الخبيرات ..لو بتاخذين البجر اتطلعينه برا بيت اهله ؟!!

[هيبة ملك]

العيشة مع حمولة حلوة


لكن
أنا جربت العيشة مع حمولتي بزواجي الأول صح طيبين والحمدلله ماكو مشاكل

لكن مو نفس لما تكونين بروحج فبيتج

بزواجي هذا عايشة بروحي لأن زوجي يتيم والله حياة غير

لا ألتزام لا مجاملات لا زيارات تنامين بكيفج تصحين بكيفج

تطبخين ماتطبخين براحتج

لكن مع الحمولة أكيد بتلتزمين

أمممممممممم

لكن بالنسبة لج"

خليج جربي حمولتج شوفيهم

 

[غير كل الناس]

وين المشكله والعيب والحرام وليش لا

 

[LuLiTa]

لو انا مكانج جان سكنت بره ,,, لانه مستقبلا لو بييكم عياال و بغيتي تطلعوون بره البيت ريلج يمكن يستعسر و ما يرضى ,,, دام عندج الخيار تسكنين بره سكني بره ,,,,,

و اذا كاان دوامه شفتات ,, ف و اهوو راايح الدوام يوديج حق بيت اهلج ,,

 

[shyoooma]

مساااء الخير ..

والله انااا اقول قعدي عندهم احسن .. وحرام ولدها ما عندها غيره ..

لانه والله الاكشنات بتييج حتى لو انتي بروحج ..

ولما خبروج مو شرط عشان تطلعين بره , يبون يشوفونج شنوو بتختارين .

والله اخذيهاا نصيحه قعدهم عندهم احسن و اونس لج ,, على الاقل تقربين من خالتج و حق عيالج بعدين ..

لانه والله كاهوو شوفي عمتي ساكنه بره بس هم المشاكل وراهااا ,, مو شرط ..

وبتوفيق يارب لج و كل بنات المنتدى

 

[Winter Q8]

حطي بالج اذا بتسكنين برا.. ترا الاجار يكسر الظهر .. الحين تبين مكان عدل مو أقل من 400 - 350 دينار .

 

[غالية زمانها]

مادري انا افضل اسكن معاهم لان زوجج بيكون البجر ..
وبتاخذين راحتج باللبس واكيد بحطونج بشقه راهيه ..

 

[رفرف]

عن نفسي ..

زوجي كان البجر .. وعنده اخو عمره 13 سنة والباجي بنات ..
اي طلعت بشقة وجنه العيد ..


اول شي انا طبعي ماحب احد يدخل داري او يستخدم اغراضي .. موضوع الخصوصية وايد مهم عندي ..
ماحب التزم انزل كل يوم .. انا طبعي مو اجتماعية زود احب مرات اقعد بروحي ريلاكس .. ماحب اللوية ..
مااااااااااحب احد يتدخل بتربية عيالي .. لا اهلي ولا اهله ولا احد .. صج صج اعصب حريصة على تربيتهم واكلهم وكل شي ..
واهلي نفس طبعي مستحيل يعطون بنتي حلاوة بدون ما يشاوروني ..


اهل ريلي طبعهم كلشي عادي ميانة .. يدشون الدار ياخذون اللي يبونه ويطلعون بحسن نية طبعا ..
خالتي طبعها وااااايد حساسة من كل شي تتحسس وتتضايق اي تصرف اي كلمة ومرات بدون كلمة ومسكينة بعدين بروحها تطخ .. بس فيعني لو اسكن عندهم بتصير مشاكل مالها داعي مو مواقف سخيفة ..
وهم طبعهم بتربية اليهال مختلف تمامااااااااااااا عن طريقتي يعني يمكن لو اسكن عندهم انجلط ..

طبعا هالاشياء ما تعيبهم ولا تعيبني .. اختلاف اطباع بس ليش ازيد الاحتكاك والمشاكل ؟

وما فيها حرام ولا احرم ام من ولدها شدعوااااااا وين موديته جزر الواق واق ؟؟
وبعدين البيت متروس خواته وابوه واخوه يعني مو امه وابوه بروحهم (بهالحالة كنت راح اسكن معاهم)
الواصل واصل لو ساكن بعيد .. والقاطع قاطع لو معاهم بالبيت ..
ريلي الحمدلله كان قبل الزواج ما يشوفونه الا وين ووين كله طالع ..
من تزوجنا عودته يمر بيتهم كل يوم او بالكثير يومين ولما كبروا اليهال يوديهم معاه مرات كل يوم بعد ..
يعني لا قاطعته ولا قاطعتهم عنه ولا حارمتهم من ولدهم ولا من احفادهم ..
ولو يرد فيني الوقت راح اصر على هالراي اكثر وما كنت راح اسكن عندهم ..
مع انهم عسل بس انا ادري اطباعي مع اطباعهم ما تتوالم ..

جذي بيتي وخصوصيتي انام وقت ما ابي اطلع وقت ما ابي عيالي اربيهم مثل ما ابي ومحد حاطني تحت المجهر ..

 

[رزه مرتزه]

مي كارزون >> ان شاءالله قلت اسمج صح

العمر كله ياااارب .. والله يسخرلج ريلج واهل ريلج لج ياااارب

وانا من رائي استخيري ما خاب من استخاااار .. وارد اقوووول اذا الام خاطرها ولدها معاها لا تكسرين بخاطرها ..

بالتوووفيج ,,

 

[mi corazon]

رفرف

كلامج حييييييييل اقنعني

هذا اللي كنت بقوله .. اخاف من اختلاف الاطباع يصير تتش بينا ومابي جذي آنا

اللهم اغفر لـ(طلال) وعمي (خالد) وارحمهما واعف عنهما وأكرم نزلهما ووسع مدخلهما
اللهم ان كانا محسنين فزد في حسناتهم وان كانا مسيئين فتجاوز عن اساءتهم واغفر لهما وارحمهما إنك أنت الغفور الرحيم

آمين

 

[mi corazon]

رزة مرتزه

الاستخاره واجبه بهالسوالف لازم استخير ربي والأهم من الكل


ومنها ارتاح حتى لو ماحصل نصيب ما اتضايق لأني استخرت
مشكوره حبيبتي

 

[كويتية قديمة]

رد : الخبيرات ..لو بتاخذين البجر اتطلعينه برا بيت اهله ؟!!


السلام عليكم

والله انا نفس وضعج تقريبا بس زوجي تقريبا الوسطي وكل اخوانه اللي اكبر منه واصغر منه متزوجين وطالعين برى البيت ولا فيه احد بالبيت وامه كبيره بالعمر وتعبانه فقالو لي انهم يبونه بالبيت يعيش وانا كنت شارطه على امي اني ابي شقه بروحي اذا تزوجتي بس لمن شفت الظروف جذي قلت مايخاف اسكن عندهم احسن والله لو فكرتي فيها انج بتاخذين اجر وبكره بيجونج عيال هم ماتبين بنات الناس يحرمونج منهم

اما من ناحيه خصوصيه ترى يبه بشقتج تقدرين تلبسين اللي تبينه

وبس والله يوفقج يارب

 

[أم منيـرة]

أكيـد بـرآ أحسن ..

،

لكن ما يمنع إذا هم خوش ناس وطيبين وموفرين لي في بيتهم شقه راهيـه .. ممكن بعد ..

:")

 

[جذابه بنت ذيابه]

رد : الخبيرات ..لو بتاخذين البجر اتطلعينه برا بيت اهله ؟!!

برا اريح لج وله هو ..




وانتي استخيري وان شاء الله استخارتج
تدل على اللي بيصير

 

[~وريثة الملوكـ~]

اناا مثل حالتج اهو البجر
واخوه صغير
اكيد ماا رااح اخليه يطلع
لان بجرهم وهم مهيئلة سكنة
اكيد بيرااعون خصوصيتي وخصوصيته
وبعدين احلى وووناسة اكثر
وانا اساسا ما اتخيل نفسي بشقة لحالي يعني مو مع حمولة
لاني احب الجمعه
والحمدلله الله رزقني اللي ابيه

يعني بالعكس رااح تستانسين
لانج الجنة الكبيرة

 

[([عطر رومانسي])]

والله انا ماخذه البجر واللي تحته 4 بنات وعقب اخوهم الصغير


لما خطبوني نفس الشي خيروني بس انا مارضيت اطلع قلت حرام مهما كان بنات يحتاجون اخوهم


بس بنفس الوقت حطولي شقه كامله

 

[كلنا عشاق لكن]

رد : الخبيرات ..لو بتاخذين البجر اتطلعينه برا بيت اهله ؟!!

شغلتين بحياتج سويهم وتنجحين :sfg:
لاإتضحين بنفسج ولاتعطين أحد فرصة إنه يضحي فيج
إشلون
قرري القرار اللي يريحج إنتي ثم إنتي ثم إنتي :eh_s(15):
أما قرارهم فمحد بيتحمل نتايجة غيرج :j013:
تبين خصوصية ميخالف ويبي حمولة بعد ميخالف يحط لج شقة عند أهلة
هذا الحل الوسط :ioljnmlk:
​

 

[قـہۈه فـرنسيـہ™]

أكيد بختاار برا ... بعدين شنو حرااام أحرمه من أمه ...ترى الولد مهو طاير ولا راح يهااجر عن أمه مثل ما أنتي طلعتي من بيت أبووج هو بعد يطلع ... >>> وخل ياخذ قريب عند بيتهم اذا فيه كللللللش ...


والله أحسسسسسسسن الخصوصيه ...

 

[mi corazon]

اي والله بنات البره احسن

بستخير بعد مره

 

[أمواج البحر]

انتي بالاول والاخير استخيري

انا اقول روح بعيد ورد سالم

يمكن ترتاحين ويمكن لا

السكن في بيت الحموله له وايد ايجابيات و بالمقابل لها سلبيات

انتي فكري فيها عدل ...القرار بايدج حاليا

انا عندي صبيان اسم الله عليهم ودايما اقول

اذا ربي بلغني فيهم مابي ولا واحد يسكن عندي

بستفرد بالبيت انا وابوهم بروحنا