الحمل و شعر الجسم !! ساعدوني ....

[فرح قلوبنا يارب]

صباح / مساء الخير


الغاليات

الحمدلله انا حامل في الرابع ......قبل الحمل كنت اشيل شعري كل شهر تقريبا ......شعر جسمي الحمدلله خفيف ..............لكن مع الحمل صار ينمو بسرعه ولازم اشيله كل اسبوعين تقريبا :eh_s(2):...وخايفه يسبب لبشرتي الترهل كثر استخدام الحلاوة و الشمع ؟؟؟؟؟؟؟؟؟؟؟؟ وبنفس الوقت ما احب منظر الشعر حتى لو خفيف......

فيه مشكلة ثانيه بــطــنـــي ؟؟ شعر بطني كان خفيف مررره بس كنت اضطر اشيل الشعر الي بالخط الي من السره لاسفل البطن لانه واضح نوعا ما لاني وانا صغيرة بفترة الاعدادي تحمست وشلت شعر الخط بموس :eh_s(4):............. فصار اكثف ............والحين مع الحمل وكبر البطن زاد وضوح الشعر .........
الحين شو افضل طريقة لشيل شعر البطن ؟؟؟؟؟



رب يتمم ويسهل حملي وحمل كل حامل ويرزق كل محرومه عاجل غير اجل يارب ......

 

[رووح ابووها]

اااااب لعيونج

 

[سمر شمر]

سبحان الله مثل مشكلتي

لدرجة ان ريووولي طلع فيهم حساسية

فشسويت

اخترت مكينه حلاقة اسرع الين ما اجيب بالسلامه على خير وارد مرة ثانية للشيرة

لان الهرموونات تلعب دووور كبير بنموو الشعر وغزارته

 

[-TFa7a-]

آنا آستخدم مآكينه برآون
الله يسهل و يتمم عليج بخير

 

[فرح قلوبنا يارب]

رب يسعدكن ...........طيب ماكينة بروان ما تاثر على الجنين !!!!!
قريت مره موضوع عن تاثير بروان على الحمل ما اعرف صحيح ولا كلام ؟؟؟

 

[؛؛sokrrah؛؛]

انا قل نمو شعري لاني حامل ببنت

وانتو زاد لانه فيج ولد

 

[قمري]

يزيد مع الحمل طبيعي لان الهرمونات تتغير

ومالج الا الشيره احسن شي لاتلعبين بنفسج بالموس وغيره حبيبتي

 

[c a t w o m a n]

عادي يا قلبي تغير هرمونات

أنا بزنودي ما عندي شعر كلش كلش بحمالي صار جنة شعر لحية عرد و سميك

بعد الولادة بأربع شهور بدى يرد طبيعي

وإذا تعبتي من الشيرة استخذمي الماكينة أنا أستخدم مرات براون

الله يقومج بالسلامة إنتي و البيبي

 

[PinkLulu]

شعر البطن يزيد أثناء الحمل و عقب الولادة يخف مرة ثانية

و شعر الجسم المفروض يخف خلال الحمل

أنصحج إنج ما تشيلين شعر بطنج​

 

[الحــــــلا كله]

انا جذي
حيل زاد شعر جسمي يفشل ههه ليته بشعر راسي بس انا حامل اب بنت ماله شغل بالجنس واختي قل سبحان الله همن بنت

 

[سمسمة كويتية]

أنا أشيل ببراون بس ريولي منقطة كارهتها

 

[حرم_الغلا]

نفسي يوم كنت حاامل بولدي..

كنت أستخدم براون...​

 

[خوووخه w]

الحاال من بعضضه حبيبتي عاادي هرمونات اختي صير فيها خطط بطنها بالنص شعر

يعني عادي حتى انا بطني فيها شعر عاادي كل شهر حفي مره بس لاتلعبين بنفسسسج

بعد الولاده يرد كل شي طبيعي

 

[نـعـومـه]

انا بطني ماكان يطلع فيه كلش حملت طلع وايد وولدت ماراح

 

[مشتطـه]

اانا بطني وظهري فلم


امبييييييه مو من صجج

شلون بتشيلين بطنج؟

خلييييييييه مثل ما اهووو عاادي

شكو تشيليه مو زيييييين ترى ديري بالج


انا حتى ظهري ما شلته

مع اني اول مافيني شعر بس طلع فجأة

 

[ورده عنابيه]

ماكو احلى من الشيره

 

[كــوب كــرك]

عادي حبيبتي طبيعي كلنا يزيد شعر جسمنا حفي بشيره بس ديري بالج لا تجسين بطنج تحملي كم شهر علشان خاطر جنين معافي..

الله يسهل عليج وعلى جميع الحوامل..

 

[[[ عيون جابر ]]]

اعاني من نفس المشكله وماراح اتعبث فيه يقولون عقب الولاده يطيح

 

[أبكاني ذنبي]

انا مره شلت بطني بشيره واختي قالتلي ديري بالج يسبب خطوط على البطن ماتروح

لانج تمزعينه زياده مع الشيره استخدمي الماكينه او افضل لج مووس

وخصوصا انا بعد ولادتي ان شاء الله برجع اكمل جلسات ليزر

والحمل فتره وتروح

 

[(لولوه)]

صج من جسم لي جسم يفرق
انا قبل الحمل كل شهر اشيل شيره حتى نويت اسوي ليزر وافتك
لان سويت ويهي وافتكيت بس الله كتب وحملت قلت اكمل جسمي عقب الولاده
بس الغريب ان من حملت ما حفيت جسمي الا مرتين بس وانا الحين بالثامن وفيني بنت