الاصابات بالمدارس خل نقول نوعين
بعضها حوادث يعني ولد طاح وانكسرت رجله هذي حوادث تصير لو انه بالبيت عند امه ممكن يطيح وتنكسر رجله محد طقه ولا ضره هذا قضاء الله كاتب له يطيح ويتعور
واصابات تكون طالب طاق طالب ولا مدرس طاق طالب حزتها نقول هذا دور الادارة والمدرسة
انا بتكلم بصفتي مدرسة روضة .. والله فيه اولياء امور ينحطون على الراس تلقين الام مهتمه بولدها او بنتها ومبين عليه الاهتمام من شكله وكلامه بس فيه وليات امر الحمد لله والشكر حتى سلام ما تسلم وولدها مو متربي معلمته قلة الادب وعدم الاحترام وهالنوعية ياكثرهم
اذا المدرسه غلطانه سواء طاقه طالب ولا مقصره بالاشراف وصارت اصابات بسبب هوشة نقول تتحاسب ومن حقه ولي الامر يزعل بس ولد يلعب وطاح الحوادث تصير بكل مكان
وفيه شغلة بعد يعني مرات نكتشف انه طفل فيه شي واهله مو معلمينا يعني فيه توحد ولا اعاقة عقلية ولا ما يسمع من هالامور نروح نكلم الاخصائية الاجتماعية وتجي اخصائية نفسية من الوزارة مرات تشوف الحالات وتقيم بعدها الادارة تكلم ولي الامر اذا فعلا ثبت انها اعاقة تأثر عليه بعض اولياء الامور متعاونين ويدور مصلحة ولده لانه بالاخير احنا مو ضده هو ولا ضد الطفل وفيه اولياء الامور يزعلون او ينكرون والمسكين ولده اللي ينضر يعني انا كمدرسة عندي 20 طفل او اكثر بصفي وين بلحق كل واحد اعطيه حقه واذا حالة خاصة فيه اعاقة يبيله عناية ومجابل فالمدارس الخاصة بالصف الواحد اقل من 10 طلبه ومدرس متخصص يتعامل معاه .. مو يداوم الولد بمدرسة عادية ما يستفيد من حضوره ولا شي بس عشان اهله خايفين من كلام الناس وانهم يدرون ماتهمهم مصلحة عيالهم ولو يصير بالولد شي بالمدرسة زعلوا انزين ولد مو طبيعي يبيله عناية خاصة
