الحبس سنتان و4 أشهر لـ «مزدوج»

[Stylista_Q8]

رد : الحبس سنتان و4 أشهر لـ «مزدوج»

زين يسووون فيه

وعلى فكره مشددين اكثر عَ الجنسيآت الخليجيه الثآنيه

لنه الجنسيه السعوديه والقطريه لهم مميزات اكثرر من البريطانيه وَ الامريكيه ..الخ

يعني الامريكيه مابتعطيهم فلوووس حق بنيآن بيوت او بدلات ..الخ

يعني مميزات الجنسيه السعوديه والقطريه واااايد احسن من الجنآسي الثآنيه !

فَ مايسير جي يستغلون مصادر الدولتين خل يختآرون لهم دوله وحده ادري انه خليجنآ واحد بس مو لي هالدرجه !

وبليز قولولي شنو مميزات الجناسي الامريكيه والبريطانيه وغيرها ؟

مثل الثآنيين وَلآ ؟!

انا ماقوول المزدوجين بس اللي عندهم سعوديه او قطريه لااا

كل اللي عنده غير الكويتيه مزدوج .. ! بَس الفئه الاكبر .. واللي تستغل الكويت آكثر اهم اللي عندهم جنآسي خليجيه

والفآل حق كل المزدوجين ان شالله بدون تحديد ..'

 

[sweet cake]

انا اقول لج شنو مميزات الامريكيه والاوربيه والاجنبيه بشكل عام..
مميزاتها ان لما تسوين صفقه ما تدفعين دبلات .. فيها تسهيلات اكثر من الناحيه الماديه .. اما الخليجيه لو سويتي لج صفقه ما فيه دفع دبلات نفس الاجنبيه..

عرفتي ليش الناس مو عاجبها ان اصحاب الجناسي الثاني محد يقرب لهم؟

بس غريب ان عندنا خايفين من امريكا .. يوم بدوا يسحبون للي معاهم جناسي خليجيه دقت امريكا على رعايها بالكويت .. اللي هم الكويتيين اصحاب الجناسي الامريكيه ..


انا ضد المزدوجين بشكل عام لكن بشكل خاص ضد التفرقه خاصه ان اغلب اللي عندهم جناسي اجنبيه يستفيدون منها بصفقات

 

[العنود]

الله يقويهم بس وينهم عن الجناسي الثانيه والا بس على ناس وناس

 

[المعاناة]

مشكورين على المرور
بنات لحد يطلع عن الموضوع

 

[بنت.المطيري]

احنا قانونا بالكويت يمنع ازدوج الجنسيه .. شنو السبب بالضبط ما ادري لكن دامه القانون المفروض يتطبق

مو القصد منها ولاء .. مو شرط .. الاغلبيه هني حتى وهم مو كويتيين ولاءهم كويتي .. بعكس بعض الكبار اللي كويتيين وولاءهم لفلوسهم


الازدواجيه مو غلط .. لأن ممكن فيها الواحد تتسهل اموره اذا كانت له تجارات بالخارج .. لأن مثل ما تدرون اذا مناقصات بالخارج لازم يدفع دبلها عشان تتم .. فـ اذا كانت عنده جنسية الدوله تصير فيها تسهيلات ..

لكن




دام قانونا يمنع الاودواجيه فـ هي غلط .. والغلط بالازدزاجيه بشكل عام الانتفاع من الدولتين بوقت واحد يعني ياخذ معاش من الدولتين




لكن قولي الفال لباقي المزدوجين اللي عندهم جنسيات امريكيه وايرانيه واوربيه ومحد قرب لهم .. لأن امريكا ما راح تسمح لأحد يتعرض لرعاياها

ياحلوج وياحلو ردج سنع ومسنع مثل مابغيت اقول اكزاكتلي

 

[ياشايل الظبى]

رد: رد : الحبس سنتان و4 أشهر لـ «مزدوج»

زين يسووون فيه

وعلى فكره مشددين اكثر عَ الجنسيآت الخليجيه الثآنيه

لنه الجنسيه السعوديه والقطريه لهم مميزات اكثرر من البريطانيه وَ الامريكيه ..الخ

يعني الامريكيه مابتعطيهم فلوووس حق بنيآن بيوت او بدلات ..الخ

يعني مميزات الجنسيه السعوديه والقطريه واااايد احسن من الجنآسي الثآنيه !

فَ مايسير جي يستغلون مصادر الدولتين خل يختآرون لهم دوله وحده ادري انه خليجنآ واحد بس مو لي هالدرجه !

وبليز قولولي شنو مميزات الجناسي الامريكيه والبريطانيه وغيرها ؟

مثل الثآنيين وَلآ ؟!

انا ماقوول المزدوجين بس اللي عندهم سعوديه او قطريه لااا

كل اللي عنده غير الكويتيه مزدوج .. ! بَس الفئه الاكبر .. واللي تستغل الكويت آكثر اهم اللي عندهم جنآسي خليجيه

والفآل حق كل المزدوجين ان شالله بدون تحديد ..'

من قص عليج وقالج ان فيه مميزات بالجناسى الخليجيه ... الله يعز الكويت هى اللى تمشى معاشات مثل الناس وتعطى بيوت ولا السعوديه وقطر .. ماعندهم اللى الفــــ...
وتعالى للجناسى الامريكيه والاوربيه لها مميزات كثيره .. يكفى انك لو تتنازل عنها ولا تقطها بالزباله ... تروح السفاره ويطلعولك اياها ثانى يوم .. يكفى ان دام جنسيتك امريكى او اوربى .. محد يقدر يجرجرك بالشارع من قفاك .. او ياكل حقك

 

[sweet cake]

اي والله لو جنسيتك اجنبيه محد يقرب لك لو شنو .. يخااااافوووون

 

[dectora 7elwa]

الفاااال للبااااااااجي

 

[:: Diva ::]

يارب تبقى الكويت للكويتيين
و لا مزدوج من اي جنسية بالعالم يكون فيها

 

[بكرى آحلى]

رد : الحبس سنتان و4 أشهر لـ «مزدوج»

مماا ظن اي جنسيه خليجيه بتأثر على الكويت ولا بتفرق بشي ولا تزيد ولا تنقص لأن خليجنا وااااااحد وشعبـــــــنا وااااحد ومن طلعنا على الدنيا فيه ازدواج بين الجنسيات الخليجيه ... الله لايفرقهم ابد ...ويجعل شر الحاسدين بنحـــــورهم ..
والجويهل الله يرده لعقــــــــله ان شاء الله ويطفي نار الحقد والحسد اللي شابــــه بقلبه هو واللي على شاااااكلته ..

 

[Eva-SS]

رد: رد : الحبس سنتان و4 أشهر لـ «مزدوج»

هاذي فبركه اعلاميه بس لتاجيج مشاعر الشعب ضد المزدوجين

كلام صحافه

عموما قضية المزدوجين هذي مافيها اي حياديه يعني الحكومة لو تبي فعلا تقضي على المزدوجين يعرفون الاجراءات الصحيحة اللي يسوونها بس للأسف هي المقصود فيها فئة معينة


واللي تقول الجناسي الاجنبية مافيها مزايا مثل الخليجية شي يضحك صراحه مادري شنو المزايا اللي تتكلم عنها اللي عند الدول الخليجيه .. خل تشوف كندا وبريطانيا حكوماتهم شنو تقدم لرعاياها وشنو مميزات لهم .. وكافي هيبة الجنسية الامريكيه اللي عنده جنسية امريكيه محد يحوشه ..

بكل جواز امريكي مكتوب ( نحن نحميك اينما كنت ) وبجوازاتنا مكتوب ( يرجى تسهيل اجراءات حامل هذا الجواز ) بس هذي بروحها كافيه :nocommint:

 

[dnyay_mll]

رد : الحبس سنتان و4 أشهر لـ «مزدوج»

عقبال الباجي ان شاءالله

وتنظف ديرتنـــــــا

 

[نور النـور]

السالفه مو سالفة شمعنا سعوودية
السالفه ان السعووديين اهما اكثر فئه مزدوجيين عندنا

بعدين المفرووض يكون ولائنا لديرتنا مو لديرة غيرنا (شمعنا السعوديه)

وان شاء الله يسحبوون جناسيهم كلهم خل يردوون ديرهم مناك ^-^

انا استغررررررررررررب وبشدة من اللي مو عاجبها تسحب الجناسي من المزدوجين !! !

 

[المبدعـه]

الكويت للكويتين فقط ...​

 

[عيارة]

رد : الحبس سنتان و4 أشهر لـ «مزدوج»

حييييييلهم فييهم قاعدين يعيشون بخير هالديرة والطمع وصل لي جنسية ثانية حسبي الله عليكم وعلى كل مزدوج

وان شاء الله ينقرضون ونخلص منهم

الكويت للكويتيين

والباجي يلاااا بره