الخدامه والمطعم

[tmtmt]

الله يعينج ويخليلج ياهم ويحفظهم يا رب

انا بنتي توها 5 شهور اسم الله عليها لي الحين اشوف الوضع سهل الخدامه عمرها ما جاستها حتى ما المستها لي الحين
ادعيلي الله يتمم علي ويقويني واذا صارت بعمر بناتج يكون الوضع عندي عادي

 

[داريني]

ما أحب أشوف هالمنظر ....

ودي أسوي استطلاع ... وقلت أكيد بطلع ب 90 % خدمهم معاهم ...وتروالي بالسفر بعد ...

تدرين موحلوه إن الخدامه امجابلتج إنتي وريلج واعيالج ....واللله عيييييييييييييب ...

اشدعوه تحملو اعيالكم اشوي .... كل ما أروح أتسوق أو أروح مطعم أشوف هالخدامه دايخه وتدز الياهل ... ترى هم إهيا إنسانه تبي ترتاح ...

خلينا من الخدامه مع يمعة حريم هاذا عادي ... بس مع الزوج ... كم مره أشوف الريال ابروحه مع اعياله والخدامه (( شكو))...

رحت الكوت وإلا البريطاني مع زوجته واعياله صغار بدون خدامه ... ليش اهما غير عنا !!!!!

إلا التربيه غير ...وعلموهم إذا راحوا مكان لازم يحترمونه ...مايقطون وسخ ولا يبهدلون عمرهم ويطلبون الشي بأدب ...

اتعبوا بالتربيه ولقوا ....



-----
مره رحت سنتر بوينت الأثاث وإلا الخدامه يمها الياهل ونايمه على القنفه... اكسرت خاطري والله .... شالفايده يايبينها

-------------
ليش إذا سافرت الخدامه نضيع ... لأن الاعتماد الكلي عليها ... اتلبس ... اتربي ... تطبخ ... تتسوق ... ترز ويها بالمطاعم ومالها سالفه ...

بالنسبه حق الاجانب سأليني انا عنهم
عندي رفيجات بريطانيات ترا عبالكم مرتاحين
والله العظيم العن منه
بس يمكن ظروفهم مو مثل ظروفنا
بيوتهم صغيره ورياييل تساعد مو بس يفكر في بطنه

عالعموم
بس انا يكسرون خاطري الخدم
اشفيها اذا راحت معاج المطعم وقعدت تاكل حالها حال اي بني ادم
انا اتكلم في حاله اذا كانت طلعه عائلية
واذا خايفه على ريال قعدي انتي وياه على صوب وخلي خدامتج صوب ثاني بحيث انه ما تجابل الريال

حبيبتي داريني ضروفج غير البنات يقصدون الي عندها ياهل مو ثلاث
انا عني على حسب اذا سوق وابي اقضي وبعده نروح مطعم مرات اخذها يعني حسب مشوارنا مثلا ايكيا ماقدر اقضب الولد من المواعين والاكسسوارات واسم الله عليهم يهالنا ما يحتاج؟ يكون بالتناوب بيني وبينها بحكم اني ابي اتشرى
اخذها تساعدني بس اما الاكل لاااااا اخليها بطاوله وتاكل براحتها وانا اوكل ولدي
واذا كان زحمه نادرا اخليه معانا
بس صارلي فتره من هالسالفه يعني اذا عندي مقاضي ومشغوله احطه عند الوالده الله يخليها لي

الله يخليه
ترا انا يوم كان عندي بس ولدي ما يبت خدامه الا لما حملت في بناتي
حتى لما كنت اوديه عند امي ولا خواتي كنت انحرج لانه مسئولية وخصوصا امي مره كبيره
مالها خلق تبدل وتركض وتشيل وتحط على الاقل الخدامه تساعدها ويكون الولد قبال عيونها

لله يعينكم حبايبي بس انا هم ما اايد وجودها الدايم معاي وعندي 4 الله يحفظهم وعمري ماخذيتها معاي وانا طالعه مع ريلي اصلا عمرها مابدلت ولا وكلت عياااااااااااااااالي مسؤوليتي ومسؤولية ابوهم

الله يخليهم لج انشالله

 

[داريني]

الله يعينج ويخليلج ياهم ويحفظهم يا رب

انا بنتي توها 5 شهور اسم الله عليها لي الحين اشوف الوضع سهل الخدامه عمرها ما جاستها حتى ما المستها لي الحين
ادعيلي الله يتمم علي ويقويني واذا صارت بعمر بناتج يكون الوضع عندي عادي

الله يخليها كربونش هههههههه
لا وحده هينه انشالله:dddds:

 

[الدلوعه2008]

انا اقووول ما احب الخدامه لو شنو تلوع جبدي

احس الناس ما لها مسئوليه

والبنت كسوله

لو اني متزوجه اكيد ما راح اجيب خدمه لو شنو

 

[[[ عيون جابر ]]]

أمبي الحمدلله والشكر شصار يعني لي حطت ولدها بحضنها ووكلته تاله الخدامه معاها وين ما راحت
اذا اهي موقد تتحمل المسؤوليه اشحقه يابتهم وقطتهم على الخدم وعلى قولة وحده وتالي قولو ريلي خانني ويحب الخدامه مو انتي ساحبتها وراج بكل مكان حتى ماكو خصوصيه
يارب لاتبلانا هذول الحريم الي ينقال عنهم موكفووو

 

[جمانا]

طبعا لاننا صرنا نعتمد ع الغير في تسيير امورناااااااا بشكل غير طبيعي

عن نفسي عندي خمس عيال

ومن وقت للثاني نغير ونروووح لمطعم بس مااااااااااااااحب اخذ الخدااااامة وياي

رغم ان اخر اثنيين من عيالي ورا بعض


البنت سنه ونص والولد سنتيين كانهم تووووام


بس احب الخصوووووصيه في جمعتي مع زوجي وعيالي


كفاااااية بالبيت تحسين انك مرااااقبة من قبل الخدااامه


لولا ظروووف اني معلمة وشغل المعلماااااات اللي مايخلص ومتعب كان اقوووووول بلوووووك ع طلب الخاادمااااات


الله يجيب هاليوم بخير ونستغنىىىىى عنهم يارب


تقبلوا مروري

 

[ماكو احد يستاهل]

شكو يعني المره مو لازم تقعد مع ريلها شوي ولا يابت عيالها وخلاص
هالياهل لازم ينكد عليهم العيشه ؟
حتى اهم يبون شويه خوصيه

 

[عهود الحب]

انا عيالي كوكش ستة بسم الله عليهم وحواليهم
الكبير بروحه قبيلة بروحه على كبر سنه بس اخبل منه مافي يدور الشي الغلط ويسويه بس شاطر يستفزني طول الروحة
البنات كلهم حبوبات بس لو بتمشى معاهم الصغيرة بتلعب فينا لعب لعب


انا اعترف انه نروح للمطاعم واخذ خدامتي معاي بس تخيلوا الوضع انا وفريقي داشين الالعاب او المطعم منو بطالع ومنو بتابع


ياخرابي ياخرابي جم عين لي وجم راس وجم ايد وكلهم فاصلين كل واحد اردى من الي اصغر منه


بس انا وعيالي مانروح مع زوجي مع الخدامة
اذا انا وزوجي وعيالي طالعين اروح معاه بروحنا واخليها بالبيت تتحلطم ماتحب الوحدة واعليه هاهاهاها عودناها عاللجة والصجة


بس لأن هالحالة نادرة ندرة المطر بالصيف فما اروح الا مع عيالي وخدامتي وطبعا هي لها نفس مثلهم ولها حقوق مثلهم
واصلا بناتي لي قعدت اكل ياكلون صوبي مايعترفون فيها مع انها حبوبة
بس تدرون يحبون يغثون امهم :dddds:



اما سالفة الخدامة مثل الديكور الاجتماعي مااحب هالسالفة والناس اجناس
في ناس تعتبر هالوضع كشخة ورزة لهم وفي ناس مضطرة والله اعلم بظروفهم

 

[ميونة الحلوة]

مع الزوج لا بس اذا مع الخوات اي عادي و بطاوله لهم بروحهم مع اليهال ياكلون مع بعض يكونون كلهم خدم متجمعين بطاوله وحده ويا اليهال

 

[انصاريه قمره]

ما اعتقد الام تقدر تشيل عيالها الاربعه اول الخمسه وتستغني عالشغاله بصراحه بتركض ورا منو وبتخلي منو ؟؟ ما تلحق الام برووحها ومشالله كلكم تقولون غلط وغلط عيل الخدم اللي بالمجمعات نشوووفهم خدم منو؟؟
انا حاليا ما عندي شغاله بس لي صار عندي ثلاث ولا اربع يهال اكيد بحتااج وبييب

 

[tmtmt]

والله سؤال محيرني

شلون الخدامه تقدر تعابل وتركض ورى 4 او 5 يهال على قولتكم

والام ما تقدر !!!!

شي غريب

 

[الحراير]

انا معاج

 

[حكستار]

انا اخذها معاي اذا الياهل راح يلعبون...او اننا رايحين مكان بعيد واهي رايحه معنا
لكن بشكل عام...وبالرغم اني موظفه...لكن غالبا اراقب عيالي واجابلهم...تأكلهم لما اكون مشغوله...بس غالبا انا ادخلهم الحمام( تكرمون) وعيالي يناموا معاي مو معاها
والرقابه مطلوبة...وبعد هم يتعبون يبون راحه...مالازن نقط كل شي عليهم

 

[الريادة]

كل واحد و ظروفه يختلف م عايلة الى عايلة.
بس أييب الخدامة ديكوور لألأ ..
حلاته مع ريلج تاخذين راحتج معاه و تعيشين حياتج.

 

[futooosh]

لو اطلع مع زوجي نتعشى بروحنا
العيال انا اطلعهم يوم بروحهم
لان الريال دايما ماله خلق الازعاج

 

[خشف كويتيه]

صاجه ظاهره منشره حيل ومو حلوه

 

[Killer^Girl]

واي انا تطفرني هالسالفه
لا مره وحده بالمطعم مقعده الخدامه يم ريلها
كلش كلش لاصقه فيه والله جتفها بجتفه
لاعت جبدي شدعوا يعني خو مسكي ولدج والا بنتج هالجم ساعه منتي ميته مادري شلون هالناس صايرين

 

[Killer^Girl]

بنات شي طبيعي ناخذ الخدامه معانا اذا طالعه بروحج مع اليهال او مع اهلج
بس المقصد والشكل الي مو حلو يكون لما تكونين طالعه مع ريلج ورازه الخدامه معاكم خصوصا بالمطاعم

 

[ياعشيري جعلك السلال]

حده ماله داعي

داريني الله يخليهم لج انشالله

 

[بطاط مهروس]

الخدامة ..... مو ضرورى عندى صراحة ما احب ارزها يمى بالمطعم اذا كنت مع ريلى
اذا مع اهلى اخذها بعض الاوقات
ومشكورة على الموضوع