الحموضه بالمعده ودليل أكيد للحمل ببنت

[سن توب]

اللي تسأل عن دكتورتي أنا بالسعوديه مو بالكويت وهي دكتوره مصريه

والله أنا اعندي أبد اعتراض واصلا يالله حملت بعد علاج ومعاناة بس زوجي الله يهديه يبي الولد أنا من الحين أهيئله الجو وأقول اللي في بطني بنت على طول يتنرفز ويزعلويدور أي شي يهاوش عشانه والله يابات أنا مظغوطه نفسيا لامن زوجي ولامن أهله

يارب تكرمن بالولد

بنات اللي قالوا جاهم حرقان وجابوا ولد هل بدا معهم من أول الشهور ؟؟

 

[NouR-Q8]

صباح الخير ,, عن تجربتي الخاصة أنا من الأشهر الاولى وانا أحس بحموضة وحارج بالمعدة والكل يقول غريبة الحموضة والحارج تحوش الحامل بالاشهر الاخيرة و لما يشوفون بطني بالاشهر الاخيرة يقولون لي اني حامل في بنت .. بس السونار قالوا لي ولد والحمدلله توني نفاس على ولد صار لي 20 يوم ..

 

[سن توب]

بنات ابي ردود أكثر وايش عوارض الحمل ببنت..؟؟

 

[مارياج]

لاحول ولا قوه الا بالله

ليما الحين اكو رياييل يفكرون جذي قوليله وانا شكو هذا منكككككككك

جنس الجنين من الريال مو من المره

وكل الطرق الي استخدمتييها هذي بس تساعد بس الله الي كاتبه بيصير

ذكري الله واهم شي الخلق السليم المعافى

حمدي ربج عالنعمه

وترا الريال ما يعجبه لا ولد ولا بنيه لو يحبج بيتحمل كل شي

ومالج شغل باهله المهم ريلج

انا بولدي الاول كله حموضه ولوعه ودوخه ونوم من اول الشهور

وما اقدر اكل ولا شي ولايعه جبدي من نفسي

وطلع ولد

والحين الحمدلله حامل بالثاني والدكتور يقولي ولد ونفس الشي هم حموضه ولوعه وارجع باليوم اكثر من 3 مرات

ترا ماله شغل النسات بجنس الجنين انتي بس توكلي عالله

وبعدين قوليلهم الي الله يحبها يعطيها اول شي بنيه

والله يقومج بالسلامه لاتفكرين بهالاشياء

 

[مغتربة 2006]

حبيبتي مو شرط
وحتى لو كانت بنت خير وبركه
ولما تبين تحملين مره ثانيه راجعي عند دكتوره تسويلج نظام
وايد بنات جربوا وضبط معاهم
واعرف وحده من اهلنا سوت النظام ويابت ولد بعد 3 بنات
بس والله كلهم خير وبركه ولا تعترضون على نعمه الله

 

[جوهرة الليل]

*****لما قريت موضوع الحموضة و علاقته بجنس الجنين مثل ما قالتلج دكتورتج المصرية تأكدت 100% انه في دكاترة يتقشمرون علينا أو بالمصري يهلوسون********

 

[RegaLoS]

انا الحموضة بلشت معاي من الشهر 2 لي يوم ولادتي
او يبت ولد

 

[ساجده لربي]

استغفر الله ليش تقولين الله يعظم اجري ويصبريني ليش اللي يسمعك يقول انك فقدتي البيبي
اعوذ بالله من الكفر بالنعم
اختي غيرك يدور ظفر طفل مو لاقي وبعدين وش فيهم البنات والله ما فيه احلى عنهم

 

[غلاي عزوزي]

استغفر الله ريلج كفر بالله والا شنو



في اثنين اعرفهم عدل كل ما تييلهم بنت يعترضون الا ولد وحريمهم ماغير كل سنه يحملون ابنت والله ثم والله انه كل وحده يابت 6 بنات



ليش شلانهم اعترضو ورفسو نعمه الله وعاندوه

 

[قيود الزمن]

انا بنت خالي كان فيها بنت وتقوول الحموضه والحارج حاشها على اخر الشهور وماله شغل
والله يرزقج بالولد انشالله

 

[immortelbk]

الله يرزقج بلي تتمنينه وادعي ربج وتوكلي عليه هو الكريم والرزاق وارحم الراحمين سبحانه

 

[حكستار]

الله يرزقج بالولد الصالح البار
بس اولا هالدكتورة تخربط...الاعراض والحموضة وشكل البطن كلها خرابيط ما لها معنى.
وثانيا...لا تسوين سالفة لزوجج ولا غيره...ترا اللي من الله حياه الله
غيرنا مشتهي ريحة الضنا ومو محصلها...ونحن نتشرط بعد؟؟؟ استغفر الله
خل يقول الحمد لله وايد ابرك له...واهم يطلع بخير...ويكون بار بأهله...وياما بنات رزوا اهلهم وشالوهم من على الارض..وياما اولاد...ما يسألون عن اهلهم...ولا حتى بالتلفون (قولي له اهم شي البركه)
وبعدين الازواج يموتووووووووون على البنات...حتى لو يفضلون الاولاد علشان الصيت...بس البنات عسل وينحبون غصب

 

[الجوهرة الغالية]

يااااااااااااااااااااااارب يااااااااااااااااكريم ،،،،،،،،،،،،،

يجعل اللي في بطنج ووووووووووولد ان شاء الله صحيح سليم معاااافي ويقومج بالسلاااااااااامة ان شاء الله ،،،،،،،،،،،،

 

[fajoora75]

اختي موشرط انا حموضه اول شهرين والجدول الصيني بين بنت عندي بالسونار ولد طلع الحمدلله

 

[سن توب]

مشكورين بنات ربي يرزقكم بالذريه الصالحه

 

[سن توب]

بنات كملوا لايوقف ابي اراء اكثر طمنوا قلبي لين يجي وقت السونار

 

[ام اميره]

صدقيني الله سبحانه بيعطيج اللي فيه الخير والحمدلله لاتعترضيون على حكمه الله وزوجج المفرووض مايقول هلاكلام لانه غيركم واايد ناس يتمنون ظفر الياهل واذا كانت بنت ولا ولد والله قولي حق زروجج اهم شي الصحه والعافيه ويكون الطفل بخير هذا اهم شي والله واسال الله العظيم ان يعطيج ماتريدين يارب

 

[سن توب]

انا ما اعترضت والله بس زوجي جنني يبي الولد من أول حمال
استغفر الله مايقدر الوضع أبد

 

[ليمار الكويت]

لا يا قلبي من هالدكتوره الي تقول هالسوالف
امبيه
انا بولدي البجر كان فيني حموضه ولوعه وترجيع وكل الي يحبه قلبج والحمدلله ولد
والثاني عكسه تماما اكل كل شي ومافيني الا العافيه بس الهم الثقل ذبحني والحمدلله هم ولد مع انه الكل قال بنت وكانو متأكدين ويقولونلي الدكتور غلطان انتي بنت ومبين عليج لانه كان عكس الحمال الاول
بس شوفي حمل عن حمل يفرق وكل وحده وطبيعة جسمها
توكلي على الله والحمدلله بنت ولا ولد كل شي حلو
وقولي حق ريلج ان شاءالله ولد وحتى لو بنت البطن الي ياب البنت اييب الولد
والله يسهل عليج

 

[بنت باباتي]

انا ماعندي الا تجربه وحده يعني ماجربت الحمال بولد بس
الحارج يقومني من النوم يذبحني بشكل مو طبيعي تخيلي ان بحياتي كلها ما اعرف شنو حموضه بس بالحمل طلع من خشمي