الحمل والدراسه والزوج

[جنوني عيونك]

بنات حالتي النفسيه دمممار
اول شي انا متزوجه لي ست شهور كلما افكر انجب اتردد اقول انا ادرس انا عمري 18 سنه وراحت علي سنه بسبب التخصص الي انا فيه ورغبه زوجي بالتخصص العلمي انا هذي السنه تزوجت وحولت للتخصص الي يبيهرحت مدرسه ع حسابي الخاص وواجهتني ضغوط زوجي من النوع الدقيق والي يبي اخلص كل واجبتي على اكمل وجه من تنظيف وكذا وتصير بيننا هوشه اكره فيها نفسي واتندم اني غبت حتى وانا تعبانه وانا طالبه صرت احيان افكر بالحمل واحيان لا ودي انجب بس ماعندي مسؤوليه اكثر من كذا بيت بيكون وزوج وطفل صغير انا لي تغيبت ع المدرسه زوجي يهاوشني ليه ماتروحين وانا خلاص يعني نومي مو منظم كلش انا يعني ممكن انام الفجر الساعه ثلاث واجلس سته الصباح على تعب غير اني معاي فقر دم يتعبني والحين بين حيره اكمل منازل لاكن صعععبه ب الاختبارات اتوكل على الله وانجب. بس كذا بنشغل ب البي بي وانا مابي اقط ولدي ع امي كل يوم حزه مااروح للمدرسه ابي ولدي يربى عندي في احضاني انا فقدت حنان مابي اولاادي يفقدونه وغير كذا امي مريضه ادعوها بالشفاء مابي اتعبها وهلي يبوني يشوفون عيالي والناس تسألني ها ماحملتي لدرجه قالواي افحصي هالشي اثر ع نفسيتي اكث
رشسوي ياربي ماادري انا باقي لي الحين سنتينواخلص دراستي
للعلم انا مو كويتيه

اتمنى تواسوني

 

[amorah1]

حبيبتي اجلي موضوع اليهال الحين حاولي تخلصين دراستج
وحاولي توفقين بين الدراسة وزوجك​

 

[نسمات 26]

توج

اجلي موضوع اليهال احسن لما تترتب امورج وتكملين الدراسه

 

[نبض السعاده]

الله يسخر لج زوووجج يارب يرزقج الذريه

 

[New_bride]

اول شي لازم تقعدين تتناقشين مع زوجج بكل هدوء عن هالموضوع
تشوفين شنو وجهة نظره هل يبيج تخلصين وبعدين تحملين
هل هو قد المسؤوليه ويقدر يتحمل وجود طفل
هل يقدر يساعدج في هالموضوع مع الدراسه

اذا هو على استعداد انه يساعدج ويمسك الطفل وقت انشغالج بالدراسه
انا ماقول طول اليوم لا يعني كم ساعه فاليوم

اذا هو مستعد احملي لكن بعد ماتخلصين المدرسه
لان نظام المدرسه غير لازم تنهين الدراسه في وقت محدد
اما الجامعه انتي بكيفج تختارين كم ساعه تاخذينها فالكورس الواحد
يعني لو حملتي وانتي بالجامعه تقدرين تاخذين مواد خفيفه ماتتعبج

بس نصيحتي لاتأخرين الحمال وايد
انتي صغيره وفرصه تجيبين عيال
عشان يكبرون معاج مب انتي تكبرين وهم توهم يهال

 

[كـيوت]

أختي في شي مافهمته , زوجج مختار عنج التخصص ..؟
التخصص تختارينه حسب ميولج ورغبتج واهتمامج..

الشي الثاني :
أجلي موضوع الحمل شوي لين تتأقلمين وترتبين امورج اكثر إذا انتي تحسين انج مب قادره توازنين
و حاولي تنظمين وقتج وقت للدراسة و للتنظيف ولزوجج واهم شي " وقت لج "

و آلله يوفقج فدراستج اختي و يرزقج الذرية الصالحه متى ما بغيتي ..

 

[جنوني عيونك]

*^ التخصص الي مختاره لي هو الاقوى والمتداول في بلدي اهوا صراحه شجعني
لكن الحين خالتي على طول ترمس لي عن الاوااد وانها تبي تشوف عيال ولدها
انا تلخبطت افكااري خصوصا ان شلت من بالي سالفه الحمال واهما ذكروني فيها
صرت افكر احمل بس انا متخوفه من المسؤوليه الي علي

 

[انصاريه قمره]

نصيييييييحه اجلي موضوع اليهال على ما تخصين دراستج لانج ما راح تلحقين

 

[7oor kuwait]

لا تحملين الحين نصيييييحه،والي يقولج ليش ماحملتي قوليلهم تو الناس بكمل دراستي ومستقبلي اهم ومابي شي يعطلني

انا حملت اول سنه جامعه واضطريت اوقف قيدي،زائد ظروف صحيه حاشني فقر دم وانا حامل فتخيلي انتي اساسا فيج فقر دم شنو راح تسوين

وانتي الحين مو ملحقه وماتنامين شلون اذا عندج ياهل،انا اروح الجامعه بدون نوم وارد هلكانه ومرات الياهل يمرض لازم تقعدين وياه،غير انج يمكن تمرضين ماراح يكون فيج حيل تجابلينه،باختصار الياهل يبيله وقت وقت وقت ومزااج وصبر،البيبي نعمه ويفرحج بس ضمني مستقبلج بالاول

وهذي نصيحتي وانتي ادرى بوضعج

 

[M!SS.LOBY]

الله يكون بعونج