الخبيرات ..لو بتاخذين البجر اتطلعينه برا بيت اهله ؟!!

[mi corazon]

قوه بنات

سؤال حيوي سريع

لو بتزوجين بجر امه وماعندها عقبه ولد غير ياهل عنونو

وخيروج تسكنين عندهم ولا تطلعين .. شتختاريييييييييييييييييييييين؟

بأمانه بنات ..

آنا كان بخاطري بره بس امي تقول لا تحرمينهم من بجرهم

احس مادري *_* متردده

بره اريح انج تلبسين اللي تبين ماتضطرين دراعه وهالسوالف كل ما تنزلين لاهله + تزيد خصوصيتج

بس عندهم السكن هم له محاسنه انج تامنين على عيالج بعدين عند يدتهم وهم تانسين انا اكو احد بالبيت بس عيب السالفة انج تقل خصوصيتج

شنو رايكم

 

[بنت ام قلب ابيض]

اهم شي راحتج انتي بالنسبه لي افضل اني اسكن ببيت حموله امن واحسن ويكون حولي ناس و الريال مو فاضيلي 24ساعه مقابلني وتقبلي مروري

 

[بنت.المطيري]

نفسج وقررت اسكن عندهم

الوحدة شينة

وحرام احرم الام من ولدها وحرام اخليها بروحها مارضاها لامي ليش ارضاها لغيرها؟


وحسني النية وعاملي خالتج مثل امج وسهالات ان شالله

 

[q8**girl]

رد : الخبيرات ..لو بتاخذين البجر اتطلعينه برا بيت اهله ؟!!

الصج انا افضل بيت ابروحي ..
بس لو كان بجر احس لازم اسكن عندهم حرام احرمه من امه لان لو بحط مكاني مكان امه ماودي يطلع من بيتي

 

[أكذب عليك]

انا نفس الحاله
بس اهو البجر وماعندهم الا ثنين زوجي واخوه الصغير
مافكرت ابيت بروحي حرام امه وابوه يفرحون فيه

دام حاطين لي شقه راهيه خلاص ماكو مشاكل عادي يباااا
عن نفسي ادي بالعكس وناسه اقعد مع حمواتي وخصوصا انهم بنوتات ونستانس مع بعض
احسسسسسن من شقه بروحي لا انيس ولا ونيس وخصوصا اذا الزوج دوامه شفتات

 

[كرز حالي.]

رد : الخبيرات ..لو بتاخذين البجر اتطلعينه برا بيت اهله ؟!!

اذا طلعتي بروحج احس ريلج بيمل وبيحس بالروتين بسرعه لانكم كله متجابلين
مو نفس لما تكونين عند اهله وتغيرين جو وتخلينه اهو بعد ينزل عند امه واخوانه وحولكم يمعه وناس احسن من بروحكم جذي

 

[عرش الغلا]

رد : الخبيرات ..لو بتاخذين البجر اتطلعينه برا بيت اهله ؟!!

والله مادري الوحده تبي ترتاح فبيت ابروحها احسن تاخذ راحتها وخصوصيتها اكثر بس هم حراااااااام اني اخذ الولد من امه واحرمها منها لان الدنيا دواره باجر يكبرون العيال ويطلعونهم عني ادعولي بالزوج اللي في بالي اذا اخذتها والله مااطلعه من البيت بس ياااااااااااااااااااااااارب ترزقنياه وتسخره لي هو واهله يااارب ياكريم بهالشهر الفضيل امبيه طلعت عن الموضوع سووووووووري :wqedqw:

 

[الغدق]

بالعكس طالما ماكو إلا أنتي بالبيت
أكيــد بيكونون حاطلج شقة راهية إذا مو دور كامل ؟؟
وأنتي المستفيده باجر إذا الله راد وراج دوام وعيالج
وفووق جذي ماعندج ولا حماة بالبيت يعني ماراح اتكون في
مناافسة أو اتشدين حيلج باللبس كل مانزلتي

 

[غرور وايل]

اكييييييييييييد تسكنين عندهم
والله راح تكوون ونااسه ولمه
وانتي عاد اعتبيرهم اهلج
والله يوووفقج

 

[عيش و مرق]

قولى بسكن عندكم بس اذا ما ارتحت بطلع

 

[tolay]

انا عندي اريح برا

اذا سكنت عندهم اقعد التزم وازور وانزل يوميا او يوم وترك والتوجيب اكثر

برا اريح نفسيا

وعلى قولة امج لاتحرمينهم من بجرهم !!! شحقه متزوج !!

انا شخصيا افضل السكن خارج بيت الحموله بس اذا قالو انه اسكن معاهم اسكن معاهم فشله اشرط ابي بيت بروحي

 

[رزه مرتزه]

لا حبيبتي اكيييييييد معااهم

ليش احرم الولد من امه .. واكيييد بيدللوني بعد لاني مرت البجر

سؤال خارج النص .. جم عمرررج ؟؟

 

[mi corazon]

الغدق اهوا مو وحيد امه .. آنا قصدي انه البجر وعقبه بنات وآخر شي اخوه الصغير .. يعني المنافسه موجوده موجوده

تولاي .. اي اهني المشكله لو احرجوني .. وبعدين اهيا امه قالت تعالي شوفي شقتج لو مايازتلج عادي سكنوا بره او بالمكان اللي يريحكم .. بس تخيلي اروح بيتهم واطل عليه وبعدين اقول ها لا ما عجبني المكان ولا صغير .. احس فشله وابطلع بالشينه صح ؟

رزه مرتزه .. هالشي توفيق من رب العالمين ادعولي يكون نصيبي زين ونصيب البنوتات اللي نفسي انطروا وصبروا وربي فرجها بعد معاناة

حبيبتي عمري فوق الـ 23 ^_*

 

[رغوووده]

عن نفسي احس حرااام احرمه من اهله واذا ع الخصوصيه دامج بشقه فخصوصيتج محد له شغل فيها وبتاخذين راحتج ع الاخر

لو بيسكنونج بغرفه وحمام عزج الله اهني اقولج صح هذي مافيها خصوصيه بس شقه تماااام

فكري فيها لو اخوج وامج انحطوا بهالموقف ماراح تتضايق امج ان ولدها بجرها طلع وخلى لهم البيت ؟

بعدين سكنكم ببيت اهله له فايده لج اول شي أأمن لج ولزوجج لو دوامه شفتات ماتحاتين النومه بروحج ولو باجر ع وقت العيال تامنين ع عيالج عند خالتج وحمواتج ولو ضاق خلقج تنزلين لهم وتغيرين جو واهو بعد مايمل 24 ساعه متقابلين وماعندكم شي عكس لمتكم مع اهله

اعتربي اهله هم اهلج وعامليهم مثل امج وابوج وخواتج واخوانج بتصير السالفه سهالات والله يوفقج

 

[mi corazon]

رغود .. ياحلوج والله كلامج حلو

صج آنا كله افكر جذي لو امي وبجرها مو حلوه تاخذه العروس بره

وامه شكلها حبوبه الله يهديها لي ويهديني لها

آنا قصدي اني احب الكشخه وايد .. الكشخه البسيطه

فا ما احب اكون اقعد مثلا من النوم واسوي شعري كيرلي او تسريحه بعدين اظطلا انزين تحت والبس شيله ودراعه " اكره الدراعه "" " لأني انقمت فيها ... بس باستخير ويارب يكتب اللي فيه الخير

عاد آنا من الحين عادتها امي .. وآما كلش مو شرية بالعكس بسرعة ينقص ويهي وخدايو .. ان شالله يطلعون خوش ناس يارب

موفقه حبيبتي الله يتمم عرسج على خير

 

[So0oKaRa]

والله اختي دام اهله خيروج اختاري تسكنين بروحج
ولو ماكانو راضيين انه يسكن بره جان ما خيروج من الاساس
اشتري راحه بالج
بس لو عندج شقه منعزله ابيت اهله اوكي حلو قعدي عندهم
بس لو بتقعدين معاهم وطلعتج ودخلتج معاهم ما انصحج
حتى لو اهل ريلج زينين وطيبين
ترى مهما كانت الجنه سنعه وطيبه واهل الريل زينين لازم تصير سوالف واكشنات
باجر حتى بطلعتج تخافين
يقولون كل يوم تطلع او يقولون ماتقعد بالبيت ومن هالحجي
لانه انا شايفه هالشي جدامي
او اجري شقه قريبه منهم عشان لو احتاجو شي

 

[Miss.6Mo7]

شوفي اللي يريحج

 

[mi corazon]

والله اختي دام اهله خيروج اختاري تسكنين بروحج
ولو ماكانو راضيين انه يسكن بره جان ما خيروج من الاساس
اشتري راحه بالج
بس لو عندج شقه منعزله ابيت اهله اوكي حلو قعدي عندهم
بس لو بتقعدين معاهم وطلعتج ودخلتج معاهم ما انصحج
حتى لو اهل ريلج زينين وطيبين
ترى مهما كانت الجنه سنعه وطيبه واهل الريل زينين لازم تصير سوالف واكشنات
باجر حتى بطلعتج تخافين
يقولون كل يوم تطلع او يقولون ماتقعد بالبيت ومن هالحجي
لانه انا شايفه هالشي جدامي
او اجري شقه قريبه منهم عشان لو احتاجو شي

:eh_s(1):

امبيه صح اللي قلتيه

قلبي عورني :$ بطلع خلاص

بس مو راح

 

[حرم_طيار]

رد : الخبيرات ..لو بتاخذين البجر اتطلعينه برا بيت اهله ؟!!

لا والله اسكن عندهم وااايد اريح لي و لزوجي و لعيالي باجر

بس انتي شوفي شنو اريح لج

 

[mi corazon]

مادري آنا انسانه احب الخصوصيه جدا

وماحب احد يطالعني بالدشه والطلعه

بنات آنا احس مايله اكثر للطلعه بره البيت

وازوهم كل يوم