أمونا حبيبتي البنات ماقالوا شي ...
ماقصرن خوفهن على الأخت / كاتبة الموضوع يثبت نواياهم الطيبة !
ندري إنه ينحط بالأكل وبالعكس يعطي طعم حلو
لكن هذا مايخليج تتدهنين فيه كأنه زيت زيتون ولازيت جونسون ؟!
كل وحدة ومزاجها ولج حرية رد
لكن ياعزيزتي لاتطلعين خواتج بمنظر أنتي ماترضين تنحطين فيه
جزاهن الله خير ردوا ع الموضوع وقالن اللي عندهن
لكل الخوات اللي يستعملون الخل نصيحة إستمعلوه بالأكل فقط لكن بلاش ع الجسم
وهذا موضوع كاتبته وحدة تنبه وتحذر فيه خواتها ( وجزاها الله ألف خير )
هلا فيكم ياالغاليات ..
لأني أحبكم في الله قررت أنزل موضوع عن خل التفاح اللي هابين فيه تحطونه على بطونكم وصدوركم وغيره وأنا أولكم بس بعد اللي شفت لاوالله ماعاد احطه مع أنه نحفني ((وبيضني وهذا البلاء))
بس أبغى منكم الدعاء هااااه أمانه كل وحده تدخل تدعيلي ربي يهديني ويسخرلي زوجي ويصلح أبنائي وينبتهم نبات حسن طيب يرضااااه
تكفون
المهم بعد هالمقدمه حبيت أقولكم أن أختي تخلط خل التفاح مع الزنجبيل ولاحظت أنها نحفت وبيضت وكنت انا اللي معطيتها الخلطه للاسف جبتها هنا من المنتدى ولاراح أسامح نفسي على اللي سويته بأختي الله يشفيها
أستخدمته اختي ومع الوقت لاحظت بقعه بيضاء والله يابنات بيضاء طلعت فيها وراء طبعا خفنا كلنا أنا وأمي وأخواتي وهيه صارت تبكي خفنا يكون ((برص ))
ورحنا ودينها المستشفى قالت الدكتوره لها ايش مستخدمه طبعا بعد ماكشفت عليها
ردت عليها أختي مااستخدمت الا خل التفاح
عاد هنا طارت عيون الدكتوره
ايه ....خل تفاح أنتي مش عارفه أنه بيشيل صبغة الجلد؟
عاد هنا عرفنا السر ليش الخل يبيض وكل البنات مبسوطين عليه وبعضهم صار يستخدمه للأماكن الغامقه
المهم صرفت لأختي فيتامينات وعصار
والحمدلله بدأ اللون يرجع شوي وعشان كذا نزلت الموضوع بنبهكم ترى مو كل شي يستخدم
وأحنا لو ماشفنا أختي كان استمرينا
بالله قولولي اش فايدة النحف والبياض والواحد مرضان تخيلو صابكم البرص لقدر الله ترى مافيه مثل الصحة والعافية
عاد انتوا انشروا الموضوع عشان نكسب أجر والبنات المسكينات ينتبهون
وأخيرا ماأبي غير الدعاء الدعاء تدعيلي لو بقلبها تكفووون
وآسفة على الإطالة
وهذا الموقع اللي أخذت منه النصيحة
http://muntada.islamtoday.net/t39414.html
نصيحة ياخواتي قبل الإقدام على أي شي تأكدن من الشغلة اللي تبي تجربنها
إسألن ناس متخصصة بهالأمور من أطباء إختصاصيين خوات وسون سيرج بالنت
بعدين قررن إذا الشغلة ماتؤثر فيكن توكلن على الله إذا فيه أضرار دورن بديل وبس
جذي ترتاحوووون يابنات :eh_s(15):
وامونا حبيبتي ارد وأقول رسولنا اللهم صلي وسلم عليه كان يتيدم فيه مع الخبز ماكان يدهن فيه جسمه
ثبت أن النبي صلى الله عليه وسلم أكل الخل ، بل ومدحه وأثنى عليه ، روى مسلم عَنْ جَابِرِ بْنِ عَبْدِ اللَّهِ رضي الله عنهما (أَنَّ النَّبِيَّ صَلَّى اللَّهُ عَلَيْهِ وَسَلَّمَ سَأَلَ أَهْلَهُ الْأُدُمَ ، فَقَالُوا : مَا عِنْدَنَا إِلَّا خَلٌّ ، فَدَعَا بِهِ ، فَجَعَلَ يَأْكُلُ بِهِ ، وَيَقُولُ : نِعْمَ الْأُدُمُ الْخَلُّ ، نِعْمَ الْأُدُمُ الْخَلُّ)
وبحط لكم رابط لموضوع رائع عن فوائد الخل والله يجزاها 1000 خير كاتبة الموضوع
لأن صج متعوب عليه وفوائد الخل ياسُبحَان الله ( بس طبعاً بالأكل شي يروح للمعدة مو يتزيت فيه الجسم )
http://akhawat.islamway.com/forum/index.php?showtopic=44778
بنات للتوضيح يُستخدم الخل في علاجات لبعض الأمراض اللي تستدعي وجوده للتدليك أو إنه ينحط على منطقة مُعينة بالجسم
لكن هذا مايعني إننا نتدهن منه كل يوم !!! <---- أتمنى وصلت المعلومة :q8:
:bye22:
