الحياااه ببيت الحمووله شلون ..؟

[!! دلوعته !!]

اااااااااااااااااااااااااااااااااااااااه
يبتيها علي الجررررررح انا علي قلبي 5 حمواااااااااااااااااااات كل وحده اللعن من الثانيه

 

[popa]

على حسب حظج
يمكن يطلعون زينين
ويمكن قشران

 

[OM 9ALO7]

انا الله يسلمكم ساكنه بيت حمولتي بس بشقه مدخلها خاص ولله الحمد على هالميزة والحمدالله اهل ريلي ناس طيبين وحبوبين وانا حبيتهم بعد , ومرتاحه ومطمئنه اني ساكنه معاهم ما اخاف بروحي ولا احاتي ان شاءالله عيالي (الله يرزقني)
بس هم الخصوصيه مو كامله وفي تدخلات بسيطه وهم احس الوقت وايد يضيع خصوصا ان لازم كل يوم ننزل تحت بس الحمدالله انا مرتاحه

 

[انسانة غير]

مرحبا انا مع الأخت الصاروخ نفس الشي زوجة رابع ولد عندهم كنت على نيتي لكن الشكوى لله حتى ف المهر ما كلفت عليهم لما شفت الدزة بكيت بكي مو طبيعي لكن والدتي ما قصرت هدتني 6500 دينار كويتي هدية زواج عشان اكمل باقي الأغراض للعرس وندمت اشد الندم اني ما طلبت سكن بروحي لكن انا قايلة لزوجي واهله طول ما انا عايشة مع اهلك انا ما مرتاحة ان شاء الله هذي السنة مفكرين نشتري بيت وارتاح ( نصيحة من اخت السكن بروحك افضل لك )

 

[ايمان80]

والله خليج بعيد وتعالي سالمة
حتي لو كانو اهل ريلج حبوبين
بس هم انتي محتاجة خصوصيتج بكل شي
لبس طلعة قعدة مع ريل
تستقبلين اهلج ورفيجاتج
الاحتفالات والليالي الرومانسية مع ريلج
هذا كله ما تلاقينه الا لما تكونين بسكن بروحج

والحمدلله كان اتفاقنا انا وياه من البداية
يمكن اهو عارف طبيعة اهله فعشان جذي مرتاحة
وحتي زيارتهم لي لازم بموعد مسبق مو بكيفهم

لان لو بخليهم جذي
بيكون دخلتهم علي كل يوم وعادي ايووني ساعة١١ بليل وانا وراي التزامات ودوام ومومعقوله يضيع يومي انطرهم
وحلو ان الوحدة ماتقط الميانة حييل مع حمولتها عشان يحترمونج ويعملولج الف حساب

 

[umm-7asson]

انا ساكنة بيت حمولة وخالتي ام زوجي ويدة زوجي طيبين واحسهم مثل أمي وأكثر بس بيت الحمولة ما تقدرين تسوين شي على راحتج لاطلعتي كل من يشوفج ولا شريتتي شي كل من يشوف شنو شريتي ... وأكثر شي ينرفزني السين والجيم : متى بتتوظفين ما طلع قبولج متى بتيي خدامتج من أي مكتب يبتيها ، ومن هالسوالف ،،، ما أحب جذي أحد يتدخل بحياتي
يعني زوجي لما أخذني من بيت أهلي كنت موظفة بنك راتبي 850 دينار وغير المكافآت اللي توصل لي 1000 دبنار ألحين كل هذا راح وقاعده في البيت من غير راتب ،،، يقولون لي لازم توفرين ولازم ما تثقلين على الريل ولا ولا ولا
يعني انت مطلعني من وظيفتي ليش ما تعوظني وترى راتبه قوي مو ضعيف والحمد الله ما علينا أجار ولا ماجلة بيت كبيرة ليش الشدة علي بالمصرف ...
والمشكلة حماتي تصرف وايد وتثقل على زوجها وايد وهالشي فرق علي وايد ..

وبقولكم موقف صار فيني بالنفاس : خاالتي فاجأتني انها بتيي بعد ساعه وانا كنت مو متجهزة فاعتذرت منها قتلها خالتي ميخالف تيين بوقت ثاني لان فاجأتيني وانا مو مستعدة وريحتي نفاس حلبة ولهوم وولدي مومغسلته جان تزعل وزوجي يدق علي يزفني على هالشي مع ان المفروض تقولي قبلها على الأقل الظهر تدق أو العصر مو بعد ساعه بيييج عاد زعلت ولا يتني البيت
مع ان انا ما أشوف نفسي غلطانه ...

بس لو هالشي سويته بأهلي عادي مردي بنتهم وبيعذروني وأي زلة بيشيلونها بخاطرهم وبعدين بينسونها بس بيت اهل زوجي غلطتج محسوبة وغلطة الشاطر بألف

 

[مسؤولة تعيين]

انا ساكنه عندهم من اول ماتزوجت ومع الايام ريلي حط لي سلم بروحي وكبر لي شقتي يعني ماراح اطلع الا لمن يطلع لي بيت هههه
ماانزل الا من وين لي وين ومالي شغل فيهم كللللللللش وبابي مقفول وعندي جرس
يعني كأني ساكنه برا
صح بعض المرات واايد انزعج منهم بس صرت ماانزل الا مع ريلي ومااطول
حتى غداي وعشاي انا قمت اطبخ والحمدالله مرتااااااحه
بس شغلتين انغث منهم انهم يعرفون متى اطلع وادش مع ان سلمي خارجي وصوتنا يوصل لهم بسسس حتى لو اسألوا مااقول شي غير البيوت اسرار

 

[عيالي ذيابه]

عاااادي يالغلا
اسمعي مني انا مستحيييييييييل مستحييييييييييل اطلع بروحي
لان زوجي بكر امه
انا اعاملهم بطبعي
والروحات والردات محد له شغل فيني
تجيني نغزات ودقات وانا رافعه الجام

 

[جامعية تربوية]

امممممم انا كنت اتمنى اعيش مع حمولة

و صار هالشي

اهم واايد زينيين الحمدالله

وما كنت اشتكي كلللش

بس الحين لما صار عندي ولد قلت جان زين شارطه اسكن بروحي

اهم واااايد اشياء يسوونها ما تعجبني يعني من ناحيه سوالفهم كلامهم في واايد كلام انا مو متعوده اقووله واهم يقولونه عاادي

مابي ولدي يتعلم جذي كلش

ابي اربي ولدي ع اللي انا ابييه

بس عند الحموله ولدج تربيته مو كلها بيييدج

وايد اشياء بيكتسبها منهم ممكن ما تعجبج

الله يسهل ان شالله

 

[PuPa^^SWeeT]

شوفي بذكرلج سالفة رفيجاتي 4 بنات


للحين ساكنين ببيت حمولتهم


يقولون انه مافيها شي


اللهم تجاات بس ترجع الامور عاادية بعد يووم


اهمه زينيين البنات و الحمولة زينيين


يعني يقولوولي

انه اريح لهم من سالفة الخدم بروحهم بشقة ولا عيالهم وين يودونهم

 

[برنسيسه عسل]

الله يكون في عونك
مهما كانو الحموله طيبين بتصيرين حرمه تفتقد الاسترار والاستقلاليه
ماراح تحسين انك متزوجه زي باقي المتزوجات
لانك بتنحرمين من اللبس المريح بالبيت
عزايم لاهلك وصديقاتك بالبيت
اشياء الحرمه تسويها بالبيت في الثلاجه في الصاله في الديكورات الخ

واقرب مثال عندك انا
حمولتي طيبين الى الان ..! ماقول فيهم شئ او في اخلاقهم
بس انسانه افتقد ( حرية البيت )
جاملت اول 6 شهور والحين انا وزوجي مشاكل وشيل وحط بسبة البيت

 

[دكتواره]

ههههههههههه


الله يعينج

بتششوفين اششياء تحسين انها من الخيال ماتتصورين ان البشر يسووونها



ههههههههه



خل اعطيج وحده

اول ماعطلت

اول يوم رحت لبيت عمي


وثاني يوم رحت حق وحدة نفاس

لما رديت الا حماتي تقوللي جدام. امها وزوجي البيت صاير فندق للحريم. كل يوم طالعين مايدرون عن اعيالهم



قلت ايه هذا حال مجتمعنا كل الحريم يطلعوون حتى راعيات البيوت مايدرووون عن ابيوتهم ههههههه

 

[عيون مبارك]

لايحوشك اسمعى كلامى كلة سلبيات
ما فية خصوصية
يومك يكون حسب مزاجهم
مشاكل ما تعرفين لها حل يعنى بعض الناس عقلة صغير مثلا صحنا مو صحنك حنا شارينة اعذار تضحك
تخيلى تكونين عايشة مع وحدة على الصبح مطبقة مقولة طارق العلى ابية

ههههههههه ضحكتيني الله يصلح ما بينكم يارب

 

[مطيريه ماركه]

مآجربتهآ وآن شآء آلله مآ آجربهآ
مع آن حمولتي حيل زينين ْ

بس شي طبيعي آذآ كنتي عندهم
تكثر آلمشآكل وآلتدخلآت فيج وبـ عيآلج وتربيتج وبـ طلعآتج

 

[وين حبيبي]

فكي نفسج وطلعي بروحج مراقبة من الاكل والشرب والطلعة والكلمة غلطتي سكنت معاهم حتى الشاي يطالعونه وابشرج يو عندهم صرت عصقول لاوالف لا لسكن معهمولا ابشرج ام زوجي تشتغل مباحث من دش المطبخ من سوى جذي وتشيك على الزبالة وتقول من اي مطعم متعشين

 

[خوووخه w]

البيت مافيه احد بس انا وزوجي وخالتي وييييييع على طالعه ونازله تسال وين رايحه من وين جايه ولاتسوي جذي

وتحاول تحكم فيني لدرجه كرهت البيت غير السوالف اللي تنقلب علي مع انه الناس يقولون طيبه وحبوبه وعلى

نياتها عزاللللللله محد طيب بالهزمن والمصيبه انا اصغر من حفيداتها وتغاار مني والللله حتى زوجي قالها بعضمه

لسانه احس انه امي تغار منج بروحه قالها لي انا انصحج بيت بروحج من انتو على البر اطلبوو ابرك لج والله

 

[ورد الطايف]

عشت بيت حمولتي مدة سنه كانت اسوي سنين عمري ايام الاجازه اطبخ غداهم وعشاهم وايام الدوام الازم اسوي قهوتهم وعشاهم
حمواتي مايساعدون كلش حجت دراستهم وانا بعد كنت ادرس صح كان علي ضغط نفسي ودوام بالمعهد شغل شقتي بس شسوي ابي زوجي الحمدالله صبرة ونالت الحين انا بيت بروحي مرتاحه
العيشه بيت الحموله تقصر العمر

 

[مذهــلــه]

انا ساكنه مع حمولتي
ثبس شقه منفصله واكلي وطبخي لروحي

بس مايخلو الامر،،، وايد يتشرهون اذا مانزلت ويبون يظلون يجون عندي بالشقه ويسهرون

والبشر له طاقه مو دايم لج خلق تتحملين

عادي سكني معاهم بس خلج رسميه مع حمواتج وخالتج حطيها بعيوتج اذا تحبج

ولاتتدخلين فيهم عشان ماتخلينهم ينحشرون بحياتج

موفقه حبيبتي

 

[نادره في وجودها]

ما سمعتي اغنية راشد الماجد ابعد عن الشر يا عمري وغنيلاااه انا اقول حموان حموان بيت بيت لا لا لا بد من مشاكل اهي سوت اهي راحت وانا لا سبحان الله انا جربت وستفدت منهم ويقولج التجربه خير برهان قبل يوم كنا معاريس نطول بالنوما تجي حماتي تكسر الباب علينا وتقولنا كل هذا نوم يا خي وانتي شكووو ولا اذا نزلت تحت تقولي في احد يقعد هالحزه لو ما استحي جان صكيتها بكس نسيتها عمرها بس كنت صغيره عروس يا حلوي لا وتقولي اطبخي يا عمي طيري فاضيتلج اطبخ

 

[cat^q8]

حسب الحمولة حبيبتي


اصابع ايدج مو سوا


في رياييل طلقوا حريمهم سبب امهاتهم و خواتهم

انتي خلج رسمية

يعني ان كانوا زينين هلا والله

وان كانوا قشران هلا الله

ولا تاخذين بكلام البنات اللي يكبر قلبج عليهم

مو حلوة تدشين لهم شايله دروووع حرب

وقلبج يصير متروووسة