الحموضه بالمعده ودليل أكيد للحمل ببنت

[بدوره 22]

انا والله مافيه مشكله معاي بنت والا ولد اللي يجي من الله حياه الله بس لأني كبيره بالعمر33سنه
وهذا أول حمل يعني فرص الحمال قدامي مو كثيره

مشكورين كويتيات فديتكم وحده وحده

وحتى أهل زوجي يقطون نغزات انهم يبون ولد القهر حتى خواته بالمتوسط يقولون لي قدام أخوهم نبي ولد

كأنه أنا اللي أختار واذا رحنا لبيتنا قام زوجي المصون يقط كلام


يارب ياكريم اجعل مافي رحمي ذكرا صالحا معافى حسن الخلق والخلق

حبيبتي حقريييييييييييييي


الحقرااااااااااان يقطع المصران

وخواته ماردهم بيتزوجون وبصير عندهم حموله والله فوقهم


عطيهم اذن من طين واذن من عجييييييييييييييييييييييييييييين

 

[ZajiL]

حبيبتي مو شرط تطمني
انا بكل اولادي معاي حارج وكريييييييييييييييه استغفر الله

 

[zowy87]

السلام عليكم
اول شي خلي ايمانج بالله قوي وقولي الي يعطيني اياه ربي هذا نعمه ثاني شي انا قريت بكتاب مره انه باول يوم تبدين فيه شهرج الرابع خلي زوجج سحط ايده على جنبج اليمين ويقرا سورة القدر 7 مرات وينذر ويقول اللهم اني اسميته محمدا .. مو متاكده من الصيغه عدل بس اهوه اهم شي النيه وان شاء الله اذا يالج ولد لازم اتسمينه محمد ولاتفكرين وايد بس ادعي ربج

 

[الدر المكنـــون]

حبيبتي الله يتمم عليج حملج و يرزقج بالولد الصالح المعافى

أنا عندي 3 صبيان الله يخليهم لي و يحفظهم و له جزيل الفضل و المنه
أنا اكتشف نفسي اني حامل قبل لا اشتري شريط الحمل ( لان دورتي متلخبطة من زمان ) من الحموضة و الحارج
مو شرط حارج فيج ولد و إلا فيج بنت على حسب طبيعو جسمج و نساتج

 

[ماكنتوشه بنفسجيه 12]

بالعكس حبيبتي
انا حامل بولد والحموضه لاعنه خيري من بداية الحمل للحين
والله احيانا اكره اكل والسبه الحموضه والحارج

 

[السيده الصغيره]

اول شي انتي غلطانه انج صارحتي زوجج بالطرق الي تخليج تحملين بولد وهذاا يخلي بوجهت مظره انج المسؤله الاولى والاخيره............


بعدين حتى لو قالتلج الدكتووره حموضه ومدري شنووو غلط بعد تقولين احتمال بنت وانتي لساا بالدباديه



والسبب الثالث والاهم.. بنت ولا ولد اهم شي العافيه وماحب النوعيه هذي من الناااس الي تبي حفيد كان المره رايحه بقاااله ووصوها على شي ونست تجيبه

 

[ام فطوووم]

حبيتي الله يكتبلج الصالح
وانشالله بس ربي يفرح عيونج بشوفة مولودج بصحه وعافيه اهم شي
وبالعكس انتي فرص الحمال عندج كبيره عندج 7 سنين مرحلة الامان
ومالي لج غير الدعاء حبيبتي

 

[مشكلتي احبك]

والله حبيبتي بناتي الثنتين فعلا بداية الحمل فيهم جتني حموووووووووووووووضة مو طبيعية من اي شي اكله وهذا الحمل سبحان الله ماجاني شي معقوووووووووووووووووووووووووولة!!
يمكن صدفة ماتدرين اللي يجي من الله حياه الله
انا ودي بالولد بعد الله يرززقنا جميعا يارب العالمين
خلج ادعي بسجودج دايما واكثر من مرة يارب ترزقني بالولد الصالح المعافى البار بوالديه انا دايم اقولها

 

[غلااوي الحزم]

اختي انا عندي اربع اولاد الله يحفظهم كلهم في حملهم بغيت اموت في الشهولا الاولئ من الحموضه والترجيع والغثياااااان الي كرهني في نفسي مو شرط حبيبتي الله يحي ياقيوم يامن تقول له كن فيكون انه يرزقج الولد الصالح وان البنت الصالحه قولي اااااااااااااااااامين

 

[مو عايشة بالدنيا]

الصراحة اول مرة اسم بهالمعلومة

 

[حشمه]

اختي لاتتضايقني ولا شي واما سالفه الحموضه

دكتورتج ماعندها سالفه لان هالشي مو اثبات على ان

حملج بنت او ولد انا بحملي بولدي حاشتني حموضه

وبحمالي الحين حموضه والحين بنت ان شالله

يعني مالها دخل كلش

 

[um_hind]

الغاليه الحمال يختلف من وحده لوحده... انا بصراحه عندي 4 بنات... ماحسيت بحموضه بالمعده... وخبيبتي انتي توج حامل الشهر الثاني... لا تستبقين الاحداث...يمكن يظهر ولد.... الله يرزقج بالولد الصالح ياااارب

 

[توكلت على ربي]

لازم يكون الزوج اكثر وعي من كذا ومايحمل الزوجه هذي المسؤليه هذا من عند ربي يرزق من يشاء الإناث ويرزق من يشاء بالذكور

بس الله يهدي هالرجال الي مومدركين انهم يقعون بالخطأ على حكمة ربي وقدرته الواحد يقول اهم شي طفل ربي محسن خلقه سواء بنت ولا ولد
ويااكثر البنات الي نشوفهم بارين ومهتمين بأهلهم أكثر من الأولاد بس يالله صلاح العطا ياحي يااقيووم

وبعدين للساتك صغيره والعمر قدامك اعرف حريم بالاربعين للحين يحملون ويلدون ماشالله عليهم

الله يسهل امري وأمرك وامر كل مسلمه بحمل سليم ومتعافي وذريه طيبه مبااركه ياحي ياقيووم

 

[أم شواقه]

ماااااااااله شغل الحمووضه

في بجري صارت فيني الحموضه ويبت بنت

والحين كلش كا حاشتني الحموووضه وفيني بنت ماااله شغل


والله يهدي ريلج الحين انتي صارلج فترة اتابعين ويووووووووووم حملتي يتشرط خل يقووول الحمدلله ولد بنت كلهم فيهم البركه

 

[cheese cake 84]

منووو دكتورتج؟؟؟

 

[hneen2]

ههههههههههه والله دكتورتج فلم من وين يايبه المعلومه اللي حدها غلط انا بولدي ياني حارج وحموضه والله جنه قاز نار تطبخ اللي بس ادوووور بنص الليل اكل خيار واشرب ماي لوووول

مالا شغل صدقيني ......................

 

[أغلى حلم]

استغفر الله
استغفر الله
استغفر الله
زوجج هذا شنو لا حمد ولا شكر...والله مو حاسين بالنعمة اللي الله سبحانة و تعالى متفضل فيها عليكم....اختي ياريتج بس انتي و ريلج تلقون نظرة على منتدى تأخر الحمل و الانجاب و تشوفون الدموع و الحسرات و العذاب اللي عايشينه الاخوات هناك...قولوا الحمد الله انكم ما صرتوا مثلهم....قولي الحمد لله و انا ادري انج بترضين ريلج و يمكن ما تفرق معاج اذا بنت ولا ولد لكن...الغلط انج تجارينه باللي يقولة ...اذا مو عاجبة خلية يروح يحاسب رب العالميين ...استغفر الله بس و الله يهديكم

 

[shoka]

الله يرزقج ولد ويرزقني وحالتي نفس حالتج يا اختي واصعب اصعب عندي بنتين وماكليني على الولد وودي بولد ودي ودي شفقاااانه عليه وما تتصورين شنو بقلبي ودي ابجي وانفجر واصرخ باعلى صوت واقول اني ابي ولد استغفر الله من غضب الله يا ربي ارزقني وارزق اختي في الله والله نفس حالتج ومسويه نظام وعلاج ولد وحالتي حاله واصعب تدرين ليش؟؟؟؟؟ لان حمالي صعب وعزيز ما احمل بسرعه وجم مره بعيد العلاج؟؟؟؟؟؟ فحمدي ربج واشكريه انج حامل وان شاء الله بولد

 

[bee_honey]

انا على بنتي حموضة وعوار بطن بالاشهر الاولى وبالشهر الاخير
وتحسين بالنبض ناحية اليسار تحت البطن

الكل كانوا يسالوني وين تحسين بالنبض اقولهم يسار قالولي بنية من الشهر الثاني وسويت سونار عقب طلعت بنية
يا حلات البنات
مدامها اول حفيد بتاكل قلبهم لا تخافين والبنت دلوعة ابوها

 

[ام بو حنه]

انا كان فيني لوعه بولدي على طول

ادعي والله يسهل عليج انشالله