الحقوني..ولد اخوي صار فيه ارتخاء بالاعصاب العين.واحيانايصير حول....

[*شمعة الجلاس*]

السلاااااااااام


شلونكم خواتي تكفوون سااعدوني


*سلوم*ولد اخوي صار فيه ارتخاااء بالاعصاب العين.


واهو توه صغير اسم الله عليه عمره سنتين ونص السالفه توها صايره

قبل اسبوع صارت فيه اسخونه وبعدين الحمدلله صار زين بس امه لاحظت انه لما يطالع *توم وجيري*
عيونه تضرب بعض ويصير حول

وابيكم تسااااااعدوني اي دكتور نوديه...عيادة الحول...

انا قلت د.سامي ربيعه حيل حلو بس ادق علي عيادته ويطلع الخط مفصول


تكفوووون سااااعدوني...​

 

[ريمه الكويت]

عندنا وعندكم خير انا ولد اختي عنده ارتخاء وساعات عينه تفتر يسمونه الحول الوحشي لان عينه تروح الى طرف العين الخارجيه مو الى الدخل الي نفس الحول العادي تسير عينه تحول للداخل هذا يسمونه حول انسي اكو دكتور عيون متخصص للاطفال وقررلها عمليه لما يكمل 4 سنوات بس نسيت اسم الدكتور اسالج انشالله
على فكره فيه يهال يعطيهم نظارات وتتعدل عيونهم عالنظارات اهو يشخص الحاله

 

[بشتخته]

د . عبدالمطلب بهبهاني أخصاي أطفال

وايد شاطر انا وديت ولدي عنده

وانشالله ما فيه الا العافيه

 

[مريوما الحلوه]

انا شفت مره بالمريكا علاجها دكتور يحط مثل غطا على عينها مادري الصاحيه او الي فيها حول عشان تقوى عضلات العين

 

[مريوما الحلوه]

شوفي لقيتلج هذا نفس الي قلته يغطون العين السليمه


هل بالإمكان إنقاذ العين الحولاء من الكسل ؟

نعم إذا ما تم ذلك في سن مبكرة ويكون علاج كسل العين هذا عن طريق :-
علاج السبب المؤدي الى الحول , وستنحدث عن ذلك فيما بعد
تغطية العين التي توفر الرؤية الأفضل للطفل وذلك بهدف تحسين القدرة البصرية للعين الأضعف

 

[نووووونا]

الف سلامه حبيبتى شوفى هذا رقم عيادة سامى الربيعه

بالفروانيه 826826

 

[كويتيه وبس]

سلامته الف سلامه مايشوف شر إن شاء الله انصحج بالدكتور سامي الربيعه

 

[supermarket]

انا اخوي نفس حالة ولد اخت ريمية وهو من الولادة بين عليه

وسووله عملية شد الاعصاب بابن سينا ولبسوه نظارات بس هذا كله مافاد

الحين عمره 20 سنة اسم الله عليه ... بيشوف التجميل يمكن العلم تطور

 

[اسوووره]

سلام حبيبتي بما اني مريضه مخ و اعصاب و ملليت من الدكاتره احب انصحج بدكتور هشام الخطيب بدار الشفاء ...

و ربي يشفيه و يشفي جميع مرضى المسلمين ... وماتشوفون شر .........

 

["غلا مطير"]

السلام عليكم
انا اخوي نفس الحاله وعطاه الدكتور نظااره وزاد الحول قبل اذا شاف التلفزين يحول الحين صبت عينه
ومانفع شي

 

[النبع الصافي]

والله ولد اخوي نفس الحاله ولاتغير عليه شيء

 

[قطوة@@]

فيدكتور زائر برفسور حول أطفال أسمه محمود راجح زيارته تبدأ 6/6/2008 بس لازم حجز مستشفى دار الشفاء ممتاز وبتدعين لي .

 

[ريمه الكويت]

انا اخوي نفس حالة ولد اخت ريمية وهو من الولادة بين عليه

وسووله عملية شد الاعصاب بابن سينا ولبسوه نظارات بس هذا كله مافاد

الحين عمره 20 سنة اسم الله عليه ... بيشوف التجميل يمكن العلم تطور

اخوج سوا العمليه واهو صغير ولا لما كبر ؟؟؟؟ وانزين اللحين شلونه ليلحين عيونه تفتر ولا تحسن وشلون نظره يعني اول احسن ولانفس الشي :eh_s(8): شكرا اختي

 

[*شمعة الجلاس*]

يعطيكم العااااااااااافيه وما قصرتوا معاي


وجزاكم الله الف خير

 

[*شمعة الجلاس*]

والحمدالله اليوم وديته لمستشفي البحر للاستشاره

وحولنا علي عيادة الحول والله يستر


وان شاء الله اذا تشافي اقولكم للافاده وما قصرتوا معاي


وجزززززززززززززززاكم الله الف خير عجزت وانا ادور رقم د.سامي ربيعة وسمعت انه انتقل للفروانيه


وشكراااااااااااااا

 

[eng.q8]

الله يشافيه ان شالله

 

[*شمعة الجلاس*]

الله يشافيه ان شالله

الله يسمع منج


مشكووورة ع الدعوة الحلوووة

 

[ريمه الكويت]

ياربي تبشرينا ويشافيه ربي ويشافي كل المسلمين والمسلمات

 

[*شمعة الجلاس*]

هلا حبايبي


امس رحنا للموعد عيادة الحول في مستشفي البحر

الحمدلله طمنتنا وقال انه عاد للاطفال بهالسن

وسوت له فحص عشان تشوف اذا عنه بعد نظر او قصر نظر بس الحمدلله


بس فيه حول

وقالت الاستشاريه ان العلاج نفصل له نظاره وان شاء الله لما يكمل سن 12

يقطها ان شاء الله

واخذ موعد عشان نفصل نظارة له


وطبعاااااااا الموعد بعد اسبوعين*ولا وهذا وعندنا وااااسطه*-ههههههههههههههه


ومشكورين ع التفااااعل الاكثر من ررررررررررررروعه:gathering:


وما قصرتوااااا معاااااااااااااااي يا خوااااتي

ويعطيكم العافيه

 

[جوك احلى جو]

سلامته الف سلامه مايشوف شر يااااااااارب