الحمدلله راضية مرتاحة..ليش يسوونها قصة غصب اييب ولد!!جنه بكيفي :(

[zaina alotibi]

للاسف مجتمع جاهل .... الزوج اهولي يحدد جنس الجنين وبالنهاية كله رزق من رب العالمين البنت والولد نعمه تستاهل الشكر مو الاعتراض ...
الله يعطيني بنت اقووول ليش مو لد !!!!!!

فهمي زوجج هالشي عشان لو صار انهم ظغطوا عليه يكون فاااهم الموظوع عدل وما يتأثر بكلامهم .............

وانتي ادعي وادعي وادعي وكثري استغفار .... وصدقيني الله كريم ومايقصر مع عباده

 

[Patcholli]

عقليات متخلفه الصراحه ..!!

انتو شكو ايب ولد شكو انتو تطلبون مني هالشي ؟؟ انتو بتربون عيالي ولا بتمسكونهم ولا بتدرون عنهم ؟؟

يبت ولد ولا يبت بنت انتو بالنهايه بتشوفونهم مره بالاسبوع ويمكن حتى مسحه على راسهم ماتمسحون فماله داعي احد يبطل حلجه ويقول ولد وولد

وشنو يعني 3 بنات يطالعونج بنطرة شفقه ..!؟؟

اهم اشدراهم يمكن اتيبين 6 بنات وعقبهم ولد .. يمكن عقب هال 3 بنات 3 اولاد .. اهم شكو واهم اشدراهم بنصيبج ورزقج عشان يحددون جنس الحمل حقج ..!!

انتي اللي تخلقين جنس الجنين مثلا ؟؟

اللي تقولج يبي ولد قوليلها اوكي بس ممكن تعطيني خطوات اني ايب ولد عشان اطبقها الليله كرمال عيونج وايب ولد ..؟؟

 

[Warrda19]

حسبي الله ونعم الوكيل بهالنوع من الناس

 

[عسل حدي]

استغفر الله الذي لا اله الا هو واتوب اليه

 

[gorgeous lady]

يالله على هالتفكير كانه الانسان بكيفه يجيب اولاد او بنات،كله بأمر الله كل شي نصيب سبحان الله ربي يعطي الي يبغاه اناث ويعطي الي يبغاه ذكور كله نعمة من رب العالمين الواحد بس يدعي يكونو من الذرية الصالحة والله يعيننا على تربيتهم،الله يكون في عونك وقوليلهم هذه ارادة رب العالمين،والحمدلله على كل حال

 

[PuPa^^SWeeT]

صاحبة الموضوع


ولا اذا قعدتي مع وحدة تسالج جم عندج


اقوولها بنتين


اتقولي


ترا فيه دكتووور شاطر وااايد روحييله علشان اتيبييين ولد


@@


من شكااالج بفهم




عاد تدرين انا مو محصلة هالتحبيط لا من اهلي ولا من اهل ريلي ولا ريلي


محصلته من الغرب



الله يهداااهم

 

[بولندية]

وييييه سوالف الناس ماتخلص

اذا ما تزوجتي قالو يلا متى تزوجين جنه السالفة بكيف البنت

ولي تزوجت قالو يلا متى تحمل

و لي حملت و ولدت قالو يلا يبي الثاني



انا كنت اتمنى ايام الثانوية عيالي صبيان ويوم كبرت و تزوجت لقيت البنات غيييييييييير اهم اللي يشيلون الام و اهم االلي يقعدون عن الام و يشيلونها شيل لي كبرت حتى الولد اكيد ما يخلي اهله بس مو نفس الام لي صار عندها بنات لي ضاق خلقها دقت على بناتها لي طلعت تطلع مع بناتها

انا امي الله يطول بعمرها وحيدة بين خوالي الله يرحمهم و طول عمرها تتمنى الله يرزقها ب3 بنات و رزقها فينا انا وخواتي 3 و عقب يابت خواني الله يحفظهم ويستر عليهم

طبعا الحجي من ايام الثمانينات يعني العقووول كانت حجرية و من يوم درو ان امي يابت البنت الثالثة استخفو و اقعدو الناس جنه اهم اللي راح يربونا
يابت بنت صار عندها 3 تقول امي الناس كلوها بالحجي وكانت الوحيدة اللي يابت 3 بذاك الوقت و اللي تزوجو عقب امي بسنين يابو ولد
اصلا امي كانت قايله حق ابوي الله يحفظه اتمنى 3 بنات وعقبنا يابت اخواني حبايبي

صج صرنا انا وخواتي جنه خوات امي بالبيت حركة وناسة و سوالف معاها و اصلا لا تشوفين امي لي رحنلها اخر الاسبوع ودها تسوي كل شي بيمعتنا نقعد بالحوش وتطلب الحلو و الفطاير و تسوي لنا الشاي و القهوة و الحب

انا عندي ولد الله يحفظه و اتمنى ايب 3 بنات و اوقف لان صج الحين لي شفت المرا اللي عندها بنات وايد احس اونس من اللي عندها صبيان اكثر

حمدي ربج و شكريه ان ربج رزقج بعيال عموما و انهم بصحتهم و عافيتهم

انا يوم كنت نفاااااااااااااااااااااااااااااااااااااااااااااااااااااااااااااااااااااااااااااااس عمي بو ريلي قالي يلا يبي الثاني ومن صجه كان


حجي الناس ما يخلص

 

[PuPa^^SWeeT]

انا رايي
عكسكم
انتو الحساسات
انتو فعلا تتمنون تجيبون ولد
وهالشي مو عيب
ولا غلط
هم الولد في مواقف نحتاج له
والذرية الصالحة بنت ولا ولد
تنفع اهلها
والناس هذي سوالفها
ولا تنسون ان احنا وانتي وهي من الناس
يعني لو عندج اخت كل ذريتها بنات
بذمتج ماتدعين لها بقلبج تجيب ولد؟
اذا اخوج كله ذريته صبيان
ماتدعين له تجيه بنت صالحة ؟
وتكون حجابا له من النار؟
فالمشاعر هذي طبيعية
لا نتحسس منها
اذا احد دعا لج
قولي امين
قولي انشالله
قولي
الله يقدر لي الخيرة من امري
ودايما خلونا ندعي لذريتنا بنات وعيال بالصلاح
وانهم
يكونون من اسباب سعادتنا دنيا واخرة
واحنا نسمع ونطوف
وندعي الله يقدرنا ع التربية
ولا نصير حساسات
اي كلمة تزعلنا
اجل اللي عندها٩ بنات و١٠ بنات شنو مشاعرهم؟
بعدين تدرون
حتى اللي كل عيالها صبيان
هم تتمنى عندها بنوتة
اعرف وحدة عندها٤ صبيان اصغرهم
بالابتدائية
تقول
اشتري ملابس بنوتات واعلقهم بالكبت
عندي واتفرج عليهم
الله يرزقها بالبنت الصالحة
واعرف وحدة بس مرة كبيرة
عندها ماشالله٧ او٨ كلهم شباب
زوجت اغلبهم
عقدة حياتها ان ماعندها بنت
تقول من ذنوب بوفلان ربي حرمه البنات
وتقول ان فلانة وفلانة لما كانو عيالي صغار
لي شافتني تخش بناتها عني
خايفة احسدها لان ماعندي بنات!
مع ان عيالها حيل بارين
فيها
دلع وسفر وهدايا
بس مااغنوها عن امنيتها يكون عندها بنت
الزبدة
محد راضي برزقه
الله يغفر لنا
ويبارك لنا فيما اعطانا

بس يا ناتشووو



انا قبل ما حيييت اني ام بنات و ماعندي ولد الا من كلام الناس نفسهم



ولا من قلب مستانسة انهم بنتين ويا بعض


و بنفس المدرسة ويا بعض



الحيين انا افكر بس لو فرضا حملت و يبت بنت


بيزيدوون الناس



طبعا انا مو شرط ابي بنت ولا ابي ولد ابي بس ذرية تقعد وياي و اطلع وياهم و اربيهم و جذي




بس مافكرت اهم اولاد ولا بنات الا من الكلام اللي اسمعه سواء جدامي ولا وراي



وحتى تفكير العالم بالحسد و الغيرة


مو ليهالدرجة الموضوع


الموضوع كله نصيييب



حتى ساعات اجس نبض ريلي اقووله شرايك تبي ولد انروح لطبيب


قالي ابدا اذا ربي بيعطييني الولد ان شالله خير اذا لاا مابييه

اهم شي عيالي زينييين صحتهم زينة و انربيهم عدل


مو انييب واحد ولد بالغصب اييبلنا الامراض و الاعصاب و الزعل و البلاوي



عسى ان تكرهو شيئا وهو خير لكم



يعني صاحبة الموضوع عندها 3 بنات احسسن 10000000% من ولد واحد مو من نصيبه ولا رزقتها

 

[ناتشوو]

الغالية بوبا
انا اقصد لا نتحسس
عطي الناس ع قد عقلها
وع قد تفكيرها
خليج ( ياريح مايهزج جبل )

زين انا ف بداية زواجي
مريت باجهاضات وتأخر حمل
وعقب جم سنة رزقني الله ببنوتة
وكنت من قلبي ابي بنوتة اول عيالي
وطبعا كنت جدا سعيدة
والعايلة كلها فرحانة فيها
وهي عمرها شهرين تقريبا
مرت وحدة من جيراننا ودرت ان الله رزقني ببنوتة
طبعا فرحت لي
واول شي
قالته
لا يهمونج ترى البنات احسن من الصبيان!!
هاهاها
بالعكس انا ضحكت
منو مايهموني
انا مستانسة باول عيالي
منو قال لها انها عاشر بنت لي
الاهم من كل شي
الرضا
بكل شي ربي قسمه لنا
زواج
عدم زواج
عيال
عقم
نحاول نكون راضين بكل ماقسمه ربي
ولا نتحسس
لان احنا سعيدين باللي عندنا
ومقتنعين انه الخيرة لنا
طاف كلام الناس مجرد كلام
والله يرزقنا ويرزق كل محروم وكل راغب بالحمل
بالذرية الصالحة

 

[PuPa^^SWeeT]

صح كلامج والله



احنا مستانسين و قانعيين مانخلييهم يغيرون سعادتنا





الحمدلله القناعة كنز لا يفنى

 

[soft.eye]

شالتفكير منو يفكر الحين بنت ولا ولد الله يعينج عليهم

 

[برنسس كاتي]

مو بس يبطون جبدي هل ناس
جنه فيه زر ببطنج تضغطين عليه وتقررين لو تبين بنت ولا ولد :bbbiu:
خصوصا لو انتي وريلج مرتاحين خلاص وحمالج صعب ليش التدخل من الناس
اما فكره خل ريلج يتزوج عليج عشان يجيب الولد
هذي تعليمها حدها 4 ابتدائي !!
معروف انه الرجل هو الي يحدد جنس الجنين :eh_s(15):
وووو شتسوين دخلي من اذن وطلعي من اذن وقولي حمد الله على كل حال
وبنتج حرام صغيره بكرا لو تعبتي ولا شي محد بينفعج
والله يخلي لج بناااتج

 

[امـ خــزامـى]

ناتشو كلامك عين العقل
وخصوصا باللي تكون اصلا متحسسه من ان عندها كذا بنت وتبي ولد
بس الناس يزيدون جراحها ويقهرونها زود
انا اصلا اكرررره قولة شدي حيلك واحملي بولد
ولا وحده عندها مشكله بااحمل يقولون لها ماحملتي
ولا ماتزوجت ويسألونها كم عمرك وعقب ماتجاوب يقوبون الله يرزقك بالرجل الصالح
يعنني بالله عليكم هذي اسئله
والله حتى لو عادي وراضيه من كثر مايعيدون عليها هالاسئله
تجيها حاله نفسيه

اذا بدعيلها من غير اخليها تتحسس ومو قدام الناس
شي جميل بس اذا بحرجها ان كنت احيها بدعي بقلبي
وربي يتقبل


غير هالاسلوب بصراحه ينرر رفز واكيد اي وحده بتتحسس


ارجع لموضوع البنات والاولاد
صحيح ان ربي الهادي واذا ربي اصلحهم كلهم فيهم البركه
بس البنات مهما كان غير عن اللاولاد
تعيش على حس امها ومعها وين ماتروح
والله اعرف كذا وحده عندها ٥اولاد وربي هاديهم ماشاءالله
بس تقول البنت صديقة امها ونفس التفكير
تقول مرا بروح لزواج وكنت مسويه تسريحه ولابسه فستان مفتوح من الظهر
تقول رحت لبست بدي عشان يستر شوي
المهم حبت ترفعه شوي بس ماقدرت نادت ولدها
عشان يساعدها قالته ارفع البدي تدرون وش سوالها ؟





رفع تسريحتها وخرب شعرها ههههههههههههههههه


سوالف كثيره تخليني كل يوم عن الثاني اعشق اللنات واتمناهم


الله يخلي لنا مارزقنا ويبارك لنا فيهم والمسلمين

 

[رجفة وهم]

ياحبيبتي ماعليك منهم

اضربلك مثال امي جابتنا 7 بنات ورا بعض صحيح جدتي كانت ماتقول الا ام البنات بس امي مطنشة

واذكر يوم اختي الخامسه مدريىالساطسة قال ابوي وش ودك تجي قلت بنت كنت صغيره قلت وانت تبي ولد ولابنت

قالي اللي من الله حياه الله اهم شيء العافية

وبعد 7 بنات جابت 3 اولاد والحين ابوي البنات اغلى عليه من العيال يقول مراح ينفعني بهالدنيا الا الله ثم البنات واهما ارحم

مع ان اخوي الكبير لسى بالابتدائي

انتي مدامك مرتاحه مع زوجك وبناتك ماعليك منهم

اذا تكلموا قولي منهو اللي يجيب العيال الله ثم ولدكم اهوا اللي يحدد النسل بنت ولا ولد

انا اللي علي احمله ببطني واولده بس

الله يوفقك ويريحلك بالك

 

[حبي مودي..]

الله يحفظهم,,عادي عزيزتي الناس ماينتهي كلامهم أذا ماحملتي قالو ليش واذا جبتي بنات قالو متى الولد واذا ذريتك اولاد قالو ماتشتاقي لبنت تسليك وهكذا..وحتى لوحملتي وجبتي ولد بيقلون متى تجيبي اخ له طنشيهم لانك انتي اللي بتتعبي..
ادعيلي بالحمل عاجل غير آجل,,

 

[غلا صلاح]

الله يرزقج ياارب والنااس سبحان الله مايعجبهاا العجب للبنت ولا الولد بسسس الولد عزوووه لخواته ويشششيل اسم ابوووه ويكون له ذكر لمات جدتي اللي تقوله هههههههههه

 

[أحبكم فـ الله]

الله يحفظج لج بنات يارب وتشوفينهم عرايس ان شاءالله
والله شحلاااااااااااااتهم البنات يهبلون .. ماعليج منهم احلا طططططططططططاف

 

[a7la_7b]

اللي يسمع كلامهم بيقول هم اللي بيربون وهم اللي واللي واللي هم شكووووووووووووو
الله يهديهم بس

 

[(حكاية قلب )]

خالتي كانت مثلج بس جابت 6 صبيان وبنوتة وحده
وكان بخاطرها تجيب بنت ثانية مادري شنو سوت طريقة ماعرفها وجابت بنوتة سبحان الله

وماعليج من كلآمهم =)

 

[وردة وطني]

عقليات وتخلف صرآحه ناس كلش عقولهم متحجره وعبالهم كل شي الولد حبيتي عطي طاف واضحكي وقولي لهم
انا وريلي مرتاحين ومستانسين ع البنوتات وممدين ع الولد طنشيهم اصلا لاتحطين بالج شنو عاد وصلت انهم يخافون علئ عيالهم من الحسد