الخدامة مدرسة اذا اعددتها اعدتت شعبا طيب الاعراق!!

[Flana@]

معاج حق
الخدامه حق شغل البيت والطباخ أما العيال لا طبعا شنو ماعندهم أم !
انا مره بالطبيب استغربت كنت عند الدكتور ووحده درعمت بتسأل الدكتور عن شغله ومعاها الخدامه شايله ولدها المهم الدكتور سألها من متى ياخذ ولدج المضاد ؟ جان تسأل خدامتها من متى ياخذ الدوا @@
انا انصدمت حتى الدوا عجزانه تعطينه ولدج الخدامه تعطيه @@

 

[love love]

مشكورة على الموضووع وكلامج صح بس للاسف طرحتييه غلط اشوي

تكلمتي بالموضووع واخصيتي الام العامله انزين والام الي قاعده بالبيت وهامله اعيالها؟؟؟


انا اتفق معاج الخدم مايعتمد عليهم والام اهي الي تربي


بس اختلف معاج بهالنقاط


1- مو كل ام تشتغل يعني تبي تكشخ وماركات حمدالله كلنا عوايل شايفه خير باللبس وبالاغراض الي تشتغل والي ماتشتغل بس الحياة كل مالها وتصير صعبه ولازم معاشين علشان اليهال يعيشون حياتهم ويامنون مستقبلهم واذا بتنازل بتنازل عن شنو؟
عن مستقبل اعيالي؟ ولا على راحتهم ؟ ولا على وناستهم؟ ولا على احتياجهم؟
كل شي الحين غالي دشي جمعيه وشوفي اشلون ناااااااار بامبرز جيسين ب10 وشي لا وبالعرض وماراح ادور على ارخص لانه هذا الي احس اعيالي مرتاحين عليه
وسبحان الله احنا انسان الله اخص وعزنا عن الحيوانات عزج الله فشنو الفرق بينهم؟؟؟ احنا نعيش ونفكر لمستقبلنا اهم يفكرون ويمشون على البركه بيومهم


2- ماحبيت كلمة تفريخ كلش بالعكس الله يعطيها وهذي رزقه من الله
انا يبت اثنين ورى بعض بينهم سنتين او اقل اشوي وحمدالله قادره على كل شي وياهم يعني مكينه تفريخ؟
وفي ناس اتيب ورى بعض مرات يكونون محرومين سنين والله عطاهم وعوضهم ويبون يربون عدل ليش ايبوبون على كبر وساعتها صج مايقدرون يربون
يعني كل وحده ماتيب الا اذا قادره على تربيتهم والي ماتقدر خل تفصل جم سنه


3- والي تقول الخدامه لو حنونه ماهدت اعيالها>>>>>>>>> بس اقول الله لا يحوجنا الله لاحوجنا وحمدالله الف الحمدالله بالنعمه الي احنا فيها شغلنا بديرتنا وبين اهلنا وراتب راهي واعيالنا حوالينا ولا نحتاج نتغرب علشان 60 ولا 50 دينار
والله لو موالحاجه جان ماتغربو حرام لا تقولون جذيه لا باجر الله يورينا الويل وحرام الله يعينهم


4- مثل ماقالت حرم راشد الماجد مو كل موظفه هامله ولا كل ام بالبيت اهي الزين واهي كل شي

لا كل في ناس قعدت ببيوتها غصب وقامت تحاجج بعيالها
وفي ناس قعدت واستقالت بكيفها علشان اعيالها
وفي ناس تشتغل علشان تتهرب من اعيالها وتفج عنهم
وفي ناس تشتغل للحاجه ولامور الدنيا والله يعوضها


5- مو شرط الي تشتغل تقط اعيالها لا يمكن امخليتهم تحت رقابه الام والخاله ولا اي احد
او حضانه>>>>> مااتوقع لو تنقون حضانه زينه فهالشي عيب ولا موزين؟ لانه عندي حضانه ارحم مليون مره من مدرسه واليهال يكبرون وسمعو القصص طق واعتداء وغيره واهم يهال
على الاقل حضانه صغار يغنون لهم واكل ويستانسوون
وتقدرون تتطمنون اختار حضانه زينه وكل اشوي دقو تاكدو على عيالكم مافيها شي


والله ناسيه نقاط بعد


على العموم انا اشتغل سنتين ومعاشي اكثر من النص ماكان لي كان مساعده بيني وبين ريلي لقرضه علشان اهله وغير اللتزامات القرض والاقساط
وماانفردت بمعاشي الا لما سافر ريلي وهالمعاش كان للشقه والماجله وخدامه ووو صج صج بعيني شفت معاش واحد مايعيش كلشششششششششش باسبوعين افلس علشان جذيه ماقدرت ادخل اعيالي حضانه وخليتهم مع خدامتي وخالتي وخالتي ماتبي تغير لولدي مااقدر اجبرها بعد فاول مره اعتمد على خدامه تغير لولدي >>>>وهاجموني وايد بس شسوي؟؟ لازم اشتغل اشلون بعيش هالشهرين من غير ريلي ومااقدر اخلي ولدي يخيس 5 ساعات اغيره الصبح انا بس ياهل اخاف يتحسس ولا يلتهب وكان عمره 6 شهور

ومتزوجه لي 5 سنين ونص وخدامه ماقعدت عندي عدل الا 4 شهوووووور بسسسسسسسس

ومرو علي خدم اسبوع مايتمون حتى عندي
وكانت عندي وحده شهرين وخليتها تروح لانها سكرت الباب بويهه بنتي؟؟ قلت والله ماتقعد عندي ولا اتبات عندي ليله بعد مع اني كنت حامل ومشيمه نازله وبنتي صغيرونه ودوام ورمضان وماعندي رصييد اجازات دخلت بنتي شهر ونص حضانه وبعدين اخذت مجلس وجابلت بنتي وحملي


حاليا اجازه من غير راتب وانا خارج الديره لمدة 4 سنين وامجابله اعيالي بروووووووحي وفديتهم وفديت تعبهم والله

يعني الي بوضحه انا ضد الخدم بس ضد مبدا الي يقولون الي تشتغل هامله او الي ماتشتغل هامله

البيوت اسرار والله لا يحوجنا لاحد

 

[العاطفية]

معاج حق
الخدامه حق شغل البيت والطباخ أما العيال لا طبعا شنو ماعندهم أم !
انا مره بالطبيب استغربت كنت عند الدكتور ووحده درعمت بتسأل الدكتور عن شغله ومعاها الخدامه شايله ولدها المهم الدكتور سألها من متى ياخذ ولدج المضاد ؟ جان تسأل خدامتها من متى ياخذ الدوا @@
انا انصدمت حتى الدوا عجزانه تعطينه ولدج الخدامه تعطيه @@

هلا حبيبتي صدقتي الخدامة شغلتها التنظيف مو الامومة بس شنقول تعبنا من التنبيه امهات صار كل همهم الراحة--ياجماعة ترى الجسم عالتعود اذا عودتيه عالراحة ماراح يقدر يعطي واذا عودتيه عالحركة راح يصير نشيط وبتتحملين كل عيالج--طبعا هالرسالة للام المهملة عيالها
خو سالفة الطبيب يبيلها موضوع ثاني--انشالله عن قريب انزله

 

[العاطفية]

مشكورة على الموضووع وكلامج صح بس للاسف طرحتييه غلط اشوي
العفو واذا في غلط ماراح اقصر ولا اكابر وبتابع معاج
تكلمتي بالموضووع واخصيتي الام العامله انزين والام الي قاعده بالبيت وهامله اعيالها؟؟؟

انا طرحت الموضوع وكلي ثقة ان بيييني هجوم مو طبيعي من الموظفات لان للأسف صار الاغلبية بنفس التفكير ولا يبون يسمعون من احد--وموضوعي للام العاملة الي تعتبر نفسها غير مهملة وانها تجابل اليهال لكن وقت الدوام مع الخدامة والجملة الشهيرة --شسوي الدنيا تبي والوقت صعب--انا اتفق معاج الخدم مايعتمد عليهم والام اهي الي تربي

الحمدلله تتفقين معاي بهالنقطةبس اختلف معاج بهالنقاط
الاختلاف لا يفسد للود قضية
1- مو كل ام تشتغل يعني تبي تكشخ وماركات حمدالله كلنا عوايل شايفه خير باللبس وبالاغراض الي تشتغل والي ماتشتغل بس الحياة كل مالها وتصير صعبه ولازم معاشين علشان اليهال يعيشون حياتهم ويامنون مستقبلهم واذا بتنازل بتنازل عن شنو؟
عن مستقبل اعيالي؟ ولا على راحتهم ؟ ولا على وناستهم؟ ولا على احتياجهم؟
كل شي الحين غالي دشي جمعيه وشوفي اشلون ناااااااار بامبرز جيسين ب10 وشي لا وبالعرض وماراح ادور على ارخص لانه هذا الي احس اعيالي مرتاحين عليه
وسبحان الله احنا انسان الله اخص وعزنا عن الحيوانات عزج الله فشنو الفرق بينهم؟؟؟ احنا نعيش ونفكر لمستقبلنا اهم يفكرون ويمشون على البركه بيومهم
انا معاج بغلاء المعيشة ونفس وضعج من ناحية المصرف لكن مو بالضرورة اصير مبذرة ومو عذر لترك الاطفال وحيدين مع الخدم لا وبشقة بروحهم لان ربة البيت السنعة تعرف شلون ترتب ميزانيتها سواءا عاملة او ربة بيت-اغلب الموظفات يقولون يعني شنو ماتشتهين جنطة ماركة بالف دينار ماتشتهين تسافرين تلفين العالم بالذمة هذا منطق؟
2- ماحبيت كلمة تفريخ كلش بالعكس الله يعطيها وهذي رزقه من الله
انا يبت اثنين ورى بعض بينهم سنتين او اقل اشوي وحمدالله قادره على كل شي وياهم يعني مكينه تفريخ؟
وفي ناس اتيب ورى بعض مرات يكونون محرومين سنين والله عطاهم وعوضهم ويبون يربون عدل ليش ايبوبون على كبر وساعتها صج مايقدرون يربون
يعني كل وحده ماتيب الا اذا قادره على تربيتهم والي ماتقدر خل تفصل جم سنه
الله يخليهم لج انتي قادرة عليهم بدون خدامة؟اقصد بدون لا تتكلين عليها بتربيتهم او تربية واحد منهم كنوع من المساعدة؟ اذا قادرة ليش لا لكن اذا مو قادرة وبس شغلتج تفرخين و(لينا) تربي هذا طامة كبرى-اقصد العموم مو انتي بالاخص-
3- والي تقول الخدامه لو حنونه ماهدت اعيالها>>>>>>>>> بس اقول الله لا يحوجنا الله لاحوجنا وحمدالله الف الحمدالله بالنعمه الي احنا فيها شغلنا بديرتنا وبين اهلنا وراتب راهي واعيالنا حوالينا ولا نحتاج نتغرب علشان 60 ولا 50 دينار
والله لو موالحاجه جان ماتغربو حرام لا تقولون جذيه لا باجر الله يورينا الويل وحرام الله يعينهم
انا اتفق معاج انهم محتاجين لكن للاسف هالحاجة خلت نفوسهم شينة كره وحقد وحسد والله يا (عالم حواء)يبت خدم اشكال والوان للمساعدة في التنظيف فقط وانصدم بالحقد كنت حتى الحمام عزج الله مااقدر ادشه اخاف تسوي شي بالبيبي وبالفعل وحدة منهم بس لفيت ويهي خضت راسه واهوا عمره اربع شهور بذمتج مو اجرام؟ لا هذا وانا ولا بعمري فكرت حتى تلمسه الحمدلله الله معطيني صحة وبربي عيالي بروحي
4- مثل ماقالت حرم راشد الماجد مو كل موظفه هامله ولا كل ام بالبيت اهي الزين واهي كل شي

لا كل في ناس قعدت ببيوتها غصب وقامت تحاجج بعيالها
وفي ناس قعدت واستقالت بكيفها علشان اعيالها
وفي ناس تشتغل علشان تتهرب من اعيالها وتفج عنهم
وفي ناس تشتغل للحاجه ولامور الدنيا والله يعوضها
بالفعل لكل شخص ظروفه لكن انا حددت فئة معينة فئة العاملة الي تترك عيالها مع الخدامة اثناء فترة الدوام الي لا تقل عن سبع ساعات وحجتها واي خو شبتسويله بتذبحه خو كلها خدامة!!
5- مو شرط الي تشتغل تقط اعيالها لا يمكن امخليتهم تحت رقابه الام والخاله ولا اي احد
او حضانه>>>>> مااتوقع لو تنقون حضانه زينه فهالشي عيب ولا موزين؟ لانه عندي حضانه ارحم مليون مره من مدرسه واليهال يكبرون وسمعو القصص طق واعتداء وغيره واهم يهال
على الاقل حضانه صغار يغنون لهم واكل ويستانسوون
وتقدرون تتطمنون اختار حضانه زينه وكل اشوي دقو تاكدو على عيالكم مافيها شي
الظاهر ماقريتي موضوعي عدل انا قلت للام العاملة خيارات(تركه مع الخدامة تحت رقابة احدى الجدات ام زوجج او امج-او تركه في حضانة أمينة)
والله ناسيه نقاط بعد


على العموم انا اشتغل سنتين ومعاشي اكثر من النص ماكان لي كان مساعده بيني وبين ريلي لقرضه علشان اهله وغير اللتزامات القرض والاقساط
وماانفردت بمعاشي الا لما سافر ريلي وهالمعاش كان للشقه والماجله وخدامه ووو صج صج بعيني شفت معاش واحد مايعيش كلشششششششششش باسبوعين افلس علشان جذيه ماقدرت ادخل اعيالي حضانه وخليتهم مع خدامتي وخالتي وخالتي ماتبي تغير لولدي مااقدر اجبرها بعد فاول مره اعتمد على خدامه تغير لولدي >>>>وهاجموني وايد بس شسوي؟؟ لازم اشتغل اشلون بعيش هالشهرين من غير ريلي ومااقدر اخلي ولدي يخيس 5 ساعات اغيره الصبح انا بس ياهل اخاف يتحسس ولا يلتهب وكان عمره 6 شهور

ومتزوجه لي 5 سنين ونص وخدامه ماقعدت عندي عدل الا 4 شهوووووور بسسسسسسسس

ومرو علي خدم اسبوع مايتمون حتى عندي
وكانت عندي وحده شهرين وخليتها تروح لانها سكرت الباب بويهه بنتي؟؟ قلت والله ماتقعد عندي ولا اتبات عندي ليله بعد مع اني كنت حامل ومشيمه نازله وبنتي صغيرونه ودوام ورمضان وماعندي رصييد اجازات دخلت بنتي شهر ونص حضانه وبعدين اخذت مجلس وجابلت بنتي وحملي


حاليا اجازه من غير راتب وانا خارج الديره لمدة 4 سنين وامجابله اعيالي بروووووووحي وفديتهم وفديت تعبهم والله

يعني الي بوضحه انا ضد الخدم بس ضد مبدا الي يقولون الي تشتغل هامله او الي ماتشتغل هامله

البيوت اسرار والله لا يحوجنا لاحد

الله يعطيج العافية دامج حريصة على ضناج وترى مالج صلة بموضوعي نهائيا انتي حريصة ومخليتهم تحت رقابة حتى لو خالتج عودة الخدامة ماراح تقدر تسويلهم شي لان في احد مو مستفردة فيهم بروحها
وبالنسبة للخدم ماالومج محد قعد عندج لانهم يبون الفئة الي انا تكلمت عنها تخلي الخدامة تسرح وتمرح وقاطة عليها اليهال فالخدامة تستانس تهمل اليهال وتهمل شغل البيت بحجة قاعدة اشوف اليهال واهيا ماتدري عنهم موبايلات وقلة ادب الله لا يحوجني لخدامة بيوم الي شفناه منهم مو شوية ودم عيالنا راح هدر مع قوانين حكومتنا الظالمة للمواطن الناصرة للوافد
واخيرا اشكرج على مرورج

 

[العاطفية]

حياكم الله بنات كل الي مروا على موضوعي(حتى الي قروه ومايبي يردون اتمنى فهموا رسالتي)

 

[love love]

الله يعطيج العافية دامج حريصة على ضناج وترى مالج صلة بموضوعي نهائيا انتي حريصة ومخليتهم تحت رقابة حتى لو خالتج عودة الخدامة ماراح تقدر تسويلهم شي لان في احد مو مستفردة فيهم بروحها
وبالنسبة للخدم ماالومج محد قعد عندج لانهم يبون الفئة الي انا تكلمت عنها تخلي الخدامة تسرح وتمرح وقاطة عليها اليهال فالخدامة تستانس تهمل اليهال وتهمل شغل البيت بحجة قاعدة اشوف اليهال واهيا ماتدري عنهم موبايلات وقلة ادب الله لا يحوجني لخدامة بيوم الي شفناه منهم مو شوية ودم عيالنا راح هدر مع قوانين حكومتنا الظالمة للمواطن الناصرة للوافد
واخيرا اشكرج على مرورج

تعليقاتج كانت للام الي تهد اعيالها وانا معاج بهالنقطه فماراح اتناقش لاني وياج


وبس على سؤالج اقدر اربي اعيالي الاثنين من غير خدامه اكييييييييييييييييييد اييييييييييييي اكبر دليل اني مااحتجت الخدامه تساعدني على اعيالي فترة الدوام الا لما سافر ريلي

وانا حاليا اربيهم وتحت عيني 24-24 ساعه وماعندي لا خدامه واهلي مو يمي علشان اعتمد عليهم بعد

ومعاج حق جرايم الخدم واااااااايد وقانونا مو بصالحنا


الله يحفظ كل ام لاعيالها والله يحفظ اعيالها لها

:sfg: وعلى فكرة ردودي ماكانت بس لج بس لاني قريت ردود البنات من فتره واليوم كتبت كل نقاط الي اتذكرها

 

[العاطفية]

حياج حبيبتي والله يعينج بالغربة ترى انا نفس وضعج ماعندي خدامة وبيت اهلي بعيد واصلا امي عودة وتعابل بابوي ادعيله الله يشفيه مايطوف شهر بدون لايدش المستشفى مسكين بعد عمري هد حيله الكبر

وعلى جرائم الخدم والله اعرف سوالف تشيب الراس ومو سامعتها لا شهدتها بعد بس مابي اقول لان صج تخنقني العبرة

 

[love love]

الله يشفييه يااارب

 

[اشتياق]

صاجه

 

[العاطفية]

حياكم الله بنات وانا ماحطيت موضوعي الا للتنبيه

 

[QNO3A]

والله يا حبايبي انا نفسكم اطالع البشر و انا محتارة ليش يبوون عيال ومالهم خلق تربية انا من ولدت بنتي قلبت حياتي بالشكل اللي يرضي بنتي و ربي وقتي كله لها صج انا اداوم الصبح اقل من سبع ساعات براتب ضعيف وعرضو علي الزيادة مقابل زيادة وقت الشغل رفضت قلت بنفسي انا شبي بالزيادة بلعب فيها انا معاشي اللي مقابله قاعده اهد بنتي بالنهار كله لها ان جان ملابس العاب اي شي تبيه و من ارجع من الدوام والله وبدون مبالغه امسكها لما بلييل ما افارقها الا وقت اللي بروح الدوام و الناس اللي حواليني بعضهم يتطنزون انتي شفيج حمدلله والشكر عمرج ما شفتي ياهل .. شفيج فجي عن بنتج شوي .. شدعوا ما تخلينها بالبيت بروحها شفيج وسواسية .. انا ما عندي ثقه بأي احد انه يهتم فيها مثلي و مثل حبي لها ترى حتى الابهات ماكو مدى مقارنه بالحب مثل انتي الي طلعت من روحج وانتي تولدينها انا لما احطها عند اي احد يقولون لي بنتج ما ترضى تاكل بس تحن ليش مالهم خلق يجاروونها بالاكل لقمة لقمتين ما تبي خلاص شيلوو و لما ايي اوكلها تاكل لانهم يوعوها بحجه انها ما تبي مو مشتهية تاكل والله اعرف وحدة قاطه عياالها قط عند الخدامه و اليهااال رايحين فيها امراض و مصايب لا وتقولي شفيج عاليهال خلييييهم يكبرووون ( ما اقول الا الله ياخذج اذا هاذا تفكييرج ) في بنات مو كفووو امومة كفوو نعاال مع احتراامي للجمييع و تحية لكل ام تهتم بعياالها

 

[QNO3A]

وازيدكم من الشعر بيت ريلي و اهله يسؤلوني انتي ليش يايبة خدامه عشان تنام و تحط ريل على رييل ؟؟
ها عيل اهي تربي بنتي ؟؟
الصبح اوديها بيت امي و اذا امي سافرت اخذ اجازة او اوديها بيت اختي و حتى اذا بروح عرس اذا لزم كلش تكون يا عند ابوها و اذا مشغول ما اروح ابوو العرس ابوو الرووحه
اذا بروح الصالون على نومتها و يكون احد في البيت ابوها او امي وبس الله يحفظ عيالنا بعينه اللي ما تنام

 

[ام نجـــلاء]

انا مااقول غير الله يعين الموضفه

انا ارد من الدوام حتى راسي مااحطه على المخده ومجابله ولدي اربع وعشرين ساعه

كل شي يعتمد على ضمير المره


ياما فيه حريم قاعدين في البيت مادروا عن عيالهم

 

[العاطفية]

والله يا حبايبي انا نفسكم اطالع البشر و انا محتارة ليش يبوون عيال ومالهم خلق تربية انا من ولدت بنتي قلبت حياتي بالشكل اللي يرضي بنتي و ربي وقتي كله لها صج انا اداوم الصبح اقل من سبع ساعات براتب ضعيف وعرضو علي الزيادة مقابل زيادة وقت الشغل رفضت قلت بنفسي انا شبي بالزيادة بلعب فيها انا معاشي اللي مقابله قاعده اهد بنتي بالنهار كله لها ان جان ملابس العاب اي شي تبيه و من ارجع من الدوام والله وبدون مبالغه امسكها لما بلييل ما افارقها الا وقت اللي بروح الدوام و الناس اللي حواليني بعضهم يتطنزون انتي شفيج حمدلله والشكر عمرج ما شفتي ياهل .. شفيج فجي عن بنتج شوي .. شدعوا ما تخلينها بالبيت بروحها شفيج وسواسية .. انا ما عندي ثقه بأي احد انه يهتم فيها مثلي و مثل حبي لها ترى حتى الابهات ماكو مدى مقارنه بالحب مثل انتي الي طلعت من روحج وانتي تولدينها انا لما احطها عند اي احد يقولون لي بنتج ما ترضى تاكل بس تحن ليش مالهم خلق يجاروونها بالاكل لقمة لقمتين ما تبي خلاص شيلوو و لما ايي اوكلها تاكل لانهم يوعوها بحجه انها ما تبي مو مشتهية تاكل والله اعرف وحدة قاطه عياالها قط عند الخدامه و اليهااال رايحين فيها امراض و مصايب لا وتقولي شفيج عاليهال خلييييهم يكبرووون ( ما اقول الا الله ياخذج اذا هاذا تفكييرج ) في بنات مو كفووو امومة كفوو نعاال مع احتراامي للجمييع و تحية لكل ام تهتم بعياالها

يعطيج العافية وترى انا قصدت الي انتي قاعدة تسوينه يعني تدوامين بس بنتج عند امج هذا من حرصج عليها وانتي تستحقين هالامومة وبالنسبة للي يقولون مو مصدقة عندج ياهل انا انقالي نفس الحجي بس ابتسمت لاني ادري انهم يغارون اي والله يغارون من حرصي ودهم يصيرون مثلي بس مايقدرون لان ببساطة مالهم خلق والطفل يبيله مجابل وحاليا الي اشوفه صار الكل مهتم بشغلات ثانية باستثناء الطفل واعليا عليهم هالفقارى مايندرا شيصير فيهم بغياب اهلهم
ونحية لج لانج حريصة:rerrerek:

 

[العاطفية]

انا مااقول غير الله يعين الموضفه

انا ارد من الدوام حتى راسي مااحطه على المخده ومجابله ولدي اربع وعشرين ساعه

كل شي يعتمد على ضمير المره


ياما فيه حريم قاعدين في البيت مادروا عن عيالهم

ما يمنع ان الام تشتغل والوظيفة اصلا في صالح الام والاولاد لكن ماتتركهم مع خدامة بدون رقابة--انا وااااايد قلت وعدت وزدت روووووووحوا وظايفكم بس ودوهم حضانة او مع الخدامة عند اليدة او الاخت او اي شخص قريب يراقب والخدامة تساعد بشوفة الطفل--مع ان انا ضد الخدم ومااااعندي خدامة ولا افكر اييب لكن للي ماتقدر بدون خدامة مافي مانع خليها تراقب الطفل بس في عين عليها امج ام ابوهم او الحضانة ممكن تكون حل اذا ماعندج احد
واهمال الامهات بكل مكان باختلاف اوضاعهم بس المشكلة بالي تقول انا مااهد عيالي الا الصبح---بالذمة شفرقت خو هديتيهم باختلاف ظرفج الصبح باللليل المهم انتركوا بروحهم والخدم مافيهم الثقة من جدامج شي ومن وراج شي ثااااااااااااااااااااااني

 

[الجفووول]

كلامج عدل وبالصميــــم

تدرون بنات اعرف وحده عندها 3 عيال وربي انهم ينامون عند الخدامه
ولا بعد الخدامه تبدلهم البامبرز على فرآشها تخيلوا !!!!!!!!!!!

وهات يالطلعات والقهاوي واذا شافتني دايما مع بنتي تقولي انتي ماراح تعيشين دام هالبنت متعلقه فيج جذي
ودايما تحاول تحسسني اني انا الغلط واهي الصح

 

[العاطفية]

حبيبتي الجفول الظاهر هذي أنا بعد اعرفها عندها ثلاثة والصغيرة توها لها شهرين مولودة وتنام مع الخدامة لا وحملت بعد تقول بييب وايد وافتك ليش اهوا تفريخ بس؟
مافي ذرة إحساس الله يهديهم والله يثبتنا ياااااااااااااااااااااااارب