الحمدلله اللي يت على جذي وبس...ريول بنتي احترقت،،اتعظو بليز !

[د.مشمش]

الحمد على السلامة انتي والبنوتة
الله يحفظها

 

[::كيك وعسل::]

الله يحفظها
...

 

[غرشة عطر]

ماتشوف شر بنتج اول حادث وعقب حريق شكلها عين عليكم اقري الاذكار والله يحفظكم
بس اللي قالت شسالفة الحرق الله اعلم الظاهر الخدم يكبون عاليهال يبون الفكه منهم ومن حنتهم ومومعقوله كل بيت محترق فيه ياهل من الخدامه !!!!!!!!!!!الله يستر علينا وعلي اعيالنا منهم

 

[آهات الليل]

خوفج الخدامه كاته عليها الماي


بسرعه حطي عليها عسل وقشر رمان بعد ماتجففينه اطحنيه ولااخذيه من الحواي زاهب وراح يلتام ويروح الاثر النا بنتي احترقت مرتين بس المره الثانيه سويتلها جذي والتام وراح الاثر تقريبا

 

[ام بديير]

بعد عمرررري ما تشوف شر والحمدلله على سلامتها والحمدلله يت على جذي!

 

[زلابيا]

حبيبتي ما تشوف شر الله يقومها بالسلامه

وخطاكم السو...اقري المعوذات على طول والله يحفظكم ان شاء الله من العين

 

[ياراا]

الحمدلله لى السلامه ياوخيتي ادفعي دفعت بلاء او تصدقي ترا اللي صارلج مو شويه الله يستر عليكم

 

[أنفاسي دخون]

خطاكم السو والحمدلله على سلامة بنيتش

 

[ام علي الصراف]

الله يحفظها والحمدلله على سلامتها والله انا بعد نفس قصتج من جم يوم ايد بنتي احترقت وقاعده احط لها كريم ميبو بنتي عمرها 11 شهر وللحين ايدها متفخة مسكينة والله تكسر الخاطر مادري شلون غافلتني وراحت صوب الجولة بس قدر الله وماشاء فعل والحمدلله انها يات على جذي والله انا بعد اخاف من عيون الناس واقرى المعوذات وخاصة الخدم لاني جربت اكثر من وحدة وحدة تقول لي ماما انا اشوف بنتج اتذكر بنتي واصير تعبان والثانية اول ما شالتها تقول ثقيل والله والحين صايرة مسكينة من طبيب لطبيب ما تترقع اذنها ملتهبة وايدها محترقة واكل ماتشتهي والحمدلله على كل حال.

 

[اشتياق]

ماتشوف شر يارب

خطاكم السوء

تصدقي بنية دفع البلاء

 

[om MaRyooM]

مشكورين كلكم والله بعد عمري ماقصرتو بردودكم ودعاؤكم ونصايحكم

والله يحفظ عيالنا من كل مكروه



*ام علي الصراف*

أخيييييييييييه الله يعينج والله يحفظ عيالج .. ديري بالج
هللا هللا بالصددقات والتحصين

 

[no0o0r3]

حمدلله على سلامتكم

 

[الحلا و الزين كله]

يعد عمري ماتشوف شر ربي يبرد عليها ويهونه.. حاسه فيها وربي انا ولدي احترق ظهره من مطاره جاي حاره عصب على عيال خالته جان يخمط المطاره يعني يهددهم فيها رفعها وصبت على ظهره الحمدالله على كل حال .. عمره 5سنوات صراخه وبجيه كااااان يخرع لدرجه بنتي الصغيره خافت حيل عليه وقامت تركض بينا من الخرعه لهيت فيه ولا سميت عليها بعدها بيومين لقيت بقعه ثعلبه بشعرها ..الحمدالله ازمه وعدت..بس بقولج لاتعتمدين على غيار المستشفى اشريلها مرهم ميبو يخليه يلتئم بسرعه ويخفف الاثر... خطاكم السو

 

[EL jowhra]

ما تشوفون شر إنشاء الله و الله يحفظها ويرزقج بالتوأم إنشاء الله.

 

[غير كل الناس]

بعد قلبي سلامات وعساها عين وطفت نصيحه من وحده مجربه وماره بهالسوالف طلعي صدقه ومالها الا العافيه يارب ولاتحاتين طفله وجلدها يتجدد وطمنينا عليها

 

[زهرات]

حبيبتي ما تستاهل
ما تشوف شر

 

[ام احلى خلودى]

ماتشوف شر حبيبتى وخطاج السوء وعورت قلبى بنتج عاد كبر ولدى اسمله عليه الله يحفظهم يارب

 

[Tosta M7mSha]

واااي يا عمري والله كشت اشعرت يمبي
اول شي خطاكم السو الله حفظكم من الحادث
ثاني شي سلامت بنوتج ياقلبي ما تشوف شر حياتي والله قلبي تقطع وانا اتخيل الحرق اخييه
ما قصرتي حبيبتي على النصيحه عسى الله يحفظلج حبايبج من كل شر يارب
والله فطنتيني بعد من اليوم ورايح ما اخلي بنتي اتوطوط المطبخ !
تسلمييين

 

[لموره الاموره]

رد : الحمدلله اللي يت على جذي وبس...ريول بنتي احترقت،،اتعظو بليز !

ياحياتي ماتشوف شروالحمدلله على سلامتها ومثل ماقالوا لك الاخوات اقري عليها دايم واستودعيها الله الذي لاتضيع ودائعه :33_1185028183:

 

[om MaRyooM]

حبايبي والله مشكوريييييييييين ماقصرتو


وديرو بالكم على عيالكم