الحلووين اللي عندهم i phone حيااهم

[lovlystarz]

السلام عليكم احلي ايفونيات هذه اول مشاركه لي بهذا التجمع الحلو وحبيت احط لكم موقع كفرات اتينن وان شاء الله يعجبكم

http://www.ultra-case.com/products_iphone3g.php

 

[Graviту]

مشكووووووووره حبيبتي على السايت

عجيبين الكفرات ودي آخذهم كلهم

Thnx

 

[REEME]

السلام عليكم​

أنا ما عندي اي فون بس عندي النيه اني اشتريه.......تنصحوني فيه حدي حبيت شكله بس اخاف اشتريه و اتوهق فيه يعني يكون استخدامه معقد.....إلخ اللي عندها شنو تنصحني

 

[Anastasia]

بنوتااات
.
اليوم ناوية أشتريه

بس سمعتو سالفة المفتوح رسمي من شركة آبل واللي مو مفتوح ..
وين أحصل اللي مفتوح رسمي مو سوالف جلبريك مادري شسمه هاذا ؟
.
رفيجتي حصلته بيوريكا 300 د.ك .. ليش !
أنا توني شايفته مايزيد عن الميتين !
.
يوريكا زينة ؟

 

[Anastasia]

اي صج :d
.
آنا عندي آيبود تتش 32 قيقا .. وصراحة ماستفدت من هالذاكرة الكبيرة ..
فودي بواحد 8 قيقا ويخب علي .. شرايكم ؟ وين ألاقيه وبجم ؟
.

 

[Anastasia]

.
خوش عرض

 

[jod.q8]

عندي سؤال !

الحين في اي فون مفتوح رسمي و في مو مفتوح شنو الفرق بينهم ؟

ادري انه المقفول يكون لشركة مثل at&t او ..

و اعرف اشلون افرق بينهم يعني المقفول يكتوب اسم الشركة الي تباعه له على العبله من ورا .. و المفتوح ماكو شي من ورا .. !!

بس شنو الفرق .. غير انه لـ شركة معينه ؟

في شي بالتصنيع او مشاكل او .. الخ ؟

 

[دلوعة القادسية]

بنات نزلوا برنامج Pinq !

نفس بلاك بيري مسنجر

مجرد تدشون تحطون نك

وبعدها تحطون نكات الي تعرفونهم وتسولفون


انا نكي qadsawia

 

[دلوعة القادسية]

اي في
بس لازم يكون في وايرليس في ثنتين تقدم هالخدمه
ping
what'sappmassenger

what'sappmassenger

لازم رقم وحاله


اما
pinq

بس نك

 

[Bo0oNa]

السلام عليكم احلي ايفونيات هذه اول مشاركه لي بهذا التجمع الحلو وحبيت احط لكم موقع كفرات اتينن وان شاء الله يعجبكم

http://www.ultra-case.com/products_iphone3g.php

الموقع حده عجيب كل كفر احلى من الثاني وااااي حدي ابيهم.......ما في جذي بالكويت؟؟!!!1

 

[Kawaii GiяL]

لاضافه ابتسامات للكيبورد حق النوت و المسجات و الجات مثل البينغ و المسنجر

http://q8yat.net/showthread.php?t=486776

 

[Graviту]

بنات انتوو كاتبين what’sapp massenger
غلط :S

انا اقول لما اسوي سيرج ما يطلع البرنامج ، كتبووو messenger جذي

يعني هذا الصح : What’sapp messenger =]

قاعده انزله الحين


وفي برنامج اسمه Global sms هذا يدز مسجات ببلاش اذا في وايرلس

نزلوووه =P

 

[*^*يا^عمري^أنا*^*]

انا اليوم شريت الجهاز

من الغانم على399 ونزلوا لي شوي بسعره


بس ابي اخد يعلمني كيف احوله عربي

وكيف استخدمة

 

[*^*يا^عمري^أنا*^*]

نسيت الي شريته الاي فون

الجديد الي فيه اس

وايد حلو بس ماني عارفه له

وربي حسته حوس

وشكلي بودية لمحل يضبطه ابرك لي

 

[Graviту]

اي وديه المحل عشان يحطوولج كل شي والبرامج المهمه والكيبورد يحطلج عربي :]

 

[jod.q8]

عندي سؤال !

الحين في اي فون مفتوح رسمي و في مو مفتوح شنو الفرق بينهم ؟

ادري انه المقفول يكون لشركة مثل at&t او ..

و اعرف اشلون افرق بينهم يعني المقفول يكتوب اسم الشركة الي تباعه له على العبله من ورا .. و المفتوح ماكو شي من ورا .. !!

بس شنو الفرق .. غير انه لـ شركة معينه ؟

في شي بالتصنيع او مشاكل او .. الخ ؟

بنات جاوبوني

سؤال : شنو الفرق بين المفتوح رسمي و المقفول رسمي ؟​

 

[q8ia7]

بنااااات الموضوع ميت

اللي تعرف العاب حلوه وبرامج تحط لنا اساميهم هني ..

allrecipes AU طبخ ووصفات مع المقادير والصور عجيب يونس

iAzkar فيه اذكار الصباح والمساء... الخ

DailyGood فيه اقتباسات وحكم وجمل كل يوم حكمه

fakeCaller اذا احد يسولف ويحن انتي بتصرفين نفسج وتنحاشين تقدرين توقتين تلفونج عشان يرن وتكونين مختاره الوقت اللي يرن فيه واسم المتصل والرنه .. اووه سوري لازم ارد عالبنت وتنحاشين ..

eModsLite كل يوم تدشين وتحطين مودج "مزاجج" .. يعني اليوم مستانسه تنقين السمايلي فيس .. باجر شنو مزاجج .. مثلا زعلانه وتنقين الساد فيس .. في اكثر من مود .. وتلقين يسوين لج احصائية تشوفين آخر الشهر شلوون كان مزاجج << مال امه داعي ولا عنده سالفه بس يونس

Style.com فيه تصاميم وملابس الفنانات بالred carpet والمناسبات .. ويصير تصوتين حق لوك اليوم .. حلو

iSmileYou يونس بس ماله داعي ولا يبيله شرح سمايلات كبار على كبر الشاشه .. زعلان مستانس يبجي ...الخ

DailyFill صور مشاهير اجانب وخبر تحت الصوره .. تقدرين تحفظين الصوره اللي تبينها بالمضله .. حلو

Banner Free يونس .. جربوه تكتبين شي ويطلع على كبر الشاشه .. يصير نفس شاشة الاعلانات ..

iBags / iShoes عجيبين اهما ال2 .. حق اللي يحبون الفاشن صور جواتي عجيبه وكل الماركات .. والجناط نفس الشي ..

وبسسس قولو انتو بعدين اكمممل

 

[q8ia7]

فيه برنامج اسمه instuller
كنت اسوي سيرج بالنت وكل مادشيت مكان مكتوب انه هذا من اهم البرامج ولازم كل من عنده ايفون ينزله .. وهو وظيفته ان البرامج والالعاب اللي تلقونها بفلوس تقدرون تنزلونها من هالبرنامج ببلااش ومكركه وخالصه بس تسوون لها انستول وتنزل .. يعني 95% من البرامج تحصلونها .. حتى الحصرية اللي بس بامريكا .. نزلته .. بس المشكله ماعرفت له .. احد يعرف له ؟؟


وشي ثاني .. فيه برنامج تقدرون تشوفون التلفزيون من الآي فون .. تعرفونه ؟؟
فيه جم قناة اجنبية طبعا ماكو قنوات عربيه .. منهم fox / disney ووايد غيرهم ... تعرفون اسمه وشنو طريقته ؟؟

تعرفون هالبرنامج ؟؟؟؟؟ اللي يصير الايفون شفاف .. اللي حاطه صورته بالمرفقات
عطوني اسمه بليز اذا تعرفوونه

وبسسسس يليت احد يرد علي

 

[q8ia7]

بنات جاوبوني

سؤال : شنو الفرق بين المفتوح رسمي و المقفول رسمي ؟​

:klhfl:


ماذا نعني بأن الهاتف مقفول؟
جهاز الأي-فون ليس مثل أي جهاز آخر نشتريه ، مثل نوكيا .. سوني آريكسون .. الخ .. شركة آبل " الشركه المصنعه للآي-فون " تتبع سياسة العقد الحصري .. بمعنى آخر أن تقوم شركة الجوال في دوله معينه بتوقيع عقد مع الشركه على أن يكون الهاتف مقفل ولا يعمل الا على شريحة هذه الشركه.

يعني الآي-فون فيه مخاطره في امتلاكه ، إلا اذا تم فتحه رسمياً من شركة آبل ليكون مفتوح على جميع الشبكات.

أو يتم فتحه بواسطة برامج سوفتوير تجعله يعمل مع جميع الشبكات " وهذا مايحدث في بلداننا العربيه " .. وإن لم يكن مفتوح رسميا يتم إستخدام شرائح تلصق بشرائح الإتصال خصوصيا في الجيل الجديد تمكنه من العمل على جميع الشبكات .. شخصياً لا انصح بهذه الطريقه لما فيها من مخاطره بإمكانية قفل الهاتف والتأثير على اداء الشبكه

لذلك ، انا شخصياً لا أنصح بإمتلاك الأي-فون لشخص غير ملم بالكمبيوتر والبرامج والعبث.

 

[q8ia7]

انا اليوم شريت الجهاز

من الغانم على399 ونزلوا لي شوي بسعره


بس ابي اخد يعلمني كيف احوله عربي

وكيف استخدمة

sittings
genral
international
language
بعدين اختاري عربي وبسسسس