الخدامه .... وعلامات الاستفهام !

[ضماي هو وهناي]

معاكم حق والله
الله اعلم بالظالم اما الخدامه ..........؟؟؟؟؟؟؟؟؟؟؟؟؟؟؟؟؟؟؟؟
انا باطين جبدي هالخدم ما اادري يتقربون بعد ما يتشمتون والالا غباء مااادري
ماتلاحظون انهم ما يتكلمون باي مصيبه الا بعد مايصير اللي يصير ...
كل الخدم حتى الزينين نقول خوف او شماته او قلوب سودا ما تعودت على التراحم والتماسك لان الاغلبيه مو مسلمين واحنا المسلمين على قلب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله باطه جبدي هالخدامه ......................!!!!!!!!!!!!!!!!!!!!!!!!!!!!!!!!

 

[futooosh]

الله اعلم

 

[تعب]

مساء الخير خواتي


أشكر صاحبة الموضوع لأنها ومن خلال طرحها وأسئلتها القيمة
أضاءت بشكل عقلاني كل ما هو غامض في هذه الحادثة

حتى الان لم تصرح الداخلية حول مسالة الشريط ومحطة البنزين
وفي حال تم عرضه كدليل
لن يؤخذ به في حال كانت المتهمة منقبة
والشيء الثاني اتهام الخادمة ومواجهتها للمتهمة بأنها هي من اشعلت الخيمة
غير ملزم فيه إن كانت منقبة حتى وان تحدثت معاها
كيف تتعرف من خلال الصوت والضجيج يملأ المكان خاصة في مثل هالمناسبات

الأخوات اللي قالوا أنها اعترفت والإعتراف سيد الأدلة
نعم الإعتراف سيد الأدلة إلى جانب أدلة تتجاوز الأربعة لتلحق بإعترافها ليؤخذ به
والأخوات اللي قالوا أنها ممكن تكون تعرضت للضغط أو الضرب
أذكرهم بحادثة صارت قبل فترة قصيرة
شاب خلوق من فئة المعاقين يتحدث بشكل بطيء جدا جدا
أمسك به أثنان من الشرطة وضربوه ضربا مبرحا
والمسكين لم تعطى له فرصة ليخبرهم وكان يقول انه معاق لكنهم وبكل سذاجة
قالوا شفناه يمشي يعني مو معاق وكأن مجرد ذكر كلمة معاق
يفترض أنه لا يمشي ويستخدم الكرسي المتحرك
جهل في مثل هذه الأمور وتجاوز في تطبيق القانون حين ضربوه ليعترف أنه سكران
وحتى الآن القضية في المحكمة ومن ضربوه في دواماتهم عادي

المتهمة في الثالثة والعشرين من عمرها وتم التحقيق معها لساعات تتجاوز العشر ساعات
ولكم ان تتخيلوا مدى التعب والخوف والرعب الذي تعرضت له

الله يستر على الكويت واهلها

 

[TuTTi^FruTTi]

ها بنات ماكو شي يديد

 

[كعيب الضبي]

طيب ليش تعترف

 

[كويتية 1990]

بنات بعلم النفس لمن شخص تتوجه له اصابع الاتهام بجريمة ويتعرض لضغط نفسي من عدة اطراف مختلفة تأدي الى انه يعترف بجريمة اهوا ما سواها وفوق هذا بعد يقول تفاصيل قيامه بالجريمة " واهوا بالاساس ما سوا شي "


تخيلوا وحدة محترة ريلها متزوج عليها والله العالم شمسوي ريلها وشقايل عشان يحرها من ويهه اصلا مبين انه يني وبكلا الحالتين سواء كانت صج اهيا الي حرقتهم او لا انا اشوف انه ريلها مجرم اساسي بهالجريمة لانه اختار اردى نوع من الخيام ما حط فيها اي وسيلة من وسائل الامان

غير جذي ان كانت زوجته الي حرقتهم فاهوا مجرم لانه ما بلغ عن تهديداتها وثانيا لان من كلام النااس عن سمعته وبالاضافة لشكله بالصور فماتدرون شنو الاسلوب الي مكلمها فيه وحارها الي خلاها تبي تحره وترد اعتبارها .

 

[faroos]

نفس الكلام اللي قلته بموضوع ثااني الخدامه تقول شافتها تحوم حول الخيمه وطلبت منها جراايد


طيب ليش مامنعتها او سوت ردت فعل وحده او بلغت احد ,, ليش سكتت ومابلغت ؟؟؟؟؟؟؟


وعلى كلام سواق التاكسي انو وصل وحده منقبه طيب كيف عرف انو هي ؟؟؟؟؟؟


واخت المعرس اللي ارسلت للمتهمه مسج تقول لها انو هي السبب مو المفروض تكون منهاره ومتآثره باللي صار مو ترسل مسجات ؟؟؟؟


واهل المعرس اللي ماصار لهم شي ونجو بآعجوووبه ؟؟؟؟؟؟؟؟


وشريط المحطه وينه ليش ماجابوه لين الحين ؟؟؟؟؟


المفروض يحللون جميع خيووط القضيه ويجمعون الآدله ويستجوبون الكل عشان يوصولون للحقيقه كامله ...


وانا ماادافع عن المتهمه واذا كانت هي جزائها الحرق قبل مايعدمونها عشان تحس بحرارة النار اللي احرقت العالم فيهاااا ...


وفي سؤال محيرني كلام الزوج جدا متناقض ويقول خالة زوجته هي السبب في مشاكلهم طيب ليش ماتكون الخاله هي المجرمه لانو حست انو المتهمه مو مرتاحه مع زوجهااا ؟؟؟؟


ربي يرحم الموتى ويشفي المصابيين ويجازي اللي كان السبب

ملاحظه ( مو المفروض انو عرس والعرس معروف يكون زحمه وعالم وبزران يلعبون بالشارع ورجال تنزل الحريم ) معقوله محد انتبه لها وهي تولع بالخيمه ؟؟؟؟


بعدين زواااج مافيه حااارس على الباب يحرس المدخل غريبه

ووين الناااس مافي احد كان مار بالشارع خصوصا انو الزواج كان بحاره وبين بيوت ؟؟؟؟؟؟​

هذا الي باط جبدي يعني هم يقولون انها صابة بنزين على الخيمة معقولة محد من المعازيم شافها و ناس تجي و ناس تروح والله اني مو مصدقة و اقول للبنات لا تحسبون عليها و تسبونها و تنشرون صورتها ...... ليش انتم كنتم معاها

 

[ألماس الغلا]

الســـالفه كلهــا عــلامات أستفهـــام بس مصيــر الحقيقة بتوووضح....

والله يصبر أهااالي الضحاايا ويرحم الأمووات.....

 

[حلوه وامورة]

تبون الصراحه صح كلامه لازم يحققون وتحقيق مكثف مع خوات المعرس ولا شنو هالصدفه اللي ولا وحده صار فيها شي وليش كانو لابسين عبي على حسب ماقالوا ناس من اهلهم وكانوا حاضرين العرس ليش ماصار فيهم على الأقل 1% شي واشلون لها مزاج بسرعه رايحه الإخت داقة على بيت البنية هذا مو تبرير حق الزوجه بس في شي غامض

 

[Alia]

الله يستر وتبان الحقيقة لانه اللي قاعد يوصل لنا جزء معقد منها !! فضعنا ومن حقنا وحق هالناس نعرف بس مو بهالطريقة كل يوم تصريح وعقبه نكران وعقبه ..... الخ

خوات المعرس لازم يتم التحقيق المكثف معاهم ومصادرة اجهزتهم وبرنت على رسائل والتحقيق مرة اخرى مع الخدامه يعني نبي سرد منطقي يدش العقل !

ومبارك عليكم الشهر والله يرحمنا برحمته

 

[دمي خفيف]

الجرايد مو كل شي تقوله
السالفه فيها تحقيقات وفي اشياء دقيقه يبيلها تحري

 

[ارنوبه]

ريلها مبين انه مشترك معاها بالجريمه ؟؟؟؟؟؟؟؟؟؟؟

وبعدين كلام ريلها وتصرفاته كلها غريبه ؟؟؟؟؟؟؟؟؟

ويبوووووس راسها لان اهله ماصار فيهم شي لو وحده من اهله بس ايدها محروووقه جان داس على راسها مو باسها ......


وبعدين اهو مزواج وسكير وخايس يعني تصرفاته مو طبيعيه ولا ينوخذ بكلااااامه بس ان جانها اهي الله لايوفقها والله يحرق قلبها ويعذبها بالدنيا

والاخره .. حنا الناس البعيديين مو قادرين ننام ومتنا بجي عليهم شلووووون اهلهم واااااااااي شي يحر ويقهر

 

[سمبتيكا ~]

عادي ترى المنقبات مو نسخه وحده عشان مانفرق بينهم ؟!
انا لوكنت بالسوق او اي مكان وشفت وحده اعرفها و منقبه اعرفها عااااااااادي
مو لهدرجه النقاب يخفي الملامح .. ترى هم الزول و طريقة الللبس و هيئة الجسم
كل هذا يخليج تعرفين المنقبه ...مو بس عيونها

 

[نبتة غلا]

احس انه فيلم اكشن
على دراما على شوية هندي
الحمدلله على العافيه
حسبي الله ونعم الوكيل على كل ظالم:0bee2e8d89:

 

[أم معآذ]

استعينوا بالمحقق كونان يحل لكم القضيه
الصراحه بنات .. حسافه عليكم
بينتوا انكم اكثر جنسيه عربيه تحب القال والقيل وذابحكم الفضول والهذره والحجي باعراض الناس
لدرجه انكم صرتوا اتحجون باعراض الناس
الي تقول بريئه والي تقول متهمه وتدعي
واللي تتهم الخادمه والي تتهم خوات المعرس
ياربي عليكم بس
رمضان باجر وكل عام وانتوا بخير
ماله داعي هالسوالف
مو ملاحظين انكم اهملتوا الاقسام الثانيه ومالكم سالفه الا هالقسم؟؟؟
بنت والشيطان اغواها والله كفيل فيها .. بعد ليش هالسوالف
هدو هدو ربي يبارك فيكم

 

[خربشة قلم]

ابي الحق ما ابي اقول اهي ولا مو اهي

 

[نبض القصيد]

المجرم لحد الحين مجهول..

والسكوت هذا وراه مفاجأة..

وإن شاء الله يظهر الحق..

 

[**ريــــــــم**]

يا خبر اليوم بفلوس بكرا ببلاش

واللي بالجدر يلعه الملاس

هذه قضية مو لعبه

لالزم ياخذون وقت وتحليل وادله

وبعدها تبين النتيجه

مع اني اظن 90 بالميه ان هي المجرمه

ولا جان مااعترفت ووهقت عمرها

والله العالم

 

[ام سعود ديكسون]

عليا انا معاج في تناقضات بالقضية واجزاء مفقودة وحولوها قضية راي عام بينما هالشي يهضم حق الضحايا و يخرب الادلة و سرية التحقيق المفروض محد يفتي الا المباحث الجنائية مو الصحافة والناس تبي سبب مقنع ليش مات هالعدد من الحريم والاطفال تبي تبرير منطقي يدش العقل
عظم الله اجرنا واجركم

 

[ترانيم العود]

ياربي انا عندي اسأله ومحيرتني


اول شي الخدامه

في جرايد كاتبة ان الخدمه ساعدتها وعطتها جرايد
وفي جرايد اكتبت ان نصرة يوم شافت الخدامة انحاشت

بصراحة هذا الكلام في تناقض

بعيدن نفرض ان الخدامة مساعدتها وحطت معاها الجرايد معقولة محد حس فيها من اللي قاعدين بالخيمة وهي تحط الجرايد

ويوم حطت البانزين معقوله محد شم الريحة وطلع يشوف

بعدين الخدامة شدراها انها نصرة والمكان ظلمة؟؟

ثاني شي التكسي

اطلبت نصرة من التكسي ان يوقف بعيد من الخيمة يوم راحت شتب بالخيمة محد شافها بالشارع ويوم شبت الحريقة ونحاشت محد انتبه لها؟؟ محد شف وحده تركض


ثالث شي
معقولة محد كان بالشارع؟؟!!

انا اللي اعرفة واذا رحت عرس السواق واقفين عند السيارات وتنطرون معزبتهم ومعقوله مافي سواق؟؟!!

وجيرانهم وينهم ؟

رابع شي
في وحدة معانا بالمنتدى كاتبة ان الله نجاها من الحريق وانها شافت شرارة من تحت الكرسي انتبهوا شرارة انا اللي اعرفة ان البنزين بسرعه يشتب ما تطلع شرارة يمكن يكون التماس كهربائي او من البوفية والبوفية كان بالخيمة

مفروض يحققون مع المعازيم شلون شفتم النار وهي تشتب


خامس شي اهلها

معقوله اهلها مافقدوها يوم اطلعت من البيت يمكن يكونون ساترين عليها؟؟!!

مفروض يشوفون المسافه مابين الرحاب والجهرا ويشفون الاتصالات اللي جتهم بعد الحريقة جم دقيقة واللي ردت عليهم نصرة عشان يربطون اذا هي اللي سوت الحريقة او لأ؟؟
لان اللي اعرفه ان الرحاب مو عند الجهرا وزحمة واشارات؟؟


سادس شي وهو اللي محيرني

ليش على طول اتهموها؟؟!!

بتقولون لان تزوج عليها ومن الغيرة شبت الحريقه وانها مهددة
يمكن يكون تهديدها كلام ؟؟


سابع شي

البنات بالمنتدى يقولون ان اهل المعرس كانو قاعدين بالبيت داخل وخايفين ليش قاعدين ولبش خايفين تعتقدون انهم ورى هالشي؟؟!


معقوله ومعقوله ومعقوله بصراحة افتر راسي

ودي اعرف الحقيقة

وترى التحقيقات ماخلصت وكلها سرية