسيكال]

انا سامعه هالمعلومة بس بنات وايد ايوون تعيين واهم حوامل ، حبيبتي الواسطة هني مبينه انتي حاولي بالفحص مايكتبون حامل !!

او دوريلج اي واسطة بالتعيين يمشي امووورج ،، والله بدوامي وايد ايون حوامل تعيينات يديدة لآ بعد تآخذ مجلس طبي وماتداوم عسى الله يسهل امووورج ادعي ربج وشوفيلج فيتامين وآو

 

[فجوره]

أختي كانت بالشهر الخامس وتوظفت بدون وااااااااسطه


​

 

[جوليانا الحلوه]

ماله شغل انا خالتي توظفت و اهيا بالثامن و كاذا وحده اعرفها حامل توها متوظفه

 

[" ام حمود "]

مااعندي فكره ع الموضوع
بس آول مرة اسمع عن هالشيء

 

[Lady-_-fushia]

مشكورين اللي ردوا علي
مادري والله انا مره يقولونلي مايصير ومره يقولونلي عادي
بشوف عقب باجر بروح اخلص شغلي واشوف شقولولي
الله يستر

يعني عقب كل هالنطره على ماطلع ترشيح من الديوان
اول شي تتعطل الحكومه و كل شي يوقف والحين سالفه حامل ومايصير
يالله خيره الواحد
مايدري وين الخيره الله كاتبها له
حمدلله على كل حال بس اللي متوظفه بالداخليه و اهي حامل تقولنا يعني ماقالولج شي؟

 

[yummy girl]

للاسف لا لازم واسطة او صبري نفسي

 

[بدووورة]

حياتي انا الحين بالتسع وطلع اسمي وانا بالثامن وثالوللي ماتتوظيف لين بعد الولاده اولدي وتعالي

بس سويت اوراقي وحللت وكل شي وديت التحليل بس بقالي الاشعه و وروني وين بشتغل ومسماي وكل شي بس بعد الولاده اسوي اشعه وبس


وقالولي بالوزاره والفحص الطبي والمستوسف نفس الحجي

وقالت احنا مانوظف الا الرابع

من الخامس مانوظف

والله يسهل عليج

 

[بدووورة]

ونسيت اقولج ع حسب الوزاراه والتربيه لو كنتي مدرسه انشالله لو بالتاسع تتوظفين ع طوول
\\\

 

[Lady-_-fushia]

الله كريم انا بروح للوزاره باجر
واشوف شقولونلي لان انا الحين باخر اسبوع بالرابع

 

[ورده عنابيه]

والل مادري

 

[ورده عنابيه]

اب اب