رحيل الشمس
New member
- إنضم
- 4 مارس 2009
- المشاركات
- 343
- مستوى التفاعل
- 0
- النقاط
- 0
والله انا مو عاعجبتني امور هالبلد عسى الله يرحمنا البلدكل ماله لأنحدار الحكومه مو عارفه التصرف كلن يحطله قرار من عنده ويدوس على المساكين الي بهالبلد المستشفيات تعبانه والواحد يخاف يمرض والجاليات الي مالها والي مايخلولج مجال تراجعين ولا تشوفين صحتج هذا غير قلوبهم على بعض ان جان هنود ولا عرب وتروحين للخاص ويطلعون فيج مية عله علشان الحسابه بتحسب وانت يا بن ادم الضايع في ايدينهم والمدارس جيل تعبان لاقيم ولا مبادئ مع العلم انها تربيه وتعليم ولا تحمل هالمعنى جيل يوصل لرابع ابتدائي ناجح على البركه لا كتابه ولا قراءه ولا حتى معلومه سنعه او قيم مفيده استفاد منها الطالب لا وزايدين الوقت يكون يعني دراسة متقدمه مثل اليابان وغيرها والله بس شيلة هالأثقال الي تكسر ظهر الجاهل وسكن يروح العمر وانتي لاتهنيتي بيت ولا ياما بيوت خربت وسبه مقابل العمه او الحماة ومعاشات ماتكفي تسد حلوج ولا ايجارات ولا طلبات مدارس ولا مجاملات الله يعين ولا تكلمو قالوا احنا نتدلع وما اشتري الجنطه الا من المكان لفلاني ياناس اذا انتم معاشاتكم بالألاف في ناس على الله وهالمعيش الي مايمديه يوصل بأيدج الا متنتف والأدهى ان التجاره تفرج على هالأسعار وراضيه جنها تقول احرقو المواطنين اكثر بيدوهم مثل الهند ومصر طبقتين طبقة تلعب بالفلوس وطبقة تقط جمعيه علشان تلحق على مستلزماتها واعلام فاشل جا جدا فاضحنا في كل مكان قبل الكويت دره مصونه والحين غسيلها منشور عند الي يسوا ولي مايسوا مثل القناة الي كل ماتسكرت يفتحونها السكوب وسور والعداله الله لا يكثرهم والوطن مؤخرا طلعت موضوع الدويله يوم الخميس وطلعت معاه عقده بغض النظر اذا لدويله جذاب ولا صاج انا همني العقده وطريقة خالد عبدالجليل معاهم لما يقدم عقيد المفروض انه له هيبه يقوله يالله علشان امك تشوفك وتستانس والادهى ان العقيد ما ادري شسمه يتكلم عن الازرق والمنتخب الموضوع موضوع كتاب سيرصد للأجيال والعالم مشتبه وعقده وشوارب وهذا جاي يقول المنتخب ما ختلفنا بس لكل موضوع وقته وعقده ماتعرف تكلم يمغمغون مافيهم عجبني والله الا الفحل عمر الظفيري حتى قعدته ونظرته والحقان وما كسر خاطري الا القيسي الي ماعرف يدافع عن نفسه على العموم دخلتبموضوع ثاني عموما الاعلام الفاشل كلن درى عن خياس الكويت وحتى الولاء للوطن شككو فيه وقسمو البلد الى قسمين سور داخلي وخارجي وشيعه وسنه وبدو وحضر استغرب هذا وهي بلد صغير حتى المواطنين يعني مثلا وحده معاي تقولي ابوي ايراني وبكل فخر قامويفتخرون بأصولهم ولا قبل الغزو يبجون اذا قلتيلها انتي شنو تقولج كويتيه طيب ندري من اي عائله او اي قبيله تروح تنخش وتبجي الحين بكل فخر احنا من ايران ولا حنا اصلنا يرجع لكذا .
فأنا ما اقول الا هذا وقتكم يا اغراب الي هم الوافدين اكلوا من الكيكه دام اهلها لا هين بأمور تافهه وكل واحد من هالشباعى مأمن نفسه وما عليه من غيره على فكره اذا بتقوم الدوله لا زم ننهض مع بعض وبس تعبت والباقي عليكم.
فأنا ما اقول الا هذا وقتكم يا اغراب الي هم الوافدين اكلوا من الكيكه دام اهلها لا هين بأمور تافهه وكل واحد من هالشباعى مأمن نفسه وما عليه من غيره على فكره اذا بتقوم الدوله لا زم ننهض مع بعض وبس تعبت والباقي عليكم.
