الحمال بعمر 30 زين ولا كبيرة؟

[ام وجوجة]

يعطيكم العافية حبيباتي شخباركم خواتي
بس بستفسر لضروف دراسة وقفت فكرة الحمال رغم اني ميته على اليهال وعلى ما اتخرج باذن الله يصير عمري 30 سنة وولدي الله يحفظه راح يكون 4 سنين بعمر 30 الحمال راح يكون زين ولا عمري كبير

 

[غــلآ]

احس عادي تحملين بههالعمر توج صغيره اصلا

توكلي على الله

 

[شيــوخه]

عادي يا قلبي

مافيه شي العمر الي ينخاف منه 40 وفوق

 

[Om-Ritha]

لا يبه شكو بعدج صغيره والله حتى عمر 40 ما فيه شي شكثر اعرف حملو وولدو بهذا العمر وولدو عيالهم ما فيهم الا العافيه

 

[تبطي عظم!]

عادي حبيبتي

الخوف من ٤٠ وفوق

اما الـ ٣٠ عمر طبيعي ~

 

[_رجائي الجنه_]

عادي بالعمر هذا الحمل حتي حريم عمر 40 يحملون اذا الدوره الشهريه انقطعت عنج هذا اللي ينخاف منه الحمل يصير مستحيل

 

[الأميرة كيرارا]

حبيبتي عادي
في ناس توهم يتزوجون بهالعمر

 

[ناتشوو]

المشكلة ان مو باي حزة تركت الحبوب بتحملين
مو شرط
والوحدة كل ماجابت عيالها ابكر احسن
انا شخصيا دايما انصح الوحدة تحمل وتفرخ قبل ال30 وتفتك
بس كصحة للجسم عادي يصير
عالعموم انت اخبر بظروفج

 

[ToOoT"Q8]

من صجج?
توج صغيره عادي
أمي حملت بعمر 40
ويابت دلوعة البيت فديته
بس بقيصيريه لأنها تعبت بحمالها وايد
وأنتي صغيره عمرج 30
عادي حبيبتي

 

[فاقده ابوهاااا]

ان شاء الله ما عليج الا العافيه انا حملت باخر العنقود وعمري 32 والحين حامل وعمري 35 عادي حياتي وربي يتمم علينا وكل شي عند ربج .
انا رفيجتي الله يشافي ولدها يابته واهي عمرها 22 سنه وطلع فيه اعاقه ويارب يشفيه وتستانس فيه مو شرط العمر ربج اذا اراد شي قال له كن فيكون توكلي على الله وكثري من الفوليك اسيد وان شاء الله تحملين وربج يحسن خلقه وخلقته

 

[أم وليد الشمري]

ان شا الله ما في اي خطر بهالعمر
يبدأ الخوف بعد 35
الحافظ رب العالمين
نصيحه من أخت " حاولي تولدين قبل الثلاثين
لصتحج وليس لجنين "
لأن طبيعي بعد الثلاثين يتوقف تجدد العظام ويكون الهدم أكثر من البناء
فإذا حملتي بالعشرينات وخلصتي يمدي العظام تتجدد
وعسى ربي يكتب لج الصالح بكل عمر وكل وقت

 

[dana1986]

توج صغيرة والطبيب يقول من سن 35 تبدا مشاكل الحمل لا تحاتين

 

[MissChoco]

حبيبتي بالعكس توج صغيره والله يكتبلج الحمال ياارب

 

[bint_looda]

مافيها شي ان شالله ربي يرزقج الي تتمنينه

 

[ياسمين العمري]

تو الناس حبيبي .. 30 عمر مناسب للحمل والولادة ..

 

[ام وجوجة]

بعد عمري حبيباتي عسى الله يرزقكم بالصحة والعافية وكل ما تتمنونة وشاكرة لكم اهتمامكم حبايبي انتو وعسى الله يقوم كل حامل فيكم بالسلامة يارب

 

[أأأميرة الورد]

ما شاء الله البنات ما قصروا

 

["*آآآنؤؤؤقهـ*"]

اي عاااادي دام امورج طيبه

وماتحملين بعلاج الحمدلله

بس راح تصير المشكله اذا اكلتي حبوب هالمده كلهاا


موزين علييج ابداا. وحتي اللولب. الله يكون بعوونج


انصحج. انج تاكلين حبوب مدة سنه

وعقب خليهاا علي الله منااعه طبيعيه

وابتعاد عن ايااام التبويض


وبسسس كل شي بيد الله

 

[دآنة آلرشآيده]

شدعوه توج صغيرة
عآآآدي ​

 

[Q 8 Y A t]

وااي خرعتوني

؛(