الحظ مايقوم الاحق الشلقه والبلقه وشينة الخلقه

[بنات حواء2]

الناس حظوظ

 

[.. مـــلاكـ ..]

كل شي نصصصصصصصصصصصصصيب

 

[كريستال ليدي]

والله انج صاجة في حريم حظوظهم قاعده و رياييلهم مسوينهم يا دهينة لا تنكتين و في حريم والله لو شتسوي حق الريال ما يطل بويهها و كل شي منها مو عاجبة


و يقولون الحريم صعب تفهمهم عيل الرياييل شلووووون !!!!

 

[manarah]

(( واللي ماعمرها شافت الحدود بشهر عسلها تروح أربع دول واللي مدلعـه عند أهلها من تاخذ الريال ما تطلع من الديررة )) هذا ينطبق على والله حتى الحدود ماشفتها وياه

 

[زهرة اللوتس]

هذي ارزاق سبحان الله احنا نسوي اللي علينا ونحتسب الاجر من رب العالمين

 

[cupcake]

والـــــــــــــــــــــــــــــــلــــــــــــــــــــــــــــــــــــــــــــــــه كل كلمة قلتيها صح يا طفوشة :0bee2e8d89:
عبرتي عن كل اللي بخاطري من سنين :eh_s(14):

 

[غنوة ستايل]

على طول على الموضوع


راح انقهر من اللى اشوفه بين هالناس والعنوان اكبر دليل


يااهل المنتدى اذا انا غلطانه قولولى انا اشوف حريم الله لايوريكم اهمال فى عيالهم ونفسهم من



ناحية لنضافة والاهتمام والبيت اذا دخلتيه شوي وترجعين من الريحه والسكانات والتقديم حدث



ولاحرج وفى المناسبات العن اللبس عليهم من الذوق المؤرف


وعيالها كل واحد قاضب سكه فى الشوارع ولابيد الخدامه والاثاث ماتلاقين مكان نظيف تقعدين


والله ماابالغ والله العظيم الله على مااقوله شهيد ههههههههههههههههههه


مع هذا الرجال صم بكم ولاهمسه ولاكلمه ولاتعليق ومكيف مع الاخت اللى والله حتى النظافه


الشخصيه صفر وشوفة عينى الشخصيه وانتو تعرفون شنو الشخصيه


مع هذا كل سنه سفره وكل مكان تبيه يطلعها والدلال



بنات الله يهنيهم بعض بس وين كلامكم الرجال يبى نظافة واهتمام وطباخ وين الكلام هذا


مع كذا وحده اعرفها والرجال موعارف وين يوديها


والله لو نقصر بالنظافة الشخصيه ولانظافة البيت والعيال كان كنا فى خبر كانه


وصرنا علكه كان رياجيلنا ماخلت كلمه ماقالتها



بس صج لى قالو الحظ مايقوم الا حق الشلقه والبلقه وشينة الخلقه

اختي مو حاسه بكلامج هذا انج قاعده تعرضين على حكم الله
و على توزيع الارزاق
الله ترا موزع الارزاق و عارف كل وحده شنو تستاهل و شنو الانفع لها
بس لما تطالعين الناس و تقولين ليش ؟ وشمعنه ؟؟ظ
هذا معناه انج معترضه على حكم الله في عباده
وتوزيع الرزق
والزوج و العيال و البيت حتى لو كان مثل ما وصفتي وسخ
كله مكتوب ومقدر للمرأة هذه و الرجل هذا

 

[الاخلاص]

اشفيكم اتحلطمون خلو الناس بحالهم وبعدين ترا مو صج الي تقولونه

هذا حظ ورزق من الله ادعو ربكم بس

 

[المبدعة]

اممممممممممم


هذا النصيب انكتب انكتب

 

[kuwaitya_zoGaa]

تدرين ليش ؟؟؟
لانه ماعودته على الدلال
زوجج لماتعطينه حقوقه كامله راح يطمع ويقول ابى بعد ويتهمج بالتقصير ويكون متعود ومايحس انه دلال
عباله ان هذا شى عادى كل الحريم تسويه !!!
ولو بالغلط نسيتى شى فج حلجه وقال ليش وانتى مقصره
بس لما تدقرينه وتسوين له شغله على المزاج ياكبرها عنده

 

[qa6wa_q8]

انا معااج بهشي وشووووووووووووووووفة عييني

 

[lolly]

تدرين ليش ؟؟؟
لانه ماعودته على الدلال
زوجج لماتعطينه حقوقه كامله راح يطمع ويقول ابى بعد ويتهمج بالتقصير ويكون متعود ومايحس انه دلال
عباله ان هذا شى عادى كل الحريم تسويه !!!
ولو بالغلط نسيتى شى فج حلجه وقال ليش وانتى مقصره
بس لما تدقرينه وتسوين له شغله على المزاج ياكبرها عنده

صح 100% بس مو معناته اني اهمل بنفسي وفيه عشان يهتم فيني !!!

 

[Tangled]

والله يا اخت طفوش كلامج نوعا ما موافقة علي برايي الشخصي
ليش؟ سألتيني ليش لأن كل شي قسمة ونصيب في هالدنيا والله لو انتي شنو لو شنو ؟ ما تاخذين الا اللي الله كاتبه لج
وهم ترا في وايد قصص وسوالف من اهلنا ومن برة اهلنا سمعت عنهم يتطلقون عشان الشلقة والبلقة على قولتج ترا مو ، وايد رياييل يطلقون والسبة الوصاخة ولا قلة السنع
مو شرط كلشششششششششششششششششششششششششششششش


الواحد يسوي اللي عليه المرة فينا اللي تخاف ربها واللي عقلها كبير وفاهمة طبعا اهي بتعرف ان اللي تسويه ما تنطر من وراه مردود ،، كل واحد يسوي حق نفسه ،، والدين شنو يقول : لا افراط ولا تفريط يعني ماله داعي التدليل الزايد اصلا كل شي يزيد عن حده ينقلب ضده والقطو يحب خناقه احيانا اسمع عن رياييل خاينين زوجاتهم ليش؟ والسبة يبي وحدة يحس انه يركض وراها ولا يبيها صعبة المنال على قولتهم فالتوازن زين ومطلوب ،، وارد واعيد واقول مو شرط لا الوصخة زين ولا الزايد عن حده بالسنع والنظافة زين عيشي حياتج حق نفسج عشان تقدرين تعيشينها حق غيرج وشكرا

 

[طفوش]

مشكورين على المرور

 

[*الماضي على ويش نعيدهــ*]

والله يا اخت طفوش كلامج نوعا ما موافقة علي برايي الشخصي
ليش؟ سألتيني ليش لأن كل شي قسمة ونصيب في هالدنيا والله لو انتي شنو لو شنو ؟ ما تاخذين الا اللي الله كاتبه لج
وهم ترا في وايد قصص وسوالف من اهلنا ومن برة اهلنا سمعت عنهم يتطلقون عشان الشلقة والبلقة على قولتج ترا مو ، وايد رياييل يطلقون والسبة الوصاخة ولا قلة السنع
مو شرط كلشششششششششششششششششششششششششششششش


الواحد يسوي اللي عليه المرة فينا اللي تخاف ربها واللي عقلها كبير وفاهمة طبعا اهي بتعرف ان اللي تسويه ما تنطر من وراه مردود ،، كل واحد يسوي حق نفسه ،، والدين شنو يقول : لا افراط ولا تفريط يعني ماله داعي التدليل الزايد اصلا كل شي يزيد عن حده ينقلب ضده والقطو يحب خناقه احيانا اسمع عن رياييل خاينين زوجاتهم ليش؟ والسبة يبي وحدة يحس انه يركض وراها ولا يبيها صعبة المنال على قولتهم فالتوازن زين ومطلوب ،، وارد واعيد واقول مو شرط لا الوصخة زين ولا الزايد عن حده بالسنع والنظافة زين عيشي حياتج حق نفسج عشان تقدرين تعيشينها حق غيرج وشكرا

كلامج 100%

لا افراط ولا تفريط

 

[FOZQ8]

يبا كل شي نصيب واللي تحجيتي عنها اللي مو نظيفه وعاجبه ريلها اكيد ريلها وسخ عشان جذي عادي عنده
يا بنات
ربنا قالها
الطيبين للطيبات والخبيثون للخبيثات
وكل شي نصيب
والله يهني كل وحده بريلها واذا اهوا راضي مالنا حق نعترض او نعلق هذا شي من ربنا يألف القلوب لوكانت شلقه وبلقه وشينه خلقه
اكيد يشوفها حلوه ونظيفه وست بيت درجه اولى
طفوش ترى احبج

 

[دنيا جديده]

سبحان الله صاااجه ليش حظهم قايم؟ الله يهنيهم

 

[موت الحمر]

اي و الله صح لسانج حبيبتي

و الله من قريت العنوان و انا احس ان سجين دشت بقلبي من القهر

اي و الله انا اشوف هالبنات ما شاء الله عليهم اقمار كل وحدة تقول الزود عندي و السنع و الذرابه

و كاهمة قاعدين ببيوت اهليهم ينطرون الفرج

و الله مو عن امدح بنفسي انا الحمدلله حلوة و اشزيني كل ما اروح مكان الكل يقولي

يا ساتر اشفيهم الرياييل ما يشوفون عميان

بس الواحد شيقول الشكوة لله

 

[حور الحلوة]

اي والله صاجه لا ويقولج انتي ما تدرين عن شي وانتي حتى الخدامه ماتلبس بنتج والا ولدج لا ومع هذا انتي الي فيج وما فيج وتلاقين الي اهي معفنه تتكلم وتقول انتي وسخه طوفي حبيبتي طوفي وطنشي

 

[::blackrose::]

بنات ابي اي وحده تعرف معنى الشلقه والبلقه تقولي


والله مادري شنو معناتهم صج كويتيه بس اول مره اسمع فيهم

ناطرتكم تردون علي!!!!!!!!!