الحقوني .. باموت من الخوف ساعدوني

[عابق الذكرى]

السلام عليكم

أنا بادخل بالموضوع سيده

أنا قبل جم يوم .. وكعادتي .. دخلت على المسن لقيته ما يقبل رقم المرور

وجيت أدخل على إيميلي .. بعد لقيته مايقبل بسبب كلمة المرور

سويت إعادة لتعيين كلمة المرور بوجود البريد الإلكتروني البديل ( بريد أختي ) وظهرت لي رسالة ان تم ارسال إعادة تعيين كلمة المرور للإيميل أختي ... لكن ما وصلت

اعتقدت ان فيه مشكلة بالهوتميل

بالليل وصلتني رسالة من رفيجتي اللي أنا مضيفتها ع المسن تقول ان لقت محادثة من إيميلي تقول ان اميلي انسرق .. وإذا أبغاه لازم أضيف إيميله خلال 24 ساعة

طبعا أنا طنشت الموضوع وسويت لي بريد ثاني


بعد 3 أيام وصلتني رسالة منرفيجتي اللي هم بعد مضيفتها في المسن تقول ان يتها من إيميلي المسروق رسالة يقول فيها : ان الإيميل سحب من ضمن الإيميلات الإسرائيلية لكن لما شاف محتواها عربي اتأسف ولقى بيانات عني من ضمن الرسايل .. فاعتذر وقال هذا الباسوورد الجديد .. وطلب تغيير المعلومات فورا عشان ماينسرق مرة ثانية لأنه معرض حاليا للتهكير

ولما استرجعت ذاكرتي .. لقيت فعلا مرة أرسلت بياناتي للجامعة كانوا طالبين وظايف وأرسلت لهم الـ cv حقي

وأنا الحين مرة خايفة لأنفضح وينتشر اسمي ورقمي وأنا والله مو غرضي سيء

بالله عليكم وش أسوي الحين

ووش أسوي مع إيميلي

هل أصدقه وأفتحه ؟؟ وأغير كل المعلومات اللي فيه وأحذف المضافين اللي عندي ؟؟

أو أغير كلمة المرور مرة ثانية الحين ؟؟

وهل إذا غيرت كلمة المرور بالبريد البديل ( اللي هو بريد أختي ) مايتعرض بريدها للتهكير ؟؟؟

أنا مره خايفه ومحتارة .. أحس إني راح أنفضح

أرجوكم ساعدوني ..طلبتكم

حسبي الله ونعم الوكيل إذا كان ناوي لي شر .. الله يزلزل الأرض من تحته

 

[وردة-الكويت]

والله ماادري

ياليت البنات يفيدونج

بس نبهي رفيجاتج واهلج الي موجودين ف الايميل وخليهم يحذفون الايميل المبيوق

 

[Miss Cherry]

اهم شي مافيه صور شخصيه مو مرسله صوره لج لاحد او شي


بالنسبه لبياناتج الشخصيه عادي ماشوف فيها فضيحه شنو بيسوي يعني بهالبيانات

انا لو اني مكانج بفتح ايميلي وافضيه كله وخلاص ماراح استخدمه سوي لج ايميل ثاني .. وشوفي شلون انباق ايميلج انتي واصلج ايميل من واحد ما تعرفينه وفتحتي الرساله ؟ او منزله ملفات او افلام من النت

لانه جايز يكون اخترق جهازج وعرف باسورد ايميلج من هالطريقة فالأأمن لاتزلين شي من النت ولا تستقبلين ملفات ولا تفتحين ايميلات مو عارفه مصدرها

 

[Miss Cherry]

اهم شي مافيه صور شخصيه مو مرسله صوره لج لاحد او شي


بالنسبه لبياناتج الشخصيه عادي ماشوف فيها فضيحه شنو بيسوي يعني بهالبيانات

انا لو اني مكانج بفتح ايميلي وافضيه كله وخلاص ماراح استخدمه سوي لج ايميل ثاني .. وشوفي شلون انباق ايميلج انتي واصلج ايميل من واحد ما تعرفينه وفتحتي الرساله ؟ او منزله ملفات او افلام من النت

لانه جايز يكون اخترق جهازج وعرف باسورد ايميلج من هالطريقة فالأأمن لاتزلين شي من النت ولا تستقبلين ملفات ولا تفتحين ايميلات مو عارفه مصدرها

 

[ام جسوم@@]

رد : الحقوني .. باموت من الخوف ساعدوني

والله مادري حبوبه بس انشاءالله مايصير شي

 

[الـفـجـر الـبـعـيـد]

رد : الحقوني .. باموت من الخوف ساعدوني

دخلي حبيبتي وغيري البيانات والباسوورد ومسحي اللي فيه والغيه

واسمج ورقمج ان شالله ماراح ينتشر شنو يبون فيه اهم شي مافي صور لج

 

[دلوعة أبوهآ]

ماعرررف بس ان شاءالله مايصير شي شين
والله يحفظك دام نيتك طيبه ..

 

[عابق الذكرى]

رد : الحقوني .. باموت من الخوف ساعدوني

مشكورين على الرد

خواتي ...

أنا للحين مافتحته لأني خايفه يكون حاط به ملفات تجسس أو فيروسات

وأنا خوفي من بيناتي لأن بها اسمي ورقم تليفوني أخاف ينشرها أو يستغلها بشي مب زين وأنا مالي بهالسوالف البطالية

والحمدالله مالي لاصور شخصية أو غيره

أما شلون انباق .. فما أدري والله

أنا ماأستقبل إيميل من حد مب معروف

شلون ماأدري أنا بروحي مستغربة ومب مستوعبه اللي صار


أنا ودي الحين أفضيه وأغير البينات وأحذف الإيميل من حياتي نهااااائيا

بس خايفه أفتحه لا يكون فيه ملفات تجسس عقب تنزل على جهازي

تهقون يصير جذي ؟؟


انتوا شرايكم ؟؟؟

 

[منوة القلب]

انا اقول ياصديقتك الي بالاميل تقص عليك او الي سارق اميلك يبي يخرعكم


أنا اقول مدام مافيه صور خليه لا تفتحينه ولا شي .. وش هالمعلومات المهمه الي راح يهددك فيها


كلها اسمك ورقمك .. لا تفتحين اميلك احتمال يهكر جهازك وياخذ المعلومات الي فيه واحتمال اذا كان عندك كاميره يشوفك من غير ماتدرين


افتكي ولا تفتحينه ..

 

[بنت الشمس]

اللله يستررر

 

[lolayasmeen]

لا ما عليج شي لا تفتحينه وخليه لان في ايميلات وايد تنسرق المهم انج ما تفتحينه وقولي لكل اللي حوالج انه انسرق
والمفروض الكل ما يفتح الايميلات الغريبه انا صارلي جم شهر ويدزون ايميلات مره من ال dhl ومره من الارامكس
ويقولون لي اغراض اللي وصلوج قبل لا نردهم ردي علينا ويحطون رقم تلفون علي شان ادق عليهم ولما ملوا يدزون
ملفات علي شان بس افتحها يتهكر ايميلي المهم حطي لجهازج برنامج حمايه قوي وهالايميل خليه يولي فتحي
واحد ثاني

 

[يالبيه 17]

رد : الحقوني .. باموت من الخوف ساعدوني

مادري حبيبتي والله بس خلاص لاتفتحينه شتبين فيه

الله يستر يارب

 

[.. المزن ..]

رد : الحقوني .. باموت من الخوف ساعدوني

لا عادي لا تخافين
دام انهم ردوا لاايميل لا تحاتين
الحمدلله على كل حال

 

[Lucky12]

رد : الحقوني .. باموت من الخوف ساعدوني

لا تفتحينه

وشنو يعني لو فيه اسمج ورقمج

مايقدر يسوي شي

ولو صار تقدرين بإذن الله تحلين المشكلة بمليون طريقة

قولي حسبي الله لا إله إلا هو عليه توكلت وهو رب العرش العظيم سبع مرات

وهو سبحانه يكفيج ويفرج همج

 

[Mona Lisa]

الله يستر يا رب

 

[إيمي1987]

رد : الحقوني .. باموت من الخوف ساعدوني

سلام

حبوبة غيري الايميل بس بالاول روحي حذفي كل الرسايل وغيره
وسوي لج ايميل ثاني ضيفي فيه الناس الثقة بس

وسوي فورمات حق الاب الي شبكتي منه بالايميل الاحتياط واجب عرفتي

لان اكثر سرقات الايميل من تهكير الجهاز نفسه

ولا تخافين عسى الله يحميج يا رب لو يبي يسوي شيء جان دق على تلفونج وخل تلفونج ما يسكت من رناته لوول


حطي بالج

 

[أميره الدوسري]

رد : الحقوني .. باموت من الخوف ساعدوني

سوي لج إيميل ثآآني وفكي نفسج ~

 

[Bent extra 3asal]

رد : الحقوني .. باموت من الخوف ساعدوني

والله يادري

ان شاءالله البنات يفيدونج

 

[يـونـيـك الغـلا]

حبيبتي اهم شي مافي صووره لج

ومثل ماقالو البنات نبهي رفيجااتج واهلج من هالايميل ..


وعسى ربي يستر عليج ياارب

 

[جذابه بنت ذيابه]

رد : الحقوني .. باموت من الخوف ساعدوني



الله يستر عليج



لاتحاتين ان شاء الله مافي الا العافيه






وعليج بالدعاء والصدقه بنية الستر