الخدامة الجديدة ‍‍؟؟!!

[بريق]

السلام عليكم ..

شلونكم كويتيات ان شاء الله تمام ..

بدش دغري بالموضوع ..

اذا جتكم خدامة جديدة .. شلون تتعاملين معاها ؟

شلون يكون تعاملج أول شي هل تبينين انج حازمة ولا تبتسمين لها ؟؟

شلون تتأكدين انها امينة ..أو انها مو راعية تلفونات .. أو مغازل

هل من أولها تكرفينها ؟؟ ولا تعلمينها بالتدريج عشان ما تخاف وتتطفش ؟؟

عفية بنات علمونا طريقتهم بالتعامل مع الخدم ..

والله ماغثنا الا هالخدم .. ذبحونا ..

كل وحدة تستعرض طريقتنا يمكن تفيدنا ..

بانتظاركم .. وتسلمون ..

 

[FOZQ8]

رد : الخدامة الجديدة ‍‍؟؟!!

نصحيه مني اول شي فتشي بجنطتها يانا لقت امي بلاوي ايون وسحرهم منهم وفيهم

 

[الغلاااااااكله]

رد : الخدامة الجديدة ‍‍؟؟!!

احنا في ابيت
الخدامه من تجي نفتش جنطتها

والملابس مو اي شي تلبس

لالالالا

لازم احنا نشتري لها من تجي
والله سيييييييده عالسوق ناخذ مقاسها والشي الواسع
والالوان الفااااتحه عشان تحرص عالنظافه

ولازم تعلمينها طريقتكم في الشغل وشنو الشي اللي تمسحه كل يوم
واللي يبيله مسح اسبوعي وهكذا
بعدين بتصير سنننننعه

 

[بريق]

رد : الخدامة الجديدة ‍‍؟؟!!

فوز .. مشكورة .. بس صراحة فطنتيني لشغلة ما كنت حاطتها ببالي .. يمة منهم .. الله يستر

بشورة تسلمين .. من ناحية الهدوم احنا دايما نسوي اللي تقولين عنه .. بس سالفة التفتيش لا زم نسويها ..

بانتظار البقية ..

 

[xxx]

رد : الخدامة الجديدة ‍‍؟؟!!

اول ماتيي اهم شي مثل ماقالت فوز فتشي أغراضها

وثانيا فتشي شعرها كل شي ولا القمل والصيبان

بعدين تفهمينها على شغلها وتورينها البيت وتعلمينها على طريقة الشغل

والشي الي تنظفه كل يووم ،،

 

[ضحى الكويت]

رد : الخدامة الجديدة ‍‍؟؟!!

نصيحه خليج على طبيعتج لا تصنعين جدام الخدامه علشان ما تغيرين عليها بعد فتره واهيا بعد راح تغير عليج خليج طبيعيه بس عليمها من اول ماتدش على النظافه زهبى اغراض النظافه لها وديها مكرم الحمام وحلميها اشلون تسبح وتتنظف الان اهما وعليه ما يعروف شى جنج تعلمين ياهل وعليمها اشلون تشيل الشعر الزايد وكل شى تبينه وعليميها على الديوورنت اشلون تحطه على نظافه والعطر ونصيحه بعد حتى لو مو مسلمه لبسيه الحجاب هذا اللى مثل الاندنوسيات علشان تصير نظيفه والله يوفقج بخدامه زينه معنا هالايام انقرضوا بس ما عليه تاملى خير

 

[بريق]

رد : الخدامة الجديدة ‍‍؟؟!!

تسلمين بنت الكويت عالمشاركة ...واااااااااي كل شي إلا القمل والصيبان يمة يمة يمة لا يحوشك

أم ناصر يعطيج العافية عالنصيحة وما قصرتي ..

بنات تقريبا كلكم اتفقتوا على تفتيش أغراضها وتعليمها النظافة ..
ب سما قلتولي شلون أتأكد انها أمينة .... هل أراقبها ؟؟

 

[moorjan]

رد : الخدامة الجديدة ‍‍؟؟!!

قطي ربع او نص دينار على الطاوله او اليرارة او مكتبة التلفزيون المهم في مكان بارز او غير بارز جنج ما تدرين وشوفيه عقب موجود ولا لأ ؟ هذي طريقتي نفس الشي بالنسبة للتنظيف ساعات اذا ابي اتأكد انها نظفت الصاله مثلا عدل احط ورا الطاوله او الصوفا قرطاس واشوفه اذا موجود ولا لأ .. لا شافني ريلي اسوي جذيه يقولي تخرعين والله منتي هينه

 

[نفنوف كشكش]

رد : الخدامة الجديدة ‍‍؟؟!!

نفس ماقالاو البنات واهم شي اتعلمينها شنو شغلها وعلميها علا قوانين البيت وحفظيها النشيد هههههه وحرصي عليها علا سالفت النظافه قطع ياكره صنتهم
وسالفت الامانه نفس مرجان هاذي طريقتنا او انج اتقطين ساعه ولا خاتم وشوفاي يختفي ولا لاء وجيكاي بين وقت والثاني علا الطاولات والاشياء اللي اتغبر مثل داخل المزهريات اذا امغبرين ولا لاء

 

[ضحى الكويت]

رد : الخدامة الجديدة ‍‍؟؟!!

أم ناصر يعطيج العافية عالنصيحة وما قصرتي ..

الله يعافيج عزيزة وغاليه

 

[أغلى حبيبه]

رد : الخدامة الجديدة ‍‍؟؟!!

شوفي اول شي لبسيها الحجاب مسلمه ولا مسيحيه انظف
واشترى لها اكبر من مقاسها شوي مو تترصص بالضيج
وكل يوم قبل لاتنام تتسبح
وقبل لاتتطلع معاج تتسبح
وماتدش الصاله اذا ابو العيال موجود
وماتاخذ اي شي من الخدم
وغرفتها على طول نظيفه مو حوسه واكل ولويه


واذا تذكرت بقولج

 

[بريق]

رد : الخدامة الجديدة ‍‍؟؟!!

مرجان

نفنوف كشكش

أم ناصر

أغلى حبيبة

مشكـــــــــــــوريــــــــــــــن

على تفاعلكم ومساعدتكم .. صراحة نصايحكم ذهب الله يخليكم ولا يحرمني منكم ..

 

[ضحى الكويت]

رد : الخدامة الجديدة ‍‍؟؟!!

ولا يحرمنا من مواضيعج الحلوه

 

[اميرة القلوب]

حبيبتي اول ماتوصلج الخدامه في دعاااء لازم تقولينه ضروري بس والله الحين موحاضرني لالقيته اقولج ....ترا كلام الله زين يفكج من بلاويها ,,بدل ماتفتشيين وتعبين نفسج قوولي هالدعااء واتكلي علي ربج احسن شي,,عسي ربي يعطيج خيرها ويكفيج شرها يارب

 

[ektifeet]

ماقصروا الخوات كل شى قالوه بس بضيف كم شغله

اذا وصيتيها على تنظيف شغله وماسوته بنفس المطلوب لاتتهاونين بينى لها انج ماتحبين الوسخ ورجعيها عليه

عشان ماتتمادى وتطنش اى شى تقولينه

ونبهيها على الاشياء الثمينه عندج يعنى اوانى فخمه فازات قولى لها هذا فلوس واجد لايكسر بعدين اسوى خصم من معاشج عشان تكون حريصه

فيه حركه بالخدم مااااحبها ودايم يسوونها

لما تناديلها وهى تغسل مواعين تجى وادينها تقوطر ماى وهى تكلمج يتطاير على اللى حوالينها شسويت؟ شريت لها فوطه ولها معلاق

وحطيتها على المقبض مال الكبت اللى قريب من المغسله وقلت لها كل ماتخلصين نشفى لااشوف ثيابج ماى ماسحه فيهم او مبلله

ملابسها اول باول تغسلهم على ادينها وتنشرهم لاتخليهم كووومه

هذا الى عندى وارجو انى فدتج

 

[DELY]

goly lama tyech alahoma ene as2aloka 5airaha wa5aira ma jalabtaha wa a3otho beka men sharaha wa shara ma jalabtaha

 

[ريماا]

انا اول يوم مااحب اضغط عليها اخليها ترتاح وابتسم لها ماادرى ليش؟ اخاف منهم
بس افرجها على بيتى واقولها وين كبت المنظفات اذا بتنظف الصبح واقولها نبذة عن التنظيف واقولها اهم شى عندى النظافة
اليوم الثانى اراقبها بس مااقولها نظفى اذا اهى نظيفة وتبى الشغل تشتغل واذا اهى وصخة ماراح تنظف فى حال اهى وصخة وشكلها مونظيف دايركت اردها واذا اهى نظيييفة كل شى ادلعها
انا احب احترم الخدم الان واللة اذا عاملتيها عدل عمرها ماتأذيج يمكن تسوى اشياء غلط بس ماتأذيج او تأذى عيالج لكن اذا احقدت عليج الله يستر منهم