الحمل اتعبني دشوا بنات

[يؤ !!]

السلام عليكم

انا حامل بشهري الثاني وبكريه مرررا اتعب بنات كله خمول وكسل وجوع متواصل مهما اكلت

وغثيان وترجيع وانتوا بكرامه

نفسيتي صفر بسبب هالشي حتى ماقمت اقدر اهتم بنفسي مثل قبل

:eh_s(2):

 

[فوفو الدلوعه]

الله يهوون عليك يارب

 

[موكا لاتيه]

عادي حبيبتي هاذي الحماله تعب في تعب
وكله في الاجر انشالله

انتي ارتاحي وروحي طبيب

 

[إم بــــرٍآك]

الله يهون عليج ويساعدج ودي اقول لج اهم شيء التغذيه والراحه بس ادري ماتقدرين تاكلين مثل الناس لاني مريت بهالشي
بس اذا خف الوحام عنج كثري من حليب المراعي كامل الدسم وكثري من التمر والله يكون بعونج

 

[مشتطـه]

واي استغفر الله انا كله كوم وشعور ماقبل الترجيع كوم ثاني

آآآآه آآه كنت اتألم ما احب هالشعور يرعبني اذا بطلع

 

[~Rou7~]

الله يعينج يارب هذا الوحام متعب حيل
بس شوفي هي فتره وتعدي راح تنسين ان شاءالله والايام تمشي بسرعه

 

[يؤ !!]

جزاكم الله خير بنات

اااه وربي تعب تعب يارب اجرني يارب

 

[gorgeous lady]

حبيبتي الله يعينك هو من جهة تعب مررررة تعب الوحام استغفر الله بس انا ماكنت اقدر اخرج من البيت اذا اتحركت شويا يبدا الغثيان والحرقان والام المعدة والترجيع الحمدلله على كل حال بس معليش اصبري ترى هي فترة وتخف وبعدين تختفي ان شاء الله،الله يعينك ويعين كل حامل ياااااااااااارب

 

[حلآوهـ حمرهـ]

ماعليه حبيبتي كله باجره ..

انا مريت بهالحاله لا وابشرج بعد فوقهم حمى وكحه قوييييييه وبلغم وكله يخليني ارجع وتخيلي مايعطوني ادوية

بس فيه اشيا كانت تخفف علي

المكسرات المملحه مثل الحب والبازلاء الخضرا وايد تخفف عني

الكورنفلكس والحليب

قطعيلج خيار وجزر شرايح وعصري فوقهم ليمون وملح وقرضيهم شوي شوي تروح عني اللوعه لما اسوي جي

اللبن الحامض وايد زين بس مب المراعي الثقيل

وقصي ليمونه بالوسط وشميها تعدل المزاج

انا حبيبتي شهرين وشي طايحه ف بيت اهلي ومستحيل اطلع من البيت وحتى المكياج كرررررهته والعطور وغيرت الشامبو والصابون

صدق صدق ماساااه بس الحمدالله اخر ٣ خف شوي والحين انا ف السابع وامووووت فالاكل

ولعلمج حبيبتي كل ماكان الوحام قوي كانت صحة البيبي واايد زينه .. رفيجة امي وحامها ٩ شهور وعندها ماشالله ٨ عيال وكل واحد صحته احسن من الثاني ماشالله وهم بنت عمتي وحامها ٧ شهور وعيالها متختخيين وصحتهم حلوة .. بس مرت ولد عمي كللش ماتتوحم وعيالها ضعااااف وتعبانين

 

[كويتية^_^كول]

الله يسهل عليج عادي حبيبتي اول ٣ شهور انا كنت جذي وماكنت اطلع وحتي بالبيت كلا نايمه عشان لا احس باللوعه
الفتره قضيتها عند امي عشان ريلي لايزهق كلا نوم بنوم حتي بس اقوم اكل بالقصب وارد انام
حاولي تاكلين بين فتره وفتره حتي لو شي بصيط. لانه اليوع يخليج تحسين بلوعه اكثر
اهم شي لاتاكلين شي ثقيل وحاولي تاكلين سفرجل اول شهور زين
وشربي ماي منقوق فيه (((علج البان))) او اكليه وااااااااااايد زين حق اللوعه

 

[ارتقاء]

نفس الحاله والمشكله عندي دوام وبعيد عن بيتي وتلوع كبدي من الطريق واكثر شي خفف عني المخلل وخاصه الخيار وعلك بالنعناع الله يعين.