الحمولة وما أدراك مالحمولة

[نور ونوير]

الي سويتيه ماراح ايضيع عند رب العالميييين عسى الله يعوضكم ويرزقكم من فضله

 

[ام زهقانه]

سوي خير وقطيه بحر عند رب العالمين ما يضيع

 

[تبولة حامضة]

شكرا حبيباتي على ردودكم المثلجة للصدر ... هونتو علي ضيقي الله يهون عليكم كل ضيق ويبعده عنكم يارب ...
بالعكس تصدقون رغم كل هذا قررت اعاملهم بالحسنى واقلل روحاتي .. واعاملهم باللي يرضي الله وبس .. بس ماراح اكون مثل اول طحين جميع الاستعمالات خخخخخخ عاجبني التعبير بس هذا ابلغ تعبير ... اللي مضايقني اني موقادرة اشيل الموضوع من بالي ... لدرجة غثيت زوجي بالسالفة . بالاول متعاطف ويايي وااااايد الحين من كثر ما احن واتحسر قام يقول لي انتي كله تمنين على الناس .. فمن جذي قلت ستوب ... خل اعقل شوي والتفت لحالي ... وصحيح حرام الخير اللي سويته بتسع سنين يروح على تحلطم وزنة وحنة ... عفا الله عما سلف وان شاء الله ابدء بداية غير ...وادعو لنا الله ييسر امورنا ويفك أزمة زوجي .. اللي اعتبره من النادرين صراحة في هالدنيا .. دوم تفكيره في مساعدة الناس وشلون يفك ضيقهم .. تخيلو بعز ازمته وهو يفكر بهذا وذاك ,, ورغم جفا اهله الا انه الوحيد من بين اخوانه اللي دايم يلمهم في بيته على ريوق والا غدا والا اي مناسبة ... المهم يلم الجميع ... يارب الله يعطيه على قد نيته يارب ويفك ازمته ويرزقه من واسع رزقه ...

شكرا حبيباتي مرة ثانية ... ولكم مني باقة ورد معطرة بالود ...

 

[فله]

لاتخسرين زوجج تراه مجروح اكثر منج وكفايه ضيقته الماديه انا مريت بتجربتج بس انت الحمدلله طلعتي وانسي الماضي بكل مافيه
والله يفك ضيقتكم
ويوفقكم

 

[om MaRyooM]

حبيبتي الله يفرج كربكم امين


وبالعكس التجارب اهي اللي تعلمنا نكشف الناس على حقيقتها

ليش تنقهرين وعندج رب كبير يحاسب الكل وبيأجرج عاللي سويتيه

الحمدلله مافي شي يضيع سدى عرفتي حبوبة


واذا كان لازال الوضع جذي خلص قولي لنفسج stop لاتعطين اكثر من اللازم

عيشي لنفسج وزوجج وصحتج وبسسسسس

 

[G!RLooNa]

الله يعوضكم خير انشالله و يرزقكم احسن من اللي راح منكم .. اهل ريلج منكر حسنه و لا يبين بعينهم و ريلج طيب وايد بدليل ان لي الحينه يعزمهم و يشريلهم

بس انتي غلطتي يوم انج نزلتي روحج و خدمتيهم جنهم يايبينج يدفعونلج معاش كل شهر حتى حف و شيره تشيلينلهم !!

 

[حرم_الغلا]

سـوو خيــر ولانتنطر مجــازاته..
لاضاع عنـد البشر ماضاع عنــد الله..
أحتسبي الاجر عند رب العالمين...
واللـه يعوض تعبج خيييير..​

 

[كات 511]

شقول سيم سيم
بس للحين ماطلع قلبي
أذكر فوزيه الدريع قالت لاتعطي كثيرا تندم كثيرا
|||||بس المشكله ماأقدر|||||
حااااااااااااااااااسه فيج أنتي مو ندمانه على اللي سوستيه أنتي مجروحه على اللي تسوا لج ولا سواتج سوات بنات الحموله
لاتخافين والله راح تجنين الثمار ولو بعد حين بس الصبر.

 

[كات 511]

سوستيه = سويتيه
من الحره اشتغلت البدليات

 

[صمت المرافئ]

" الضربة التي لا تقتلك تقويك "
قول عجبني وايد
وياما الانسان تمر عليه لحظات ومواقف يتعجب فيها من موقف أقرب الناس له ...
أقول لج ... لا تحزنين واعتبري اللي صار درس لج
وعاملي الجميع دائما بما يرضي الله
كل شي بحدود ... إذا زاد الشي عن حده انقلب ضده ...
انظري دايما للناحية الايجابية
طلعت ببيت بروحج ...
عندج زوج يحبج واسرة تحبينها
أدري ان ثقتج بالغير اهتزت
بس ثقي إن الزمن كفيل بمداواة الجروح والنسيان



​

 

[" ام حمود "]

لا تنسين بس الله يخليج شنو راح تاخذين ؟؟
غير الكدر والهم ونفسية الزفت والبجي وعوار والقلب .. اهم مستانسين
وانتي تاكلين نفسج بالحسرة !!
انسيء وابتديء حياتج من يديد والله يعوضكم وكافي ربج يشووفج ويشوف
اللي سويتيه لهم والله كريم حبيبتيء ..

 

[PuPa^^SWeeT]

مع ام كوثر

 

[تبولة حامضة]

شكرا جزيلا لكم جميعا ..
وصحيحة مقولة د . فوزية الدريع .. لا تعطي كثيرا فتندم كثيرا ...
وكلامج اختي كات 511 صحيح ... مو متحسرة كثر مامنصدمة ..
واللي بتقرأ موضوعي خل تتعلم وتستفيد ... تعطي بحدود ... ما ترهق حالها بخدمة غيرها ايا كان .. مو شرط الحمولة حتى الصديقات وغيرهم على حساب نفسها وحياتها ... في النهاية محد بيفتكر ...
وتدرون بالاول ماكنت اعرف اقول : لا .. هالكلمة صعبة عندي ... وهذي مشكلة لحالها .. أحيانا لأن الواحد ما يقدر يقول لا .. يحط روحه في مواقف ما يحبها ويقدم خدمات تضايقه وتضغط عليه ...
من المواقف اللي مريت فيها : كانت عند اهل ريلي مناسبة زواج عائلي ... فالكل ياني الشقة بحكم ان الشقة ببيت العايلة اللي تبي تحط مكياج اللي تبي تسشور .. تخيلو حتى اللي تبي تسبح ... واللي تبي تبدل هدومها ... واللي تبي اكسسوار .. المهم الشقة انعدمت فوق تحت .. طلعو كلهم .. تميت اطالع الشقة وحالتها حالة وزوجي تضايق من العفسة .. ثياب مقططة ... الحمام معفوس .. مكياج عالارض .. قمت الم الاغراض وانظف وارتب .. فتأخرت على ما حضرت الزواج ... رحت متأخرة ... تخيلو شيقولون لي ؟ شنو ماتنزلين حالج لنا ؟ مو قد المقام جايتنا هالحزة ؟ قلت في قلبي ابيييييه .. الحين انتو عفستو المكان وطلعتو وقاعدة ارتب وراكم وآخرتها هالكلام ؟
مع العلم انهم وااايد يتحسسون من نقطة انج من مستوى غير مستوانا .. وكله حسبالهم باشوف حالي عليهم .. رغم ان والله ما عندي هالكلام .. الغنى عنى النفس ... واستغفر الله عندهم عقدة من هالناحية .. اهم عاشو عيشة صعبة ... بس مو معنات الواحد يعيش عيشة صعبة يحقد على اللي عنده خير ... اهم لا ... من يسمعون احد صار عنده خير او شاري سيارة مثلا او باني بيت تتغير وجوههم ازرق اخضر ... رغم ان كل وحدة الله عوضها بزوج وكل وحدة بيت شحلاته بس بعد للحين عندهم انهم غير عن الناس وان الناس عايشين احسن منهم .. شقول والله ؟ اشكروا الله على نعمه يزدكم ... القناعة زينة .. بس من يسمع ؟ توصل حتى اهلي كل ما سمعو عنهم فلان اشترى فلان تملك يحشون حش فيهم قدامي ولا يهمهم ... وآنه مول خير شر ماكنت اعرف ارد او اقول لهم عالاقل لا تتكلمون على اهلي بحضرتي ..
شكلي راح أسوي مسلسل من عيشتي هناك ,,, والله يستوي مسلسل ...
يالله الحمدلله على كل حال .. والله يصلح الجميع ... يقولون ازرع خيرا تلقى خيرا ... ومتأكدة راح احصل خير ولو بعد حين ...

شرايكم تقلبون الموضوع لمواقف اهل زوجكم اللي تبط جبودكم ولا تقدرون تفضفضونها لأحد ... منها ما تعتبر غيبة ... محد يعرف احد .. ومنها تفضفضون ... شكلها البنت بتتسطر الحين ...