الحمل وزيادة الوزن

[هواي الشرقية]

السلام عليكم

حبيباتي انا حامل ببدايه السادس وخلال اسبوع زاد وزني 4كيلو

م ع ان اكلي ماتغير ومعي فقر دم واعطتني الدكتورة فروز حبتين باليوم تتوقعون زيادة الوزن منه؟؟؟؟انا منهبله من وزني احاول اخفف اكلي ووزني بكل شهر يزيد3كيلو!!!!مع اني مااشرب غازيات والشكولاته مخففه منها ماادري وش العله اللي فيني

​

 

[أم حمودي**MALL**]

تاخذين فيتامينات؟تري تزيد الوزن

 

[هواي الشرقية]

لامااخذ فيتامينات بس فروز وحمض الفوليك حتى الكالسيوم متكسله ومااخذه...

 

[هواي الشرقية]

حبايبي ردوا علي يرحم والديكم الله يهون عليكم ويفرجلكم دنيا واخره يارب ويرزقكم بر عيالكم....

 

[really cat]

نفسى
انا بعد زياده وزن

 

[Diva-Q8]

انتي بالسادس ومايعطونج فيتامينات الحمل غريبه

عموما فروز عباره عن حبوب حديد يعطونها حق اللي عندها نقص بالحديد ومالها علاقه بالوزن

بس انصحج تتمشين نص ساعه كل يوم لا تمشين مشي سريع لأ بس تمشي الحامل تحتاج الحركه في ناس فاهمه الراحه غلط 24 ساعه قاعده وهل شي غلط ويسبب بأخر الحمل زيادة وزن سريع وزلال

وكثري من الماي انا بالشهر التاسع من بداية حملي لي الحين زايده 8 كيلو الحمدالله لاني من اول الحمل وانا امشي الحريم يقولون لي قعدي ارتاحي مو زين لج لاتتحركين انتي وايد لوووويه الله اكبر من عيونهم مع اني مو تعبانه من المشي ودكتوري قالي المشي مفيد الشي الوحيد اللي يظر الحامل شيل الاغراظ الثقيله من الارض والحمدالله الحافظ الله ..

استشيري طبيبتج عشان تطمنين ان معلومتي صحيحه انا انصحج بالمشي وشرب الماي واتقومين بالسلامه

 

[وين احباب قلبي]

يمكن فيك سكر اوتسمم حمل اويمكن الاكل وشرب الغازيات بعدين حبيت اقولك ان فروز للحديد فيه نسبه من حمض الفوليك يعني مولازم كلهم تاكلينهم وكثري شرب الماي والمشي وحبيت اسال وزن البيبي لايكون زايد

 

[~Rou7~]

الوزن مشكلة عويصة اذا ماقدرتي تسيطرين عليه
عاد بعدين يبيله نادي رياضة ومشي وسباحة وحمية غذائية متوازنه
واعشاب وتنظمين نومج كل هذا ويالله على حسب جسمج تضعفين حيل او شوي
الله يعين الحريم

 

[.. Dior ..]

الله يعين حتى انا وزني بسرعه يزيد

 

[nana loly]

زيادة وزن الحامل طبيعيه جدااااااااا
وتختلف من وحده للثانيه
في بنات بحمالهم يزيدون 10كيلو
وفي بنات يزيدون 35 كيلو>>>هذول انا منهم
بس خففي الحلو والكاكاو والنشويات خلي اغلب اكلج صحي خضار وفواكه والبان ولحوم ولاتكثرين
امششششششششششششششششششششششششششششي

المشي مفيد ويساعد عالولاده بسهوله وعلى حركة الدم والدورة الدمويه بالجسم ويحرق السعرات الحراريه

وحافظي على اكل الفيتامينات ضروووووووري لتغذية الجنين ولج انتي وراج ولادهاذا صحتج زينه ولادتج تصير سهله باذن الله

بس اهم شي تاكدي ان مافيج سكر حمل

والله يسهل عليج