الحظ مايقوم الاحق الشلقه والبلقه وشينة الخلقه

[ملح وسكر]

لا حبيبت قلبي منو قالج الرفله حضها قايم لا بالعكس حياتها كدر وهي عايشه عالبركه اما السنعه كثر ما تتعب مع الزوج والاولاد تكون انسانه ناجحه وسعيده ودايما مبتسمه

 

[ام العيال]

[

بس صج لى قالو الحظ مايقوم الا حق الشلقه والبلقه وشينة الخلقه[/QUOTE]



هههههههههههههههههههه عجبتني وايد :eh_s(9): :eh_s(9):

 

[طال السكوت]

انا اششششششششششششششششششهد

ان هالمثل صحيح الف بالميه

 

[أسيرة قلبه]

مو شرط

اذا الريال فيه طير و ما يعجبه العجب و لا صيام برجب لا سنعه و لا رفله تنفع معاه

و اذا كان خوش واحد وولد ناس اقل شي يبين بعينه

 

[طفوش]

مو شرط

اذا الريال فيه طير و ما يعجبه العجب و لا صيام برجب لا سنعه و لا رفله تنفع معاه

و اذا كان خوش واحد وولد ناس اقل شي يبين بعينه

معاك حق وهذا اللى يبط الكبد

 

[al3ethri]

انا اقول صج ان كلامج صحيح بس صدقيني كل وحده تسوي باصلها
النظافه الشخصيه مثلا بالدرجه الاولى لج مو بس له
وفي النهايه الريال قلبه هالكبر بيعرف النظيفه من الوصخه الا اذا تعود
عالريحه ومايقدر يستغني عنها خخخخخخخخخخخخ
وصدقتي بالنسبه للحظ ما اقول الا ان شاء الله تكبر حظوظنا
يارب

 

[عروب_27]

والله كل اللي قلتوه صحيح-----
سبحان الله حتي الرجال يتطبع بطبعها----------
اول رشيق وكشخة ونوادي ولما اخذها صار مثلها يفرم من اللحم والعيوش ليما طق كرشة-----------
وبعضهن سبحان الله حتى الحجي ما تعرف تتحجى هذا غير اهمال النظافة والعيال ماتطالع فيهم وعند زوجها هي كل شي----
وبعضنا سنع وشطارة ونظافة والوجة والزول الحلو ومقرودة ماكو حظ--------
عسى الله يرزقنا الحظ الحلو -أمين

​

 

[عروب_27]

طيب شنو البلقة والملقة؟؟يعني العوبة؟؟

 

[MISS^^CHANEL]

اخخخخخخخخخخخخخخخخخخخخخخخخخخخخخخخخخخخخخخ ياقلبي
خليني ساكته في اخس من جذي والله وربي في حشاكم ومكرمين زبااااااااااااااااااااااله وريلها من حلاته استغفر الله ماتقدرين تشيلين عينج عنه واهيا زباله اللي ريحة الطباخ تهب تهب منها

واهو نعم ياعمري امري ياقلبي

ماقول الا مالت على حظي اللي سويته يادهينه لاتنكتين وهم ما انملت عينه

 

[*مستانسه*]

سبحان الله جبج حتسه باللي بقلبي كلامج كله عدل الا ماندر طبعا ,,,, وانا اشوف هالشي فيني انا واختي ,,,, اختي مهيته بيتها وعيالها وريلها كله مع الخدم تسافر بالشهر و اكثر مع امي وخالاتي و تقط اليهال بالبيت مع الخدم ولا تدريس ولا شي وانا اللي مجابله كل صغيره وكبيره عساني ما اسهى عن شي الشينه والمقصره و العيب فيني

 

[ورق عنب]

صح لسانج .... بس انا بزيد عليه مايقوم الا للنذله والجقله والنحيسه والشريرة والملسونه

 

[ورق عنب]

صح لسانج وانا بزيدهم مايقوم الا للنذله والنحيسه والملسونه والخامله والشريرة

 

[!! شوق !!]

صدق من قال



حظ الجلايح بالسما لايح وحظ الملايح بالقاع طايح

 

[diorella]

خواتي ودي اقول كلمت حق .. وياليت ماتزعلون ؟:eh_s(17):
اولا مايجوز السخط .. يعني انج ماترضين على حالج وتطالعين غيرج وشمعنه وشمعنه.
ثانيا .. حب لاخيك ماتحبه لنفسك .. الي الله عطاها الله يهنيها ان شاء الله..ودائما قولوا : (( اللهم بارك لها فيما رزقتها وارزقني حظا مثله)).
ثالثا الله سبحانه هو مقسم الارزاق .. و لازم تعرفون حبيباتي ان الله سبحانه هو الكريم و هو المعطي .. وانه سبحانه مايظلم احد برزقه .. !

المشكله في ابن ادم كثير يشتكي وقليل يحمد ويشكر.. قال تعالى (( لئن شكرتم لأزيدنكم )).

فالشكر والصدقات والطاعات والدعاء.. اشياء جميله تبارك لنا في انفسنا و مالنا وبيتنا .. واتمنى لكم ولي كل الخير من ربي وعسى الله يرزقنا الرزق الحسن من الابناء والازواج آمين

 

[طفوش]

الف شكر على المرور حياتى كلكم ذوق والله والاختلاف فى الراى لايفسد للود قضيه

 

[!! الواصليّـــــة !!]

كلّن ياخذ نصيبة !
انشهد ان كلامج صح 100%100
مير الله كريم !

 

[الوردة المكنونة]

والله هذا اللي صاير هالأيام

أنا من أول ما اقعد من النوم وأنا كراف بين اليهال وبين الريل والمطبخ وشغل البيت كله على راسي لين ينام ينامون اليهال انا انام شوي اريح جسمي وكل هذا بس اطلب طلب بسيط تصير فيني كل عيوب الدنيا
حتى قبل جم يوم طحت من طولي الدكتوره قالتله رحموا البنت منهد حيلها لازم ترتاح الحبيب ريحني يومين عشان خاطر الدكتوره لوووووول لا وبعد امه مو عاجبها ليش مرتاحه يومين بس ما اقول الا الله يعين قلبي مادري ماخذينا حريم ولا خدم

 

[توت عنكبوت]

انا اشهد

 

[معلمة العاصمة]

يا جماعة عسى ربى يكبر حظكم وحظ من يعز عليكم انا مو متزوجة بس بصراحة شوووووف عينى الوصخة اعزكم الله واللى مو مرتبة ما تطيح من عين عيون الريل يبا زمن منو الغلط ومنو الصح ؟؟؟ ما اقول الا اللى نبيه عيت النفس تبغيه واللى يبينا ... كملوا الباجى وسلامتكم

 

[عروس وربي يعيني]

مو شرط ياقلبي تدرين ليش

لان حسب الـــــــــــــــــــــــــزوج نفسه

في زوج يقصر ويا الغير سنعه وفي يقصر وياالسنعه

ويمكن لان الزوج نوعيته طيب ويطوف المره تهمل روحها وتهمل بيتها وعيالها مالت عليها

بس انا الي يقهرني الجنه اذا حسب خبرات سابقه جريئه ودلوعه يعني عووبه وعندها لسان وشخصيه الكل بالبيت يحترمها حتى حماتها وترفع راسها فيها عشان بس لسانها معسول والطيبه والي على نياتها وهاديه وفي حالها كل النقد عليها ليش عشانها كافيه خيرها شرها

شتسوي الي من بيت اهلها للدراسه ماتشوف ناس ولاتحتك باحد ولا تهيت 24 ساعه ولا رافجت قبل عشان تصير مايعه حيل

ولا عندها خبره بالتعامل والكلام ويا زوجها ولا اهله

يطيح حظها لي تزوجت ولا لأ

الله يعين