الحوادث المدرسية مسؤولية من؟

[الصابرة المحتسبة]

السلام عليكم ورحمة الله وبركاته​

أتمنى السلامة للجميع​

اللي قاعد يصير في المدارس من حوادث​

للطلبة سواء كان سقوط من الدرج أو جروح​

أو غيرها من الحوادث اللي نسمعها​

من المسؤول عنها؟؟​

الأهل؟؟​

المدرسة والإدارة؟؟​

الصراحة تصير حوادث بين الطلبة وبالإبتدائي​

تخرع وانتي تقرين او تسمعين تضايقين حيل​

عليهم​

انا من رايي ان الأهل لهم علاقة كبيرة بالموضوع​

التربية والحوار وتعليم الطالب ان الضرب او الإعتداء
ليس هو الحل الصائب.

وأن هناك إدارة مدرسية نلجأ لها في مثل هذه المواقف.
والحوداث التي لادخل لها الطلاب أو الإدارة المدرسية(قضاء وقدر):هل المبنى المدرسي سبب؟؟
الإحتياطات الأمنية والإحترازية ونقصها؟؟
والسبب المهم برأيي والرئيسي هو: إخفاء الأهل
عن أي مرض أو تخلف عقلي بدرجاته أو طاقة زائدة للطالب عن الإدارة بحجة(السمعة - عدم عزل الطالب عن أقرانه- ظن الأهل بأن حالة الطالب سوف تتحسن مستقبلا (وهذا ليس دائما).
أتمنى ابادء الرأي بهذا الموضوع المهم جدا​

 

[blue diamond]

كتبت رد طوييييييييل وعلق عندي النت
بس عشانج بقول رايي مره ثانيه بس باختصار شوي
انا اشوف ان هالموضوع موضوع كبيييير ومتشعب وايد وتفاصيله كثيره​

ولكن باختصار بنظري ان المسؤوليه تكون على عاتق الاهل أولا وعاتق المدرسه ثانيا ​

مسؤولية عاتق الاهل >> تربيه الاهل تلعب دور كبير في سلوك الطفل والقاصر اذا كان القاصر او الطفل تعود على احترام الغير والمساعده والمسامحه راح تقل نسبه الحوادث اما اذا الطفل كان مزاجي وعصبي وما يسمع الكلمة اكيييد راح تكثر هالحوادث​

بالاضافه ان الطفل والقاصر يحبون التقليد ... وايد اطفال يشوفون طبع سلبي من ربعهم ويقلدونه خصوصا ان الصاحب ساحب ... حتى في البيت الطفل يتعلم ويشوف اللي اكبر منه شنو يقول وشنو يسوي ويسوي نفسه مثل الألفاظ والتصرفات والاطباع ..
ابسط مثال : اذا الابو يحب يشوف المصارعه باعتبارها رياضه عالميه وخلا ولده يقعد معاه هالطفل راح يتعلم العنف من هالرياضه هاذي
واسره الطالب مسؤوله مسؤوليه تامه عن اخفاء حاله مرضيه للطالب خشيه الخوف او الاعتقاد ان الحال راح يتغير للأحسن مع مرور الوقت​

اما مسؤولية المدرسه >> فاهيا عن طريق مسؤوليه اسمها مسؤوليه متولي الرقابه واهيا تعني ان الشخص يكون مكلف ومسؤول عن القاصر قانونيا او اتفاقيا .. والشخص المكلف بالرقابه اهيا المدرسه بادارتها ومدرسيها ​

اذا وقع الحادث في المدرسه بالساحه مثلا فالرقابه اهني تكون على عاتق الناظر او المراقبين بهالوقت
اما اذا وقع الحادث في الصف فالرقابه تكون على عاتق المدرس نفسه
ونيي للحوادث التي تقع التي لا دخل للطالب او الاداره فيها فهي مثل ما ذكرتي انها قضاء وقدر
اما اذا كان الحادث قد وقع بسبب اهمال الاداره او المدرسه بتصليح شي ما في المدرسه المسؤوليه تكون اهيا على المدرسه اولا والوزاره ثانيا والمسؤوليه تكون مشتركه بينهم​

ولكن اذا الناظر او المراقب او المدرس حاولوا انهم يمنعون الحادث ولكن ما اقدروا اهني المسؤوليه تكون على القاصر نفسه لان مسؤوليتهم اهيا مسؤوليه تبعيه مو اصليه مثل مسؤوليه الاهل​

بس هذا ما يمنع اداره المدرسه انها تعلم الاطفال والقاصرين الامور الاساسيه اللي المفروض الاهل يعلمونها باعيالهم في حال ان الاهل تجاهلوا هالمسؤوليه او قصروا فيها خصوصا ان ان اسم وزارتنا اهيا وزاره التربيه والتعليم >> قدمت التربيه على التعليم لأهميتها طبعا في التعليم
​

بالنهايه المسؤوليه تكون على الاثنين ولكن مسؤوليه الاهل شوي اكبر من المدرسه​

ويعطيج العافيه على الموضوع ​

 

[kuwait_queen82]

المسؤليه تقع على التربيه الاهل اولا اذا الولد ايلج مو متربي ولا شي اسمه احترام الي اكب رمنهم يمكن قريتو قبل جميوم بالجريده ولي امر يتفل عزكم الله ابوييه ناظر او مدرس ابذمتك اذا ولي الامر اذا الناس الي قاعده تتعب على تعليم ولده يتفل عليهم عيل اعياله اشلون بربيهم
وفي بعض العوايل المتخلفه عندنا من الياهل يصير عمره 10 سنوات حتى امه يقوله غطي اريولج قعدي عدل على انه بسون ريل ؟؟

و ثانيا التعليم (الجامعات والكليات) نفسه اذا ايبولج مدرسين حتى ماعندهم تاهيل اكاديمي علمهم اشلون يتعاملون مع المراهقين ماعندهم غير الصراخ

انا ابراي الخلل من الاثنين مالومهم لما يسمونه دول العالم الثالث

 

[PO PO22]

المعلم اهوو اللي مسئول عن الحوادث المدرسيه :eh_s(10):

المفروض على المعلمين والمعلمات تدريب الأطفال على قواعد السلامة العامة والتي من شأنها حماية الطفل ومن بينها ما يلي :eh_s(15):

:eh_s(17): تدريب الأطفال على استخدام الأدوات المدرسية الحادة كالمقص والفرجار والشفرات وتحذيرهم من اللعب بها خشية إصابتهم في العين أو الأذن .. وغيرها.
:eh_s(17): اتخاذ التدابير اللازمة لوقاية الأطفال حين إجراء التجارب المعملية لما قد ينجم عنها من حرائق قد تصيب الأطفال بتشوهات وحروق.
:eh_s(17): ضرورة التنبيه على الأطفال دوماً بعدم التدافع أثناء الصعود أو الهبوط على الدرج وعدم الركض والقفز في الممرات وبين الصفوف .
:eh_s(17): عدم السماح للأطفال بجلب علب الكبريت أو الولاعات واللعب بها في المدرسة.
:eh_s(17): التنبيه على الأطفال عند استخدام الأدوات الكهربائية العامة في المدرسة مع ضرورة صيانة التمديدات والمآخذ الكهربائية وتغطيتها بغطاء بلاستيكي خاص.
:eh_s(17): ضرورة توافر صيدلية إسعافية بالمدرسة وتدريب المعلمين على عمليات الإسعاف الأولية الأساسية في حالة عدم وجود طبيب أو ممرضة بالمدرسة.


وبسس :eh_s(7):

يسلمو على المووضوع الحلو :eh_s(15):​

 

[تذكر خافقي رمحك]

الإدارة
أولا
وأخيرا​

 

[النملة نواري]

عادي حبيبتي الحياة حلوة
انكسرت رجلي مرتين في المدرسة و لا احد درا عن وجهي

 

[Winter Q8]

بعـــيد عن المثاليات و كل شي أنــا مدرسة ابتدائي بنين .. فبتكلم من منطلق تجربة ..

المدرسة يوميـــاً بالفرصة تحط على الأقل 20 مدرسة مناوبة الزامي تراقب التلاميــذ
عند كل مدخل و في الساحات و تتحمل مسؤولية كل غلط و عاقب المدرسة الموملتزمة جايد مو مرور الكرام بس المشكلة مو قادرين نلحق على شطانتهم

يعني لما نقول لهم ممنوع تصعد الطابق العلوي تتوقعــين شيسوي بيرد علي لا طبعاً
يتســلق السلم من ورا و يصعد تحســين انهم سبايدر مان تقولين يا صبي انزل لا تتعور مايرد ، انزل لا ينكســر ظهرك يقول عادي كل مرة أسويها .. و بنفس الوقت ما أقدر أهد مكاني و لا راح يصيــر هجوم بربري ..

نحط كراسي البنشات علشان نفصل بين الفصول و الساحة ايي ركض و يتجاوز الكرسي و تحسين انه عداء و لا الوثب العالي و يروح و الصغار يزحفون تحت الكرسي ..

لما تصيــر صيانة و لا فيه بنيــان الله يــعين لازم يروحون و يتعبثون و مشكلتج انج لازم تركضيــن وراهم و لا تتعجبــين بانج تصيرين مثل توم جيري و بطنج متر لجدام و تكونين حامل بالتاسع ..

المشكلة بعيالنـــا ما تعلموا يحترمون القوانين ..
و كل ممنوع مرغوب و خالف تعرف ..
و لا تعلموا انهم يحترمون كلمة الاكبر منهم ..
صارت حياتهم تحدي بتحدي و باختــصار تربية شوارع و لحد يزعل مني

بالنسبــة لي الأهل الأول و الأخيــر ..
سهل جداً انج تلاحظــين التلميـذ اللي ياي من بيئة راقية تعلم عيالها انها تحترم الاكبر منها
و تحترم القوانيـــن ..
أما التلمــيذ مع احترامي لاهله اللي قاطيــنهم بالسكيك تعلم و تربيهم فياكثرهم بمدارســنا

المدرسة بروحها ما تقدر تسوي شي ، قاعدين نعلم و ننصح و نربي بس ايد وحده ما تصــفق ..
______
أما موضوع العنف و الضرب آه ثم آه ,,
ما تتوقعــون عيالنا شلون فيهم طاقة غضب و الله العظيـــم ان تلمــيذ بالصف الأول لما يعصب
أنا اخترع يحمر الويه و ينفث جنه تنين بيطلع من خشمه نار و قيسوا هالوصف على جمــيع المراحل .. السبب مادري هل من الأهمال و نقص الحنان اللي يحسون فيه هل هو تقليد أعمى لاخوانهم الكبار هل هو نتاج أفلام الكرتون العنيفة و ألعاب الفيديو ؟؟ مادري تعبــنا

أبيج تحســين فيني .. مدرسة و متكلفة بوسائلي أفلام ألعاب بوربوينت كل شي حلو و جاذب
ضابطه الصف ( الصف الثاني الابتدائي ) و الكل قاعد بمكانه لفيت على السبورة أكتــب بلمح البصر تهاوشوا اثنين مسكوا ويوه بعض و قاموا يشمخون بعض جنهم قطاوه بالغصب يالله قدرت أفاججهم ..تدرين أني سبق و انطقيت منهم لما أبي افاججهم على ويهي صدري و أخير سالفة على بطني و أنا حامل ..

نتكلم ننصح نودي الاخصائية ماكو فايدة
اذا البيت يعلم ان اللي يطقك طقه و اللي يخزك طقة و الله يمسك هدومك طقه ..
اذا الحين قدوتهم الأولى جون سينا مصارع فشلون ما نبيهم يتهاوشون و لا يطقون بعض بوكسات
..
أخرتها اليوم عادوا نفس السالفة تهاوشوا ليش يا ابله مسك قلمي
نصحتهم ان الله معطينا عقل علشان يكرمنا عن الحيونات
الحيوانات اهي اللي تتهاوش و تضرب بعض
احنا لا نفكر و اذا احد طقك قولي ومن هالحجي
و طالبت كل واحد يعتذر للثاني و حسيت اني سويت شي
و بالاخير لما نبي نطلع من الصف تهاشوا و تناطحوا
:bbbiu: بالذمة شنسوي ..
..
بالاخير مابيكم تشيلون على المدرسات و تحملونهم المسؤولية بروحهم
حسوا فيهم شوي و الله ثم و الله انا نعاني أكثر منكم
و ما يهون علينا نشوف احد ينطق و لا يتعور
بس ما باليد حيله
البيت يربي و المدرسة تخرب
و المدرسة تربي و البيت يخرب
..
فلازم يصير وعي من الطرفين كلنا راع و كلنا مسؤول عن رعيته


​

 

[شوشو الشقيه]

يسلمو اختي
بعني بصراحه ما عندي خلفيه بلائحة الانضباط المدرسي في المدرسة
ولا اعرف هذا السؤال يحتاج لج مشرفة ترد عليج
في نظري اخاف اعطيج غلط

 

[dj.RomanCe]

والله يا اختي توه قبل امس وحده بمدرستنا طاحت من ع الكرسي لأنها كانت تبي تشغل التكيف وماقدر تنفس ولا تتحرك
خفنا عليها حيـــل والله كل الصف بجي وصراخ لأن حالتها كانت صعبه
لحد ما جابو الاسعاف واخذوها

وتخيلي الاداره ولا اهتموا اللهم اتصلو ع الاسعاف ومحد اهتم فيها غيرنا احنا رفيجاتها !

يعني معقوول جذي ؟

اكيــد هذي مسؤوليه المدرسه والاداره بالخصوص لأن الاهل مو مع البنت بهالوقت من اليوم

وشكرا لج على هالطرح

وبالنهايه احب اشكر المعلمات اللي فعلا يستحقون الشكر .. لكل معلمه تخاف على بنات الناس مثل ما تخاف على بناتها وخواتها
عساكم ع القوه والله يكثر من امثالكم

 

[كويتيه كول..]

اتمى من كل قلبي ان يراقبون اللي بالمدارس سواء كانت اداره او مدرسات او اهل

 

[PO PO22]

 

[الصابرة المحتسبة]

كتبت رد طوييييييييل وعلق عندي النت

بس عشانج بقول رايي مره ثانيه بس باختصار شوي
انا اشوف ان هالموضوع موضوع كبيييير ومتشعب وايد وتفاصيله كثيره​

ولكن باختصار بنظري ان المسؤوليه تكون على عاتق الاهل أولا وعاتق المدرسه ثانيا ​

مسؤولية عاتق الاهل >> تربيه الاهل تلعب دور كبير في سلوك الطفل والقاصر اذا كان القاصر او الطفل تعود على احترام الغير والمساعده والمسامحه راح تقل نسبه الحوادث اما اذا الطفل كان مزاجي وعصبي وما يسمع الكلمة اكيييد راح تكثر هالحوادث​

بالاضافه ان الطفل والقاصر يحبون التقليد ... وايد اطفال يشوفون طبع سلبي من ربعهم ويقلدونه خصوصا ان الصاحب ساحب ... حتى في البيت الطفل يتعلم ويشوف اللي اكبر منه شنو يقول وشنو يسوي ويسوي نفسه مثل الألفاظ والتصرفات والاطباع ..
ابسط مثال : اذا الابو يحب يشوف المصارعه باعتبارها رياضه عالميه وخلا ولده يقعد معاه هالطفل راح يتعلم العنف من هالرياضه هاذي
واسره الطالب مسؤوله مسؤوليه تامه عن اخفاء حاله مرضيه للطالب خشيه الخوف او الاعتقاد ان الحال راح يتغير للأحسن مع مرور الوقت​

اما مسؤولية المدرسه >> فاهيا عن طريق مسؤوليه اسمها مسؤوليه متولي الرقابه واهيا تعني ان الشخص يكون مكلف ومسؤول عن القاصر قانونيا او اتفاقيا .. والشخص المكلف بالرقابه اهيا المدرسه بادارتها ومدرسيها ​

اذا وقع الحادث في المدرسه بالساحه مثلا فالرقابه اهني تكون على عاتق الناظر او المراقبين بهالوقت
اما اذا وقع الحادث في الصف فالرقابه تكون على عاتق المدرس نفسه
ونيي للحوادث التي تقع التي لا دخل للطالب او الاداره فيها فهي مثل ما ذكرتي انها قضاء وقدر
اما اذا كان الحادث قد وقع بسبب اهمال الاداره او المدرسه بتصليح شي ما في المدرسه المسؤوليه تكون اهيا على المدرسه اولا والوزاره ثانيا والمسؤوليه تكون مشتركه بينهم​

ولكن اذا الناظر او المراقب او المدرس حاولوا انهم يمنعون الحادث ولكن ما اقدروا اهني المسؤوليه تكون على القاصر نفسه لان مسؤوليتهم اهيا مسؤوليه تبعيه مو اصليه مثل مسؤوليه الاهل​

بس هذا ما يمنع اداره المدرسه انها تعلم الاطفال والقاصرين الامور الاساسيه اللي المفروض الاهل يعلمونها باعيالهم في حال ان الاهل تجاهلوا هالمسؤوليه او قصروا فيها خصوصا ان ان اسم وزارتنا اهيا وزاره التربيه والتعليم >> قدمت التربيه على التعليم لأهميتها طبعا في التعليم​

بالنهايه المسؤوليه تكون على الاثنين ولكن مسؤوليه الاهل شوي اكبر من المدرسه​

ويعطيج العافيه على الموضوع ​

ماشاء الله كفيتي ووفيتي:eh_s(17):

 

[الصابرة المحتسبة]

المسؤليه تقع على التربيه الاهل اولا اذا الولد ايلج مو متربي ولا شي اسمه احترام الي اكب رمنهم يمكن قريتو قبل جميوم بالجريده ولي امر يتفل عزكم الله ابوييه ناظر او مدرس ابذمتك اذا ولي الامر اذا الناس الي قاعده تتعب على تعليم ولده يتفل عليهم عيل اعياله اشلون بربيهم
وفي بعض العوايل المتخلفه عندنا من الياهل يصير عمره 10 سنوات حتى امه يقوله غطي اريولج قعدي عدل على انه بسون ريل ؟؟

و ثانيا التعليم (الجامعات والكليات) نفسه اذا ايبولج مدرسين حتى ماعندهم تاهيل اكاديمي علمهم اشلون يتعاملون مع المراهقين ماعندهم غير الصراخ

انا ابراي الخلل من الاثنين مالومهم لما يسمونه دول العالم الثالث

بارك الله فيج وهذا اللي قاعد يصير:eh_s(17):

 

[الصابرة المحتسبة]

المعلم اهوو اللي مسئول عن الحوادث المدرسيه :eh_s(10):​

المفروض على المعلمين والمعلمات تدريب الأطفال على قواعد السلامة العامة والتي من شأنها حماية الطفل ومن بينها ما يلي :eh_s(15):​

:eh_s(17): تدريب الأطفال على استخدام الأدوات المدرسية الحادة كالمقص والفرجار والشفرات وتحذيرهم من اللعب بها خشية إصابتهم في العين أو الأذن .. وغيرها.
:eh_s(17): اتخاذ التدابير اللازمة لوقاية الأطفال حين إجراء التجارب المعملية لما قد ينجم عنها من حرائق قد تصيب الأطفال بتشوهات وحروق.
:eh_s(17): ضرورة التنبيه على الأطفال دوماً بعدم التدافع أثناء الصعود أو الهبوط على الدرج وعدم الركض والقفز في الممرات وبين الصفوف .
:eh_s(17): عدم السماح للأطفال بجلب علب الكبريت أو الولاعات واللعب بها في المدرسة.
:eh_s(17): التنبيه على الأطفال عند استخدام الأدوات الكهربائية العامة في المدرسة مع ضرورة صيانة التمديدات والمآخذ الكهربائية وتغطيتها بغطاء بلاستيكي خاص.
:eh_s(17): ضرورة توافر صيدلية إسعافية بالمدرسة وتدريب المعلمين على عمليات الإسعاف الأولية الأساسية في حالة عدم وجود طبيب أو ممرضة بالمدرسة.​

وبسس :eh_s(7):​

يسلمو على المووضوع الحلو :eh_s(15):​

هلا ياقلبي:eh_s(17):

بس مو كله على المعلمين وين راح دور الأهل والتربية

 

[الصابرة المحتسبة]

الإدارة​

أولا​

وأخيرا

هلا ياعمري:eh_s(17):

الادارة لها طرف بس هم الأهل والتربية تلعب دور مهم

عادي حبيبتي الحياة حلوة
انكسرت رجلي مرتين في المدرسة و لا احد درا عن وجهي

حياتي انتي:eh_s(17):

يمكن انتي مارحتي اشتكيتي او يمكن الادارة كانت طرف من المسؤولية

بعـــيد عن المثاليات و كل شي أنــا مدرسة ابتدائي بنين .. فبتكلم من منطلق تجربة ..

المدرسة يوميـــاً بالفرصة تحط على الأقل 20 مدرسة مناوبة الزامي تراقب التلاميــذ
عند كل مدخل و في الساحات و تتحمل مسؤولية كل غلط و عاقب المدرسة الموملتزمة جايد مو مرور الكرام بس المشكلة مو قادرين نلحق على شطانتهم​

يعني لما نقول لهم ممنوع تصعد الطابق العلوي تتوقعــين شيسوي بيرد علي لا طبعاً
يتســلق السلم من ورا و يصعد تحســين انهم سبايدر مان تقولين يا صبي انزل لا تتعور مايرد ، انزل لا ينكســر ظهرك يقول عادي كل مرة أسويها .. و بنفس الوقت ما أقدر أهد مكاني و لا راح يصيــر هجوم بربري ..​

نحط كراسي البنشات علشان نفصل بين الفصول و الساحة ايي ركض و يتجاوز الكرسي و تحسين انه عداء و لا الوثب العالي و يروح و الصغار يزحفون تحت الكرسي ..​

لما تصيــر صيانة و لا فيه بنيــان الله يــعين لازم يروحون و يتعبثون و مشكلتج انج لازم تركضيــن وراهم و لا تتعجبــين بانج تصيرين مثل توم جيري و بطنج متر لجدام و تكونين حامل بالتاسع ..​

المشكلة بعيالنـــا ما تعلموا يحترمون القوانين ..
و كل ممنوع مرغوب و خالف تعرف ..
و لا تعلموا انهم يحترمون كلمة الاكبر منهم ..
صارت حياتهم تحدي بتحدي و باختــصار تربية شوارع و لحد يزعل مني​

بالنسبــة لي الأهل الأول و الأخيــر ..
سهل جداً انج تلاحظــين التلميـذ اللي ياي من بيئة راقية تعلم عيالها انها تحترم الاكبر منها
و تحترم القوانيـــن ..
أما التلمــيذ مع احترامي لاهله اللي قاطيــنهم بالسكيك تعلم و تربيهم فياكثرهم بمدارســنا​

المدرسة بروحها ما تقدر تسوي شي ، قاعدين نعلم و ننصح و نربي بس ايد وحده ما تصــفق ..
______
أما موضوع العنف و الضرب آه ثم آه ,,
ما تتوقعــون عيالنا شلون فيهم طاقة غضب و الله العظيـــم ان تلمــيذ بالصف الأول لما يعصب
أنا اخترع يحمر الويه و ينفث جنه تنين بيطلع من خشمه نار و قيسوا هالوصف على جمــيع المراحل .. السبب مادري هل من الأهمال و نقص الحنان اللي يحسون فيه هل هو تقليد أعمى لاخوانهم الكبار هل هو نتاج أفلام الكرتون العنيفة و ألعاب الفيديو ؟؟ مادري تعبــنا​

أبيج تحســين فيني .. مدرسة و متكلفة بوسائلي أفلام ألعاب بوربوينت كل شي حلو و جاذب
ضابطه الصف ( الصف الثاني الابتدائي ) و الكل قاعد بمكانه لفيت على السبورة أكتــب بلمح البصر تهاوشوا اثنين مسكوا ويوه بعض و قاموا يشمخون بعض جنهم قطاوه بالغصب يالله قدرت أفاججهم ..تدرين أني سبق و انطقيت منهم لما أبي افاججهم على ويهي صدري و أخير سالفة على بطني و أنا حامل ..​

نتكلم ننصح نودي الاخصائية ماكو فايدة
اذا البيت يعلم ان اللي يطقك طقه و اللي يخزك طقة و الله يمسك هدومك طقه ..
اذا الحين قدوتهم الأولى جون سينا مصارع فشلون ما نبيهم يتهاوشون و لا يطقون بعض بوكسات
..
أخرتها اليوم عادوا نفس السالفة تهاوشوا ليش يا ابله مسك قلمي
نصحتهم ان الله معطينا عقل علشان يكرمنا عن الحيونات
الحيوانات اهي اللي تتهاوش و تضرب بعض
احنا لا نفكر و اذا احد طقك قولي ومن هالحجي
و طالبت كل واحد يعتذر للثاني و حسيت اني سويت شي
و بالاخير لما نبي نطلع من الصف تهاشوا و تناطحوا
:bbbiu: بالذمة شنسوي ..
..
بالاخير مابيكم تشيلون على المدرسات و تحملونهم المسؤولية بروحهم
حسوا فيهم شوي و الله ثم و الله انا نعاني أكثر منكم
و ما يهون علينا نشوف احد ينطق و لا يتعور
بس ما باليد حيله
البيت يربي و المدرسة تخرب
و المدرسة تربي و البيت يخرب
..
فلازم يصير وعي من الطرفين كلنا راع و كلنا مسؤول عن رعيته​

​

بارك الله فيج وكثر الله من امثالج:eh_s(17):

وفعلا الاهل ثم الاهل

يسلمو اختي
بعني بصراحه ما عندي خلفيه بلائحة الانضباط المدرسي في المدرسة
ولا اعرف هذا السؤال يحتاج لج مشرفة ترد عليج
في نظري اخاف اعطيج غلط

هلا ياقلبي:eh_s(17):

السالفة تحتاج اهتمام من الاهل والمدرسة

والله يا اختي توه قبل امس وحده بمدرستنا طاحت من ع الكرسي لأنها كانت تبي تشغل التكيف وماقدر تنفس ولا تتحرك
خفنا عليها حيـــل والله كل الصف بجي وصراخ لأن حالتها كانت صعبه
لحد ما جابو الاسعاف واخذوها

وتخيلي الاداره ولا اهتموا اللهم اتصلو ع الاسعاف ومحد اهتم فيها غيرنا احنا رفيجاتها !

يعني معقوول جذي ؟

اكيــد هذي مسؤوليه المدرسه والاداره بالخصوص لأن الاهل مو مع البنت بهالوقت من اليوم

وشكرا لج على هالطرح

وبالنهايه احب اشكر المعلمات اللي فعلا يستحقون الشكر .. لكل معلمه تخاف على بنات الناس مثل ما تخاف على بناتها وخواتها
عساكم ع القوه والله يكثر من امثالكم[/QUOT

ياعمري انتي:eh_s(17):

ليش ماكلمتوا العمالة وليش تليقفت البنت وصعدت ؟؟؟

والمدرسات وينهم؟؟

اتمى من كل قلبي ان يراقبون اللي بالمدارس سواء كانت اداره او مدرسات او اهل

نعم الكل له طرف:eh_s(17):

 

[MN.collection]

الله الحافظ

 

[نهى الأحمد]

يا هلا والله بالعزيزه الغاليه الصابره


يعطيج الف عافيه على الطرح الهام


مسؤولية الحوادث المدرسية مسؤولية الاهل والادارة معاً

بالنسبة للاهل تكمن مسؤوليتهم بتحذير اطفالهم من خطر الحوادث وكيف تحدث

وبالنسبة للادارة تكمن مسؤوليتهم بان يكون هناك تنسيق مع معلمة من معلمات المدرسة
بتنظيم خروج الطالبات المدرسة

 

[الصابرة المحتسبة]

حياكم الله خواتي

قبل فترة صار حادث بمدرسة ابتدائية والسبب: الحركة الزايدة واللعب بغير حدود المعقول+ عدم تبيلغ الأهل بتصرف الطالب وكثرة مشاغبته.

 

[AM SDON]

عشان ترتاح الاداره والتربيه استحدثو وظيفة ضابط امن للمدرسه
وظيفتها بس فراره بالمدرسه:rerrerek: وياويل المخالف واللا المنحاش :eh_s(4)::krkrkr:

والحين قاعدين يستقبلون الاوراق للي تبي عوار راس :eh_s(15):

بس بنات تراها فكره حلوه للي تبي تضعف :eh_s(10): فراره من الصبح لي نهايه الدوام
ما يمر الكورس الا ونازل منها 10 كيلو :rerrerek:
واذا بمدرسه صبيان شكلها تنزل اكثر من 20 كيلو بالكورس:krkrkr:

 

[PuPa^^SWeeT]

الدورين متوزعيين عالاهل و المدارس


الاهل لازم يعلمون الابناء الابتعاد عن العنف و عدم التعرض للاصغر سنا


العطف عالاطفال


و المدرسة وظيفتها المراقبة للمحافظة على ضحايا التنمر و العنف