الحركات الفصلة الي سويتيها مع زوجج

[المطوعة]

صاحبة الموضوع قالت لاتشاركين وغلطت علي وفوق هذا انا احترمتها وماشاركت
اتمنى تطلب من البنات مايتكلمون عني
لان كل الي انقال قريتة وعندي عليه ردوود وقويه بعد
لكن انا راح اتجاوز عن الاشياء الي تخصني
ويهمني موضوع الشيشة والتدخين
ومو معنى ابوج يشيش او امج يعني حلال ؟
الادلة شكثرها بس ادري مالكم خلق تقرون ودكم بالسوالف البايخة والشماتة والمواقف الخيالية
ومالومكم لانكم مثل ماقلتوا شبعتم من النكد وودكم تضحكون شوي
انا الحمد لله شبعت من الوناسة بطاعت ربي وودي انكد عليكم شوي
ياتتسنعون ياماتتكلمون بالدين كلششششش
عذر اقبح من ذنب = (الدين يسر) اي شنو يعني يسر نطلع عوراتنا ونبوس بعض بالشارع ؟
يسر نلبس شورتات وتبين فخوذنا
شن واليسر بنضركم ؟
اذا تبين تعرفين الحق بالموضوع ويهمج رضى ربج شوفي هالفيديو مدتة 9 دقايق من حياتج ماراح تأثر
اذا مايهمج لاتتكلمين عن الدين لو سمحتي
وصرحي انج علمانيه وتكرهين الدين
مانبي نفاق
http://www.youtube.com/watch?v=W6fPpkUo640

ارجوووووو من الي مو عاجبها لاتعلق علي كلشش علشان اسكت

 

[Om zayd]

اممم اذكر بتايلند ركبنا الجت سكي وبدعنا فيه لعبنا بحمام السباحه بالليل بالغصب رضا ادخل ودخلت بالتريننق خخخخخ كان شهر العسل كله لعب وناسه ونلحق بعض ونرقص باليل ونستعبط <<<< ياحلوها من ايام

 

[نونو العصله]

استغفر الله يا رب

لا تعليق الصراحه

شيشه حلال ولا حرام
شي بيني وبين ربي وبعدين احنا مسنعين و محترمين حالنا

على فكره انا وزوجي دخنا من نفس الزقاره كدعابه

اتمنى من المشرفات يشوفون حل
داشين نغير جو ونضحك
مو حاله هذه
متعاطيه مخدرات انا

 

[نونو العصله]

وبعدين منو هذا المفتي
اول مره اشوفه

 

[حبوبة الأطفال]

الي اختي المطوعة


حســن الخـلـــق
الحمدالله رب العالمين والصلاة والسلام على نبينا محمد وعل أله وصحبه أجمعين وبعد .

ليس هناك شي يزين الإنسان ويرفع درجته عند الله . ويعلي مكانته بين الناس مثل حسن الخلق .

وحسن الخلق يعني أن يتحلى الإنسان بكل الصفات الإنسانية الجميلة ، كالحلم والصبر والعفو والكرم

والمروءة والأدب والتواضع والمعاملة الطيبة مع الآخرين ، وغير ذلك من الصفات الكريمة . وحين

أثنى الله سبحانه وتعالى على نبيه محمد ـ صلى الله عليه وسلم ـ فقد أثنى عليه بحسن الخلق . فقال

جل شأنه { وانك لعلى خلق عظيم } وقال ـ صلى الله عليه وسلم ـ (إنما بعثت لأتمم مكارم الأخلاق)

فيجب علينا التمسك بالأخلاق الفاضلة وان نترك الرذائل لان حسن الخلق من صفات الأنبياء والرسل

ومن يتصف بهذه الأخلاق يكسب رضا الله [ سبحانه وتعالى ] ومحبة الناس



اولا يااختي حببي الناس فيج ... عشان يتقبلون كلامج

موتجينهم بطريقة هجومية هذا حرام وهذا حلال وكيت وكيت

واذا وصلتي المعلومة بطريقة حلوة .... تقبلوها تمام .... واذا ماتقبلوها هذي حياتهم واهما حرين
فشتقولين .... اللهم اني بلغت اللهم فأشهد

وسلامتج

 

[»βαzεя«]

صاحبة الموضوع قالت لاتشاركين وغلطت علي وفوق هذا انا احترمتها وماشاركت
اتمنى تطلب من البنات مايتكلمون عني
لان كل الي انقال قريتة وعندي عليه ردوود وقويه بعد
لكن انا راح اتجاوز عن الاشياء الي تخصني
ويهمني موضوع الشيشة والتدخين
ومو معنى ابوج يشيش او امج يعني حلال ؟
الادلة شكثرها بس ادري مالكم خلق تقرون ودكم بالسوالف البايخة والشماتة والمواقف الخيالية
ومالومكم لانكم مثل ماقلتوا شبعتم من النكد وودكم تضحكون شوي
انا الحمد لله شبعت من الوناسة بطاعت ربي وودي انكد عليكم شوي
ياتتسنعون ياماتتكلمون بالدين كلششششش
عذر اقبح من ذنب = (الدين يسر) اي شنو يعني يسر نطلع عوراتنا ونبوس بعض بالشارع ؟
يسر نلبس شورتات وتبين فخوذنا
شن واليسر بنضركم ؟
اذا تبين تعرفين الحق بالموضوع ويهمج رضى ربج شوفي هالفيديو مدتة 9 دقايق من حياتج ماراح تأثر
اذا مايهمج لاتتكلمين عن الدين لو سمحتي
وصرحي انج علمانيه وتكرهين الدين
مانبي نفاق
http://www.youtube.com/watch?v=W6fPpkUo640

ارجوووووو من الي مو عاجبها لاتعلق علي كلشش علشان اسكت

والله كلامج عين العقل وصح .. بس خلاص اللهم اني بلغت اللهم فاشهد .. و اي معاج ان البعض اللي سووه مو عدل بس اهي على قولتهم (( فصلات )) يعني مره مرتين مو 24 ساعه يسوونها .. والشيشه والزقاير صح حرام لأنها مضره للجسم __ قال رسول الله صلى الله عليه وسلم (( لا تزول قدما عبد يوم القيامة حتى يسأل عن عمره فيما أفناه وعن علمه ما فعل به وعن ماله من أين اكتسبه وفيما أنفقه وعن جسمه فيما أبلاه )) ,, عموما اللي حبيت اوصله ان كلامج صحيح بس طريقتج كلش مو صحيحه ابتوصيل هالكلام

.. والله يهنيج حبيبتي ويكثر خيرج

 

[حبوبة الأطفال]

امبيه انا صار لي موقف انا وزوجي في ماليزيت بجنتنج كنا رادين الفندق بالليل مشي وداشين الفندق من مدخل جانبي مو من الباب الرئيسي وكان الممر طوييييييييييييل وبين الشجر وظلمه ولا كان في حفله بفندقنا واغاني والصوت عالي عاد انا وريلي قمنا نرقص رقص معاقين خخخخخخخخخخ والشارع كان مرتفع ونازل لي الفندق عاد كان ظلمه واحنا بدعنا بالتعوق هههههه امبيه على ما وصلنا قربنا الفندق ولا في عايله كويتيه كانو قاعدين بالظلمه ينطرون الباص وشافونا امبيه احراج عجيب قمنا نخش ويوهنا

ياريت لو الرقص عادي جان ماكو مشكله اهون بس كان رقص معاقين خخخخخخخخخخخخخ​

زعنوووفه

ههههههههههههه خلاص فصلت

ربي يهنيج بزوجج ويخليكم لبعض

 

[باااربي]

اوووووووووووووووووووووووووه
وااااااااااااااااااااااااااايد هههههههههههههههههههههههههههههههههه اذا بقول
ماراح نخلص ...

 

[دلع انثه]

حلوة مواقفكم

 

[~Unreachable]

امبييه انا ويني عن هالموضوع من زمان !!!

الله يا كثر فصلااااتناااا

اذكر بعد ما ملجنا بشهرين بلش مهرجان هلا فبراير

مرني البيت على اساس بنروح الكرنفال

لمه ركبت السياره مت عليه من الضحك لابس كاب طويل على علم الكويت و مزين السياره من داخل

وشاري اعلام و فومات و كبابيس و ماسكات

استااااانست حدي ماتوقعته وطني لي هالدرجه خخخخ

لبسني ماسك و قعدنا نصور ونجكجك

و غرقنا الاوادم بالفومات لمه زفنا الشرطي و خذا عدتنا هههه

و بعدها باسبوع تقريبا خذاني بليل و قالي خنروح فندق لوول وانا الدنيا سهالات عندي و احط جنطتي

واقول حق اهلي و امي وابوي يضحكون

عاد رحنا ولا فنادق البحر مسكرين الشوارع كلها ف اضطرينا نحجز هوليدي ان بس مو اللي عالبحر

اللي صاير صوب مطعم البلد ماعرف اوصف بس المهم انه دااااخل بعيد عن البحر

والله ونحجز ونلبس و نطلع نمشي الساعه كانت 2 الفير والشوارع كلها مسكره مالت الكرنفالات

و نمشي ونمشي وندش بقاله نشتري ماي و عصير و مؤونه للمشي خخخ

ونخطر بهالشوارع ماكان فيه غير سيايير العرض و الاكشاك و طيايير حربيه و دبابات كلها للعرض واحنا نصور ونصعد فوقها

اخر شي لمحنا جيليز مبطل جنه شايفين ماي بعز الصحرا و نروح ركككككض لووول

المطعم فاااضي والفلبينيه تقول شلون ييتوا كل الشوارع مسكره خخخخ ريلي يقولها اول وكلونا و نقولكم ههههههه

ويوم طلعنا شالني على ظهره و يبوسني و مادري شسوي فجأه سمعنا واحد يقول اقسم بالله مبين صاحبته @@

ولا العسكريين اللي يحمون الدبابات و شغلهم مبسطين عالارض و شايفين كل خبالنا و متراهنين مع بعض علينا

امبيه نزلني و قمنا نمشي محترمين لووووووول فششششله نقص ويهي


هاليوم كلش ما نساه

امممم طبعا من بعد العرس زاااادت الفصلات

اول ماسكنا بس كنا مأثثين غرفة النوم و الصاله تصفر

فجاه الفير قالي ترى صفاة الغانم مفتوح 24 ساعه شرايج نروح نأثث الصاله و بعدين نتريق ونرد انااام !!

والله ماصدق خبر و نطلع بقمة نشاطنا و نشتري التلفزيون و الاثاث و طاولة الطعام و ردينا خخخخ

ابي مواقف وايد مابي اكتبهم مره وحده كل مافضيت بدش اكتب موقف

لايوقف بناااااات

والله يبعد عنا الحساد و ياااااكثررررهم اللي عبالهم الزواج انج تكونين خدامه !!


لايوووقف

 

[DaLoo3t BaBaTii]

.


لوووول فصلآتكم إبدآآع !

كملوا كملوا


.

 

[نونو العصله]

لا يوقف
مواقفكم عسل

 

[kareeb]

اااااااااااااااب

 

[السليلة]

الله يوفقكم

 

[شمعة،الجلاس]

هههههههههههههههههههههههههههههههههههه



والله انا ماضحكني غير المطوعه


صايره قمله بالموضوع لوووووووووووول




اما اللي تقول يرقصون معوقين بممر قتلتني ضحك >>احب الخبال ههههههههههه



>>طماشه ونتمنى لكم مزيد من الفصلات

 

[أم بيونة]

ههههههههه
عليكم بالعافية
مع ان زوجي شوي حمش خخخخ وعصبي
بس تجيه فصلات غير شكل
مرة أصر علي نركب لعبة السفينة إللي تروح وترد
ماأدري شسمها مثل المرجيحة بس على شكل سفينة
وتطلع فوووووووق وترجع اكيد عرفتوها
اول مرة اركب هاللعبة وتو قلت بسم الله
قالي تمسكي زين ولاتصارخين
انا حدي خاااااااايفة
واول مابدت اللعبة شوي شوي وبعدين صارت تطير
بسرررررعة وتصعد فوق اكثر وانا ساكتة وأقرأ بعض الآيات
شوي إلا ذاك المتلطم ويصااااااااااااارخ وقاموا اللي باللعبة كلهم يصارخون
مت ضحك مع اني خايفة لما نزلنا يقولي ها شرايج فيني
اسوي حمااااس للي معاي هلكت ضحك عليه
الله يحفظه ويخف من هالعصبية الزايدة

 

[نونو العصله]

ههههههههههههههههههههههههههههههههههههههههه

انا ريلي مع انه مغامر
بس بسالفة العاب الملاهي
انسي
يخاف حده
يقول وراي عيال بخلفهم

 

[ابـيـض واسـود]

هههههههههههههههههههههههههههههههههههههه بعدددد

 

[غلآتك]

احنا للحين مآلجين الفصله اللي سويناها بالبحر واقفين فوق بالكورنيش والبحر ع طول تحتنا
وموجود حاجز صعدنا يم الحاجز وصرنا نمشي لين شالني وجى بيحذفني وانا اترجاااه وهو يقولي قولي احبك بالاول ويضحك بااعلى صوته
لين مرو شباب وهم يقطون نغزات هو ع طول نزلني بس جد قمة الاحراج وعلى طول للسياره لوووووووول

 

[متغليه لعيونه]

ههههههههههههــــــــــاااي
ربي يسعدكم