الخدم ............ و ما ادراك ما الخدم

[خبيرة اعشاب]

السلام عليكم

بدش الموضوع سيدا


مؤخرا جبت لي خدامة مسترجعة ,, حلوة و نظيفة و مرتبة قلت ليش طلعتي من البيت الي كنتي فيه جان تقول لي ماما تطقني و ما تعطيني اكل

قلت اوكي ( بيني و بين نفسي لو قايلة بابا طقج اصدقج بس مرة اطق غريبه ... لا و بعد موظفة و عندها عيال تطلع و تخليهم مع الخدامة ...) ما تعطي اكل هاذي بعد نصابة ما في بيت ما فيه اكل ..

سكتت

ما تمت عندي يومين عرفت عيبها الاصلي ... فاااهية بكل ما تحمل الكلمة من معنى


جبت ثانية هم بعد نفس السؤال ليش طلعتي ؟؟ ما يعطوني معاش ...

4 اشهر تشتغل بدون معاش .؟؟ ..لا و مكملة سنتين عندهم ...

و اتضح عيبها بعد اسبوووع ... فضولية .. و مبين يدها خفيفة بس ما مسكت عليها شي للحين ......

جبت ثالثة .... جان تقول لي ماما طقتني ... بعد

من متى ماما تكفخ الخدامة ؟؟

و الله يوم اطالع و لا الخدامة كل جسمها ازرررق ... هاذي قضية اصلا

قلت ليش جان تقول لي كسرت جامة الحمام طقتني بالنعال ... افاااااا

طبعا ما خليتها عندي لان قلت هاذي الي وصلت معزبتها لدرجه انها تطقها اكيد انها تستفز و تحرق الاعصاب :eh_s(22):


سؤالي :

هل توصل فيج انج اطقين خدامتج ؟؟

و ليش تودينها للمكتب ؟؟؟

اذا كانت خدامتج سرووق اتودينها المكتب او اتسفرينها ....؟؟

تعتقدين المسترجعة زينة او فيها ان ...............؟؟

 

[دلوعة عمري]

رد : الخدم ............ و ما ادراك ما الخدم

اااااااااااااب لعيونج لاني ما عندي خدامة اخواتي يفيدونج

 

[*+ شـــهـــد +*]

رد : الخدم ............ و ما ادراك ما الخدم

انا بصراحه عندي اللي تمد ايدها عالخدامه وحده هيلقيه وما تخاف من ربها
في شي اسمه اسلوب حضاري ..مو عاجبتج رديها المكتب او سفريها ..

ما يسوى عليج تسوي شي بعيالج والا تبوق اغراضج
والا حتى تسوي لج سحر او تتبلى عليج او تنتحر ... الخ

سالفة اخلاقها مو زينه عيونها زايغه او ايدها خفيفه او ما تبي تشتغل.. لازم تردينها ..

اما ملقوفه ..هذريه .. مزاجيه .. عادي صبري عليها
محد كامل ..تبينها يعني فل اوبشن !!

اهم شي تشتغل و نظيفه و خلوقه .. واذا عاملتيها زين .. ان شاء لله بتتحسن

والمسترجعه يمكن تكون زينه يمكن لا . على حسب وضعها

 

[أغلى حبيبه]

رد : الخدم ............ و ما ادراك ما الخدم

ولكممم ام خالد بمواضيعج الحلوه



هل توصل فيج انج اطقين خدامتج ؟؟

لا طبعا عمري مامديت ايدي ولا افكر اطقهم

اذا هاوشتها اتم طول الليل ايدي على قلبي رايحه وراده على عيالي اخاف تسوي فيهم شي


و ليش تودينها للمكتب ؟؟؟

مااحب الملسونه كل شي ولا ترادد

ولا الملقووفه وااااي اتعل القلب


اذا كانت خدامتج سرووق اتودينها المكتب او اتسفرينها ....؟؟

اوديها المكتب يادبونها ولا كل يوم رافعه ضغطي

تعتقدين المسترجعة زينة او فيها ان ...............؟؟

ماجربتهم دايما طلبات يديده

 

[mafio98]

هل توصل فيج انج اطقين خدامتج ؟؟
ولامره مديت ايدي على الخدم بس مره وخده رفعت ضغطي شعره واطقها بس تعوذت من ابليس وسكرت غرفتي علي عشان ماامد ايدي ونفس اليوم رديتها المكتب !!!!
تخيلوا خدامة يبتها وملقووووووفه درجه اولى حتى وانا نايمه تبطل باب الغرفه تقول باخذ زباله!!!!!! ولما زفيتها تقول انتي اوص انا مافي كلام مع انتي انا كلام مع بابا@@ والله كنت بنتفها بس تعوذت من الشيطان

و ليش تودينها للمكتب ؟؟؟

ماحب اللقافه ولا الجذب ولا البوق وبعدين هلايام اهم الي يقولون وديني المكتب مو احنا صرناتحت امرهم خدامتي بس ريلي زفها واهي عندي 8 شهور قالت مابي اقعد عندكمودوني مكتب ليش تزفوني!!!

اذا كانت خدامتج سرووق اتودينها المكتب او اتسفرينها ....؟؟

طبعا مكتب انا دافعه فيها شي وشويات وهم بدفع لها تذكره


تعتقدين المسترجعة زينة او فيها ان .........


مااعتقد في احد يودي خدامته المكتب اذا كانت زين اعتقد الكل محتاج خدم ومومستعد ينطر جم شهر علئ ماتيي الثانيه ؟؟[/center]​

 

[بنت حلال]

هل توصل فيج انج اطقين خدامتج ؟؟

اي والله عطيتها كف...وكانت المرة الاولى والاخيرة!!!!
لما تكتشفين بنتج الصغيرة ام 6 شهور ما تقول كلمه ماما وتقول بدالها حبيبي...ولما تشوفين ولدج يخاف من ظله!!!!
واخرتها تلقينها تواعد السايق وتخربط معاه !!!!!! شنو تسوين؟؟؟
مو عارفه عيالج شنو شافوا ولا حتى اسمعوا!!!!!
و ليش تودينها للمكتب ؟؟؟

اذا كانت سروق او لسانها طويل او مو نظيفه اوديها المكتب...يمكن تتصنع بعد فرارات البيوت!!!!
اذا كانت خدامتج سرووق اتودينها المكتب او اتسفرينها ....؟؟

لا اويديها المكتب وابلغهم...وصارت معاي مرة بلغت معزبتها الجديده وعادي خذتها!
تعتقدين المسترجعة زينة او فيها ان ...............؟؟
انا عندي حاليا ثنتين مسترجعات..وماعليهم...مو الكل زينات او حتى شينات...في ناس ما تخاف الله بخدمهم!!

 

[خبيرة اعشاب]

رد : الخدم ............ و ما ادراك ما الخدم

مشكورين بنات على التفاعل



بس خلووني اقول لكم شغله

انا اعرف وحدة :gr4uu: تطق الخدامة طق ...

و اتسكر عليها الثلاجة , تعطيها اكل بحساااب

الخدامة ما تستلم معاشها الا بعد مدة :eh_s(2):

المشكلة ان الخدم ببيتها نفس الساعة:dfgl: .. تقولين وحدة اتخربط .. ما تشتغل ... اتسوي مشاكل .. ابدااااا
:lkmnkl:



ليش عندنا حنا يتدلعوون ؟؟

و الله يا بنات امس شفت وثائقي بالجزيرة عن الهملايا و نيبال ... الناس مدري شلون عايشيين فقر .. فقر

مو لاقين اكل .. الحمد لله و الشكر

لما يجون عندنا يبتدي مسلسل الدلع ........

 

[<<لمار>>]

هل توصل فيج انج اطقين خدامتج ؟؟


مستحيل ارفع ايدى عليها مهما كان اهى بشر وفقيرة لها حوبة


و ليش تودينها للمكتب ؟؟؟

اللى لسانها طويل وترادد وجذابة واللى مونظيفة وماتبى الشغل تبى بس بسطة وسوالف



اذا كانت خدامتج سرووق اتودينها المكتب او اتسفرينها ....؟؟

اكيد طبعا شبى فيها



تعتقدين المسترجعة زينة او فيها ان ...............

اى فى بعضهم يكونون زينين بس موكاملة لها عيوب يمكن انا اطوفها واتحملها لكن غيرى ماقدر

 

[ثلج مجروش]

خوووش موضوع صراحة

اقول لكم سالفتي مع الخدم

عندي خدامتين وحدة سافرت و الثانية صراحة احبها .. شاطرة و مطيعة قعدت اساحل فيها الين اقنعتها تقعد بعد سنة و اتكمل ال 4 سنوات عندي

فقعدت بروحها و الشغل واااجد عليها
فاضطريت اني اجيب مسترجعة من المكتب

كلهم على قولتهم ماما ما يعطي معاش , ماما طقي , ماما ما يخلي نوم , ماما ما يعطي اكل ....

الزبدة و القا لي بنت شقردية و اجيبها طبعا بعدما رضت عنها ست الحسن و الجمال ( خدامتي الاولى )

طبعا انا خدامتي علمتها من البداية قلت لها يا ماما هاذي لا تعلمينها جم معاشج اخاف تبي مثلج و انتي قديمة .. و لا تقولين كيت و كيت ...اووكي


و الله يسلمكم خدامتي طاحت و تكسرت و ترقدت بالمستشفى

الحين الشغل كله صار على منو ؟؟؟

على الجديدة


تعالوا شووفوا و قولوا ما شاء الله


البيت يلمممع 24 ساعة , ترتيب واضح ,, المطبخ الساعة 1 الظهر ناشف ما فيه نقطة ماي على القاااع , الملابس تنغسل و تنكوي على طووول اول باول

عاد الخدامة الثانية جتني جان تقول لي يا ماما انتي على طول اتحبين هاذي انتي ما تدرين ليش هيا يجي جذي مريضة عشان هيا مو زين

هيا قول انتي مو زين ما يعطي اكل .. طقي ... على طول هاوش ... الخ

عاد انا قلت لا تبي تفتن عليها عشان اتكرهني فيها ... بس و الله يا بنات جابت لي سوالف خصوصية ما حد يعرفهم ... سوالف من الي حذرتها ما تقولهم ..
و اروح و افتح كبتها مسكرته بالمفتاح و القا البلااااااوي ... قمصان نومي .. صور هنوود ( اتعشق بعد مو هينة ) ,, جينزات و اكسسواراتي حتى بواريك ماخدة مني .......

سوالف البوق خلوها على صوب ... و القا صحن عيش مغلفته بقصدير بعد ... مفمهة الاولى اني ما اخليها تاكل بالليل .. قتخبي الاكل بالكبت :jumpon:

و الله يا بنات معاشها 70 , كروت التلفون كل اسبوع اشتري لها كرت , شامبواتها و اغراضها كله علي من الجمعية , مطاعم اطلب لها , و الله مو ناقص الا احب راسها كل يوم بعد ... و هم بعد اتقول عني جذي :eh_s(3): اجل الي بالمكاتب مدري اشلون


و الحين اول ما بترد من المستشفى بسفرها على طووول ... هاذي خبيييييثة

 

[ساندريلا]

حبيبتي اغلبية حجيهم جذب شوفيها شمسويه مثل اليوم امي رايحه مع ريل اختي السفاره الاندونيسيه تقول شفت خدامه يايه مع معزبها السفاره تبي ترد ديرتها حتى تكرمون نعال مولابسه وبدراعه بيت تقول ان مدام طردتني من البيت وقالتلي روحي ماابيج حتى معزبها ياي يقولها شنو تبين من البيت علشان اييبه لج
وامي كاسره خاطرها قلتلها شوفي شمهببه الي معزبتها مو متحمله وطاردتها من البيت حتى مكتب ماتبي توديها مع ان الخدم سعرهم غالي

الحين صايرين اغلبيتهم يايين يستانسون ومايبون يشتغلون

 

[mazo0on]

اه اه اه منهم الخدم
انا متزوجة من16
مقدر اعيش بدون خدامة .
صارلي سنة بدون خدامة كرهتهم الحين يتدلعون وبقوة مو زي قبل مطيعات @.الان الشغالة كتلة من الحقد والحسد@
لازم الي تبي خدامة وتبي تدخلها بيتها تكون قوية وقلبهاقوي ومتخاف منهم .وتضربهم ماينفع معاهم الا العصا
لاكن انا مقدر أضرب .والحمدلله حياتي بدون خدامة راحة نفسية .مع اني عندي أربعة أطفال أصغرهم خمس سنوات .وانا موظفة .أيام الدوام تجي خدامة فترة الصباح فقط(الجنسية من تشاد)طيبة بلمرة تنظف البيت وتجلس عند ابني وذا طلعت من الدوام راحت بيتها الله يحفظها
وبعدين أسوي الغداء بلقدر الكاتم ويخلص بسرعةخلال نصف ساعة .ونتغدى وبعدين أنام .المغرب أقوم انا وزوجي وبعدين أسوي القهوة والشاي
ونحلي واعيالي يلعبون سوني ويطالعون التلفزيون واذا يبون ياكلون والدي الكبير يساعدهم عمرة 11 سنة وبعدين أدخل النت وزوجي يطلع ويتعشون خفايف والحمدللة .هذي قصت حياتي المعذرة طولت عليكم يااحلىبنات في اروع منتدى

 

[MiSS B.K]

رد : الخدم ............ و ما ادراك ما الخدم

مايجوز ضرب الانسان وحتى الحيوان كل مشكله لها حل ماله داعي الطق

 

[خبيرة اعشاب]

رد : الخدم ............ و ما ادراك ما الخدم

ثلج مجروش


اكيد كلما الخدم مصليين فينا شرق

و انا بعد من طبعي ما احب الهواش الي تلتزم تلتزم و الي ما تعقل اوديها المكتب على طول

و ما اقصر معاهم بشي

بس من تجربتي الشخصية الخدامة اذا ادارينها تركب فوق راسج ,, مو اطق بسلا افهمها ان ما في مجال تتدلع عندي

شغلها اتسويه بدون اي تهاون ..

و صدقيني كل ما شديتي عليهم كل ما حبووج زيادة

انا بعد كله ادلع الخدامة و سبحان الله ما تقعد عندي

الحين تشتغل و ما في اي غشمرة بيني و بينها اعاملها بكل جدية ... اتخاف و تشتغل مضبوووط

بعدين بقولكم شغلة من تجربتي الشخصية

و الله يا بنات اذا طيحتي الميانة مع خدامتج و قمتي اتسولفين عليها و تضحكين معها .. اتحس انج انتي وياها في نفس المستوى و تصير على كيفهااااا

بس اذا حسستيها انج انتي غير اتم على طول خايفة منج


و الله بديارهم عايشين بفقر حتى اكل مو لاقين .. و ينطقون مثل الحيوانات يجون عندنا اندلعهم و ندللهم و فوق هذا مو عاجب بعد

 

[MoonDiamond]

هل توصل فيج انج اطقين خدامتج ؟؟

بس مره وحده لعنت ابو الطيب فيها!! ماقصرت معاها كلش
ووديتها المخفر قتلها انزلي اشتكي علي لوووووووووول
الله طيحها بعيني تدرز بنتي عمرها سنه بالمطبخ وتسكر الباب
وكان عندي اهلي والغاز اربع عيون شغاله غير الفرن
لو بنتي تلمس الغاز من برا تحترق
شلون لو طاح عليها جدر اليريش والا المرقوق!!!!!!!!
انا بلا وعي نقزت من مكاني وقتلها وين فلانه بكل وقاحه قالتلي
بالمطبخ!!!!!!!!!
انا انصدمت من ردها وقتلها ليش ما طلعتيها وانا رايحه اركض للمطبخ ابطلعها
جان تقولي هي ما تبي
جان اقولها عمى بعينج هذي بيبي شعرفها بالخطر وعمرها سنه ما تبي!!!!!!!
واييب بينتي وهي واقفه بالممر واطقها على جتفها طقه خفيفه وقتلها يا جيوانه هذي
ما يطقون الباب ويقولون هاكم بيبي حقكم
انا تعبانه فيها

جان تقولي انتي حيوانه وتركض وراي وتدزني
عاد انا هني نزلت بنتي ولعبت فيها كراتيه
وخدامات اختي ثنـين يحبوني ويحبون عيالي ساعدوني
وصارت المعركه بيني وبين خدامات خواتي وبينها الله ياخذها
وخواتي فرقونا
والصدمه انها تهجمة على مره ثانيه
جان تمسكها خدامة اختي وصكتها كف وترطن عليها بالهندي وانجعمت
وقالت خدامة اختي مدام سكري عليها الغرفه هذي مجنونه!!
عاد كنت داقه على زوجي ويا اخذها وداها بيت خالتي
لاني قتله ماتقعد ثانيه في بيتي
عاد على هالطق اللي اخذته طلعنا بس مجعين شعرها
وزوجي يقول مافيها شي ولا واضح انها مطقوقه بس كشتها قايمه
قتله عيل صراخها عياره بس!!!

ااف قلت قصة حياتي لووووووووول

لكن عموما عموما ما امد ايدي عليهم
اذا ما عجبتني على طول اوديها وما اخليها واعور قلبي

و ليش تودينها للمكتب ؟؟؟

اذا ماتنفع كلش ولا عندها استعداد تتعلم

اذا كانت خدامتج سرووق اتودينها المكتب او اتسفرينها ....؟؟

المكتب طبعا اسفرها شكو!!

تعتقدين المسترجعة زينة او فيها ان ...............؟؟

ممكن تكون زينه اذا شفتي جوازها ماعليه اقامات وايد من دشت الكويت

 

[الصعيريه]

رد : الخدم ............ و ما ادراك ما الخدم

هل توصل فيج انج اطقين خدامتج ؟؟
- لا طبعا مآأطق أصلاا حتىى هواش مآأهوااش ..
بس اذا صار موقف وتنرفزت زوجي هو اللي يهاوشهاا بس مآيطق..

و ليش تودينها للمكتب ؟؟؟
- اذا عندت مآتبي الشغل او تضر عيااالي..

اذا كانت خدامتج سرووق اتودينها المكتب او اتسفرينها ....؟؟
- اوديها المكتب..
ومرت علي هالنوعيه..

تعتقدين المسترجعة زينة او فيها ان ...............؟؟
- مثل مآفي الشينه فيه الزينه وخدامتي اللي عندي الحين مسترجعه

ويعطييج العافيه ياقلبي عالموضوع

 

[{هتًان}]

رد : الخدم ............ و ما ادراك ما الخدم

هل توصل فيج انج اطقين خدامتج ؟؟

اهي مره وحده

تسلطت علي وانا مصليه الليل بخلص وانام وجننتني وحصلت كفخه وسفرتها

و ليش تودينها للمكتب ؟؟؟

اذا قالت مابي اوديها

واستفيد من فلوسي ابرك من تنحاش وافلس

اذا كانت خدامتج سرووق اتودينها المكتب او اتسفرينها ....؟؟

اوديها المكتب قلت استفيد الا الأخيره سفرتها من الحره

تعتقدين المسترجعة زينة او فيها ان ...............؟؟

في بعضهم اوكي وجربت وبعضهم لا

الجديده ماتحملها اول وتالي مافي عيال ولاراح تطبخ .. كل الشغل تنظيف وترتيب

 

[farawlaa1]

رد : الخدم ............ و ما ادراك ما الخدم

هاللي تقول ما يجوز تطقون الخدامه اوكي انا معاج بس في حالات استثنائية اطلعج من طورج.. انا قبل جم شهر ماسكه خدامت اخوي و طاقتها طق سنه ابساعه.. اوكي الحين اشوف الكل يقولي هاذي ما تخاف ربها بس بقولكم شلي خلاني انفجر جذي.. انا من النوع اللي ادلععععععععععع الخدامه بس بحدود .. يعني اوديها السوق كل جم شهر و اقولها اللي تبينا اخذي و الميزانيه مفتوحه و انا اللي امشي وراها و ادفع طبعا كله عشان عيالي اسوي جذي .. تلفون على حسابي.. كاميرا على حسابي.. كروت على حسابي.. حاطتلها غرفه بروحها و سرير و تلفزيون و ستلااااااااااايت و مسجل كبر راسها.. اتحدى وحده اتسوي جذي حق خدامتها و انا شقتي غرفتين و صاله و مطبخ تحظيري و حمام.. يعني الشقه كلها اتخلص ابساعه.. اوكي.. بنتي العوده يايتني قبل فترة اتقول خدامه خالي( اللي في بيت اهلي) و انا كل يوم بيت اهلي.. اقط عيالي الصبح اهناك عشان امي تدير بالها عليهم و انا بالدوام و يروحون اشوي شقة اخوي يلعبون فوق مع عيالهم علما ايي من الدوام اخذهم .. المهم اشوف جسمها ازرق اسألها تقولي خدامه خالي دزتني .. انا بنتي اشوي لسانها ثقيل .. ودلوعه اشوي .. المهم انا اقول انتي اكيد شويتي شي غلط ( اخذ على حسن النية) .. لمن تطورت السالفة و شكيت بالموضوع مسكت خدامتي و سألتها(الخدامتين نفس الجنسية)قتلها -نعيمه- اطق اليهال ولا لأ انتي كل فوق معاها؟ تقول انا ما يشوف؟؟؟؟؟؟؟؟؟؟ قتلها حتى لو تشوفين انا ادري انتو الخدم كلة تغطون على بعض.. تخصرتي وقامت تصرخ علي اصراااااخ والله العظيم بسكتها ماني قادرة.. المهم انا طوفتلها عشان عيالي عندي 2 اصغار .. يتلي بنتي امصدعه على يوم قتلها اشفيج تعبانه تقولي خدامه خالي مسكتني من ملابسي و فجت باب السلم و دزتني ما خلتني اصعد فوق و تكرفست على السلم و طق راسي بالدرابزين!!! (الدور الثالث) قتلها يمكن ما تدري صاعده و انتي داحرتيها. وتكرفستي. ما خذيت على كلامها بجد.. ثاني يوم اشوف البنت امصدعه اشوف راسها ولا ورمه اشكبرها (المصيبة ان بنتي السانها ثقيل يعني اقعد اعصرها عشان افهم منها جملتين)و قعدت تحقيق معاها شفت ان السالفة جايده .. الحيوانه متعوده تطق هالمسكينه و خدامتي تستر عليها.. رحت حد الدوسة بيت اهلي و مسكتها من شعرها و فجيت باب السلم قتلها تبيني احذفج نفس ما سويتي ابهالياهل.. والله قولي خافت ؟اهي امسكت ملابسي و دزتني بغيت اطيح و قاعده تسب فيني والله ما خليتها طقيتها طق من حرتي على بنتي و صارت صيحه اخوي نزل قتله عيالي ما يعتبون بيتك وهالمجرمه عندك اليوم دازتهم من السلم باجر تنحرهم.. والله ليلتها وداها المكتب.. وانا سفرت خدامتي اللي ما يبين في عينها
والخلاصة يا جماعه فييييييييييييي اشكال تطلعكم من طوركم غصبا عليكم و لا تطلعلي وحده تقولي حرام عليج جان وديتيها المكتب.. اقولها حطي نفسج مكاني و لو ولدج صار مكان بنتي جان اشسويتي.. لو مكسورة ارقبتها لو صار فيها عاهه والله جان حذفتها من السطح بعد.. عيالي خط احمر الشغل صوووووووووووب و اليهال صوووووووب

 

[برونزية رشيقة]

رد: رد : الخدم ............ و ما ادراك ما الخدم

هاللي تقول ما يجوز تطقون الخدامه اوكي انا معاج بس في حالات استثنائية اطلعج من طورج.. انا قبل جم شهر ماسكه خدامت اخوي و طاقتها طق سنه ابساعه.. اوكي الحين اشوف الكل يقولي هاذي ما تخاف ربها بس بقولكم شلي خلاني انفجر جذي.. انا من النوع اللي ادلععععععععععع الخدامه بس بحدود .. يعني اوديها السوق كل جم شهر و اقولها اللي تبينا اخذي و الميزانيه مفتوحه و انا اللي امشي وراها و ادفع طبعا كله عشان عيالي اسوي جذي .. تلفون على حسابي.. كاميرا على حسابي.. كروت على حسابي.. حاطتلها غرفه بروحها و سرير و تلفزيون و ستلااااااااااايت و مسجل كبر راسها.. اتحدى وحده اتسوي جذي حق خدامتها و انا شقتي غرفتين و صاله و مطبخ تحظيري و حمام.. يعني الشقه كلها اتخلص ابساعه.. اوكي.. بنتي العوده يايتني قبل فترة اتقول خدامه خالي( اللي في بيت اهلي) و انا كل يوم بيت اهلي.. اقط عيالي الصبح اهناك عشان امي تدير بالها عليهم و انا بالدوام و يروحون اشوي شقة اخوي يلعبون فوق مع عيالهم علما ايي من الدوام اخذهم .. المهم اشوف جسمها ازرق اسألها تقولي خدامه خالي دزتني .. انا بنتي اشوي لسانها ثقيل .. ودلوعه اشوي .. المهم انا اقول انتي اكيد شويتي شي غلط ( اخذ على حسن النية) .. لمن تطورت السالفة و شكيت بالموضوع مسكت خدامتي و سألتها(الخدامتين نفس الجنسية)قتلها -نعيمه- اطق اليهال ولا لأ انتي كل فوق معاها؟ تقول انا ما يشوف؟؟؟؟؟؟؟؟؟؟ قتلها حتى لو تشوفين انا ادري انتو الخدم كلة تغطون على بعض.. تخصرتي وقامت تصرخ علي اصراااااخ والله العظيم بسكتها ماني قادرة.. المهم انا طوفتلها عشان عيالي عندي 2 اصغار .. يتلي بنتي امصدعه على يوم قتلها اشفيج تعبانه تقولي خدامه خالي مسكتني من ملابسي و فجت باب السلم و دزتني ما خلتني اصعد فوق و تكرفست على السلم و طق راسي بالدرابزين!!! (الدور الثالث) قتلها يمكن ما تدري صاعده و انتي داحرتيها. وتكرفستي. ما خذيت على كلامها بجد.. ثاني يوم اشوف البنت امصدعه اشوف راسها ولا ورمه اشكبرها (المصيبة ان بنتي السانها ثقيل يعني اقعد اعصرها عشان افهم منها جملتين)و قعدت تحقيق معاها شفت ان السالفة جايده .. الحيوانه متعوده تطق هالمسكينه و خدامتي تستر عليها.. رحت حد الدوسة بيت اهلي و مسكتها من شعرها و فجيت باب السلم قتلها تبيني احذفج نفس ما سويتي ابهالياهل.. والله قولي خافت ؟اهي امسكت ملابسي و دزتني بغيت اطيح و قاعده تسب فيني والله ما خليتها طقيتها طق من حرتي على بنتي و صارت صيحه اخوي نزل قتله عيالي ما يعتبون بيتك وهالمجرمه عندك اليوم دازتهم من السلم باجر تنحرهم.. والله ليلتها وداها المكتب.. وانا سفرت خدامتي اللي ما يبين في عينها
والخلاصة يا جماعه فييييييييييييي اشكال تطلعكم من طوركم غصبا عليكم نهم أ[/COLOR][/I][/B]



قلبي عورني على بنتج ..

وخدمكم شنو جنسياتهم ؟؟؟؟

 

[farawlaa1]

رد : الخدم ............ و ما ادراك ما الخدم

اثيوبيات .. انا احب هالجنسية مو جاسين مثل الفلبن بس هاذي الساحرة كانت مسترجعه 4 بيوت

 

[$حبيبة عبودي$]

رد : الخدم ............ و ما ادراك ما الخدم

هل توصل فيج انج اطقين خدامتج ؟؟ لا مااطقها اخااااااااف بس والله زوجي كوفنها يوم شافها تقرص ولدي بالحمام بنت اللذين وانا كنت نايمه ..حسبي الله عليها وخانقته بعد وعمره سنتين..

و ليش تودينها للمكتب ؟؟؟
اكييييد بعد حركاتها مع ولدي والله ماتقعد اقعد بدونها ولا ينصقع ولدي بس شعقبه صقعته ومشت
اذا كانت خدامتج سرووق اتودينها المكتب او اتسفرينها ....؟؟
والله شفتها بايقه شغلات خاصه سفلت فيها بس ماويتها قامت ترقع تقول مادري وعبالي ماتبونه نصاااابه لوول
تعتقدين المسترجعة زينة او فيها ان ...............؟؟ مادري ليش المسترجعه غاسله ايدي منها ماودها الناس الامن خمالها اروح اخذها
وسعرها مدبول لايبه اخذ جديده بقراطيسها واعلمها على ايدي ...على فكره خدامتي اللي كانت تطق ولدي هنديه