الحكومة رفضت زيادة الرواتب ورفع علاة الابناء الي 70 دينار ....

[البيداء_77]

كتب مطيران الشامان:
قررت الحكومة عدم الموافقة على المطالبات النيابية والمدرجة في كشف لجنة ترتيب الاولويات والخاصة بزيادة الرواتب ورفع علاوة الابناء الى 70 ديناراً لمواجهة ظاهرة غلاء الاسعار وارتفاع معدلات التضخم في البلاد.
واستند الموقف الحكومي على ان الزيادات المالية لرواتب او علاوات الموظفين او المتقاعدين الكويتيين شأن حكومي يخضع لتقدير مجلس الخدمة المدنية ولا ينبغي ان يصدر بقانون، مؤكدا ان الحكومة سترفض اي مقترحات بقوانين لزيادة الرواتب او البدلات او اقرار كوادر لبعض الشرائح.


المصدر جريدة الوطن http://alwatan.kuwait.tt/ArticleDetails.aspx?Id=72459

 

[عقارية]

رد : الحكومة رفضت زيادة الرواتب ورفع علاة الابناء الي 70 دينار ....

لأنه مافي فائض بالميزانية
توهم مسلمين السودان 500 مليووووون !

 

[أنين الماضي]

رد : الحكومة رفضت زيادة الرواتب ورفع علاة الابناء الي 70 دينار ....

ياقلبي ماكو ميزاااااااااااانيه عشان جذي نطرو لم يستقرون ويوزعون على الدول الفقيره ذيج الساعه يعطونكم

 

[ســتارز]

اذا نفوا على العام معناته في زيادة بس يبون يطفون العين

 

[أنفاسي دخون]

ما نبي زياده نبيهم يضبطون الاسعار اللي مشعللينها التجار

 

[أم@الحلوين]

اي والله ما ما نبي زياده بالمقابل ترتفع الاسعار

 

[احلى سماء]

ماكو فايده من الزياده

الحكومه تزيد العلاوات والرواتب

والتجار اللي مايخافون الله يرجعون يغلون الاسعار اكثر واكثر

نبي اللي يواجه التجار ويوقفهم عند حدهم وطمحهم

الشغله بالكويت اشتريها بدينار ونص

بالسعوديه ما تعدى 400 فلس

ليش

 

[دآنة آلرشآيده]

ايي آحنآ مالنا رب
خل يسلفون دول الضد

 

[بتبوتااا]

اخ بس مو حارني الا كلمه الميزانيه :/
يعني الميزايه بتكفي غيرنا واحنا بنخلصهاا :/

 

[فطفط نجد]

الله يسامحج ياحكووووومة

 

[::كيك وعسل::]

رد : الحكومة رفضت زيادة الرواتب ورفع علاة الابناء الي 70 دينار ....

ضبطوا الاسعار وضبطوا الديره مانبي منكم شي

 

[رحيل المرافيء]

رد : الحكومة رفضت زيادة الرواتب ورفع علاة الابناء الي 70 دينار ....

زين يسووون
ياريت مايعطون هالعلاوة الا حق اللي مجابلين عيالهم بس
اكوو ناس اتييب عيال بس عشان العلاوة ومايدرون عنهم

 

[نوووور الشمس]

رد : الحكومة رفضت زيادة الرواتب ورفع علاة الابناء الي 70 دينار ....

لأنه مافي فائض بالميزانية
توهم مسلمين السودان 500 مليووووون !

اكيد السودان اولا من اهل الديره

 

[om al ghaleen]

..., حق برا فيه وحقنا ماكو
يامعود مانبي زياده باجر التجار يدبلوٌن الاسعار
على قوله المثل (( خللك على مينوٌنك لاييك اين منه ))

 

[DiaMonta]

رد : الحكومة رفضت زيادة الرواتب ورفع علاة الابناء الي 70 دينار ....

البمبو سوووووداني

راح وخلاااااااااااني

بمبووووووووووووووووووووه

هههههههههههههههه اي والله السودان اولى

انتو نطرو دوركم بعد قرن مافي فائض

 

[Ga6waah83]

رد : الحكومة رفضت زيادة الرواتب ورفع علاة الابناء الي 70 دينار ....

يبا مانبي زياده
بس خل يرجعون الاسعار مثل قبل وينزلون هالاجارات اللي الناس انهبلت
معاريس اجارهم 400 دينار
وين قاعدين
وغيره وغيره

 

[احلى سماء]

يمه يمه ليش اجار 400

ماشاء الله جنوب الجهرا

الاجارات 200

وفي 130 بس يكون مو معدل وخربان

 

[MoonDiamond]

مانبي زياده
نبي يضبطون الاسعار
ويعجلون بتوزيع الاسكان
ويفكونا من الوافدين
ويرتقون بالصحه والتعليم
وبس
والله يعطيهم الف عافيه

 

[ToOoTi]

ههههههههههه
ماشاء الله الرفض بسرعه
يا ليت اقرار المشاريع يصير بهالسرعه لووووول

 

[مسك81]

مانبي زياده
نبي يضبطون الاسعار
ويعجلون بتوزيع الاسكان
ويفكونا من الوافدين
ويرتقون بالصحه والتعليم
وبس
والله يعطيهم الف عافيه

والله كلامج عين العقل ورايي من رايج