الخدامه .... وعلامات الاستفهام !

[Alia]

السلام عليكم

الله يرحم اللي ماتوا ... ويشافي كل الجرحى ويصبر قلوب اهاليهم

بنات انا وايد تاثرت بسالفه لكن قبل لا ادعي واتحسب قعدت افكر لانه مهما صار احنا نظل بشر

كلامي مو دفاعا عن احد لكن مجرد وجهة نظر نظرا للمعطيات اللي جدامنا

في وايد شغلات محيرتني وتثير الشك

1- الخادمة وهذي اول نقطه اول شي قالت البنت متنقبه شلون عرفت انه هذي اهي الزوجة ؟؟؟ شلون شافت ويهها اذا اهي متنقبه وهذا كان اول تصريح للخادمه وكلامها وايد متضارب يمكن احد قال لها اتهمي هالمره يمكن ويمكن الله فوقهم لكن مستحيل وبليل وواحده لا بسه نقاب شلووووون عرفتها ؟؟؟

2- الزوج اول ماشاف زوجته باس راسها !!! اذا اهي واهوا مقتنع 100000% انها المتسببه يحس بلحظة حنان خصوصا وانها كانت ليلة زفافه الثاني اللي اهي حولته ليلة سودا !
شنو يبي يوصل لنا هالزوج؟؟؟ غريب الاطوار!!!
3- شريط محطة البنزين وينه؟؟؟ ليش المماطله

4- شلون الجرايد تعلن انها المتسببه 10000% بدون مانسمع راي القضاء ياترى اذا طلع السبب التماس والبنت اعترفت تحت الضغوط شنو بتكون نظرتنا لمصداقية وسائل الاعلام ؟؟ اللي تحووول الجماد الى مجرم معلب قبل صدور الاحكام النهائية

5- اهل المعرس خواته تحديدا ليش ماتم التحقيق المكثف معاهم !!!


انا ما ابي الا الحقيقة وانه الله يبرد قلب اهالي هالابرياء اللي ماتوا ودفعوا ثمن غلطة غيرهم

انا لله وانا اليه راجعون

:0bee2e8d89:​

 

[~Unreachable]

مادري شقول والله !!

بس احس كل شي ضدها ..

واللي بالجدر يطلعه الملاس ..

كل شي مع الايام يبين !

 

[Manol93]

ايييه صح انا معااج وحتىى كلام الجرايد حيل متناقض واخوانها مره قالو ماطلعت كلش ومره قالوو راحت الفروانيه !!

 

[بمبة المفترسة]

والله ساس البلا الخدامة
والخدامة خادمة قريبهم يعني تعرفها عز المعرفة وكلمتهاااااااااااا
وما ادري شلون ينشرون التحقيق قبل مايتبين لهم شي وتطلع جميع التقارير جدا مستغربة
سبحان الله كل شي ضدهاااااااااا

 

[ReeM ^ Style]

انا معاج بكل كلمه قلتيها اختي

الخدامه واهي رايحه تجيب الجرايد ليش مادشت على الخيمه وصارخت او دشت وبلغت اهل العرس يعني هم تعتبر مشتركه معاها بالجريمه
وثانيا عالمعرس الفلته مادري شسالفته يبوسها على راسها يكفأها على اللي سوته ؟

ولا خواته اللي بقدرة قادر نجو كلهم الله يسامحهم بس كل من كان له ايد بهالموضوع

 

[●●●♥ мiss 8α6ωα ♥●●●]

والله لما الحين مايندرى مرات يقولون اهيا اعترفت ومرات يقولون قاعده بالبيت وماطلعت اب هاليوم وكانت قاعده معاها مره عوده اقسمت انها قاعده بالبيت معاها ! شي غررررررريب

 

[ساندريلا]

معاج حق

 

[مسوكه^^]

صح كلامج والله حتى انا مو صدقه
طيب الحين الخادمه ماشافت انها بتولع ليس مامنعتها ؟ليش ما نادات احد ؟
وخواته شمعنه اهم اول من طلع ؟
واساله واجد براسي ودي احد يرد عليها...؟<<<والله كل هذا من القهر على ماتو والمريضين

 

[كريستال ليدي]

وايد علامات استفهام على هالموضوع

 

[.. مـــلاكـ ..]

الله اعلم .

 

[ام الحوراء زينب]

مع الايام انشاءالله يبين كل شي

 

[عاشقة متكحله @]

انا معاج البيت انا اعرفه بنفس شارعنا من الصوب اللي قالوا انها كتت البنزين منه ظلمه لانه ممر بين البيوت والبيت اللي يمهم مبني لي الطابق الثالث مافي حتى لمبه او دريشه شوفوا الصور وتخيلوها بالليل




اشلون شافتها هذا اولا

ثانيا اشلون عرفتها وهي منقبه وظلمه المكان يعني اسود باسود

ثالثا ليه جابت الجرايد وشنو مصلحتها من جيبة الجرايد وهي مو خادمتها عشان تسمع كلامها تقدر تطنشها وتروح او تعلم ليش سكتت وشنو مصلحتها ان الخيمه تحترق باللي فيها

ما اعتقد وحده تبي تسوي جريمه تبين لاحد هي مو غبيه لدرجه انها تسوي شي جدام احد وتثبت شي عليها

وبعدين اذا كان معاها كبريت شتبي بالجرايد البانزين بس تقط عود الكبريت يولع ماتحتاج جرايد



ليش اهل المعرس خواته وامه بالذات مع اني سامعه ان امه شبه عمياء ماصار فيهم شي ولا حتى خدش مع ان الكثير كانوا بالخيمه وهربوا بس ماسلموا من اللهب او الحراره وجلدهم بقع بالاحمر من الحراره مع انهم هربوا هاه

ليش المعرس يقبل راسها الا اذا انه متاكد انها مظلومه او شبه متاكد او عنده شك بمدى قدرتها على فهل هالجريمه البشعه

هي اعترفت انها ولعت بالكبريت بينما ان الصور بالجرايد بينت قنينة البنزين وبجنبها ولاعه مو كبريت

والحرمه اللي اقسمت انها شافتها ساعه ورود الخبر وبعدين الرحاب مو قريبه من الجهراء وطريقها حيييييل زحمه خصوصا بالليل وبيوم عطله بعد وصلت بهالسرعه

معقوله سايق التاكسي ماشافها ولاشاف الحريقه على الاقل ماشافها وهي تكت البنزين يشوف النار يوم ولعت لان الكل شافها حتى البيوت اللي وراهم يشوفون الشارع كله ولع من ضوء النار

ليش الشرطه ما تطلع برنت على تلفون المتهمه وتشوف اذا متصله بتاكسي والا لا

ليش ماحققوا مع اهل المعرس ويطلعون برنت على مكالماتهم صج يتصلون فيها او لا خصوصا بوقت العرس بالضبط

انا ما ادافع بس اقول زوجها واللي يكتبونه الجرايد متناقض ياناس

بس هي دام اهلها يقولون ماطلعت ليش اعترفت

والله تعبت من التفكير شي يحير

بس مانقول الا

لاحول ولاقوة الا بالله والله يرحم الموتي الشهداء ويشفي المرضى

 

[الفراشة_البيضاء]

صاجه

 

[ريما^]

نفس الكلام اللي قلته بموضوع ثااني الخدامه تقول شافتها تحوم حول الخيمه وطلبت منها جراايد


طيب ليش مامنعتها او سوت ردت فعل وحده او بلغت احد ,, ليش سكتت ومابلغت ؟؟؟؟؟؟؟


وعلى كلام سواق التاكسي انو وصل وحده منقبه طيب كيف عرف انو هي ؟؟؟؟؟؟


واخت المعرس اللي ارسلت للمتهمه مسج تقول لها انو هي السبب مو المفروض تكون منهاره ومتآثره باللي صار مو ترسل مسجات ؟؟؟؟


واهل المعرس اللي ماصار لهم شي ونجو بآعجوووبه ؟؟؟؟؟؟؟؟


وشريط المحطه وينه ليش ماجابوه لين الحين ؟؟؟؟؟


المفروض يحللون جميع خيووط القضيه ويجمعون الآدله ويستجوبون الكل عشان يوصولون للحقيقه كامله ...


وانا ماادافع عن المتهمه واذا كانت هي جزائها الحرق قبل مايعدمونها عشان تحس بحرارة النار اللي احرقت العالم فيهاااا ...


وفي سؤال محيرني كلام الزوج جدا متناقض ويقول خالة زوجته هي السبب في مشاكلهم طيب ليش ماتكون الخاله هي المجرمه لانو حست انو المتهمه مو مرتاحه مع زوجهااا ؟؟؟؟


ربي يرحم الموتى ويشفي المصابيين ويجازي اللي كان السبب

ملاحظه ( مو المفروض انو عرس والعرس معروف يكون زحمه وعالم وبزران يلعبون بالشارع ورجال تنزل الحريم ) معقوله محد انتبه لها وهي تولع بالخيمه ؟؟؟؟


بعدين زواااج مافيه حااارس على الباب يحرس المدخل غريبه

ووين الناااس مافي احد كان مار بالشارع خصوصا انو الزواج كان بحاره وبين بيوت ؟؟؟؟؟؟​

 

[رووح حبيبي]

الله اعلم
والله سبحانه حسيبهم

 

[{عسوله مطير]

الله أعلم سبحانه

وصحيح ليش خدامه سكتت وماصارخت وعلمت احد من جيران قبل ماتشب نار

!!

 

[بتبوتااا]

اللــــــــــه اعلم

بس ياناس طلع بيان رسمي من الداخليه انهاا اعترفت بالجريمه !

يعني الداخليه متكلمه وبالاخبار

ياربي افتر رااسي نبي الــــــــــــــــصج !

 

[طال الهجر]

والله يا بنات التحقيقات للحين ما خلصت وبنشوف يمكن الداخليه اضغطوووا عليها <<< وانتو عارفين شلون


واعرفت زور والله ما يندرى

 

[قـہۈه فـرنسيـہ™]

اي والله صااااااااااااجه أنا مثلج بالضبط ...شااااااااااااكه حيييييييييييييييل انه في شي مو طبيعي بالسااالفه ,,,

وحتى لووو انها اعترفت ,,, << اللي تشوووووفه بالأدله الجنائيه يخليها تتقول غصب بشي ما سوته ,,,

مانقووول الا الله العالم ,,, كلها كم يوووووووووووم وتتوضح الأمووووور ويتسكر ملف القضيه

 

[كيوت_25]

الله يعينها و يغفر للضحايا و يمسح على قلوب اهلهم

يا رب انت اعلم منا بإلي صار يا رب تنصر المظلوم و تنتقم من الظالم

و حسبنا الله و نعم الوكيل