{الحل حق تبييض الاسنان + تجربتــي }♥ بالصور

[uicчנ ρinκ]

●

●


السلام عليكــم ورحمة الله وبركاتــه





●




مسااااء الخييير بنااااات ...

اليوم يبتكلـــم حل حق تبييض الأسنان وان شاءالله يفيدكم :cxxxp:
منزمان كان ودي ابيض اسناني مع ان ماكانوا بذاك السوء بس كنت اعاني من اصفرار من بعد ماشلت التقويم ،،
وااايد دورت حلول حق التبييض بس للأسف أغلب المواضيع اللي بالنت كلها فاشله ..
وخاصه الخلطات وسوالف الليمون والفحم .. الفحم بس حق المدخنين ينفع حق ازالة بقايا التدخين مو حق التبييض ،،
وصراحه كان ودي منزمان أسوي تبييض اب عياده بس مأجله الموضوع بعد ما أسوي تقويم مره ثانيه ..
كنت أدور حل سريع وسالت بالصيدليات وكانوا يعطوني معجون أسنان حق التبييض وماكو فايده ما أحس اب اي تغيير
آخر مره رحت صيدلية الروضه وسالت الصيدلاني د.هيثم واااايد شاطر بالكريمات وعلاج البشره
قلت اساله عن شي حق التبييض وماقصر عطاني علبه وقالي جربيها بعد اسبوع تبين النتيجه ..
يبتكلم صور العلبه وصورتلكم طريقة استعماله :









هذا شكل العلبه اسمه " teeth whitening home kit "
سعره بـ 16.500 k.d

داخل العلبه 3 ابر جل مع التلبيسه

وهذا قلم الجل للاستخدام اليومي كل ماتفرشين اسنانج تستخدمينه

طريقــــة الاستعمـــال :


الخطوه الأولى : أول شي ناخذ التلبيسه ونحطها بماي حار عشان تلين شوي ..
اهمه كاتبين من 6 الى 7 دقايق تخلينه بالماي الحار ، بس اذا كان الماي حار وايد اقل من دقيقه لان البلاستيك حيل خفيف
ممكن يخترب ويتلصق ابعض بعدها يروح عليج كل شي لان مو حاطين الا تلبيسه وحده .
بعد ماتشيلنه من الماي راح اتعضين على التلبيسه عشان يتشكل على شكل اسنانج ..

الخطوه الثانيه : اذا كان في اي زوايد من البلاستيك تقصينها

آخر خطوه راح نحط الجل على التلبيسه كميه بسيطه مانكثر منه ..
نخليه على الاسنان اول استخدام لمدة ربع ساعه ، بعد الاستعمال الاول مدة نص ساعه .
الاستعمال يكون مره وحده باليوم لمدة اسبوع راح تلاحظين الفرق .

بناااات النتييييجه روعـــه بس يبيله صبر وكل يوم تستعملينه وتخلينه نص ساعه والله بدون مجامله وايد سالوني
همن مره عمي قالوا مسويه تبييض عباله اب عياده ..
انا كنت بعد استعمله بس حق الاسنان الفوقيه وصج لاحظت بعد اسبوع فرق بين الاسنان الفوقيه والتحتيه ..
فرق بسيط بالاسبوع الاول ، بعد اسبوعين بين عدل وياي
والحين قاعده استخدم حق الاسنان التحتيه عشان يتساوى اللون ..
العلبه الوحده يمكن تظل وياج بس اسبوع ..
بس عشان أبري ذمتي انا قالولي مو زين كثرة استعماله يأثر على المينا :eh_s(16):
بس صراحه ليلحين استعمله لان ماكو شي فادني وعطاني نتايج حلوه غيره ..










وهاذي صورة اسناني بعد ما استخدمته :

وبنات بليييز عندي استفسار اللي تعرف عيادة زينه حق تقويم الأسنان واسعارهم زينه بليز ادزلي عالخاص ..
:hjy5jewf:







:bye22:​

 

[bibi]

يعطيج العافية ماقصرتي ، بإذن الله بجربه .

 

[D u D u]

رد : {الحل حق تبييض الاسنان + تجربتــي }♥ بالصور

ماقصرتي حبيبتي انا كنت مسوية تبيض نفس هالطريقة عند دكتور اسامه في مستفى هادي وايد زين بس يعور الأسنان الجل
انشالله اجرب هذا عجبني بس بعدين صح كلامج يأثر على الاسنان كثره الأستخدام

 

[شـقـاًويـه]

رد : {الحل حق تبييض الاسنان + تجربتــي }♥ بالصور

آلله يعطيج آلف عآفيييه ..

 

[almennoh]

ما شالله حلوين
احس اسنانك ما تحتاج تقويم
تراه عذااااب

 

[الكويت غالية]

رد : {الحل حق تبييض الاسنان + تجربتــي }♥ بالصور



حبوبة ليش ماستخدمتيه للاسنان الفوقية والتحتية بنفس الوقت

انا اعرف انج تحطين التلبيسة مع الجل فوق ربع ساعة

بعدين تغسلينها وتحطينها على الاسنان اللي تحت ربع ساعة بعد لمدة اسبوعين او على حسب درجة التبيض اللي انتي تبينها

 

[ساره ويارا]

رد : {الحل حق تبييض الاسنان + تجربتــي }♥ بالصور

مشكوره حبيبتي

 

[غلاي غير]

تتهنين فيهم ويظلون حلوين دايما بس حسافه الصور مو طالعه

 

[زوجي قلبي]

رد : {الحل حق تبييض الاسنان + تجربتــي }♥ بالصور

يعطيك الف الف عاااااااااااااااااافية

 

[أنـوآر الـكويـت]

للاسف مو طالعه الصور

 

[Red_RoOos]

ماكو صور :jumpon:

 

[أريش العين]

رد : {الحل حق تبييض الاسنان + تجربتــي }♥ بالصور

.

.


يعطيج العافيه .. مآقصرتي يالغلا

بس حسسافه ماطلعت الصور

 

[qowafy]

رد : {الحل حق تبييض الاسنان + تجربتــي }♥ بالصور

:sfg:جربي المسواك روعه لتبيض الاسنان..وبنفس الوقت مرضاة للرب وزياده في الحسنات..ومطهر للفم ويقضي على جميع امراض اللثه والفم ويقطع الرائحه الكريهه للفم..والله عن تجربه ....ويعطيج لمعه موطبيعيه لاسنانج..لدرجة ان وحده اسالتني انت مركبه استراس..............وترى اكتشفوا ان معجون الاسنان بانواعه يسبب سرطان اللثه والفم.............

 

[white**angel]

مشكوووره
بس الصور موطالعيين

 

[●•∫ استثنآئيهـ]

مآ شآء آلله بآلعآفية عليج
عآد آنآ محتآرة آدور شئ يبيض آلآسنآن فكرت بآللصقآت بس مترددة ..
آنزين آهوآ نفس آللي بهآلموضوع
http://www.q8yat.net/showthread.php?t=790654
ويآ قلبي ينفع للآسنآن آلحسآسة وهل له آضرآر ؟
ومعآه نفس آلليزر آللي آهوآ آلعلبة آلزرقآ آللي مآسكتهآ آلبنت ولآ لآ
وليش استخدمتيه اسبوعين ما بينت النتايج من اول اسبوع ولا !!
ويعطيج آلعآفية وتتهنين فيهم يآرب ..

 

[السهل الممتنع]

روووعه عليج بالعاافيه وتتهنين فيهم انشاء الله ..

 

[كرز أخضر]

حلو ويبيض ..انا شريته من صيدلية جمعية الروضه.من 3 شهور... نتيجته تبين من اول ثلاث ايام بس تحطينه كل يوم 20 دقيقه....وتستمرين عليه ...مدة تقريبا" اسبوعين..ليما يخلص الجل..

 

[uicчנ ρinκ]

بعض الصور ماتطلع طقوا كلك يمين وشوو بكجر
وهاذي الصور حملتهم من موقع يديد :

هاذي العلبه

الطريقه :

 

[uicчנ ρinκ]

bibi
الله يعافيج حبيبتي

D u D u
هاذي المشكله ماكو حل من غير اثار جانبيه
حاليا بس اخلص من اسناني التحتيه راح اوقفه
تسلمين قلبي عالمرور والرد

شـقـاًويـه
يعافيييج قلبي

almennoh
عيونج حلوه حياتي
الفوقيه زينين بس هم شوي يبيلهم اما اللي تحت لا صج يبيلهم تقويم

الكويت غالية
لان لما تحطينه بالماي الحار وتعضين عليه راح يتشكل على اسنانج الفوقيه ماراح ينفع حق تحت
وهم راح احتاج علبتين لان العلبه الاولى شوي فرق وياي بالبياض بس لما استخدمت علبه ثانيه الفرق بيٌن معاي ..
منورة حياتي

ساره ويارا
العفو حبيبتي
نورتي

غلاي غير
حبيبتي والله تسلمين
حطيتهم بالرد :*

زوجي قلبي
الله يعافيج حبيبتي

لين التوت .. }
يسلمج :*

أنـوآر الـكويـت
Red_RoOos
أريش العين
white**angel
نزلتهم بنااات :*

qowafy
تسلمييين حياتي ان شاءالله اجربه :*
نورتي الموضوع حبيبتي

●•∫ استثنآئيهـ
الله يعافيج حياتي ،،
اي هذا اهوه نفسه تقريبا بس اختلاف النوعيات بالماركات
الجهاز ما ايي معاه ، الجهاز فايدته ان يقلل مدة وضع الجل بدال ما تحطينه نص ساعه يمكن تخلينه جم دقيقه
الصيدلاني قالي الجهاز تلقينه بصيدليات ثانيه بس موموجود بصيدلية الروضه
بس حرام مايسوى لانج بتستخدمينه فتره وبس
من ناحية الاثار والله قالولي كثرة استخدامه ياثر على مينا الاسنان
حق الاسنان الحساسه ما اعتقد ينفع لان راح تحسين بالم لما تشربين اشياء بارده
انتي روحي الصيدليه وهم ساليهم احسن ..
انا والله اول اسبوع لاحظت فرق بين اسناني الفوقيه والتحتيه بس بعد ما استخدمت العلبه الثانيه
وايد سالوني مسويه تبييض ، كل ما تستخدمين اكثر يفتح معاج اكثر .. ونصحني الصيدلاني ان لايحوش اللثه وايد
مادري والله ليش يمكن له تاثير انا ماسالته ، اهوه اوريدي اذا حطيتي كميه بسيطه ماراح يحوش اللثه ..
والله يعافيج حياتي..

السهل الممتنع
مرورج الاروع قلبي وتسلميييين

كرز أخضر
اي والله عجيييب :* نورتي حياتي

 

[كويتيه وبس]

رد : {الحل حق تبييض الاسنان + تجربتــي }♥ بالصور

ما شاء الله عليج بالعافيه والله يعطيج العافية انه كنت ادور شي يبيض اسناني