الحبوب السوريه

[الماس الحلوه]

بنات قررت استخدم الحبوب السوريه بس بستخدم علبه وحده قبل عرسي و ان شاء آللّـــــہ ما اتضرر منها
تكفون لاتخرعوني لاني قرات ان في بنات خذوهم واستفادو ترا حتى اللي يبيعهم قالي فيهم كورتيزون بس شسوي عفيه اللي اتعرف بنات استخدموهم تقولي ابي تشجيع يلا هههههه

 

[سنااااي]

لاتجازفين قبل العرس.....

 

[b_alfadli]

لا لا لا تستخدمينــــــــهم والله مو زيــن خطريـــــــــــن وانتــــــي براحتـــــــــج


عنــــــــدج اعشـــــاب سلسبيل البحـــــــر لزيادة الوزن عجييييييبه انــــا ألحيــــــن استخــــــــدمه والله انه زاد وزنــــــي وطلع لي خــــــــدود ,,,,

 

[الماس الحلوه]

لابنات بس تعبت من شيء اسمه اعشاب ما راح تنفعني لان طبيعة اكلي قليله. انا مابي تقولون لي موزينه لاني عارفه هالشي ابي تجارب البنات مع هالحبوب

 

[متوترة]

ووووووووووووووووويلي

يقولو لي هذي النار واطب فيها

مايصير فديتك اسحبي عليهم

اب اب
ان شاء الله البنات يفيدونج

 

[S & H]

up
up

 

[حور العيون]

ياقلبي من صجج تتكلمين


انتي مقبله ع زواج دربالج مو اي شي تاكلينه



خوفج لا سمح الله تضرج من ناحيه وتنفعج من ناحيه


ابعدي عن الشر وغنيله

اذا انتي حيل ضعيفه وماتشتهين تاكلين روحي الصيدليه تعطيح حبوب فاتح الشهيه ع الاقل مضمونه


بس حبووبه نصيحه لاتاكلينهم

 

[kwait doll]

وه يا حلات الضعف والعصاله ويا شين الشحوم واللحوم والزوائد والزغاديد شتحجين عنه انتي من صج خلج على ضعفج بس حرصي ان كل شي تلبسينه يكووون ضييييج ولاااصق وتطلعين نفس سمر بالعشق الممنوع ؛)

 

[كلي لكـ]

حبيبتي لاتغامرين حرام ترى نفسج لها حق عليج
واذا كلش تبين خدود يبا روحي تفخي وبس
ولا تاخذين شي ماتدرين شنو

 

[مُـترفـَہ]

نصيحه لأ اختي جربتها وللحين تبجي دم منها

وانتي براحتج

 

[Miss.madry]

مترفهـ

> حبيبتي ممكن اتقولين ش صار ب آختج ؟!

 

[حلوه بس بلووه]

لا تاكلينهم اكلي الخميره احسن واضمن

 

[بـلآكـ مآتدري]

مــو مــن صـــجج

 

[أميـِـِره]

ياقلبي لاتجربين بنفسج قبل العرس

ماتسوا علييج يصير فيج شي ولا شي لا سمح الله

موفقه ياقلبي

 

[معزوفه حنين]

ابعدد عن الشرر وغنيله

 

[فيونكة_وردية]

ماعندي اي فكره كان عندي رقمهم عشان بدق واطلب ومادقيت مادريي من الله ترددت

ياريت البنات يفيدونج انا بعد ودي بخدودي تكبر ")

 

[مُـترفـَہ]

بنات الحبوب تسبب تمدد في المعده < اول شي ماهمنا كنا نبيها تمتن والله ان بطنها لي ركبتها بشكل مئرف
ركبها ماتشيلها كذا مره تطيح من الدرج وتبجي وظهرها تحس عظامه تعورها وجسمها صار كله حبوب
وخصوصاا صدرها وظهرها
صارت كله تروح الحمام معناته الكلى عندها ماتشتغل مثل مو مفروض
وصارت مشششعره الوجه اسود من الشعر
بنات صارت تجيها رجفه ! مادري شلون اشرح بس ماتقدر تمسك شي طبعا هالشي مو على طول بعد مده
والمشكله مو بس هني

لما خلتها تخيلو من اول يومين خلتها عظامها صارت ما تشيلها خصوصا ركبها وكتوفها
تقول احس لو اطيح انكسر

استغفر الله صج نقمه واحنا مساكين اي شي يسوون له دعايه نسويه ولا نفكر

والله الحين ردت صارت نفس ضعفها قبل بفتره صغييره بعد ما هدتها والكرش للحين للركب !
وغير الخرايط بالجسم

بنات اختي بتتفخ خدودها عالاقل شي بالعقل ومعروف وماله اي ضرر اذا بعياده معروفه
وجسمها يكون محافظه عليه

نصيحه عرايس سوي تعبئه للخد او نفخ خفيف مو مبالغ ونظاره وتنضيف بشره وتصيرين وااو
ليش تخربون الاجسام واذا حملتو على طول بعد الزواج يمكن يضر البيبي لانها تمتص الكالسيوم من الجسم

 

[توفـــا]

امبي لا تبدعييين دربالج :\

 

[تفاصيل الغرابه]

اب اب

 

[الماس الحلوه]

هههههههه تصدقون بنات داقه عالمندوب من يومين يجيب لي الحبوب السوريه وقاعد يماطل ماجابهم بس احس آللّـــــہ موكاتب لي اخذهم. يعني قررت ما اخذهم فديتكم آللّـــــہ يعطيكم على قد نيتكم يابنات يا احلا خوات بالمنتدى وادعولي يزيد وزني هههه