الحمدلله راضية مرتاحة..ليش يسوونها قصة غصب اييب ولد!!جنه بكيفي :(

[sweety-pumpkin]

السلام عليكم حبايبي شلونكم وشخباراااتكم مع هالجـــو البديـــع :ggdw:






بدخل علطول بالموضوع ،








طول عمري اقول مالي شغل بحجـي الناس
وما أهتم

واهم شي راضية بحياتي

وزوجي راضي ومستانس


والحمدلله على كل حال



بس والله ياخي هالناس ماتخلي الواحد بحاله !!



انا اقولكم ليش

عندي 3 بنوتات :eh_s(7):
وعندنا ياهم بالدنيا كلها انا وزوجي

وعمره ماقال خاطري ولد !!




الحين كل من شافني من اهله !
يلا وين الولد !


ييبيلنا ولد !!

صيري نفس حماتج !! يابت ولد


ييبي ولد !!


متى تييبين ولد !!

:eh_s(2):

بس خلااص رحمو حالنا


وللعلم اصغر بناتي تووها كملت سنة !!!


انزين شسوي

جنه بكيفي :eh_s(10):



اكثر شي يحنون حمواتي ويقولولي يلا ويلا
وخالتي تقول لولدها .. ماتقولي انا

احس هالفترة من كثر الحن صاير زوجي يفكر بالموضوع


وانا بنات حمالي صعععععععععب حيل حيل يصير فيني حالة غريبة وحساسية قوية ماتروح الا بالولادة المبكرة (بكل حمال )
وغير ابر الكورتيزون وبلاوي

انا لو مني .. اييب ياهل واحد وخلاص


وغير ان ولاداتي 3 قيصرية !!!

تعبت من حجي الناس


كل مااشيل ولد يقولولي الله يرزقج !! مع نظرة شفقة :eh_s(1):

شدعوا عليكم !!!!!!!!!!

وجان زين يحبوني ولايموتون علي ! حتى بناتي مرة كل اسوعين يلا يروحون
علاقتنا وايد رسمية ومافي ميانة ابد



الموضوع مأزمني وتعبانة من كلامهم
شسوي !


بتقولولي طنشي
انا مطنشة ومعطيتهم اكبر طاف

بس مايصير كل مايشوفوني ماكو غير هالموضوع
وكل ماشافو زوجي يشفقون عليه ويقولوله نفس الموضوع


بس خلاااااااااص
حسبي الله ونعم الوكيل

 

[مناير ...!]

عليكم السلام
واي حبيبتي ماعندج ولد؟؟
الله يرزقج :eh_s(16)::eh_s(16)::eh_s(11):







هههههههههههههههههههههههه اطفرج:krkrkr:
بالعكس البنات سكر نبات ياحلاتهم البنات
ماعليج منهم اذا قالو لج قولي لهم الدراسات اثبتت انه تحديد جنس الجنين من الرياجيل مو من المره وصج ترا اكلمج :eh_s(15)::eh_s(15):

بنت ولد
الي من الله حياه الله
والله يخلي لج اميراتج :eh_s(17):

 

[DaLoo3t BaBaTii]

.



كلام مناير صحح ..

قببل ايام المدرسةة ، خذيتها بالاحياء ان جنس الجنين من الزوج ..


فـ هآلشغلةة من ريلج مو منج


و آذآ آحد قآلج شي ، قوليله هآلمعلومة و سكتيهم

.​

 

[&هند&]

يا حبيبتي طنشي ان شاء الله بتجيبين ولد لا حملتي بعد كم سنه خليج ريلاكس ولا تبينين لزوجج اي شي خلي الوضع طبيعي والعمر جدامج ،،،،

 

[قصْر شآمخ~]

يا عمممممري حاااسة فييييج > مع اني مو متزوجة ..
بس هـ الضغط والزهق عانت منه أختي .. لدرجة أنهم يخافون أنها تحسدهم على عيالهم وهي أساساً ما همها شدعوة تحسد ع ولد!

بس الناس مرضى ومتخلفين .. والله يعينا عليهم ..

جد جد كلام الناس وحنتهم ابتلاااااااء .. والتعامل معاهم بما يرضي الله جهااااد .

الله ياجرنا بس ..

 

[hazel eyes]

الله يخلي لج بناتج

هذول اهم الناس مو مخلين احد بحاله اللي يسمعهم يقول شاكيين لهم الحال

انا نفس الحاله اعاني منها
كل مره ماتبين تجيبن لنا بيبي ماحملتي طولتي متى تحملين كأن الموضوع بمزاجي الله يعين

 

[Tom ♥ Jerry]

,



حمدلله و الشكر ناس ما تفكر صراحه !
اصلا الريال اهوة الي يحدد بنت أو ولد
بعدين كل شي بايد رب العالمين
ليش يجرحون الناس جي


طنشي طنشي بعد شتسوين بهالعقول الي مالها حل:*

 

[نور وشموع]

حاسة فيج لان صارت مع اختي الله يرزقج بالولد الصالح

 

[إم بــــرٍآك]

هههههه سبحان الله حسيت ان انا الي اتكلم موانتي



لاني نفس حالتج عندي ٣ بنات الله يحفظهم والحمدالله راضيه وزوجي عمره ماقال خاطري بولد ويموت ع بناته بس الناس ماتخلي احد بحاله ماسكين علي الله يرزقج بالولد الي يشوفهم يقول شاكيه لهم الحال مع ان حمالي بعد صعب واتعب وايد المشكله الي يحنون من اهلي واهله والجيران وكل الي يشوفني هههه وانا مطنشه ع الاخر محد همني وبنتي الله يحفظها توها تسع شهور ويحنون الله يعيد بعد سنه

 

[viva la glam]

يضحكون هالاوادم استغفرالله
بس ماعليج منهم طاااف والله يخليلج بناتج ويحفظهم

 

[امـ خــزامـى]

ياحياتي انت
انا انا هالنوعيه يقهرونننننننننننننننني بس عادي حبيبتي

انا امي جابت 6 بنات والقعده او اخر العنقود جابت ولد

تخيلي ابوي جدا عاااااادي بس امي كانت نفسيتها زففففففففت لانها هي بتفكيرها ان العيال اهم من البنات
وزياده كلام الناس ماجبتي الا بنات اكيد زوجك بيتزوج عليك
وابوي فديته ملتزم ومثقف ويحب البنات واللحين المفضله عنده اختي الكبيره والصغيره
واخوي غلاه كله عند امي
وحاليا عمره 13 وبدا مراهقه امي صارت تقول ياحلات البنات توني ادري اني كنت مرتاحه وتفكيري غلط
وغير كذا البنات يطورون من امهم ودايما حولها هذي تسير عليها
وهذي تناديها تتقهوى عندهم والثانيه جايبتله هديه
وان اعزمت امي كل وحده تجيب معها ططبق تبيض وجهه امي فيه
ودائما بس نشوف وش ناقص امي وابوي ومن غير مايتكلمون نجيبها لهم هدايا

وربي من اللي اشوفه اقول يارب ترزقني بالبنات السنعات الحنونات

واقولك مره قلت هالكلام عند اهل امي >متزمتين ويعشقون العيال
لو ادري اني لو حملت بجيب اخت لبنتي كان حملت هالساعه
تخيلي وش كانت ردة فعل وحده منهم؟؟؟؟







استغفري لايعاقبك ربي ان شاءالله تجيبين ولد

انا فهيت وعيوني طلعت قلت استغفر ليش
وبعدين على اي اساس تحددين امنياتي
انا احب البنات ومالي دخل باللي يحبون العيال كل واحد حر باللي يتمناه
قالت هي لا موقصدي بس ترى الرجال يبون ولد
قلت واذا يبي مالي شغل فيه انا اللي احمل واربي واولد واتعب واتمنى بنات لاكبرت صاروا حولي
وبرجع اقولك وشلون حكمتي ان زوجي يبي ولد
قلت لها ابشرك يمووووووووت بالبنات وتسوى عيونه اصلا من جبت بنيتي وهو يقولي بنت اكلت قلبي ماعاد صار لك مكان يمزح معي من زود غلاها

وابو زوجي نفس الطريقه يحب البنات وكان اللي يبشره بالبنت يعطيه هديه

يعني اختصرها عليك واقولك انت اللي تحبين العيال وتحطينها بزوجك ؟

وسكتتها قهرتني حسستني ان بعصر الجاهليه


المهم حبيبتي خليك واثقه من نفسك وكل ماقالولك نفس الكلام انت بكل ثقه اضحكي وغني اغنية نانسي

يا بنات يا بنات يا بنات اللى مخلفش بنات
مشبعشى من الحنيه ولاداقش الحلويات
حلوه الايام فى عينيا علشان خلفت بنيه
ولا شوفت الارض اتهدت ولا مالت الحيطه عليا
يا بنات يا بنات يا بنات اللى مخلفش بنات
مشبعشى من الحنيه ولاداقش الحلويات
حلوه الايام فى عينيا علشان خلفت بنيه
ولا شوفت الارض اتهدت ولا مالت الحيطه عليا
سقفوا وارقضوا ياولاد الفرح مالوهش ميعاد
ضحكتها لما اتولدت بتكتر فى الاعياد

 

[ديانا سبنسر]

قولي لهم مع ضحكة شاقة الوجه اللي جابت البنت تجيب الولد


الله يخليلج. بناتج ويطرح البركة فيهم وااااااي بإحلاة البنات حنونات وبارات الولد أنا ربيت ولغيري صفيت

 

[ام الحلوااات]

نـــــفــــــس الـــحــــاااااالــــــــــــه
بــــــــس طــــاااااااف خـــاصــــــه انـــهــــا مــــاتــفـــــرررق مــــع زوووجـــــــي
ويــحـــــب بــنــــاتــــه اكــثــــر حـتــى مــنــي

عــــســــى اللـــــه يـــرزقــنـــــي ويــــااج بـــاالـــولـــــد الــصـــالـــح
يــااااربـــــي يــاااكـــريــــم​

 

[sh_mashael]

خالاتي ثنتين نفس حالتج

بس راح حق دكتوره و ضبطت لهم شـ ياكلون او من هالسوالف عشان يطلع البيبي ولد

وحده منهم جابت ولد عقب خمس بنات
و الثانيه يابت اثنين عقب اربع بنات


موفقه

 

[الشهد كله]

عادي

عادي يا حياتي

حتى إذا جبتي الولد بيقولون لج خاويه :eh_s(16)::eh_s(16)::eh_s(16):

يعني ماكو فكه

مادري ليش يحسسوني إن الولد إذا كبر بيشيلني على راسه ويمشي فيني

ما جنه البنت إهي اللي شايله أمها وأبوها بهالزمن وهو بس تمثال !!!!!!!!!

يا بنت الحلال قطيها بويههم أشكره

إذا سمعت موضوع الولد في بيتكم ما راح أدشه مرة ثانية

كلش مو ضروري






تعالي صج








ليش ما عندج ولد :krkrkr::krkrkr::krkrkr:

قسماً بالله ناس فاضية

همها التفريخ

أما التربية والشقا والسهر والمصاريف ما يفكرون فيها

الحمدلله الذي عافانا​

 

[منال $]

لسات في ناس في القرن هدا تفكيرها هيك
ترى الرجال هو الشخص الوحيد المسئول عن نوع الجنين




الله يرزقك بولد

 

[om MaRyooM]

ياحياتي انت
انا انا هالنوعيه يقهرونننننننننننننننني بس عادي حبيبتي

انا امي جابت 6 بنات والقعده او اخر العنقود جابت ولد

تخيلي ابوي جدا عاااااادي بس امي كانت نفسيتها زففففففففت لانها هي بتفكيرها ان العيال اهم من البنات
وزياده كلام الناس ماجبتي الا بنات اكيد زوجك بيتزوج عليك
وابوي فديته ملتزم ومثقف ويحب البنات واللحين المفضله عنده اختي الكبيره والصغيره
واخوي غلاه كله عند امي
وحاليا عمره 13 وبدا مراهقه امي صارت تقول ياحلات البنات توني ادري اني كنت مرتاحه وتفكيري غلط
وغير كذا البنات يطورون من امهم ودايما حولها هذي تسير عليها
وهذي تناديها تتقهوى عندهم والثانيه جايبتله هديه
وان اعزمت امي كل وحده تجيب معها ططبق تبيض وجهه امي فيه
ودائما بس نشوف وش ناقص امي وابوي ومن غير مايتكلمون نجيبها لهم هدايا

وربي من اللي اشوفه اقول يارب ترزقني بالبنات السنعات الحنونات

واقولك مره قلت هالكلام عند اهل امي >متزمتين ويعشقون العيال
لو ادري اني لو حملت بجيب اخت لبنتي كان حملت هالساعه
تخيلي وش كانت ردة فعل وحده منهم؟؟؟؟







استغفري لايعاقبك ربي ان شاءالله تجيبين ولد

انا فهيت وعيوني طلعت قلت استغفر ليش
وبعدين على اي اساس تحددين امنياتي
انا احب البنات ومالي دخل باللي يحبون العيال كل واحد حر باللي يتمناه
قالت هي لا موقصدي بس ترى الرجال يبون ولد
قلت واذا يبي مالي شغل فيه انا اللي احمل واربي واولد واتعب واتمنى بنات لاكبرت صاروا حولي
وبرجع اقولك وشلون حكمتي ان زوجي يبي ولد
قلت لها ابشرك يمووووووووت بالبنات وتسوى عيونه اصلا من جبت بنيتي وهو يقولي بنت اكلت قلبي ماعاد صار لك مكان يمزح معي من زود غلاها

وابو زوجي نفس الطريقه يحب البنات وكان اللي يبشره بالبنت يعطيه هديه

يعني اختصرها عليك واقولك انت اللي تحبين العيال وتحطينها بزوجك ؟

وسكتتها قهرتني حسستني ان بعصر الجاهليه


المهم حبيبتي خليك واثقه من نفسك وكل ماقالولك نفس الكلام انت بكل ثقه اضحكي وغني اغنية نانسي

يا بنات يا بنات يا بنات اللى مخلفش بنات
مشبعشى من الحنيه ولاداقش الحلويات
حلوه الايام فى عينيا علشان خلفت بنيه
ولا شوفت الارض اتهدت ولا مالت الحيطه عليا
يا بنات يا بنات يا بنات اللى مخلفش بنات
مشبعشى من الحنيه ولاداقش الحلويات
حلوه الايام فى عينيا علشان خلفت بنيه
ولا شوفت الارض اتهدت ولا مالت الحيطه عليا
سقفوا وارقضوا ياولاد الفرح مالوهش ميعاد
ضحكتها لما اتولدت بتكتر فى الاعياد

ياحلات ردج والله يونس


رايي من رايج

 

[حشمه]

سبحان الله الناس مايرضيها العجب

طنشي عاد تصدقين ودي باخت حق بنتي

وكل من يحن على زوجي من اهله

طنشي سمعي من صوب وطلعي من صوب

محد بيرضيه شي اهم شي راحتكم انتي وزوجج

لو ياب لج طاري وانتي كنتي موافقه على حمال

ذيك الساع كلام ثاني لو تجربين طريقه الولد

بس لو انتي رافضه خلاص صكي معاه الموضوع

 

[ناتشوو]

انا رايي
عكسكم
انتو الحساسات
انتو فعلا تتمنون تجيبون ولد
وهالشي مو عيب
ولا غلط
هم الولد في مواقف نحتاج له
والذرية الصالحة بنت ولا ولد
تنفع اهلها
والناس هذي سوالفها
ولا تنسون ان احنا وانتي وهي من الناس
يعني لو عندج اخت كل ذريتها بنات
بذمتج ماتدعين لها بقلبج تجيب ولد؟
اذا اخوج كله ذريته صبيان
ماتدعين له تجيه بنت صالحة ؟
وتكون حجابا له من النار؟
فالمشاعر هذي طبيعية
لا نتحسس منها
اذا احد دعا لج
قولي امين
قولي انشالله
قولي
الله يقدر لي الخيرة من امري
ودايما خلونا ندعي لذريتنا بنات وعيال بالصلاح
وانهم
يكونون من اسباب سعادتنا دنيا واخرة
واحنا نسمع ونطوف
وندعي الله يقدرنا ع التربية
ولا نصير حساسات
اي كلمة تزعلنا
اجل اللي عندها٩ بنات و١٠ بنات شنو مشاعرهم؟
بعدين تدرون
حتى اللي كل عيالها صبيان
هم تتمنى عندها بنوتة
اعرف وحدة عندها٤ صبيان اصغرهم
بالابتدائية
تقول
اشتري ملابس بنوتات واعلقهم بالكبت
عندي واتفرج عليهم
الله يرزقها بالبنت الصالحة
واعرف وحدة بس مرة كبيرة
عندها ماشالله٧ او٨ كلهم شباب
زوجت اغلبهم
عقدة حياتها ان ماعندها بنت
تقول من ذنوب بوفلان ربي حرمه البنات
وتقول ان فلانة وفلانة لما كانو عيالي صغار
لي شافتني تخش بناتها عني
خايفة احسدها لان ماعندي بنات!
مع ان عيالها حيل بارين
فيها
دلع وسفر وهدايا
بس مااغنوها عن امنيتها يكون عندها بنت
الزبدة
محد راضي برزقه
الله يغفر لنا
ويبارك لنا فيما اعطانا

 

[yam_yam]

بالعكس وناسه البنات
خاصه اذا لبسوا وردي هههههههههه
و لا لاتدلعوا على ابوهم يختي يازينهم

ماعليج عطيهم طاف
قولي الحمدلله جذي كافي مابي اكثر
و مدام حماي عنده ولد خلاص هو يوسع السلاله مو انا هههههههههههههههههه

و مدام زوجج راضي خلاص ماعليج و بقولج شغله لازم من الحين تقولين
مابي احمل خلاص انا حمالي تعبت و الحمدلله 3 نعمة من الله و لا ماكو شي
بالله يبتي 6 بنات بيقولون لج ييبي ولد بعد لمتى يعني