الحامل ماتتوظف لما تولد !! معقولة !!

[عالمي المجنون]

انا توظفت وانا بالشهر الثالث وبدون واسطة

وعقبي باسبوعين هم توظفت وحده حامل بنفس شهري

ماله شغل حبوبة بس حاليا موقفين كل شي

ينطرون تشكيل الحكومة اليديد

 

[Lady-_-fushia]

بنات حطوا بالجريده ان بس بيبدون يمشون الشغل مره ثانيه
يعني بس مو متوقف كل شي
انا على حظي سويت الفحص الطبي و لا يوقفون و الحين ردوا مره ثانيه اعتقد
بروح باجر و اشوف شسالفه على كل حال

 

[Laymo0ona]

احنا كنا 3 حوامل بالتربيه بس مو مدرسات وظفونا عادي

 

[زبدة ككاو]

شــوفي أنــآ توني متعينــه وكنت حــآمل
أهــم شي إذآ ســألوج قولي إنــج بــآلشهــر الثــآلث ، آنــآ كنت قريب بــآلخــآمسس وقلت بــآلثــآلث
أهــوآ إذآ أول الأشهــر عــآدي

 

[انا حبه للابد]

عادي يصير انا توظفت وكنت حامل بالخامس وخذيت اجازة امومه ووضع

 

[ام قدووور]

والله ما اقدر اكد لج هالشي

انا اختي كانت مقبوله بالداخليه بس ماذكر اي شهر كانت قالوا لها تعالي بعد ما تولدين !
وبعد ما ولدت سوت اجراءاتها اجازه وضع وبعدها داومت

 

[ام قدووور]

وبعدين انا عندي احسن ترتاحين راح تثقلين وتبين ترتاحين وانسي يعطونج اجازه لانج يديده

ارتاحي ولي ولدتي داومي لاحقه علا الهم

 

[Pink Cart]

انا قبلوني وكنت حامل بالثالث عادي

 

[مدرسة مستقبلا]

اول مره اسمع هالمعلومة صج اتضيق الخلق ​

 

[dandoun]

موفقة

 

[Lady-_-fushia]

مشكزرين بنات والله يوفقكم كلكم ان شاء الله
انا رحت و قالولي عادي اتوظف وانا الحين باخر الرابع بس بورقت الفحص يعني مكتوب بالرابع
و قالولي بس نوقعج تعهد ان عقب ما تولدين تعيدين الفحص الطبي بس لا اكثر ولا اقل وبس تتشكل الوزاره
ان شاء الله يطلع التعيين خلاص



حمدلله اليوم تشكلت الوزاره فبشوف هاليومين بروح لهم اذا نزل تعيني ولا لا عشان اعرف متى اداوم و جذي