الحل مع رفض الاهل لزواج البنت لرجل غير قبيلتها ؟؟

[oshi_q88]

وآسستخيريُ ققبل

 

[أم عزيـز]

اشوف لما خذوا من نفس القبيله شنو صار ؟ تطلقتي

يعني القبيله مو اهي سبب للاستقرار والزواج الناجح
المهم القبول والتفاهم والود والعشرهة

وهالشي اللي لازم تقنعين فيه ابوج واخوانج بس من غير نجره
باسلوب تفاهم وقولي لهم انج الحين مطلقه يعني فرصة الوواج قليلة بالنسبه لج
وانتي تبين تستقرين وتاخذين فرصه ثانيه وخل يسئلون عنه مايها مشكله بس لا يرفضون عشان سبب تافهه

شخباري الحين احد يرفض عشان مو نفس القبيله !

 

[دلع العجماان]

مشكورين بنات والله لا يهينكم

عذبه و شوشا ابشروا بلي تبشركم باذن الله

وان رده ربي لي ف عساها خيره يارب

بنات تكفون مانبي نقلب الموضوع خناق عشان عضوه ماوزنة حكيها

 

[عجميه ذوق]

اعوذ بالله
تخسر ابوها

واخوانها
واهلها
وامها

عشان رجال ما تدرين اهي راح تستمر علاقتها فيه و لا القسمه و النصيب بتخليها تنفصل عنه

الزوج بداله زوج الضنى بداله ضنى
لكن الاخو و الابو من وين تجيب بدالهم



شهالنصيحه الهدامه

اللي مافيها لا اصل ولا فصل حبيبتي بنات الحمايل بنت ابوها ما تسوي الكلام اللي انتي قلتيه



شوفي حبيبتي

كلمي اخوانج واحد واحد بروحكم
قعدي معاه وقولي انا مطلقه و هالرجال شاريني اشترو راحتي و حياتي و انا مو اول وحده و لا اخر وحده تاخذ من غير قبيلتها
واذا اهو كفو و موظف و اخلاقه زينه و كويتي ليش ما اخذه

و اذا حسيتي انهم لانو كلمي ابوج

قولي يبا انا اهم شي رضاك
انا بدونك مالي بهالدنيا عازه

انت عزوتي و انت تاج راسي
و انا ابي اتزوج
وهالرجال شاريني و يبيني و انا خذيت اللي مني و فيني و كنت صادقه معاه

بس بالاخر الزواج قسمه ونصيب
رضيت باللي اخترتوه لي
الحين خلوني انا اختار اللي انا احس اني مرتاحه له

لاتستحين

واجهي
لو فيها طراق طراقين تحملي

والحمدلله امج معاج ... خليها تكلم اخوانج


الله يوفقج و يلين قلب ابوج و خوانج يارب

أنا معاها واذا من نصيبش راح تأخذينا بإذن الله اما لمى الله يهداها لاحد يسمع كلامها مراهقه واحنا بنات قبائل مانعرف المحاكم كلش لا نشتكي على منوا أهلنا مول من صدقها.

 

[دآنة آلرشآيده]

الله يكتب لج الخير ي رب