الحمدالله الذي لا يحمد على مكروه سواه

[Emanova]

السلام عليكم

انا عندي حمودي ..و عمره 6 سنوات ... و عالجت كذا مره بس ماصار الحمل ...زوجي كان يهددني بزوجه ثانيه ..و النفسيه من الناس اللي تسأل اسئله مالها داعي ...

كلت الفتوى و التشريع و قالوا لي ما دام في علاج حقج ما له حق زوجج يمنعج منه ..و لا يقول ابي اتزوج و انتي في علاج حقج ...

اقتنع ريلي و توكلنا على الله و نوينا نسوي حقن مجهري ..

افترييت عند اسامه صالحه اللي ما فحصني و لا شيء و كتب لي الابر التحضيريه ...و رجت عند حازم الرميح طلب مني تحاليل 280 دينار ليش ما ادري..و ما رضى يسوي لي انابيب على بو ان عندي ولد...

المهم استخرت و رحت للدكتوره ماجده اليتامي شهر 5 ...و قالت لي احنا نطول ...وصفت لي الجلوكوفاج علشان ينزل عندي الانسولين ...و بلشنا التحاليل ..

و طلبت مني منظار رحمي ( تخدير كامل ) لاني والده قيصريه و علشان تشوف الرحم و تشوف الوضع اشلون ...

بعد المنظار يتني الدوره و يوم 21 من الدوره بلشت الابر التحضيريه سوبرفاكت نص ملي يوميا ...

يتني الدوره عقبها ب12 يوم سويت تحاليل ثاني يوم و كانت الهرمونات كلها نازله و الاستجابه حلوه...و بلشت الابر التنشيطيه

جونال اف 150 وحده مع الابر التحضيريه ....و بعدين رفعت الجرعه جونال 225 + مينوبيور 1

و بعدين رفعت الجرعه جونال 300 و منيبيور 2

و الحمدالله الاستجابه حلوه و حددت ليله العيد يوم سحب البويضات ( تخدير كامل) ...و عقبها بلشت نحاميل سايكلوجست (تثبيت) بيبي اسبيرين ..و ابر كلاكسين للسيوله...


ورجعت الاجنه 3 ...و طحت افلونزا و كحه شديده و حراره عقبها بيومين ...كنت ماخذه راحه تامه و منسدحه ..بس رحت للدكتوره علشان الانفلونزا ...

و صار يوم التحليل .... و الحمد الله طلعت حامل ..و فرحتي و فرحه اهلي و زوجي ما تنوصف ...

و كنت ابي اتكلم بالمنتدى بس كنت اقول خل اسمع دقات قلب البيبي اول و شوف الكيس ...


الخميس كان موعدي ..ما بين كيس و التحليل الهرموني ممتاز

و قالت لي الدكتوره تعالي السبت اشوفج لازم الكيس يبين..

ورحت اليوم و ما بين شيء..و اهني قالت لي تبي تنطر علي ليوم الاثنين اذا ما بين لازم نتخذ قرار

لان احتمال حمل خارج الرحم

انا قلت الحمدالله ...و اللهم آجرني في مصيبتي و اخلفني خيرا منها ..و اني سويت اللي علي و الله اكرمني بالحمل ..و انا ما ادري شنو الخير اللي الله كاتبه لي...

ادعولي ان الله يكتب لي الخير ...سواء بالحمل الطبيعي او الحمل الخارجي

 

[كويتيه مذهله 87]

حبيييييييييييييييييييييييييييييييييييبتي الف الف الف مبروك يقلبي

لا تحااااتييييييييييييين

شوفي الجيس يبين بالاسبوع السادس
والنبض يبين بالاسبوع الثامن الي العاشر


شوفي هي خذتلج سونار دااخلي؟!

لان السونار الداخلي يبين الجيس معاهم

وليش ما تحاااولين تغييير الدكتوره بس تشوفين السونار وتطمنين

وسوي تحليل الهرمون شوفيه ناازل او صاااعد

وان شالله ياااربي مرتفع وتفرحين بالنونو يااااارب

 

[أعرف قدر نفسي]

يارب يعوضك بكل خير ورب ضاره نافعة وان شاء الله تحملين بتوأم يارب بكامل صحتهم واخلاقهم

 

[الأم الصغيره]

لا تحااااتين حبيبتي النبض زي ماقلت الاخت والجيس مايبين بالسرعه انتي استغفري ربج وايد ولا تفكري كثير والففففففففففففففففففففففففففف مبرووووووووووووووووووووووووووووووووووووووووووووووك

 

[xxx]

ان شاءالله حملج طبيعي

وتبشرينا بالاخبار الطيبة

 

[عاشقة الرشاقة]

الله يثبت لج حملج ويسهل حملج ويرزقج يالتوائم...

 

[lucky]

حبيبتى كويتيه عسى ربى يثبته لج ويولد كامل ومتعافى وتجيبين عقبه عشره بدون علاج وخرابيط يارب يعافيج انتى والى بطنج يحيى ياقيوم بس بغيت اسالج جم وزنج ابعرف الوزن له علاقه بتاخر الحمل

 

[ϲհҽɾɾվ87]

مبروووك حبيبتي مقدما والف مبروك بس نطري اشويه .. انزين بسألج سويتلج سونارر داخلي ولا العادي وجم كانت نسبة الهرموون .. صرت خبره

 

[Coffee-Girl]

كوللللللللللللللللللللللللللللللللللللللللللللللللللللللللللللللللللللوش الف الف مبروك والله يتمم عليج وتشوفين الكيس ليما اتملين واتجيبين احلا توام يملون عليج البيت ويزعجونج ومايخلونج اتنامين وانشالله يكون حمل طبيعي باذن الله

 

[pink-rose]

لا تحاتين حبيبتي وان شاء الله يكتب الي فيه الخير

طمنينا عليج ---> وان شاء الله ماكو الا العافية

 

[أستغفر الله]

حبيبتي لا تخافين
زوجت اخوي
يمكن تمت اسبوعين او اكثر بعد التحليل
مابين الكيس
وكانوا مقررين عليها عملية تنظيفات
بس الله سخر لها دكتور سبحان الله كان توه متخرج
قال بسوي تحليل هرمون
بين فترة وفترة
طلع كل شوي يرتفع
قال مستحيل خارج الرحم
وتم الحمل جابت احلى بنوته
والحين بأولى ابتدائي
الله يتمم لج على خير وتشوفينهم بين ايديج يارب

 

[bnt_kwt]

ماشاء الله تبارك الرحمن
اي هذي الاخبار الزينه وان شاء الله يارب
يكون حمل طبيعي ويبين الجيس لا تحاتين يا قلبي بس كثري من قراءه
سوره البقره ومريم بهالايام وان شاء الله خير

صج فرحت لج يا ايمانوفا

 

[العطر 87]

يارب يكون الحمل طبيعي ويثبته لج يا رب

 

[^noonaa^]

الله يثبت حملج ان شاءالله ويكون طبيعي لا تخافين حبيبتي ولا تحاتين اللي الله كاتبه بيصير

 

[moon_wisper]

allah yaktib illy feh il'7er ya galby
tifa2ily wdery balich la2ana inafsiya t2athir

 

[تمر حنا]

الف الف الف مبرووك حبيبتي ايمانوفا والله فرحت لج وتو الناس نطري شوي وانشاء الله يبين الجيس وتبشريناا ودام التحليل واضح ونسبته زينه توكلي على الله

 

[*me*]

حياتي امووووووووووون الف الف الف مبرووووك والله حييل حيييل حيييل فرحتلج يا قلبي
ام شئ تفائلي ولا تفكرين ولا تحاتيييين وانا حييل متفائتلج

 

[غيـ الناس ـر]

يارب ان شالله حمل سليم

 

[$غــ(ز)ــل$]

الف مبرووووك حبيبتي
وعسى ربي يثبته لج ياارب
وتفرحين بشووووووووووووووفة عياالج بصحه وعااافيه

وانشااءالله تبشررينا بالنتيجه الزينه ياااارب

 

[<Miss ROoSe >]

ألف ألف مبرووووووووووووووووووووووووووك يا حياتى
ولا تحاتين أنشاء الله ماكو الا الخير
استغفرى ربج وأدعى بهالأيام وأقرئى سورة البقرة ومريم ولا تنسين قيام الليل
وكثرى من قراءة سورة الواقعة لأنها تجلب الخير لقارئها واللى الله كاتبه راح يصير واذا الله ما كتب لج هالمرة لا تيئسين من رحمته يمكن تكون لج خيرة
والله يكتب لج اللى فيه الخير​

:tek:​