الحقن المجهري مرة ثانية

[ماي الورد]

اخواتي العزيزات

رحت عند الدكتور على اساس ابدا بالعملية مرة ثانية فعطاني حبوب وابر لمدة 6 ايام وهاذي المحاولة الاخيرة بعد فشل الاولى وعندي باقي 3 بويضات المهم الدكتور قال لي ان الاجنة المجمدة غير مضمونة رغم انهن ممتازين لكن نسبة نجاحهن اقل من الاولى صراحة جاني احباط بعد ما سمعت هالكلمة هل معقولة ان الاجنه المجمدة نسبتها قليلة جدا ؟؟

ارجوكم ردوا علي

 

[.>حــــــــ(و)ـــراء<.]

انزين ما قالج جم نسبة نجاحها؟؟

و الاجنه من أي درجه؟؟اولى ولا ثانيه؟؟

 

[ماي الورد]

قالي من الدرجة الاولى واني خشيت لج الي احسن من العملية الاولى هذا كلامه لي قبل ترجيع العملية الاولى

 

[.>حــــــــ(و)ـــراء<.]

انزين دام ان نسبة نجاح الاجنه المجمده قليله

ليش خلاج تجمدين أجنه ؟؟ بس عشان تدفعين فلوس @@

يعني ليش ماقال من الاول ان نسبة نجاحها قليله؟؟

و الله هالدكاتره نصابين و مادييــن

بس حبيبتي انتي جمدتيها و اللي صار صار يعني حاولي

يمكن يصير حمل دامهم من الدرجه الاولى ؛؛ ماكو شي بعيد

عن ربج

و في ناس مايحملون من العمليه الاولى و يحملون من المجمد

 

[ماي الورد]

حتى انا قلت حق ريلي اذا العملية الاولى ما نجحت وهي طازجة وفرش على قولته لكن انا الحين خلاص موكله امري لرب العالمين ويصير خير مشكورة اختي على وقفتج وياي

 

[.>حــــــــ(و)ـــراء<.]

حبيبتي كان في معانا وحده بالمنتدى سوت العمليه يمكن 6 مرات تقريبا

و ماحملت

و كانت مجمده اجنه عند فوزيه القطان و حملت من الاجنه المجمده تخيلي!!

يعني 6 مرات مانجحت بس المجمده نجحت

كل شي بيد الرحمن

و عسى الله يرزقج الذريه الصالحه و توأم بعد عاجل غير اجل ياااااااارب

و تبشريني بحملج قريــــــــــب

 

[ماي الورد]

مشكورة يالغلا والله انج اصيلة يا بنت عموو وانشاء الله ابشرج انتي اول وحدة بس دعواتج لي

 

[.>حــــــــ(و)ـــراء<.]

الله يسهل عليج و يرزقج الذريه ان شاءالله

 

[&رعبوووبه&]

الله يسهل امورج يارب وتبشرينا انشالله

 

[كويتيه مذهله 87]

لا ان شالله اذا من الدرجه الأولي مثل الفرش

وان شالله تحملين بس انتي ادعي ربج كل ليله واقري سوره البقره

 

[Emanova]

عادي زايد ناس احملوا من الاجنه المجمده و خصوصا الدرجه الاولى ...

توكلي على الله و عليج بالاستغفار و الصدقات و الدعاء و ان شاء الله تبشرينا بحمالج يا رب

 

[سبكهاوا]

الله يسهل عليج وانشالله تضبط هالمره وتبشرينا

 

[هيونه الكويت]

توكلي على الله

 

[صلو على رسول الله]

الله يرزقج و تحملين بتوام ان شاء الله

اقري البقرة يوميا و اخلصي النية

و اذا ما كنتي محجبة التزمي

و بشرينا

 

[محاميه الغد]

حبيبتي انا اعرف وحده حملت بتؤام بنت و ولد من الاجنه المجمده
الي اله كاتبه يصير
و فرق النسبه بين الاجنه الاولى و المجمده مو وايد تفرق
الله يكتبلج الحمل و تبشرينا

 

[*caramel macchiato*]

الي الله كاتبة ربج بيصير....صج ان الاجنة الجمدة نسبة نجاحها اقل بس نسبة النجاح اتظل موجودة.....يعني لو ا الاجنة المجمدة ماتنجح جان ماجمدوها لنا....وعندنا اختنا بالمنتدى ((ملح مكتت)) احملت بأجنة مجمدة....لا تحاتين والي ربج كاتبه اهو الخيرة....وادعي واستغفري....عسى ربي يرزقني ويرزقج

 

[&زهرة اللوتس&]

جبيبتى انا اعرف وحدة رجعت اجنة مجمدة ومشاء الله حامل بتؤام

وبما انة عندك اجنة مجمدة لا تضيعيهم

 

[المهذبه]

حبيبتي الأجنه المجمده أفضل من الفرش ونسبه النجاح أكثرأو نفسها ماتقل عنها هذا ألي عرفته وأنصدمت وأستغربت أنتي وكلي أمرج لله بس منو دكتورتج أختي وشنو العلاج ألي أخذتيه 6 أيام....؟

 

[cute_angle]

انا بعد مجمدة اجنه وقالت لي الدكتورة ان الاجنة من الدرجة الاولى بس اللي فهمتني اياه انه شي زين
لا تفكرين وايد والله كريم

 

[ماي الورد]

دكتوري حازم الرميح

حتى انا سمعت ان المجمدة تكون اقوى واحسن من الفرش بس احنا ما بنكون اشطر من الدكاترة ياقلبي