الحمل والاسهال

[دآنة آلرشآيده]

بنات تكفون ساعدوني انا توي لي 5 ايام داشه الرابع
واسهال ذبحني اول مره قبل اول من حملت كله حايشني امساك
واليوم اسهال اخاف مو زين وشنو اسوي اقول لدكتوري ولا عادي​

 

[للصبر اخر]

حبيبتي كثري روب وحليب بالموز
انتي مثلي انا الاسبوع اللي طاف مت من الاسهال بس الحمدالله الحين اخف
اذا متأذيه وايد روحي م مبارك او الصباح يعطونج درب ودوا يخفف الاسهال
ماتشوفين شر

 

[H.A.K.W]

حبيبتي لازم اتروحين الطبيب لان مو زين عالبيبي
و ممكن اذا استمر يسبب لج جفاف ويضرج

 

[الليدي فراوله]

لا ياحبيبتي روحي دكتورتج الاسهال ياحياتي يفتح الرحم موز ين
انا الحين بالسابع وذبحني الاسهال وجتني منه طلوق
ديري بالج
ةان شاء الله مايصير الا كل خيررر يابنت العم

 

[اخصائيه نفسيه@]

حبيبتي في حبوب بالصيدليه للاسهال
او روحي الدكتوره
لازم تروحين
و ماتشوفين شر يا الغاليه و ان شاء الله ماكو الا العافيه

 

[كويتيه مذهله 87]

أكلي رووب او لبن

مووووز

سفن اب
اذا ماخف ضروري تروحين الطبيب يوقفونه لج

 

[مو عايشة بالدنيا]

حبيبيت لا الاسهال ولا الامساك زين للحامل
ديري بالج


بالنسبة للاسهال اكلي رووب وموز
وسفن اب
واشياء تمسك البطن

واذا مافاد دقي على العيادة يوصفولج دوا


والامساك اذا رجع

عندج دوا للحامل
انا اخذه اسمه

موفي كول
سئلي الصيدلية عنه يقولولج

وايد زين للامساك

 

[جذابه بنت ذيابه]

روحي اقرب مستشفى لج ..


وان شاء الله يخف يارب ..

 

[مناوووي]

الله يتمم عليج

 

[fato0ot]

رفع

 

[miss-winter]

روحي الطبيب يعطونج علاج وابره انا صار معاي مره

 

[جميله وجذابه]

لا تحاتين اذا كنتي تدخلين الحمام خمس مرات او اكثر اهني الخوف بس اذا اقل لا تخافين الله يحفظ حملج انا كنت ابحمالي كل بين فتره و فتره يصير معاي اسهال و طول فتر الحمال امساك بسبب الفيتامينات والحديد

ييبي شاي و عصري فوقه ليمونه

اكلي روب قليل الدسم

و كثري من شرب الماي و السوائل وقت الاسهال لان الخطر من الاسهال هو الجفاف

اكلي بطاط مشوي بالفرن و اشياء ناشفه مثل عيش وروب ليما ييخف الاسهال وماتشوفين شر


انا يوم حامل و صار فيني اسهال رحت الطبيب و ما سوولي ولا شي ولا عطوني علاج و قالو شربي سوائل وبس و اهو يروح بروحه

 

[.،:"$الـعـوبــــة$":،.]

الإمساك عادي !
أكثر الحوامل يصير فيهم إمساك وبعضهم الله يعينهم يصير فيهم بواسير من الإمساك !
بس الإسهال مو زين ! لازم تروحين الطبيب ! يمكن ماكلة شي خربان أو مادري !
بس لازم تروحين ! ترى الإسهال يفتح الرحم وانتي توك !!!
الله يستر عليك ويتمم عليك حملك ياربي !​

 

[دآنة آلرشآيده]

مشكورين حبايبي
الحمدلله صرت زينه طلع داشني هواء وبرد

 

[Om_Ksha]

الله يستر انا بعد هاليومين بطني ماشي :////

 

[انجبر قلبي]

الله يعينج كان يصير فيني اول الاشهر و كنت اكل اشياء تمسك البطن و الحمدالله يروح مني

اكلي بطاط مهروس او موز و شغلات جذي عشان يوقف